فرحة العيد

[مضحي السلمي]

العيد ياناشد عن العـــيد عـــــــــيدين 00عيد رمضان وعيد فرحة العيد

ليا ابتسم في وجهك الطفل بالعــين 00تملا ابتساماته على صغره البيد

وليا تلاشت نظرته خاطرك شـــين 00ماتحس في عيدك بصفوّه وتمجيد

واللي فقد في عيده احساس الابوين 00 والا بعضهم كيف يقرأ الاناشيد

احدٍ عياله عيدهم كالسلاطــــــين 00 واحد ٍ عياله عيدهم صلف وبعيد

عشت بحياتي هم وافراح الاثنين 00 واصوغها في مُحكَم الشعر تأكيد

عايشتهم ايام وشهور وســـنين 00 ياما وياما طفل دمعه غشى الجيد

ظروفهم شتى وقلب الاسى وين 00 من الزمن بانت عليهم تجاعيد

هذي خُلاصة خاطره تحمل امرين 00 هم وفرح ممزوجه بليلة العيد

[ولد النشاما]

صح لسانك اخوي مضحي
على الشعر الرائع من شاعر معروف
وبيض اللة وجهك ورفع شانك
ومت بودج

[شغموم]

صح لسانك خال مضحي
دائما مبدع

[الحطيئه]

العيد ياناشد عن العيد عيدين ......... عيد ارمضان او عيد فرحة العيد


الشطر الثاني من البيت الأول يحتاج الى إعادة صياغة ........ هنالك بعض الخلل في الوزن ..
عموماًَ قصيده تشكر عليها


وشكراًَ

[صعب المراس]

ابو ماجد

صح لسانك مليون ولايكفون

دائما مبدع

[عبدالرحمن سلطان السلمي]

تسلم على القصيدة وصح لسانك والشاعر مضحي شاعر كبير ولكن نسى في الكتابه حرف من

ولم يخطي الشاعر في الصياغة كما يقول الحطيئه


العيد ياناشد عن العـــيد عـــــــــيدين 00عيد رمضان وعيد من فرحة العيد

يا سلام عليك قصيدة حلوة يسلم فومك

[المحايد]

الشاعر الكبير مضحي السلمي

بيض الله وجهك على هالخاطره الجميله فلاهنت يابو ماجد

احوك المحايد