السليماني
09-27-2007, 05:36 PM
مقارنة بين ابن الاجــــــــــــواد و ابن الاليــــــــــــاش // للمرحوم الشاعر ساسي بالحاج بن عمر السليماني السلمي // ليبيا
ربايـة ولـد لجـواد ماهـي للغـبـا = مليـح الخصايـل ويـن مـا تـدنـاه
معاك كل يوم يزيد في الزيـن و البهـا= اليـا مـا ترافقتـوا انــتَ و يَــاه
و عنـده طـرارة مـا يريـح مقعـده = و لا تجيـك بابـة عيـب مـن يـالاه
رويَان بالعقالـه ليـن صـدره ممتـلا =و لا يعـمـل البـطَـال لا يـرضـاه
ِفهيم و ظِريف و كل موجـب عارفـه = كمـا صقـر طايـب فيـد مـن ربَـاه
عصران وشديد العزم واسـع فـالمـدا = و تطَامن و ما تشرقش و انت حذاه [1]
و اليَـا مـا تكلـم مـا يعـلَ الزالَـه = عليه من العيـن تقـول مـا شـا الله
ينوض من فراش نظيف يقعد ع الوطا = و يقعمز عليه الضيف و قتن جـاه [2]
يبسـط معـاه و كـل طُرفـة يجيبهـا = مطلوق و جهـه بضحـك و تسهـراه
و الحاصل نهاية الامر خَليه من الردى = مغير لاجل فعله مـا نريـد عطـاه [3]
و ارباية ولد لالياش كـي رزق الربـا = دوم في الخساير و التعـب مـولاه [4]
يردس من قـدَام و يصـكَ مـن ورا = و ينهَق كرمكـم - يـا اجـواد - الله
و يشرب القربه و ياكل اللـي يوزنـه = و لا يـوم ريتـه شـاكـره مــولاه
و ياخذ الليل ارقـاد لا عنـد الضحـى = ناسـي فـروض الله قطيـع صــلاه
واخذ رضا الشيطان مـا يـوم وجَعـه = الله يبعـد الملـعـون هــو ويَــاه
و سكَـر اوذانـك لا حديثـه تسمعـه = عقلـه ايطـارح فيـه مـوش مـعـاه
و ها الفـم عنـده مـا يعـلَ الثامـره = مقيهير مـن جابـه يريـد ثنـاه [5]
و رانك اتحـط احـذاه رزقـك تمنَـه = راهـي الشينـه هـي اللـي يــالاه
و اليـا مـا اسقَـد ردَ بالـك ترافقـه = ديـر بينكـم مــدة ونــوض وراه [6]
و فيه حالتين يـدلَ بيهـن ع الجمـل = وسعـة بلاعيمـه و طـول اخـطـاه
مغَير الجمل صبَار و الحمـل ينهضـه = و هـو دلـو بايـد مـا روى ظميـاه
ولا خير في الطفل الصغير اليـا نشـا = اللي مـا يحكَـر سـب عـرض وراه
ولا خير في اللي مـا يقولـوا رفاقتـه = اليا غـاب ريـت الحاضريـن افـداه [7]
-------------------------------------------------------------------------
(1)- عصران : عفيف صبور
(2)- الوطا : الارض
(3)- خلَيه من الردى : خالي من العيوب
مغير : سوى انه
(4)- الالياش : اللئام .. عكس الاجواد
(5)- مقيهير من جابه : مقهور من يريد الثناء عليه
(6)- اسقََــد : انطلق في سفر .. بتشديد القاف مع مخرجها بين الكاف و القاف
(7)- ريت : ليت
ربايـة ولـد لجـواد ماهـي للغـبـا = مليـح الخصايـل ويـن مـا تـدنـاه
معاك كل يوم يزيد في الزيـن و البهـا= اليـا مـا ترافقتـوا انــتَ و يَــاه
و عنـده طـرارة مـا يريـح مقعـده = و لا تجيـك بابـة عيـب مـن يـالاه
رويَان بالعقالـه ليـن صـدره ممتـلا =و لا يعـمـل البـطَـال لا يـرضـاه
ِفهيم و ظِريف و كل موجـب عارفـه = كمـا صقـر طايـب فيـد مـن ربَـاه
عصران وشديد العزم واسـع فـالمـدا = و تطَامن و ما تشرقش و انت حذاه [1]
و اليَـا مـا تكلـم مـا يعـلَ الزالَـه = عليه من العيـن تقـول مـا شـا الله
ينوض من فراش نظيف يقعد ع الوطا = و يقعمز عليه الضيف و قتن جـاه [2]
يبسـط معـاه و كـل طُرفـة يجيبهـا = مطلوق و جهـه بضحـك و تسهـراه
و الحاصل نهاية الامر خَليه من الردى = مغير لاجل فعله مـا نريـد عطـاه [3]
و ارباية ولد لالياش كـي رزق الربـا = دوم في الخساير و التعـب مـولاه [4]
يردس من قـدَام و يصـكَ مـن ورا = و ينهَق كرمكـم - يـا اجـواد - الله
و يشرب القربه و ياكل اللـي يوزنـه = و لا يـوم ريتـه شـاكـره مــولاه
و ياخذ الليل ارقـاد لا عنـد الضحـى = ناسـي فـروض الله قطيـع صــلاه
واخذ رضا الشيطان مـا يـوم وجَعـه = الله يبعـد الملـعـون هــو ويَــاه
و سكَـر اوذانـك لا حديثـه تسمعـه = عقلـه ايطـارح فيـه مـوش مـعـاه
و ها الفـم عنـده مـا يعـلَ الثامـره = مقيهير مـن جابـه يريـد ثنـاه [5]
و رانك اتحـط احـذاه رزقـك تمنَـه = راهـي الشينـه هـي اللـي يــالاه
و اليـا مـا اسقَـد ردَ بالـك ترافقـه = ديـر بينكـم مــدة ونــوض وراه [6]
و فيه حالتين يـدلَ بيهـن ع الجمـل = وسعـة بلاعيمـه و طـول اخـطـاه
مغَير الجمل صبَار و الحمـل ينهضـه = و هـو دلـو بايـد مـا روى ظميـاه
ولا خير في الطفل الصغير اليـا نشـا = اللي مـا يحكَـر سـب عـرض وراه
ولا خير في اللي مـا يقولـوا رفاقتـه = اليا غـاب ريـت الحاضريـن افـداه [7]
-------------------------------------------------------------------------
(1)- عصران : عفيف صبور
(2)- الوطا : الارض
(3)- خلَيه من الردى : خالي من العيوب
مغير : سوى انه
(4)- الالياش : اللئام .. عكس الاجواد
(5)- مقيهير من جابه : مقهور من يريد الثناء عليه
(6)- اسقََــد : انطلق في سفر .. بتشديد القاف مع مخرجها بين الكاف و القاف
(7)- ريت : ليت