ياجار كانك طعتني برقع الطير... طيرك وحش وقلوبنا مستميته

[نبض سليم]

ياجار كانك طعتنـي برقـع الطيـر
طيرك وحش وقلوبنـا مستميتـه


لولاي رجلٍ من رجال بهـم خيـر
ماصد واغض النظر مـن بخيتـه


ياجار طيرك كل ماعرّض اعصيـر
مـدري علامـه يلتفـت مادعيتـه


يمر كنّـه شـارد الصيـد لاذيـر
لابوه لابـو حـي حيّـه ، وميتـه


اغير,وانذر ، وانذر القوم ، واغير
وابيع روحـي ، وانهـزم لابغيتـه


يردّنـي ياجـار طبـعٍ لنـا غيـر
الجـار مانـدرج لغـرات بيـتـه


يبقا على حشمه ، وشيمه ، وتقدير
ويـروح عنّـي بالـردا ماقفيتـه


من خوف شيِ مابعد صار ، ويصير
يامّا هدمـت البيـت ، والاّ بنيتـه


بعدٍ عـن الهيّـن معـزّه وتوقيـر
ورجمٍ على غيـر النقـا مابديتـه


يحدنـي يـم الخطـا دون تبريـر
اللـي بلانـي بالهـوى ، مابليتـه


وانا بشر منـي خطايـا وتقصيـر
والله يغفـر كـل ذنــبٍ جنيـتـه

[برنس العرب]

شكر لك على الجهد

تحياتي لك

[العطااااافي]

قصيده رائعه مع انه حصل عندئ بعض اللبس فيها

على العموم القصيده لمن؟؟؟

تحياتي وشكرا

[نبض سليم]

الثلابي

كل الشكر لطيب مرورك

لك التحايا دوم

[نبض سليم]

العطافي

مراحب فيك ، والقصيدة للشاعر هادي الرزقي

أتمنى أن اللّبس قد ولى

ولك التحايا دوم

[عمر عبدالله العلياني]

صــــح لســانــك

[عبدالعزيز البارودي]

" نبض سليم "

مشكور عـ النقل المميز والرائع

لقصيدة الشاعر هادي الرزقي

وصح الله لسانه

دمت بخير

[نبض سليم]

العلياني عمر

جزيل الشكر لطيب المرور

دمتم بود