العبره العبره العبره

[سفير الافلاج]

هذه القصيده لشاعرنا الكبير والمتالق دائما عبدالله عتقان
وهذه القصيده بعنوان
الــــعـــــــبـــــــره

العبرةّ اللي جرحت خد مغليــــــــــك = لولا غلاتك زايده ماسكبهـــــــــــا

شوف العيون اللي حبيبي تراعيــك = وشلون عبرتها تبلل هدبهـــــــــــا

ماكنت أعرف الدمع قبل التقي فيك = وإن جات مره عابره ما حسبهــــا

واليوم لا بالله من دون تشكيـــــــك = جميع عبراتي جنابك سببهـــــــــــا

عقلي تولع بك وقلبي يناجيــــــــــك = وحبك ملك روحي ومني سلبهـــــا

وإن كان هذاالوضع لائق ويرضيك = يستاهل اللي لك حياته وهبهـــــــا

ولاتفتكر مهما حصل يوم نبكيــــــك = من شأن حاجه ودنا نكتسبهــــــــا

أو إن قصدي خايفٍ من تجافيــــــك = أو ناس غيري بالزمن تصتتحبهـا

بالعكس لا هذي ولا ذي ولا ذيـــــك = الناس تُعرف من معادن نسبهــــا


محتار من ناسٍ خطيره حواليــــــك = سودٍ ظمايرها سريعٍ غضبهــــــــا

يحاولونك لين تترك مباديــــــــــــك = من شين نيتها وقلة أدبهـــــــــــــا

بالكذب والبهتان فالنار ترميـــــــك = وإذا رموك بغدر زادو حطبهــــــــا

إياك من نهج الضعوف الصعاليـك = مهما تحاول لاتنفذ طلبهــــــــــــــــا

وإذا كان ماتسمع حبيبٍ يوصيـــك = النار في لحظات يحرق لهبهـــــــــا