تركي العميشي
08-19-2007, 01:05 PM
قصيدة مختارة لـ ( عبد الخالق السلمي )
الا ياليت لقلـوب البشـر سـوق ولهـا دلاّل = والا ياليت فـي ذا السوق جلاّبة وسوّامــة
يسومون القلوب اللي سكنها الهـم والغـربال= وانا همي قديم ودافنـة قامـة تحـت قامـة
كما ظلي ملازمني معي فالحـل والترحــال= نحل حالي وعقّب فالجسد ماريّة( ا )وشامة
رعى نبت الحشا وامحل ربيعه والعطش (قتّال)= شرب ري الجسد لين ارتوى واستسقت ايامه
وانا والله لاشـلت الحمـول اللـي تعَد ثقـال= نهظت الركبتين وجبت حـر العزم بخطامـه
ليا جات المصيبة محـرمة في بغيها تختــال= توسّدت وتلحّفت الصبر واحرمت باحرامــه
دروع الصبر صكّت بالضلوع وفالها لـي فال= وجيش الياس يقرع بالطبول ويبري اسهامـه
يقولون المعارك والمغازي من قديم (ا)سجـال= واقول العمر ولّى والفرج ماهبت انسامــه
قبل يومين فـ عيوني طلع قبل الهلال هـلال= هلال الصبر بادي لي هـلال الياس قدّامـه
وحتى لو نبا ياسي دروعي والظلوع (ابطـال)= لكن الحلم شرّع باب.. قلت اعيش باوهامـة
ترى البارح حلمت ان القلوب تباع بالمكيــال = وانا حملي سكن مابين وسطى القلب وابهامه
ابعرض خافقٍ عيا يطاوع واستريح البـــال= بعد ثقلت ذنوبه والهموم وكثرة اخصامــه
الا منهو يسومه ثم ابيعه لو بربـع ريـال= واريّح خاطري وارتاح من خافيه والامــه
وادوّر لي بديلٍ ما سطاه (ا)من العنا مثقـال= سوى يوم الحساب ورهبة الميقاف واحكامه
غريب و مستحيل وكلها بالمختصر امـــال= لكنه قول شاعر شاف حلم وما اكثر احلامه
وخطّه في قصيدة من خياله والقصيد اشكـال= هجوسه والمعاني لاطرت له مصدر الهامه
انا بشبّه قلوب البشر واضرب لها الامثـــال= والبّسها ثيـاب مفصّلـة وعقـال وعمامة
قلوب الناس في هذا الزمان ومن قديم رجـال= احد صالح واحد طالح واحد له نفس لوامة
أحد طيّب واحد شرّي واحد غافل واحد محتال= واحد نفسه على الطاعات صوّامة وقوّامـة
احد يبرك ليا جات الحمول اللي تهد جبـــال= واحد يشتالها ماتنحني لـه فالزمن هامـة
بعضهم ياحليله فالرخـا والهينـة جمّـــال= تحسب انه شجيع وفالصعيبة طاحت عظامة
ومنهم لانخيتـه جاك فاللازم كما الــزلـزال = جويد الساس مثله يافهد يستاهل اكرامـه
انا البارح حلمت ان القلوب تباع بالمكيـــال = وبعته واشتريت اللي قليلة حسبة آثامه
الا ياليت لقلـوب البشـر سـوق ولهـا دلاّل = والا ياليت فـي ذا السوق جلاّبة وسوّامــة
يسومون القلوب اللي سكنها الهـم والغـربال= وانا همي قديم ودافنـة قامـة تحـت قامـة
كما ظلي ملازمني معي فالحـل والترحــال= نحل حالي وعقّب فالجسد ماريّة( ا )وشامة
رعى نبت الحشا وامحل ربيعه والعطش (قتّال)= شرب ري الجسد لين ارتوى واستسقت ايامه
وانا والله لاشـلت الحمـول اللـي تعَد ثقـال= نهظت الركبتين وجبت حـر العزم بخطامـه
ليا جات المصيبة محـرمة في بغيها تختــال= توسّدت وتلحّفت الصبر واحرمت باحرامــه
دروع الصبر صكّت بالضلوع وفالها لـي فال= وجيش الياس يقرع بالطبول ويبري اسهامـه
يقولون المعارك والمغازي من قديم (ا)سجـال= واقول العمر ولّى والفرج ماهبت انسامــه
قبل يومين فـ عيوني طلع قبل الهلال هـلال= هلال الصبر بادي لي هـلال الياس قدّامـه
وحتى لو نبا ياسي دروعي والظلوع (ابطـال)= لكن الحلم شرّع باب.. قلت اعيش باوهامـة
ترى البارح حلمت ان القلوب تباع بالمكيــال = وانا حملي سكن مابين وسطى القلب وابهامه
ابعرض خافقٍ عيا يطاوع واستريح البـــال= بعد ثقلت ذنوبه والهموم وكثرة اخصامــه
الا منهو يسومه ثم ابيعه لو بربـع ريـال= واريّح خاطري وارتاح من خافيه والامــه
وادوّر لي بديلٍ ما سطاه (ا)من العنا مثقـال= سوى يوم الحساب ورهبة الميقاف واحكامه
غريب و مستحيل وكلها بالمختصر امـــال= لكنه قول شاعر شاف حلم وما اكثر احلامه
وخطّه في قصيدة من خياله والقصيد اشكـال= هجوسه والمعاني لاطرت له مصدر الهامه
انا بشبّه قلوب البشر واضرب لها الامثـــال= والبّسها ثيـاب مفصّلـة وعقـال وعمامة
قلوب الناس في هذا الزمان ومن قديم رجـال= احد صالح واحد طالح واحد له نفس لوامة
أحد طيّب واحد شرّي واحد غافل واحد محتال= واحد نفسه على الطاعات صوّامة وقوّامـة
احد يبرك ليا جات الحمول اللي تهد جبـــال= واحد يشتالها ماتنحني لـه فالزمن هامـة
بعضهم ياحليله فالرخـا والهينـة جمّـــال= تحسب انه شجيع وفالصعيبة طاحت عظامة
ومنهم لانخيتـه جاك فاللازم كما الــزلـزال = جويد الساس مثله يافهد يستاهل اكرامـه
انا البارح حلمت ان القلوب تباع بالمكيـــال = وبعته واشتريت اللي قليلة حسبة آثامه