وصية عابرة سبيل

[بعيدالهقاوي]

ترى الذبايح و أهلها ماتسليني = أنا أدري إن المرض لا يمكـن علاجـه

أخذ وصاتي وأمانه لا تبكيني = لو كان لـك خاطـرٍ مـا ودي زعاجـه

أبيك في يديك تشهدني وتسقينـي = أمانتـك لا يجـي جسمـي بثلاجـه

لف الكفن في يديك وضف رجليني = ما غيرك أحدٍ كشف حسناه واحراجه

أبيك بالخير تذكرني وتطريني = يجيرنـي خالقـي مـن نـار وهاجـه

سامح على اللي جرى ما بينك وبيني = أيام نمشي عدل وأيـام منعاجـه

همي عيالي وانا اللي في كافيني = علمهم الديـن تفسيـره .. ومنهاجـه

البيت هذا من اعماقي يصحيني = ينده وينده واشوفـه عاقـد حجاجـه

يشعرني بشي عنه الوقت معميني = شاهدت انا مدخله ماشعرت مخراجـه

احساب نفسي بكل انصاف يدعيني = ويوما نتهىالوزن ماشاهد ولاحاجـه

ما شفت شي يطمني ويرضيني = كل ما ستقمت بطريق شفت معراجـه!

الغفله اللي تشربها شراييني = مع اننا كثر ما ..كـا نـت علـى حاجـه

كل ما تلفت على الواقع تنسيني = شيطانهـا مـا كنـن قفلـه ومزلاجـه

كل ما تنا سيت قبل اصل يحييني = فرفش تناسا وممدي لك علىمواجـه

كم تعتصرني اليالي ما انصفت ديني = ودرب الهدى بينٍ بخطاه واسراجه

عزوبي الكل وانا من يعزيني = عـزاي رب عظيـم حـق بـا افراجـه

واشوف الاطفال . عند اقفاي تبكيني = واحس قلبي صفق مرات بسياجـه

وش اعتذر به وش اللي كان مغويني= انتج اللي تها ون جـزء بنتاجـه

حلمي اوفي جميع اللـي يبرينـي = كـل واجـب لازم اوفيـه بدراجـه

صوم وصلاه. ولاأمر الله. مطيعيني = والدين معهم تفاسيـره ومنهجـه

ياالله عفوك بيوم القاك تجزيني = نفسي الرحمتك يـا المعبـود محتاجـه

[مسعد البقيلي]

سامح على اللي جرى ما بينك وبيني = أيام نمشـي عـدل وأيـام منعاجـه
همي عيالي وانا اللي فـي كافينـي = علمهم الدين تفسيـره .. ومنهاجـه
البيت هذا مـن اعماقـي يصحينـي = ينده وينده واشوفـه عاقـد حجاجـه


والله انها من اروع وأجمل القصايد ياليت تعلمنا من صاحبها يابعيد الهقاوي؟

القصيدة جزلة في معانيها ومعبرة ومن اروع ماقريت


الف شكر لك يالغالي ولك تحيااااتي

[بعيدالهقاوي]

السلام عليكم ورحمة الله وبركاته
أخي الفاضل ابو حاتمـ
القصيده ذكرها فضيلة الشيخ الدكتور سلمان العوده في اكثر من لقاء
القصيده للشاعره الكويتيه عابرة سبيل كما يقول الشيخ أنها وصيتها لزوجها وهي تحتضر على فراش الموت
لكـ تقديري