مسعد البقيلي
11-03-2007, 04:32 PM
جرت هذه المطاحنه في رحاب جامعة الملك سعود عام 1404 هـ بين العمالقة :
محمد بن شرّيف الجبرتي _ غفر الله له _
ورشيد بن زيد الزلامي _حفظه الله _
الجبرتي /
سلام رديّه لهـا شيمـه وقيمـه واحتـرام = رديةٍ من هاجسٍ مثل القمـر فـأول شهـر
والليله المعنى مع الشعار يمشـي بالنظـام = اللي يبا النور الخضر واللي يبا النور الحمر
الزلامي /
يامرحبا ترحيبةٍ تكفيك عـن شـرب وطعـام = احيان قطفٍ من ثمر واحيان ضربٍ من صخر
والليله المعنى جمل وانته على وسقـه سنـام = واللي حضر فالملعبه يعلّـم اللـي ماحضـر
الجبرتي /
حنا بنسري بالجمل بالسَـوق والا بالخطـام = وانا شدادي لازم الضلعين من فوق الظهـر
حنا ليا غبنا لكم فرصه وضحكـه وابتسـام = واذا حضرنا خشّ جوف الغار يالذيب الحمر
الزلامي /
يابن شريّف لا ذعرك الملح كفّيت اليـدام = عيت يدين القوم لا تعْدلك يالعود العجـر
ماني بخاطب بنتك اللي خشمها ماله زمام = اصحابها زيد وعمر دور لها زيد وعمر
الجبرتي /
لا تحسب انّ العلم يالردّاد عامٍ مثـل عـام = الليله النّجار بالمنشار فـي عـود العشـر
حنا ترانا ياعميل الخير مـا ناكـل حـرام = نمشي على درب الأثر والعين يقديها النظر
الزلامي /
انته تجاهد فالصلاه ولا تجاهد فالصيام = ولو انّي اكفر فيك قلت أول عتيبيٍ كفر
الجبرتي /
اذا كفرت الله يامنّا لا كـلام ولا سـلام = اظهر من الإسلام فالبابور واخرج للبحر
المرجع / ديوان الجبرتي
تأليف ( ولده )
محمد بن شرّيف الجبرتي _ غفر الله له _
ورشيد بن زيد الزلامي _حفظه الله _
الجبرتي /
سلام رديّه لهـا شيمـه وقيمـه واحتـرام = رديةٍ من هاجسٍ مثل القمـر فـأول شهـر
والليله المعنى مع الشعار يمشـي بالنظـام = اللي يبا النور الخضر واللي يبا النور الحمر
الزلامي /
يامرحبا ترحيبةٍ تكفيك عـن شـرب وطعـام = احيان قطفٍ من ثمر واحيان ضربٍ من صخر
والليله المعنى جمل وانته على وسقـه سنـام = واللي حضر فالملعبه يعلّـم اللـي ماحضـر
الجبرتي /
حنا بنسري بالجمل بالسَـوق والا بالخطـام = وانا شدادي لازم الضلعين من فوق الظهـر
حنا ليا غبنا لكم فرصه وضحكـه وابتسـام = واذا حضرنا خشّ جوف الغار يالذيب الحمر
الزلامي /
يابن شريّف لا ذعرك الملح كفّيت اليـدام = عيت يدين القوم لا تعْدلك يالعود العجـر
ماني بخاطب بنتك اللي خشمها ماله زمام = اصحابها زيد وعمر دور لها زيد وعمر
الجبرتي /
لا تحسب انّ العلم يالردّاد عامٍ مثـل عـام = الليله النّجار بالمنشار فـي عـود العشـر
حنا ترانا ياعميل الخير مـا ناكـل حـرام = نمشي على درب الأثر والعين يقديها النظر
الزلامي /
انته تجاهد فالصلاه ولا تجاهد فالصيام = ولو انّي اكفر فيك قلت أول عتيبيٍ كفر
الجبرتي /
اذا كفرت الله يامنّا لا كـلام ولا سـلام = اظهر من الإسلام فالبابور واخرج للبحر
المرجع / ديوان الجبرتي
تأليف ( ولده )