الشايب والوايت..قصه طريفه ...

[عمر السلمي]

][®][^][®][
الشايب والوايت )][®][^][®][



يسولفون عن شايب نوا يشتري له وايت..علشان الحلال،،



وعزم يجمع له بالدراهم لين صار عنده ثمانين الف ريال،، وتوكل على الله،،



واقبل ذاك اليوم إلا ذيك الناس المجتمعة في ارض فضا،،



واثري جنبهم وايت،، وعجب خوينا هالوايت،،



قال بس خلن اشوف هالوايت عساه للبيع،،



يوم وقف واثري هالجماعة يحرجون:



50 ،، 52 ،، 55 ،،



قال بس شكلهم يحرجون على هالوايت إن شاء الله انه من نصيبي،،



ويخش بالحراج... 56 .. ويزود.. ويزودون ... ويزود..



لين وصلوا 75 .. قام خربها وقال 80 ..



هو قال ثمانيييييييييين يوم سكتوا..!!! وهجدوا..!!!! والتفتوا عليه،،!!!!





يناظرونه.. يناظرون بعض.. يوم تغامزوا ونقز له واحد منهم ..



ويسحبه على جنب.. قال شف يابن الحلال بنعطيك مليون ريال بس امش من هنا ولا نشوف وجهك..





قال هااااا.. وش السالفة..؟؟!! مليون .. وليه..؟؟ قال له بس خذ هالشيك وتوكل على الله



وش اسمك؟؟ عطاه اسمه وكتب له الشيك بمليون ريال وصرّف الرجال..



هو ما يدري وش السالفة ..





طيب وش العلم ..!!!!!؟؟!!!!

..

..

اثري هالجماعة يحرجون على المخطط وواقفين بالصدفة جنب الوايت..


و56 مليون و75 مليون.. وبو الشباب خش معهم..



ويحسبونه هامور يبي يلطش عليهم المخطط.. قاموا صرفوه بمليون..



وهو طاير من الفرحة..


وعقبالكم بيوم تكونوا مثله

[الرأي السديد]

الله يسمع منك ياخوي ولله اعطيك نصها

يارب تقبل من اخينا عمر دعائه وارزقنا رزقا حلال طيبا مباركا فيه

[ابــراهــيــم]

ههههههههه
حلوه القصه

ويعطيك العافيه

[مسعد البقيلي]

مشكوووور أخوي عمر على هالأبداع قصة رائعة جداااا
تقبل تحيااااتي

[حــمــد]

هههههههههههههههه

قصة جميلة ومضحكة في نفس الوقتش

عمر أطال الله عمرك على طاعته

ويعطيك العافية

حــــــمــــــد

[الـسـالـمـي]

هههههههههه


والله إنه مو بيشتري وايت إلا بجيب شركة تحلية


==مشكووور==