حقيقة ومطلب

[نامي السلمي]

بسم الله الرحمن الرحيم
طــال الـنـهـار وســـرت فـالــدرب بـخـطـاي=وانـــا عـلــى ثـقــل الـهـمــوم اتــقــوى
صـابــر عـلــى هـمــي ولابـحــت ســـراي=واعـــوذ بالـرحـمـان مـــن كـــل ســــوى
مـانـي مـغــوى فـــي صـبـاحـي ومـمـسـاي=يــــوم ان جــــلاب الــرديــه مــغـــوى
انـــا عـريــب الـجــد مـعــروف مــبــداي=ورثـــت مـــن جـــدي وابـــوي الـمــروى
وهـيــا تـراهــا المـرجـلـة غـايــة مـنــاي=وان عــاش راســـي غـيــر مـنـهـا اتـــروى
ياجاهـل(ن)فـالـوقـت نـهــجــي ومـنــحــاي=شــوف الجـهـل فــي دنيـتـك ويــش ضـــوى
شـفــت العـجـايـب مـنــك فـقـبـال واقـفــاي=تـشــوي طيور(ن)فـالـزمـن مــــا تــشــوى
مــره مــع الـرايـح ومـــره مـــع الـجــاي=واصـبـحـت واقــــف فـالـطـريـق الـمـلــوى
لــو جـيـت فــي راي الـرجـال آهــل الـــراي=يــمــدي حـبـالــك وافــيــه مـاتــطــوى
لــكــن اشــوفــك مـاتـكــب الـتــلــوآي=عـسـا الـبـرد يغـسـلـك مـــع كـــل نـــوى
رمــز الـكـرم مشـهـود بــه حـاتــم الـطــاي=مـــن يـــوم ربـــي كـــون آدم وحــــوى
وانـــا رضـيــت بـمــا تـضـويـه يـمـنــاي=والـبـعـض مـاهــو داري(ن)ويـــش ســــوى
يالله لاتـقــطــع نـصـيــبــي ورجــــــواي=يـالـلـي جـمـعــت بــيــدك مـلـك(ن)وقــوى
انـــت الـكـريـم المـرتـجـا وانـــت مـــولاي=مــن نــور هـديـك نرتـجـي كــل ضــوى

[ولد النشاما]

مشكور اخوي وبيض اللة وجهك
قصيدة رائعة

[سعـد السلمي]

يالله لاتـقــطــع نـصـيــبــي ورجــــــواي=يـالـلـي جـمـعــت بــيــدك مـلـك(ن)وقــوى
انـــت الـكـريـم المـرتـجـا وانـــت مـــولاي=مــن نــور هـديـك نرتـجـي كــل ضــوى

صح لسانك ياشاعرنا المبدع قصيدة جميلة جداً بمعنى الكلمة

أتمنى لك التوفيق من أعماق قلبي

تقبل مروري وودي واحترامي

أخوك

العجيفي

[عبدالله بن عتقان]

بيض الله وجهك يانامي

مبدع أينما كنت يالغالي

[مضحي السلمي]

صح لسانك مليووووووووووووووووووووووووون يابو رفيع شاعر ومتمكن والى الامام

[صعب المراس]

نامي السلمي

دائما مبدع في النظم والمحاوره

صح لسانك ملايين ولاتكفي

اخوك ومحبك

ابوسلطان العجيفي

[فهد نجيم السلمي]

الشاعر القدير والرائع والخلوق

نااااااااااااااااا مي البرنس

لك مني كل الود والحب

ما اخلا ولا اعدم

قصيدة مميزة

[أبو عبدالعزيز]

انا عريب الجد معروف مبداي
ورثت من جدي وابوي المروى

صح لسانك يا نامي

[نايف بن فلاح]

ماشاء الله تبارك الله


من إبداع جميل إلى إبداع أجمل


الله يعطيك العافيه وطولت العمر


تحياتي