ديوان الشاعر ( عبدالله بن عتقان الدملوكي السلمي )

[عبدالله بن عتقان]

بسم الله الرحمن الرحيم

أعضاء وزار منتديات بني سليم
السلام عليكم ورحمة الله وبركاته

أهلاً وسهلاً ومرحباً بكم في ديواني الخاص راجياً أن ينال رضاكم واستحسانكم

أخوكم الشاعر
عبد الله بن عتقان
( نجم الحرة )

[عبدالله بن عتقان]

قصيدة : أصعـــــب الأيــــــــام


مـــــــــــــرت عــــلـــــيـــــه يــالــعــتــيـــبـــي لــــيـــــالـــــي=وأيـــــــــــام يـــــامــــــازن عِـــــجــــــاف وغــــريــــبــــه
وأجـــهـــتــــهــــا وأنــــــــــــــا وحـــــــيـــــــدٍ لـــــحـــــالـــــي=وأسـتـبــســلــت ضـــــــــدي بــــقـــــوه عــجــيــبـــه
الــطــرف يـسـهــر دوم والـفــكــر خــالـــي =والـــقـــلــــب تـــــوقـــــد فـــــيـــــه نـــــــــــارٍ لــهـــيـــبـــه
صـابـر عـلـى جــور الحـمـول الثقـالـي=مـــاقـــلـــت هـــــــــذا صـــاحـــبـــي وأعــتــزيــبـــه
أضـحــك وأجـامــل مـــع بـعـيـد ومـوالــي=والــلــي بــوســط الــجــوف مــحــدٍ دريــبــه
والان وضــعــي صـــــار جـــــداً خـيــالــي =وصــــارت حـيـاتــي يالعـتـيـبـي صـعـيـبــه
الــدمـــع عــنـــدي كـــــان بـالـحـيــل غـــالـــي=والـــيــــوم مــــــــن عــيـــنـــي تــــزايــــد ســكــيــبــه
زادت هـمـومــي مـــــن كــثـــر مـاجــرالــي =وجــــــــروح قــلـــبـــي يـالـســنــافــي عــطــيــبـــه
جـــــرحٍ خـفــيــف وصـاحــبــه مـــــا يــبــالــي=وجــــرحٍ خـطـيــر وفــيـــه يـعــجــز طـبـيـبــه
وأهــــــــــــــم جــــــــــــــرحٍ مـــايـــبـــيـــلـــه جـــــــدالــــــــي=جـــرح الحـبـيـب الــلــي تـجـاهــل حـبـيـبـه
وأنا أدري إن الوقت صعب المنالي=والــشــخــص لابــــــده يــحــصــل نـصـيــبــه
لــــكــــن شـــــــــيٍ مـــــــــن حــبــيــبـــي جــــرالـــــي=مـــصـــيـــبـــةٍ يـــاكـــبـــرهـــا مــــــــــــن مـــصـــيـــبـــه

[عبدالله بن عتقان]

قصيدة : الســــعوديــــة


غادرت من لندن عصر يوم الأثنين=عـــائــــد إلـــــــى دار الأهـــــــل والـحــبــايــب
دارٍ علـمـهـا أخـضــر بنـخـلـه وسيـفـيـن=وشــــهـــــادةٍ يـــنـــطـــق بــــهـــــا كـــــــــل تــــايـــــب
أرض الــمــلـــوك الـغـانـمــيــن الـمـيـامــيــن=آل الـــســــعــــود مــهـــونـــيـــن الـــصـــعـــايـــب
نسـل الشجـاع اللـي رفـع رايــة الـديـن=وأســــس قـواعـدهــا عــلــى كـــــل طــايـــب
آلــــف قــلــوب الــنــاس بـالــعــدل والـلــيــن=وصاروا جميع إخوان وأهل وقرايـب
بـــعـــد الــجــهــل والــظــلــم مـابـيـنـهــم بـــيــــن=وعـيـشـة قـهــر مـابـيــن ســلــب ونـهـايــب
الــــيـــــوم عـــــــــم الـــعـــلـــم كـــــــــل الــمــيــاديـــن=بـجـهـود إخـــو نـــوره عــريــب الـنـسـايـب
والأمــن سـايـد فــي وطـنــا مـــن إسـنـيـن=مـــــن ويـــــن مــــــاودك تـــحـــث الــركــايــب
نـعـيــش فــــي أرض الـجـزيــره عـزيـزيــن=حـتـى يـحـط الجـسـم تـحـت النصـايـب
يالله يـــــاقـــــابـــــل صــــــــــــــــلاة الـــمـــصـــلـــيــــن=يـــــــاواحـــــــدٍ بـــــــمـــــــره يـــــــديـــــــر الـــهــــبــــايــــب
يـــــــــارب عـــــــــز بــــلادنـــــا قــــولـــــوا آمــــيـــــن=دار الـــســـعـــود مــهــونــيـــن الــصــعـــايـــب

[عبدالله بن عتقان]

قصـيــدة: الســــيــــف الشـــطـــيــــر
مـهـــداه لـلأخ العــزيــز
العقــيـد/ فـيصـــل بـن مطـلـق الثبيـتـي


يـاقـلــم فــــوق هــامــة بــيـــض الأوراق ســيـــر=وأكـــتـــب مــــــن الـــكــــلام الــطــيـــب الأمــثــلـــي
خُــــــــط قــــبــــل الـــعـــبـــارات الــــشـــــوار تـــطـــيـــر=قــــبــــل سُــــحـــــب الـــقـــوافـــي يـــاقـــلـــم تــنــجــلـــي
عــبــّـر بــكـــل صـــــدق بــمـــا يـــكـــن الـضـمــيــر=ســـجـــل أول كــــــلام وســـجـــل الـــلــــي يـــلــــي
فــيـــه فـــــي خــاطـــر مـنــهــا الـكـثــيــر الـكـثــيــر=كـــيـــف لا والـــــــذي يـُـقــصـــد بـــهــــا فـيــصــلــي
نـــســــل الأبـــطــــال فـــــــي ذاك الـنـهـارالـكـبـيـر=يـــــــوم يــطــلـــع لـــــــك الــتــالـــي مـــــــن الأولـــــــي
عــــــز يـــرفـــع جــبــيــن ومـــجـــد مـــالـــه نــظــيــر=الــــــتـــــــواريـــــــخ لا تُــــــنـــــــســـــــى ولا تُـــــجـــــهـــــلـــــي
أنـت مالـك يافيصـل فــي صـفـات خشـيـر=بـــالـــكــــرم والــشــجـــاعـــه والـــــوفــــــاء مُــمـــتـــلـــي
نــعـــم الإنــســـان يـافـيــصــل ونـــعـــم الـعـشــيــر=يـــابــــعــــيــــد الـــــمـــــنـــــال وطـــــــيــــــــب الـــمــــنــــزلــــي
صرت في ساعة الوقفات سيفٍ شطير=عـــــون مـــــن كـــــان فـالـدنـيــا وحــيـــد أعـــزلـــي
كـــــم نـخـيـنــاك فـــــي يــــــومٍ عـــبـــوسٍ عــســيــر=ولا تــــــــأخــــــــرت عــــــــنــــــــا جــــيــــتــــنــــا مُــــقــــبــــلــــي
وكـــم نـصـيـنـاك يـافـيـصـل بــوضــعٍ خـطـيــر=وقــمــت فــــي لازمــــي مـشــكــور ومـجـمـلــي
أشـهـد إنــك يافـيـصـل غـيــر والـنــاس غـيــر=رجــــــــل مــــالــــه شــبـــيـــه ومـــنـــزلــه مــعــتــلـــي

[عبدالله بن عتقان]

قصيدة صداقـــة أخر زمـــن
هـذه قــصــيــده أهـديــهـــــــا لأخــــــي الــعـــــــزيـــــــز
عبــدالله بــــن عـويـمــر الـســلــمي


يـــاعـــبـــدالله مـــابـــاقـــي بـــالـــزمــــن شــــــــيٍ يــــســـــر الــــحـــــال=تــغـــيـــر كــــــل شـــــــي وصـــــــارت الـــدنـــيـــا شــــكــــل ثــــانــــي
طـغــى فـيـهــا الـنــفــاق وصـــار فــيــروسٍ مـــع الأجــيــال=وبــــيـــــت الــــكـــــذب فـــيـــهــــا والــخـــيـــانـــه والــــغـــــدر بـــــانـــــي
وكــثــر فـيــهــا الـحــســد والـظــلــم والـغــيــبــه وقــيـــل وقــــال=غــدت بـيــن الـبـشــر تـلــك الـصـفــات أشـكــال والــوانــي
وضـــاع الــصــدق مـنــهــا والــوفـــاء مــاعـــاد لــــه مــنـــزال=وفـقـد الـصـدق طـبـعـاً والـوفـاء مـن ضـعـف الإيـمـانـي
تـشــوف الـرجــل قــدامــك غــريــب ولـــه كـثــيــر أشــكــال=يــجـــيـــلـــك يــــــــوم يــاطـــيـــبـــه ويــــــــوم يـــجــــيــــك شـــيـــطـــانـــي
لـــكــــن أوصـــيــــك بــالــدنــيـــا تــجـــنـــب صــحـــبـــة الأنــــــذال=تـــــــــــرا الأنـــــــــــذال نـــــــــــاسٍ مــــالــــهـــــم مــــيــــثـــــاق عــــــدوانــــــي
صـداقـتـهــم صـداقــة مـصـلـحــه مـنـصــب وجــاه ومـــال=يـــغـــرونـــك بـــحـــســـن أســلــوبـــهـــم والـــضـــحـــك مـــجـــانـــي
ولــــــو عـــكــــر زمـــانــــك بـــاعــــوا الــعـــشـــره بـــربــــع أريــــــال=هــــذا طــبـــع الــنـــذل خــايـــن مــــع أصــحــابــه وقــومــانـــي
فــحـــتـــى لــــــو يـــكــــون مــــــن الــقـــرايـــب عــــــم وألا خــــــال=فــــلا تــتــبــع طــريــقـــه قـــــول لـــــك شـــأنـــك ولـــــي شـــأنـــي
وعـلـيـك بـصـحـبـة الـلـي فـالـلـقـاء تـضـرب بـه الأمـثـال=مــواقــيــفـــه عـــلــــى عــــــز وشــــــرف وعــلـــومـــه أســـمـــانـــي
إذا جـــــــــت ســـيــــرتــــه كـــــــــلٍ يـــــقـــــول ونـــــعـــــم بــــالــــرجــــال=تــشـــرف سـمــعــتــه فــــي مــجــلــس الأقــصــيــن والـــدانـــي
كــذلـــك لــــو نـخــيــتــه جــــاك ســيـــفٍِ صــيــرمـــي قـــتـــال=يـجـيــك وأنــت فـالـمـضـحــاه لــو هــو صـــوب نـجــرانــي
يـقــف جـنـبــك بـجــهــده فـــي لــزومــك وقــفــت الأبــطــال=يــــقــــول أبــــشــــر بــــعــــزك لا يـــهـــمـــك مــــنــــت وحــــدانـــــي
صــــداقــــات الــــرجـــــال الـــوافـــيــــه بــــيـــــت وذرا وظــــــــلال=ولاهـــي مـشـكــلــه لـــو كــــان تــشـــرى بــأغـــلا الأثــمــانــي
نـصـيـحــه لــك مــن الـلــي جــرب الـدنـيــا بـغــيــر جـــدال=أبـــــــوي الــــلـــــي بـــعـــرفــــة طــيـــبـــيـــن الأصــــــــل وصــــانـــــي
أنــــــا يـــامــــا تــحـــديـــت الـــزمــــان وشــــفــــت فــــيــــه أهـــــــوال=لــكـــنـــي مــــــا تــجـــاهـــل مـــجــــد أبــــــوي ومـــجــــد جــــدانــــي
أســـيــــر بـــــــدرب جــــدانــــي هـــــــل الـــوقـــفـــات والأفــــعــــال=هـــــــــــذا فـــــــــــارس وذا عـــبـــدالـــعـــزيـــز وذاك ضــــيــــدانـــــي
وعـــن مـنــهــاج أبـــوي وسـكــتــه مــأخـــذت لــــي مــحـــوال=ولا أعـــثـــر فــالــطــريـــق الـــلــــي عــلـــيـــه أبــــــوي مــشـــانـــي
هـو الـلـي بـأسـمـه أفـخـر بـيـن هـالـعـالـم وراسـي طـال=أنـــــــــــــــا لأشـــــــــــــــي لـــــــــــــــولا الله ثـــــــــــــــم أبــــــــــــــــو عــــتـــــقـــــانـــــي
مــــــــــن أيــــــــــام الـــطـــفـــولــــه لـــلـــشـــبــــاب لـــوقـــتـــنــــا مــــــــــازال=يـغـطـيــنــي بــعــطــف وعــــن ســمـــوم الــقــيــض يـحــمــانــي
أقــــــبــــــل جـــبـــهــــتــــه وأقــــــبــــــل إيــــديــــنـــــه بــــــكـــــــل إجــــــــــــلال=وفــــــــــي قـــــربــــــه رعـــــــــــاه الله تــــــبــــــدد كـــــــــــل الأحــــــزانــــــي
وأبـي تـفـهــم إذا لاقـيــت فـالأصـحــاب بـعــض إهـمــال=تــــذكــــر ذا الــــكــــلام وقـــــــول إبـــــــن عـــتـــقــــان وصــــانـــــي

[عبدالله بن عتقان]

قصيدة الصــــــــدفـــــــــــة


جــــــــادلٍ خــصـــهـــا الله بــيــنــهــم بــالــجــمـــال =ارسـلـت لــي سـهـوم العـشـق مــن عيـنـهـا
شـفـتــهــا بـــيـــن زحـــمــــة ســـيــــدات ورجـــــــال=داخـــــــــل الــــســـــوق والـــعـــالــــم مـحـيـطـيــنــهــا
جـــــل ربٍ عـطــاهــا الــزيـــن ويـــــا الــــــدلال=يالله إتـــــكـــــافـــــهـــــا نــــــــــظــــــــــرة شـــيـــاطـــيــــنــــهــــا
هـــــرول الــقــلــب مـــنـــي يــمــهــا وإســتــحــال =رجــعــتــه لـلــضــلــوع الـــلــــي ســـكــــن بـيــنــهــا
ركــــزت بـالـنـظــر يــمـــي وقــلـــت إحـتــمــال=أنــــــــــي اشـــــبـــــه لـــــواحـــــد مــــــــــن مـحــبــيــنــهــا
أوهــــــــي أســتــنــكــرت تـنـكـيـســتــي لــلــعــقـــال=ودهـــــا تــقـــول مــوضـــه راحـــــت إسـنـيـنـهـا
أو مــجــرد عــلــى مــــا قــيــل لـعــبــة عــيـــال=لــــعــــبـــــة أتــــــعـــــــذب الــــعـــــشـــــاق يــاشـــيـــنـــهـــا
كنت فالسوق غرب ورحت يم الشمال=قــلــت بـبــعــد قــبـــل لا مـــــوت مـــــن زيـنــهــا
ولـحـقـتـنــي وقـــالـــت ويــــــن رايــــــح؟ تـــعـــال=قـلــت أنـــا قــالــت إيــــه وتـحـكــي أهـويـنـهـا
قـلـت معـقـول؟ قـالـت لـيـه مـنـت بـطـلال=وصـدمـتــنــي بـــهـــذا الاســــــم فــــــي حـيـنــهــا
قـــالـــت: إشــفــيــك صـــامـــت مـاتـردالــســؤال=قــــلـــــت :لـــــــــو قــــلـــــت غــلــطــانـــه تـمـشــيــنــهــا!
قـــالــــت :الــقـــلـــب يــاشـــاعـــر بــلـــيـــا جــــــــدال=مـــلـــك واحـــــــد وبـــاقــــي الـــنــــاس مـلـغـيـنـهــا
قـلـت :والصـدفـه الـحـلـوه يـابـنـت الـحــلال=كــــيـــــف بالله يـــابـــنــــت الـــــنـــــاس تـنـســيــنــهــا؟؟
قـــالـــت :أنــــــا أعـتـبــرهــا صـــدفــــةٍ بـالــخــيــال=وأنـــــــــــت لا تــــــزحــــــم الــــــنــــــاس بــقــوانــيــنــهــا
قــلـــت تـكـفـيــن ..قــالـــت لايــطـــول الـــجـــدال=وتركـتـنـي صــويــب الـعـشــق مــــن عـيـنـهـا
أه يــــــاذا الـــغــــرام الـــلــــي يــهــيـــن الـــرجــــال=وأه يـــــــــــــاذا الــــحــــيـــــاه الــــــلـــــــي تــعــرفــيــنـــهـــا

[عبدالله بن عتقان]

قصيدة العـــــــــبـــــــــرة


الــعــبــرةّ الـــلـــي جـــرحـــت خــــــد مـغـلــيــك=لـــــــــــــولا غـــــــلاتـــــــك زايــــــــــــــده مــاســـكـــبـــهـــا
شــوف العـيـون الـلـي حبيـبـي تراعـيـك=وشــــــلـــــــون عـــبـــرتـــهــــا تــــبـــــلـــــل هــــدبـــــهـــــا
ماكنت أعرف الدمع قبل التقي فيك=وإن جـــــات مـــــره عـــابـــره مــــــا حـسـبــهــا
والـــــيـــــوم لا بالله مــــــــــن دون تــشــكـــيـــك=جـــمــــيــــع عــــبــــراتــــي جــــنــــابــــك ســـبـــبـــهـــا
عــقــلــي تـــولــــع بـــــــك وقــلــبـــي يـنــاجــيــك=وحــبــك مــلـــك روحـــــي ومــنـــي سـلـبـهــا
وإن كـان هذاالوضـع لائـق ويرضيـك=يـســتــاهــل الـــلــــي لـــــــك حــيــاتـــه وهــبــهـــا
ولاتـفـتـكـر مـهـمــا حــصــل يــــوم نـبـكـيـك=مـــــــن شـــــــأن حــــاجــــه ودنــــــــا نـكـتـسـبــهــا
أو إن قـصــدي خــايــفٍ مــــن تـجـافـيـك=أو نــــاس غــيـــري بـالــزمــن تصتـتـحـبـهـا
بـالـعـكــس لا هـــــذي ولا ذي ولا ذيـــــك=الــنـــاس تُـــعـــرف مــــــن مـــعـــادن نـسـبــهــا
مـحـتــار مـــــن نـــــاسٍ خـطــيــره حـوالــيــك=ســــــــــودٍ ظــمـــايـــرهـــا ســـــريــــــعٍ غــضـــبـــهـــا
يــحـــاولـــونـــك لـــــيــــــن تــــــتــــــرك مــــبــــاديــــك=مـــــــــــن شــــــيــــــن نـــيـــتـــهـــا وقــــــلــــــة أدبــــــهــــــا
بــالـــكـــذب والــبــهــتــان فـــالـــنـــار تـــرمـــيـــك=وإذا رمـــــــــــوك بــــــغــــــدر زادو حـــطـــبـــهـــا
إيـاك مـن نهـج الضعـوف الصعالـيـك=مــــهـــــمـــــا تـــــــحـــــــاول لاتـــــنـــــفـــــذ طـــلــــبــــهــــا
وإذا كــــان مـاتـسـمـع حـبــيــبٍ يـوصــيــك=الـــنـــار فــــــي لــحــظــات يـــحـــرق لـهــبــهــا

[عبدالله بن عتقان]

قصيدة الغـــــــلطـــــــة



غـلـطـتــي فـــــي حـيــاتــي يــــــوم حـبـيــتــك=حــــب لــــه فــــي كـيـانــي مــنــزلٍ عــالــي
بــالـــغـــلاء والــــوفــــاء والــــحــــب بــديـــتـــك=دون كـــل الـبـشـر فـــي كـــل الأحـــوالي
كـــــــل مـــــــا تـطـلـبـيـنــه مـــنــــي أعــطــيــتــك=لجل خاطر عيونك يرخص الغالي
احــســـبـــنـــي مــــــوفــــــق يــــــــــــوم لاقــــيــــتــــك=وأحسـبـك حـلـمـي أول وقـتــي وتـالــي
مــادريـــت إنـــــك الــلـــي ذايـــــعٍ صــيــتــك=فـالـجـفـاء والــصــدود ومــالــك أمـثــالــي
ليـتـنـي فـــي هـــذاك الــيــوم مــــا جـيـتــك=لـــو سـجـيـت رجـلــي بـالـخـلا الـخـالـي
ولــيــتــنـــي فـــالـــوعـــد تــــهـــــت وتــعــديــتـــك=وأعـتــبــرتــك خـــيــــالٍ مـــــــر فـــــــي بـــالــــي
ولـيـتــنــي مـاهــويــتــك حـــيــــل وأغـلــيــتــك=فـــــــــــرق مـــابــــيــــن مـــنــــوالــــك ومـــنــــوالــــي
أكـتـشـفـتـك عـــلـــى طــبــعــك وصـفـيــتــك=دوري مــــــن يـشـابـهــلــك؟ وأنـــــــا مـــالــــي
ولــــي طــلــب فـالـنـهـايـه مــنـــك يـالـيـتــك=تـنـسـي أسـمــي وتـنـسـي رقـــم جــوالــي
أه يـــاغـــلـــطـــتـــي وشـــــــلــــــــون حـــبــــيــــتــــك=وأنــــــت مـاتـسـتــحــق الــمــنـــزل الــغــالـــي

[عبدالله بن عتقان]

قصيدة: القــدس تنادي



بديت بسم مكون الكون تكوين=الخالق الغفار رب العبادي
ربٍ توجه له قلوب المصلين=اللي رفع سبعٍ وسبعٍ شدادي
مُزل تبارك في كتابه وياسين=ومُرسل نبيه للبشر خير هادي
ومنشي السحاب وخالق أدم من الطين=فردٍ صمد ربي عليك أعتمادي
سبحانك بذكرك تقر الموازين=والحمد لك والشكر والإعتقادي
لي مدةٍ والنوم يبعد عن العين= طول الكرى حرم عليها الرقادي
من وضع أشوفه في فلسطين هالحين= واللي تناقله الصحف والروادي
من اليهود عيال بيجن ورابين=أهل الكفر والشرك وأهل الفسادي
يقتلون أطفالنا في فلسطين=قتل الطفوله عندهم شي عادي
محمد الدره وغيره كثيرين=كم من طفل يعلن عليه الحدادي
في حظن أبوه وجهوله عيارين= أعزل غدُر يطلق عليه الزنادي
والمسجد الأقصى يقول العرب وين=وبسم أمة الإسلام جمعا ينادي
شارون واللي مثل شارون نجسين= يحاولون يدنسونه عنادي
ويبعٌدون المسلمين أهل الدين=صلاتهم خارج محيطه وغادي
والهيكل المزعوم عند الملاعين=كذبٍ يقولونه ولا هو وكادي
إلى متى؟وأحنا بذا الوضع راضين=وحتى متى؟ نخر قرار الجهادي
أجدادناالأبطال في بدر وحنين= صالوا وجالوا بالسيوف الحدادي
وصلت بيارقهم إلى الهند والصين= وعلى شواطي برشلونه وغادي
عشرين منهم في المعارك عن ألفين=للدين كل واحد بروحه يفادي
واليوم حنا نضرب إيسار بيمين=هذي حقيقه ماعليها أنتقادي
نصف العرب صاروا عن القدس سالين=ضحك وتفاخر بالثياب الجدادي
ناسٍ على مايلهي النفس لاهين=يضيعون أوقاتهم بعتمادي
هذا يتابع فلم عادل وشيرين=وهذا يتابع حفل ريم وعبادي
وناسٍ بحب الكوره أمسوا مجانين= كل الفرص يقضونها بالنوادي
من الظهيره يحضرون التمارين= من غير لا شربٍ ومن غير زادي
متخالفين الراي مثل الشياطين=هذاك نصراوي وذاك إتحادي
حياتكم هذي غلط يامساكين= مامنكم اللي بالحياه أستفادي
للأخره لابد من يوم ماشين= ياويل من هو ضاع عمره نفادي
اللي زرع لابد يلقاه بعدين= في ساعةٍ فيها يحين الحصادي
شوفوا عِدانا تصنع أسلاح نوعين= ذا للصباح وذاك يرسل هجادي
وقنابلٍ تقتل ميات وملايين=جادت صناعتها يدين الأعادي
وأنتم على ماقيل فالوقت غادين=وشلون مدري ياصقور الهدادي
يارب في يومٍ مثل يوم حطين= يومٍ عليهم يكتسي بالسوادي
الله يجيبه للعرب قولوا آمين= هذا هوى نفسي وغاية مرادي

[عبدالله بن عتقان]

قصيدة: المكــــــــــــان الخاص



حـطـيـت لـــك بـيــت ومـكـانـه وســـط قـلـبـي يالحـبـيـب=مـــــكــــــانــــــةٍ مـــــافــــــيــــــه غــــــــيـــــــــرك يـــاحـــبـــيــــبــــي نــــــالــــــهــــــا
بـــــدري عــلـــى غــيـــرك يـحـصـلـهـا ولــــــو إنــــــه قـــريـــب=حــــتــــى ولــــــــو هــــــــو مــــــــن عــــيــــال الــــعــــم مـايـرقــالــهــا
حـبـيـبـتـي لا تـحـسـبـيــن إن الـــهـــوى حــــــظ ونــصــيــب=بـــالـــعـــكـــس لــــــــــــو الــــــنــــــاس مـــاهـــمـــتـــك مــاتــســعــالــهــا
بـــــاب الأمـــــل مــفــتــوح مــابــيــن الــمــنــادي والـمـجــيــب=وأهــــــــل الــمــحــبــه تـــعـــشـــق الـــدنـــيـــا عــــلـــــى مــنــوالــهـــا
قـســوتــك ضـــــدي ســبــبــت لـلـقــلــب جــــــرحٍ مـايـطــيــب=أرجــــــــوك غــــيــــر نــــظــــرة الـــقـــســـوه وهـــــــــات إبـــدالـــهـــا
ليه؟التعـامـل مـنـك لـــي بـالــذات! بالـشـكـل الـمـريـب=بالله لـــــــــــــو عــــامــــلـــــك غــــــيـــــــري هــــــكـــــــذا تـــرضـــالــــهــــا
بـــــــرر مـواقــيــفــك ونـاقــشــنــي خـــطــــاء وألا مــصــيـــب=الـــــلـــــي يـــحـــبــــك مـــاتـــهــــون الــكــلـــمـــه الـــــلـــــي قـــالـــهــــا
يالله يـــالـــلـــي كـــــــــل مـــايـــدعـــوك عــــبـــــدك تـســتــجــيــب=هـــــون عــلـــى الـنــفــس الـشـقــيــه قـــبـــل يـــبـــري حــالــهــا
صابر على نار الجفاء والصد والحال الصعيب=والــقـــلـــب مــتــحــمــل هــــمـــــوم إثــــقـــــال مــــحـــــدٍ شـــالـــهـــا
اخــــاف راســــي مــــن عــنــا الـدنـيــا وقـسـوتـهـا يـشـيــب=وأهــــــل الـــغـــرام إتــعــيــش فــــــي حـــالـــة عـــنـــا يـرثــالــهــا
حـبـيـبــتــي لـــــــو تـفـهـمـيـنــي قـــبــــل شــمـــســـي مــاتــغــيــب=شــــجـــــرة مــحــبــتــنــا الــعــظــيــمــه لا يــــــــــروح إظـــلالـــهــــا
أخـــر حـديـثـي مـــا بـقــي غــيــرك بــــذا الـدنـيــا حـبـيــب=مــكــانـــتـــك وأقـــــســــــم بـــــــــــرب الـــبــــيــــت مـــــحــــــدٍ نـــالــــهــــا

[عبدالله بن عتقان]

قصيدة المــــــــــوادع



ياعذاب القلب من فرقا الحبيب الغالـي=من هذاك اليوم قلبي يحتـرق بأسبابـه
عايشٍ بعـده بدنيايـه وحيـد ألحالـي=لاعترف غيره بناس ولاقويت أغيابـه
مادريت إن المـوادع كالسهـم قتالـي=مايعيش العاشق اللي وسط قلبه صابـه
لوعة الفرقا عكسهـا دمعـي الهمالـي=عبرةٍ لو شافها غيرك تثـور أعصابـه
أتسائل كيف بالموت البطـي ترضالـي=بس باقي تحفر القبـر وتـدم أترابـه
ليه؟ أعيش الهم والأحزان والغربالـي=ليه؟ أقول أحلام ورديـه وهـي كذابـه
ادري إني لو عرفت اللي بعد يجرالـي=كان من بدري مجال الحب أقفـل بابـه
دائم الحظ الردي تضرب بـه الأمثالـي=مثل حظي بس لابـد أقتنـع وأرضابـه
من عرفتك قلت حيـك ياخـر الأمالـي=وأمتلكت القلب كله صرت أهم أحبابـه
حب وأخلاص وفاء نقهربهـا العذالـي=لا طراء طاري فراق ولا حسبت أحسابه
ماهقيت إنك تخطـط يالحبيـب الغالـي=للوداع وقلبي اللـي يحتـرق بأسبابـه

[عبدالله بن عتقان]

قصيدة الــــــــــوداع



قالت موادع يأبن عتقان قلت إيه=حان الوداع ولامعي فيه حيلـه
قالت غيابك عام واحد ونرجيـه=وألا احتمال اتغيب غيبه طويلـه
قلت الظروف وهم بالقلب أقاسيه=يجوز تجعل عودتـي مستحيلـه
قالت حرام اللي بقلبـي تسويـه=قلت الزمن ماطاعنـا ياجميلـه
حكم القدر رب الخلايق يمشيـه=اللي ليا ضاقـت بنـا نشتكيلـه
وتطمني يابنت قلبـي موصيـه=مايرخصك يأم الرموش الظليله
حتى وهو فالبعد حبـك يسليـه=قوته وشربه فالزمـن عزتيلـه
إنسان مثلي بالغـرام أحتويتيـه=تتوقعي ينساك بهـون وسيلـه
وعقلٍ عن العالم بحبك عزلتيـه=ماهو بناسي بيـن يـومٍ وليلـه
وقلبٍ سكنتي فيه ثـم أمتلكتيـه=معقول في لحظه مكانك يزيلـه
قالت ومثلك دلني كيف ألاقيـه=قلت الوفي ماحدٍ يحصل بديلـه

[عبدالله بن عتقان]

قصيدة أنــــــــــــا الأول



مادام منـي سلبـت المركـز الاول=انا ابن عتقان مارضى المركز الثاني
اتفكر انـي بدنيـا الحـب متسـول=ماتدري اني حفيد اطـوال الايمانـي
واذا انت تجهل مقامي وضعك ايهول=ماهي غريبه بدون اسبـاب تنسانـي
امنول اغليك فـوق العالـم امنـول=لك منزلـه مستقلـه شأنهـا شانـي
واليوم عندي مجرد شخص متجـول=بين الزعل والغرور وغدر الأنساني
ربيع الأيـام رائـع بـس ماطـول=واللي خذيته معك من وقت كفانـي
تغيرت كل حاجـه والزمـن حـول=عقب السعادة نكد وهموم واحزانـي
واللي قهرني ماهو بالمركـز الأول=مقهورمن حبي اللـي راح مجانـي

[عبدالله بن عتقان]

قصيدة أه يادنيــــــــــــــــا



فكرت في دنيا بهـا تتعـب النـاس=ولقيـت فيهـا مايثيـر الغـرايـب
دنيا كما قال السديري بـلا سـاس=في كل يوم نشوف منها العجايـب
تمشي مع أجناسٍ وتوقف مع أجناس=وفيها الشباب من العِبر صار شايب
كم أرفعت راسٍ وكم نزلـت راس=وكم فرقت بين الأهـل والقرايـب
ماعاد فيها لأهل الصـدق مجـلاس=من كثر ماضوت عليهـم مصايـب
إن كان ماتمشي مجامـل وهـلاس=حطوك بعض الناس جاهل وخايب
نصف البشر فيها بلا ذوق وإحساس=حياتهـم كـذب ونفـاق وطلايـب
حتى أيش يادنيا المتاعب والأتعاس=والله ماشفنا منك غيـر المصايـب

[عبدالله بن عتقان]

قصيدة أهــــــــواااااك




حبك بقلبي زاد عن حـب غيـرك=وحدك حبيبـي تستحلـه ويفـداك
ويفداك كل اللي تبي من عشيـرك=لو تطلبه عمره بعد قلبـه أعطـاك
تركت كل الناس واصبحت أسيرك=ولا ظن تهنـا لـي حياتـي بليـاك
إن غبت عني ساعـه الله يجيـرك=دايم خيالـي هايـمٍ فـي محيـاك
أشـواق قلبـي نبضهـا يستعيـرك=من واقع التفكيـر وأنعـم بذكـراك
وإذا التقت خطوة مسيري مسيـرك=قلت أه؟ ليت إخطاي ماتفرق إخطاك
أجادلك وأضحك معك وأستشيـرك=وأعيش لحظات الفرح يـوم لقيـاك
وأعاتبك فـي ماعـدا مـا يثيـرك=إلا عيونـي بالنـظـر ماتـعـداك
دايم حريص بمـا يريـح ظميـرك=وأعاملك يابعـد عمـري بمبـداك
وأنا بشر معرف نهايـة مصيـرك=اللي أعرفه بالحيـاه إنـي أهـواك

[عبدالله بن عتقان]

قصيدة جـــــــــــــــوري


إهداء إلى الطفلة الجميله/ جوري عجاب الغيداني
جعلـهـا الله مــن مـوالـيـد الـسـعـاده




جميـلـةٍ فـاقــت جـمــال الجـمـيـلات=فيـهـا جـمـال الـكـون زايــد شـويـه
وردة شـذاهـا ينـعـش الــروح بـالـذات=يـسـعـد حـيـاتــك وردةٍ نـرجـسـيـه
ربـيـع عـمـرٍ فـيـه عــدة مـحـطـات=ونسمـة حـيـاة إنـسـان غـالـي علـيـه
يــارب تحـفـظ طفـلـةٍ تــو مـاجـات=وبقدومـهـا شفـنـا الـحـيـاة الهـنـيـه

[عبدالله بن عتقان]

قصيدة حقـــوق الإنســـــــان



سويت لي فيهـا تغـلا وزعـلان=يعني لجـل حبـك ملكنـي تغـلا
أحيان أقول أرد بالمثـل وأحيـان=أقول بصبر ليـن صـدري تمـلا
ذبحتني بالصد كلـه علـى شـأن=تحرق لي أعصابي وفينـي تسـلا
تسعى على الفرقا معي قدر الإمكان=ودك عن أحبابـك تـروح وتخـلا
ماتدري أنك نبض قلب إبن عتقـان=سكنـت وجدانـه ونجمـك تعـلا
هذا جزاء من سكنك وسط الأعيان=وحجزتلك داخـل حياتـه محـلا
بدري على وقت المأسي والأحزان=تو السعـادة جـات والحـزن ولا
أحذر قبل لشكيك لحقوق الإنسـان=وهنـاك ماينفعـك حاشـا وكـلا

[عبدالله بن عتقان]

قصيدة خلاااااااااااااص



خلاص زالت هموم القلب وأحزانه=من يومي خلي على الهجران عاتبني
أيام مرت وأنا تعبـان مـن شأنـه=وقررت هجره ولو ماهو مناسبنـي
كنت أحسبنه يداوي الجرح هجرانه=ويفرج الهم عـن قلبـي ويطربنـي
واليوم جاني حبيبي تـذرف أعيانـه=ويقول يابعد عمـري ليـه متعبنـي
هذي ترى ياحياتـي مالهـا خانـه=إن كان قصدك بهجرانـك تعذبنـي
هل تعتقد شخص مثلك سهل نسيانه=وألا يجي في مكانك شخص يعجبني
هذا حبيبي وهـذي كلمـة اللسانـه=وش قلت ياعاذلـي بالله جاوبنـي

[عبدالله بن عتقان]

قصيدة ذكــــــــريــــات



هذي سنه مرت على ذكر فرقـاك=وانته مقاطـع وصلنـا ياحبيبـي
مرت وانا في كل يـوم اترجـاك=واقـول يمكـن لنـداء تستجيبـي
ما هكذا رد الوفـاء لا عدمنـاك=شيٍ تسـوي ياحبيبـي صعيبـي
جفيتني وانا الذي ما اقدر اجفـاك=وابعدت وانته في فؤادي قريبـي
كانه من الأنذال بالهـرج غـواك=ما اقول غير الله عليهـم حسيبـي
وإن كان فيه أسباب وضح خفاياك=قول الصراحه ما اعتقد فيه عيبي
واعرف ترا يا خل انا مقدر انساك=لكن لا بـد اقتنـع فـي نصيبـي

[عبدالله بن عتقان]

قصيدة رباعيات ابن عتقان



من دونك الدنيا بعينـي صغيـرة=أقل شيء أتقول عنها ولا شـي
حلمي يـدور بدائـرة مستديـرة=لا يعتبر ميـت ولا يعتبـر حـي
مدري متى حبي يواصل مسيـرة=وشلون باللهجة وبالمصري إزي
دفتر حياتي فيه غلطـة كبيـرة=لو قلت لي خلك معي قلت عاصي

[عبدالله بن عتقان]

قصيدة ســــنـــيــن الـــعــــمــر



سهرت مع هاجسي والعين عيـت تنـام= اراجـع أيـام عمـرٍفـات وأرتـدهـا
ولقيت عمري وصل سبعة وعشرين عام= بالشهر واليـوم والليلـه كمـل عدهـا
بين الشفا والعليـا عشـت وأم الحمـام= في عاصمه يلمع البـراق مـن خدهـا
ديرة هل السيف والحكمه عيال الإمـام= املوكنا اهل المواقف من علـى جدهـا
تسعة عشر عام من عمري قضت ياسلام= أتروم نفسي طريـق الحـب واردهـا
والا البقيه رمتنـي فالهـوى والغـرام= ابني علاقـات حـب وعشـق واهدهـا
كنت احسب الحب كلمه مثل باقي الكلام= اقولها لـي شخـص وانتظـر ردهـا
إن كلمتنـي صبيـه قلـت هـذا تمـام= لابدهـا معجبـه بالشـكـل لابـدهـا
وإن عاتبتني وقالت روح هـذا حـرام= أقـول ذي ماتبينـي ليه؟اقـف نـدهـا
ابغى اتقدم لكني ضعـت بيـن الزحـام= طاوعت نفسي كثير وجـاوزت حدهـا
عايش مع الناس والخطوه بعكس النظام= موجة بحر جزرها غطى علـى مدهـا
واليوم قلبي صحى من غفوته واستقـام= امشي بدربـي عـدل والعيـن مالدهـا
خلاص ياحب فارقني ومسـك الختـام= دور على ناس غيـري جيبهـا ودهـا
ياحب عمري وصل سبعه وعشرين عام= يعني سنين السعـاده كيـف نرتدهـا

[عبدالله بن عتقان]

قصيدة صـــــالـــح الأســم والمسمـى



أبتدينا بسـم رب الكـون خـلاق البريـه= عالمٍٍ ما في القلوب ومطلع عن محتواهـا
جل شأنه نحمده ونسبحه صبـح وعشيـه= نطلب الجنه ويبعدنا عـن النـار ولظاهـا
بعدها هيـا تعالـي يالحـروف الأبجديـه= وأستعدي ياهجوس الشعر عندي في حراها
لو ظروف الوقت ماجتلي على قد الحضيـه= السنين أدور والدنيا مأحـد يلحـق مداهـا
الدروب طـوال جـداً والليالـي سرمديـه= واعنا نفس إبن أدم فـي حياتـه وأعناهـا
بين تنكيد الحيـاه وبيـن نظـره واقعيـه= تختلف خطوات الأنسان وتغير عن سراهـا
والله إني مابغيت أكتـب قصيـده عايديـه= ودي اكتب لي بيوت يردد السامع صداهـا
وأتخيـر فالقصايـد نظـم وألا سامريـه= وأقطف أزهار البيوت اليانعه وأكتب حلاها
كيف لا واللي تخصه واحدٍ غالـي عليـه= من صناديد الرجال اللي رفيـعٍ مستواهـا
ذاك صالح ياعسى الله يحفظه من كل سيه= وسدد الله خطوته فوق الدروب اللي مشاها
الكرم والصدق طبعه والتواضع له سجيـه= والوفاء والطيب والمعروف عنده مانساها
والشجاعه من صفاته ماتغيـر والحميـه= واثق الخطوات مهما دنيتـه دارت رحاهـا
العمام زبيد ونعـم مـن رجـالٍ صيرفيـه= أهل قول وفعل حمايـة دخيـل إذا نصاهـا
سجل التاريخ عنهم في السنيـن الأوليـه= في سجلات الشرف وأهل الفعل تأخذ جزاها
والخوال جهينه أبطـالٍ يقـودون السريـه= نار في يوم اللقاء والنار تحرق من وطاها
تحكي الأجيال عنهم من زمـان الجاهليـه= مجدهم يرفع جبين ودارهم مأحـدٍ خذاهـا
يوم بعض الناس ماله لاشـداد ولا مطيـه= أنت ياصالح مـن أرجـالٍ يكفيـه غلاهـا
الله أكبر كـل ماهلـت مـزون العقربيـه= والله اكبر كل ماشفت الكواكب في سماهـا
السنافي يوم يفقد مستحيـل يجيـك زيـه= مستحيل أحدٍ يعوض فيـه بأيـامٍ قضاهـا
أعرفك نعم الصديق ولك مواقيـفٍ قويـه= كلمتك ماتستهان ونظرتـك يبعـد نحاهـا
سمعتك مثل الذهب ياصاحبي وأغلى شويه= ياعساها دايمه يأبـن النشامـا ياعساهـا
الزمان اللي جمعني بك تراها أكبر هديـه= أخر أمال الصديق وغاية الـروح ومناهـا
المناظـر لا تغـرك والوجيـه العاطفيـه= وإبتساماتٍ تجي من ناس ماتعرف خفاهـا
أكثر الأصحاب يضحـك والخيانـه داخليـه= لو طلبته حاجةٍ يقـدر عليهـا ماعطاهـا
والعلوم اللي تصل لك من هناك ومن هنيه= لاتصدقها ياصالح لين تعرف وش وراهـا
فيه ناس تجيب لك هرجـه ونيتهـا رديـه= منت عارف مقصده بالضبط من نيه نواهـا
منهج الأنذال دايم بين شمس وبيـن فيـه= هكذا واللي يدورهـا علـى دربـه لقاهـا
وانت في وقتٍ عوج حتى الخوي ينكر خويه= علهٍ تقدر تشخصهـا ولا تعـرف دواهـا
مانشكك فالجميـع وذمتـي منهـم بريـه= كل شخصٍ له طريقه فالأمور اللي رضاها
وانت قدوه فالحياه ولاتبـا منـي وصيـه= قبل لازل الحدود وقبـل تاصـل منتهاهـا
والسنافي مثل صالح مستحيل أيجيك زيـه= ومستحيل أحدٍ يعوض فيه بأيـامٍ قضاهـا

[عبدالله بن عتقان]

قصيدة صرت وحـــــدانــــي



ياماجـد الهـم رافـض لا يفارقنـي=سيطر على كل تفكيـري ووجدانـي
همٍ لـه أيـام فـي قلبـي مرافقنـي=بدون موعد معـه مسبـوق فاجأنـي
هيمن على القلب في لحظات وأحرقني=من بين كل البشـر وحـدي تبلانـي
بأسباب خلٍ بحـر الشـوق مغرقنـي=له منزِله ما وصلهـا قبلـه إنسانـي
خلٍ على أرقى بنود الحـب وافقنـي=أتعب على شانها وتموت من شانـي
وياللأسف غاب في غفلـه وفارقنـي=وأصبحت عايش ياخو نواف وحداني
ماعاد عندي صبر والوضع مقلقنـي=القلب ينزف وطرف العين سهرانـي
وقت الفرح والسعـاده راح صدقنـي=صارت حياتي هموم أشكال والوانـي
كشفت لك سر قلبـي لجـل تلحقنـي=فضلت رايك عن الأقصيـن والدانـي
عجل بشورك ترى الأيـام تسرقنـي=يمكن ياماجد يخفف عنـي أحزانـي

[عبدالله بن عتقان]

قصيدة ضعـــف الأمـــــــل



صدري ملاه الضيق من غدر الأيام = وتوقفـت عنـدي جميـع اُمنياتـي
الحُزن باني له على قلبـي إخيـام =وسيطر على فكري وعقلي وذاتـي
وقت الوناسه راح عني من العـام = وقت التعاسه صار بلسـم حياتـي
حاولت أخفي وأدفـع الحُلـم قـدام =وأحسب حساب أيامـي المقبلاتـي
جائز تبقـى مثـل ماقالـوا أحـلام =وجائـز تكـون أحلامنـا ذاهباتـي
ضعف الأمل يحكم عليـه بالإعـدام = ويعيدنـي للسنينـي الماضيـاتـي
رضخت للواقع وتوزيـع الأقسـام =اللي كتب ربي على اللـوح يأتـي
أشد موقف وأعظمه حرب الأخصام =وأشد من ذا الحرب كسرت عصاتي
تبت يديهم بعض الأصحـاب مـدام =غايـة مناهـم جرتـي للشمـاتـي
لابُـد يـومٍ فيـه نرجـع للأحكـام =ونشوف من هو يكسب الطايلاتـي
ماني متابعهم علـى درب الأوهـام =حشا وكـلا عزتـي هـي غناتـي
أشطب على كل الأسامي والأرقـام = وأقفل عليها مـن جميـع الجهاتـي
لولا الإردة كـان ماطـاح صـدام =مابين أهل دجلـه ونهـر الفراتـي
زالت دول فالغرب والشرق والشام =ماهي صداقـة كـذب ومجاملاتـي
شفنا نوايـا الزيـر بعيـون همـام =كانت صداقة وأنتهـت بالشتاتـي
ياللي تشوف الناس في عينك أقزام =وتشوف نفسك حزت كل الصفاتـي
درب الغرور الأعوج أخطار والغام = والأدمـي مايفعـل المعجـزاتـي
يرميك في حقل المشاكل والأوهـام =ويلغي جميـع أعمالـك السابقاتـي

[عبدالله بن عتقان]

قصيدة طال الهـــجـــــر



عاميـن ياخلـي هجـر ماتكفيـك=حرام هـذا اللـي تسـوي كفايـه
وشلون تهجر من يعـزك ويغليـك=ويحط روحه دون روحـك حمايـه
ويفز قلبـه كـل ماحـل طاريـك=وسجل تفاصيـل المحبـه روايـه
ضحيت باوقاتي لجل خاطر ارضيك=واخذت نكرانـك وصـدك جزايـه
احيان اقول الوقت غيـر مباديـك=وصار الجفا والصد عندك هوايـه
واحيان اقول بكل اسف منخدع فيك=وارجع واقول الشك سبـب عنايـه
ياليت لي قلـبٍ يطيـع ويجازيـك=ويـرد كـل اللـي عملتـه معايـه
واتعبك مثلي في حياتـك واعنيـك=مادام هـذا منهجـك وش ورايـه
المشكله قلبي مـن النـاس باغيـك=وهذا على قـول العواجـي بلايـه

[عبدالله بن عتقان]

قصيدة غــــــــــــدار



ما كنت اعرف انك مجامل ومكار=حتى مع الايام بانـت حقيقتـك
لقيـتـك منـافـق وخاين وغــدار=تظهر لنا حبك وتبطن عداوتـك
أول عليك أخاف بالحيل واغـار=اشقى على نفسي وادور سعادتك
واليوم مالك داخل القلب مقـدار=من بعد ما بانت حقيقة علاقتـك
يكفي ليالي عشتها معك محتـار=ما كنت اعرف انك تدبر مكيدتك
واهلاً وسهلاً كل ما جيـت زوار=إلا المحبـة مستحيلـة محبتـك

[عبدالله بن عتقان]

ياحبيـبـي كـفـى لا عــاد تـطــري فـــراق=كـــل مـاتـطـري الـفـرقـى عـذابــي يـزيــد
التباعد ما بين اهل الهوى مـا يطـاق=والتواصل ما يوفي بالغرض من بعيـد
كيـف يابـنـت ننـسـى سـاعـة الإتـفـاق=ونـتـجـاهــل غــــــرامٍ مــنــزلــه بــالــوريــد
تـــو مـــا أحـلــوت الايــــام والــجــو راق=كـل سـاعـة زمــن نـبـدى بـحـبٍ جـديـد
لاتـفـرح عليـنـا أهــل الحـسـد والنـفـاق=نخسر انتي وانا واهل الحسد تستفيد
كـيـف بـعـد الـهـوا والـحـب والإشـتـيـاق=عــنـــد لاشـــــي نـعـلـنـهـا فـــــراقٍ اكــيـــد