حمدان بن مقحص
09-29-2009, 11:54 PM
الطيب فرصهـ ...
الطيب فرصه والجمايل توافيق = ومن لاتوفق ماكتب له جماله
ومن لارقى للطيب روس الشواهيق= مازان له وقته على مابداله
ومادام لفعول الجمايل عشاشيق= كسب الجمايل مايجي بالسهاله
ولو انه تشرب مع فكة الريق = كلُ خذاله كل مااصبح بياله
والطيب فرصه للقلوب المشافيق = كلٍ يتوق ومنوته راس ماله
والمدح مايزهى على الرجل ويليق = ألا لصارت وافياتٍ خصاله
يستاهله رجلٍ يفك المزانيق = اللي يقال ونعم لاجى مجاله
ومن ساقته نفسه وهو مابعد سيق = لاجل الجميل يزين الله فاله
والمرجله ماهي بتحتاج تنسيق = من بين قلب اللي عشقها وباله
ومن عادة الدنيا تخون المواثيق = تفتر مكرتها سوات المحاله
ولولا اللوازم ماعرفنا المخاليق = ما نعرف الرجال لين نعناله
والكفو تظهر فزعته حزة الضيق = وينشاف في الشده بعين العداله
نسل الرجال متعبين الملاحيق = متوسطٍ مابين عمه وخاله
واللي يطيق ولابغى قال مااطيق = تحرم عليه المرجله والشكاله
والهينه تكبر على اللاش والهيق= له فالرخا قاله وفالضيق قاله
والطيب شاره والضماير صناديق = واللاش طيبه ماتعدى ظلاله
وأنا اسبر قلوب الرجال المغاليق = والصامت أقطع غايته من مقاله
وســـــــــــــلامتكم ،،،،
منقــــــــــــــــــــــــــول
الطيب فرصه والجمايل توافيق = ومن لاتوفق ماكتب له جماله
ومن لارقى للطيب روس الشواهيق= مازان له وقته على مابداله
ومادام لفعول الجمايل عشاشيق= كسب الجمايل مايجي بالسهاله
ولو انه تشرب مع فكة الريق = كلُ خذاله كل مااصبح بياله
والطيب فرصه للقلوب المشافيق = كلٍ يتوق ومنوته راس ماله
والمدح مايزهى على الرجل ويليق = ألا لصارت وافياتٍ خصاله
يستاهله رجلٍ يفك المزانيق = اللي يقال ونعم لاجى مجاله
ومن ساقته نفسه وهو مابعد سيق = لاجل الجميل يزين الله فاله
والمرجله ماهي بتحتاج تنسيق = من بين قلب اللي عشقها وباله
ومن عادة الدنيا تخون المواثيق = تفتر مكرتها سوات المحاله
ولولا اللوازم ماعرفنا المخاليق = ما نعرف الرجال لين نعناله
والكفو تظهر فزعته حزة الضيق = وينشاف في الشده بعين العداله
نسل الرجال متعبين الملاحيق = متوسطٍ مابين عمه وخاله
واللي يطيق ولابغى قال مااطيق = تحرم عليه المرجله والشكاله
والهينه تكبر على اللاش والهيق= له فالرخا قاله وفالضيق قاله
والطيب شاره والضماير صناديق = واللاش طيبه ماتعدى ظلاله
وأنا اسبر قلوب الرجال المغاليق = والصامت أقطع غايته من مقاله
وســـــــــــــلامتكم ،،،،
منقــــــــــــــــــــــــــول