يا زمان العجايب

[ولد النشاما]

شعر الامير الشاعر خالد الفيصل

يا زمان العجايب وش بعد ما ظهر=كل ما قلت هانت جد علمٍ جديد

إن حكينا ندمنا وإن سكتنا قهر=بين قلبٍ عطيب وبين راس عنيد

لو تفيد المدامع كان أسيّل نهر=مير كثر التوجّد والدمع ما يفيد

اصبر ايام واشهر واتصبرّ دهر=وان حصلّ لي مناتي جيت لوني بعيد

ارجي اللـه واراقب كل طالع شهر=يجلي الـهم عني أو عسى ما يزيد

يا غزالٍ فضوح الزّين عنه أشتهر=في عيوني ملاك ووسط قلبي وحيد

مخطي اللي يشبّه وجنتك بالزهر=الزهر ما لـه رماحٍ تصيب وتصيد

لو جحدت المحبة سقم حالي جهر=مير ما كل قلبٍ ياصل اللي يريد

مــــــــــنقول

[أنور بيان]

أخي كاتم الاسرار مشكور على الموضوع ومعروف سمو الأمير خالد الفيصل بحسه المرهف


لك مني أطيب تحية

[سالم السلمي]

يعطيك العافيه وتقبل تحياتي وتقديري

[نافع الثلابي]

مشكووووووور على نقل هذه القصيدهـ الرائعه



وتقبل تحياتي

[جولي]

تشكر ع نقل هذه القصيدة
تقبل مروري