مسعد البقيلي
11-16-2007, 02:04 AM
السلام عليكم ورحمة الله وبركاته
تتميز قبيلة سليم قديما في دعاويها ومشاكلها بأنه لايقبل من أحد دعوى عند المامون او القاضي الا يكون مسويها على شكل قصيدة وخصمة يرد علية كذلك يعني كلامهم ودعاويهم كلها قصيد
وحبيت أذكر لكم هالسالفة للثنين من رجال سليم
كانو راجعين من طرقة وجو عند مراح واحد منهم ويوم جو وان العرب شادين دوبهم قالو نبي نبات والصبح نسرح . ويوم حطو روسوهم فالشاقه وان العنز تطرّب قال راع المراح والله انها عنزي حويه قام وجابها وربطها في شيره وزانهم . قاله خويه يافلان دام انهم كبوها واسلمها الله من الذيب خلنا نتعشاها الليلة قال راع العنز ابدااا هاذي عنزي حويه تسوى عشر من المعزا قاله خويه تراني أزهم عليها الذيب ياكلها قال ازهمه قال هذاك يالذيب عان عنز فلان حويه تراها عشاك . وباتو ويوم جا نص الليل وان الذيب يوم عدا بالعنز ويقومون اهب اهب ويوم طردوه وانه مغببها عودو ذبحوها وتعشوها تالي الليل
ويوم أصبحو قال راع العنز لخويه انا مدعيك اعرف قاضيك
راحو للقاضي اللي اختاروه وادعى راع العنز وقال
ياقاضينا ياللي بالحق ترضينا اشكي عليك فلان اللي زهم السيّه على عنزي حويّه وجا السية وأكل عنزي حويه اللي أقول انك تحملهيه راسها قود وربوعها زود
قال القاضي وش تقول يافلان
قال وش يكون على بالك يالقاضي قلتها طنز وجا الخنز وأكل العنز وأقول انك ماتحملنيها الى بسالفتين وهاذي ثالثتها
قال القاضي لراع العنز عندك سالفتين جات مثلها قال لا قال اها مالك حق على الرجال
ورضي راعي حويه وسلم خويه من الحق
وسلامتكم
تتميز قبيلة سليم قديما في دعاويها ومشاكلها بأنه لايقبل من أحد دعوى عند المامون او القاضي الا يكون مسويها على شكل قصيدة وخصمة يرد علية كذلك يعني كلامهم ودعاويهم كلها قصيد
وحبيت أذكر لكم هالسالفة للثنين من رجال سليم
كانو راجعين من طرقة وجو عند مراح واحد منهم ويوم جو وان العرب شادين دوبهم قالو نبي نبات والصبح نسرح . ويوم حطو روسوهم فالشاقه وان العنز تطرّب قال راع المراح والله انها عنزي حويه قام وجابها وربطها في شيره وزانهم . قاله خويه يافلان دام انهم كبوها واسلمها الله من الذيب خلنا نتعشاها الليلة قال راع العنز ابدااا هاذي عنزي حويه تسوى عشر من المعزا قاله خويه تراني أزهم عليها الذيب ياكلها قال ازهمه قال هذاك يالذيب عان عنز فلان حويه تراها عشاك . وباتو ويوم جا نص الليل وان الذيب يوم عدا بالعنز ويقومون اهب اهب ويوم طردوه وانه مغببها عودو ذبحوها وتعشوها تالي الليل
ويوم أصبحو قال راع العنز لخويه انا مدعيك اعرف قاضيك
راحو للقاضي اللي اختاروه وادعى راع العنز وقال
ياقاضينا ياللي بالحق ترضينا اشكي عليك فلان اللي زهم السيّه على عنزي حويّه وجا السية وأكل عنزي حويه اللي أقول انك تحملهيه راسها قود وربوعها زود
قال القاضي وش تقول يافلان
قال وش يكون على بالك يالقاضي قلتها طنز وجا الخنز وأكل العنز وأقول انك ماتحملنيها الى بسالفتين وهاذي ثالثتها
قال القاضي لراع العنز عندك سالفتين جات مثلها قال لا قال اها مالك حق على الرجال
ورضي راعي حويه وسلم خويه من الحق
وسلامتكم