المساعد الشخصي الرقمي

مشاهدة النسخة كاملة : صويب عيونك الخدره 0000000000000

مضحي السلمي
11-18-2007, 09:44 PM
حياتي يابعد روحي فتنت قليبي المهياف=غدت روحي من اسبابك 00 ادورها ولا القاها
صويب عيونك الخدره 00 قتيل المبسم الشفاف = رهين رموشك اللي تطعن العاشق بشلفاها
صدى صوتك يسامرني واعيش بعالم الاولاف = كأن بداخل الوجدان روح تعيش نشواها
انا اللي جيت لك ماجيت لي ياكامل الاوصاف = على راحت كفوفك بصمة العشره طبعناها
تجي والا تروح الحب باقي والقلوب نظاف = تزيد بغيبتك معزتك وان جيت تلقاها
سمو الحب مابيني وبينك ما عليه أصداف = مثل شمس الضحى 00 اشعاعها يكشف محياها
محمد الجبريني
11-19-2007, 07:07 AM
صح السانك استاذي الكبير
الشاعر مضحي السلمي
جززززله يالذيب
تقبل تقديرررري
عبدالسلام السلمي
11-19-2007, 01:34 PM
سمو الحب مابيني وبينك ما عليه أصداف = مثل شمس الضحى 00 اشعاعها يكشف محياها


تشبيه ولا أروع ............. طبعاً وليس جديداً كعادتك نجماً يتلألأ..........واحساس متدفق.........وعذوبة في الألفاظ


تقبل مروري المتواضع .........دمت بصحة
مضحي السلمي
11-21-2007, 02:50 PM
الله يسعدكم جميعا شاكرا لكم نصفحكم لماجادت به قريحتي
مشخص السلمي
11-22-2007, 12:04 AM
تجي والا تروح الحب باقي والقلوب نظاف
تزيد بغيبتك معزتك وان جيت تلقاها



ياسلام يا مضحي

صح لسانك وسلمت على هالقصيده الرائعه



دمت بخير :)
بنت الشيــــوخ
11-22-2007, 12:27 AM
صح لسانك .. قصيده جميله ... اسمحلي ا ن اسجل اعجابي بأسطرها


دمت
حسين القويعي
11-22-2007, 12:56 AM
صدى صوتك يسامرني واعيش بعالم الاولاف
كأن بداخل الوجدان روح تعيش نشواها
انا اللي جيت لك ماجيت لي ياكامل الاوصاف
على راحت كفوفك بصمة العشره طبعناها

صح لسانك

ياخي والله البارحه
يوم شفت شاعر المليون
فالرياض وإن مافيه غير سلمي
واحد وغير مجاز
قلت
وييييين شعار سلييييييم
؟؟؟؟؟؟؟؟؟؟؟؟؟؟؟
الحمد لله الشعار اللي في المنتدى
لحالهم لو يشاركون كلهم
بيجازووون

وأكيد بيجي منهم واحد ولا ثنين فالمراحل
النهائيه


كل المجازين فالرياض والكويت
مابينهم وبينكم فررق





صح لسان يا مضحي

وبيض الله وجهك


وإسمحلي على الإطاله
بس منغبن
مضحي السلمي
11-22-2007, 01:17 PM
مشخص السلمي

اشكرك من القلب لاعدمة زولك

بنت الشيوخ
ترجع العاده لاهلها والقبس يشتب نار
اشكرك على المرور العذب

المحمدي
ههههههههههههههههههههه


والله موتني ضحك وان اخبرك فكاهي بدرجة الخيال
بس والله كلامك في محله وسليم فيهم شعار نادرين الوجود بالجزيره العربيه بس ما ادري وش اللى مكسلنا يالغالي