الوصل
09-05-2007, 02:32 AM
الوقت طاير والليالي عجوله=والناس كلً منشغل في حلاله
كلً على كيفه يشوف الرجوله=يتبع هواه وغارقً فيه باله
والرجل يعرف مشتهاه ويطوله=ولا الزلابه قاصراتً حباله
فعله تخالف عن كلامً يقوله=فيه الرجوله غترته مع عقاله
والوقت هذا كل شخص وميوله=مافيه شيً يعرف الإستحاله
والفكر تايه والمعاني خجوله=عيني تشوف وحالة القلب حاله
شاخ الرقيق ورق ولد الحموله=اللي معرب باسم عمه وخاله
عباد مال و طالبين العموله=ماهمه ألا كيف يحفظ رياله
ليا شاف ضيفه صار زوله يهوله=واسرع يخبي موتره مع نعاله
الله يرحم هالزمان وزحوله=ناسً لهم في ذروة المجد طاله
والنفس تغوي والمراجل صموله=والقرم ترسي خطوته في مجاله
والحي يحيي كلمته في فعوله=حتى ولو هو مات تحيا فعاله
أما الردي ياجعل موته يطوله=ولا عسى الله مايبقي حلاله
هذا كلامي والخلايق زعوله=شيلوه ولا قول مالي وماله
والعام واحد مختلف في فصوله=حكم الولي يصنع بنا مابدى له
والحب نعمه بس نعرف اصوله=ماهو كماللي همه البرتقاله
الحب لغزً ماعرفنا حلوله=شيً يخلي راعي العقل داله
حبً عفيفً للمهاة الجفوله=ذخر الرجال اهل الوفا والشكاله
ان جيت هلا وان تغيبت يوله=وان ضاق وقتي مابخل باتصاله
هذاك يقرع وسط قلبي طبوله=واسير لوي حافيً يم جاله
واطلبه حل بسنة الله ورسوله=وارخص حياتي لاجل ساعة وصاله
وانا بحياتي جلت مليون جوله=والقلب يروي للبشر مابدا له
فلم الحياه وكان دور البطوله=(انسان) همه سايقه يم فاله
شعر / الوصل
كلً على كيفه يشوف الرجوله=يتبع هواه وغارقً فيه باله
والرجل يعرف مشتهاه ويطوله=ولا الزلابه قاصراتً حباله
فعله تخالف عن كلامً يقوله=فيه الرجوله غترته مع عقاله
والوقت هذا كل شخص وميوله=مافيه شيً يعرف الإستحاله
والفكر تايه والمعاني خجوله=عيني تشوف وحالة القلب حاله
شاخ الرقيق ورق ولد الحموله=اللي معرب باسم عمه وخاله
عباد مال و طالبين العموله=ماهمه ألا كيف يحفظ رياله
ليا شاف ضيفه صار زوله يهوله=واسرع يخبي موتره مع نعاله
الله يرحم هالزمان وزحوله=ناسً لهم في ذروة المجد طاله
والنفس تغوي والمراجل صموله=والقرم ترسي خطوته في مجاله
والحي يحيي كلمته في فعوله=حتى ولو هو مات تحيا فعاله
أما الردي ياجعل موته يطوله=ولا عسى الله مايبقي حلاله
هذا كلامي والخلايق زعوله=شيلوه ولا قول مالي وماله
والعام واحد مختلف في فصوله=حكم الولي يصنع بنا مابدى له
والحب نعمه بس نعرف اصوله=ماهو كماللي همه البرتقاله
الحب لغزً ماعرفنا حلوله=شيً يخلي راعي العقل داله
حبً عفيفً للمهاة الجفوله=ذخر الرجال اهل الوفا والشكاله
ان جيت هلا وان تغيبت يوله=وان ضاق وقتي مابخل باتصاله
هذاك يقرع وسط قلبي طبوله=واسير لوي حافيً يم جاله
واطلبه حل بسنة الله ورسوله=وارخص حياتي لاجل ساعة وصاله
وانا بحياتي جلت مليون جوله=والقلب يروي للبشر مابدا له
فلم الحياه وكان دور البطوله=(انسان) همه سايقه يم فاله
شعر / الوصل