ديوان الشاعر/ خالد عبد العزيز العلوي

[خالد العلوي]

أخواني وأخواتي أعضاء وزوار منتديات بني سليم
السلام عليكم ورحمة الله وبركاته :.
أولاً : أقدم شكري وتقديري لصاحب فكرة منتديات بني سليم والذي له الفضل
الأول في التعارف في ما بيننا لنكون أسرة واحدة من خلال هذا المنتدى الشامخ وأسأل المولى عز وجل أن يجعل عمله في موازين حسناته
كما أقدم شكري وتقديري لصاحب فكرة دواوين شعراء بني سليم

ثانياً : سأطل عليكم بكتاباتي الشعرية من متصفحي هذا على شكل ديوان
وأتمنى أن ترتقي كتاباتي إلى ذائقة الجميع
ولكم خالص تحياتي ,,,,

أخوكم/ خالد عبد العزيز العلوي السلمي

[خالد العلوي]

سليم واحتفالية التأسيس


سلامي وأرسل رسالة تدرّج بالوفاء وتسيـر = على ساير سليم أهل الوفاء والجود سايرها
لها جنحان نطلقها على متن الهوى وتطّـيــر = وأنا بأمـري على كيفي أسيّرهـا واطـيـرهـا
ومن شان الرسالة عاجلة ما تحمل التأخـيـر = أطيّـرها بجنحان الشعـر مـن عـند شـاعرها
أبـو فارس ليـا مـنه كتـب يسـتوفي التعبـيـر = حــروفً ما تجملـنـي تحـفر يـديّ مقابـرها
تهيّض يا قصيدي واتجاهك صوب جدة غير = على قاعة فرح عطّر ورود الشعر ونثرها
في ليل الأربعاء ليلاً تعدى الوصف والتصوير = قلوب سليم غايبها حضر قدام حاضرها
بنينا واحتفلنا من نجاح البنيّ والتعمير = مجالسنا على عز وشرف حنا نعمرها
وخبّرهم زمـان العـولمة والعلـم والتطـوير = رأينا الحفلة الغنجاء من أولها ليا أخرها
رعاها اللي حضوره هيئته شخصه سموا أمير = سموا المجد عوض الله سماء بأعلى منابرها
صنع مصعد من أفعاله كِما هيكل جناح الطير = رقابه واعتلابه في سماء الدنيا ونورها
سند ربعه وغير أليا استجارة فالزمان مجير = يجيره بعد ربه من عنى أيامه وغابرها
والا يا ذخــرنا يا فخــرنا لك غالي التقديــر = ولحيه ما تـقـدّر لـحيـتك ما الله يـقـدرها
وسميّ الجد منصور الوفاء والمعرفة والخير = حروف الطيب في صفحة كتاب المجد سطرها
وشكراً للرئيس ونائبه ما قد حصل تقصير = وشكراً للمدير ونائبه والعز ضامرها
وشكراً كل مشرف سخر أوقاته لنا تسخير = وشكراً كل عضواً ثمّن الكلمة وحررها
وصلاة منزّل الإخلاص والأنفال والتكوير = على محمد نبي الناس هاديها ومنذرها

[خالد العلوي]

دق الجرس يا هاجسي ( وصية لأبني فارس )


دُق الجرس يا ها جسي واطلق انذار = استنفر أفكاري سريه سريه
جهز عتاد الدرب ولّم للأسفار = وانته خوي اللي ينومس خويه
نادر من ألديار النوادر والأحرار = حر(ن) أبي من الحرار الأبيه
راكب على اللي حسها طرق مسمار = حبل الرسن بلجامها في يديه
أعنها واسنها عزم وأصرار = واردبها ميراد حوض المنيه
وللخيل خياله وللشعر شعار = وانا لها اثنتين هذي وذيه
شاعر أشب النار ببيات الأشعار = احطب صنوبرها حروف أبجديه
والشعر مثل الكيف يبْهَر بالأفكار = ويساق في الفنجال من شاذليه
وكل(ن) من افكاره يبهرله أبهار = ودله يا ماأطيبها ودله رديه
هذا وانا ماني مبيّح بالأسرار = ولاني من اللي يبحثون الخفيه
وياهاجسي عطني وصيه وتذكار = ومني مقابلها لساني هديه
أوصيك يافارس ترى الوقت غدار = عساك يا وليدي تحفظ الوصيه
تمشيبنا الدنيا على كف الأقدار = وفراقها ما بين صبح وعشيه
وفي الأخره جنه بها حور وانهار = نعيم للي مات روحه تقيه
وفي الأخره ناراً وغسلين وإعصار = عذاب للي قدم أعمال سيه
ووصيك تقوى الله في سر وجهار = ووصيك بمك جنتك والبريه
ووصيك باللي ينظرنك بالأنظار = أخواتك أخواتك تراهن عنيه
ومواصل أعمامك وفيين الأشبار = وخوالك أقروم الرجال الوفيه
ويمناك وحزامك ليا صار ما صار = عيال عمك عزوتك والحميه
وفي مصادق العربان لابد تختار = بعض العرب يمشي بعشرين نيه
بعض العرب يلعب كما القط والفار= يظهر بطيب وعلته داخليه
ووصيك لو تسمع من علوم وأخبار = لا تحكم بقول البشر فالدعيه
لابد تعرف كل مارد ومصدار = حتى تعرف أركان كل القضيه
كم غافل(ن) من علم حاسد وسمسار = ضاقوا عليه العالم أبلا خطيه
ووصيك شور مجرّب العلم والشار = وخل العلوم الطيبه لك هويه
وختامها باسم الولي عد الأمطار = صلوا على حضرة محمد نبيه

[خالد العلوي]

حكاية حب


حكاية حب في صفحه طوتهـا غُبـر الأيـامي = تمر سنين من عمري ولا أنسى ما أنكتب فيها
حكاية حـبي الأول غرامـي عشـقي أهيامي = غــرام اللي توافيني عـظيـم الشــوق ووفـيـهــا
بنينابه على صدق النوايا حــلو الأحــلامـي = تمنّيــني تكـــون أحــلامـنـا واقــع ومـنّيــهـا
تـبـادلـنـا غــرامً تاج لـلعــشــاق ووســامـــي = محــال يكـــون مثلــه فأول الدنيـــا وتاليــهـا
جـنونٌ لا وربي للـجنون قــيـود واحــكـامـي = أمــا كنـا نـريـد الشـمـس بالأفــاق نـطـفـيهـا
لكـي نـنـعـم بليــلٍ ســرمـديٍ دامــسٍ طامي = فما المجنون والعاقل يظن الشمـس يصغيـها
أمـا كنا قـبـل يـوم الرحيــل المـُنّتَظَر عامـي = تناديني علــى جمــع المـلأ باسـمي وناديـها
على صرخة صدى صوته ينادي جيت مقدامي = وفجـئة ما دريـت الا وانا فــي وسـط أهاليها
دهاني ما دهاني من شعــر راسي ليا أقدامي = سكوني لا يُحرِك مرتجـي رحمة أياديها
وانا خبري ولد شيخً ليا جاء الماقف ألزامي = أسرحهـا على ما تشتهي نفـسي وضـوّيــها
هذيك الّيله اللي شــفت فيــها الـمـوت قدامي = تراعيني بعيـن البائـس المرغــم وراعـيها

[خالد العلوي]

وجهة هذه القصيدة إلى أخي/ دخيل الله عبد العزيز العلوي


مع هبة الريح


وجدي على فنجال مع هبة الريح = مبهراً بالهيل يعْدْل مزاجي
أليا شربته ريح البال ترييح = لو كان ماه من الحفير الهماجي
يا ابو دخيل القلب يشكي تجاريح = عاشق ولا له بالعياده علاجي
قلبي تولع بالطيور المسابيح = وانت الخوي اللي على الراس تاجي
ياخوي هات الجيب هات المفاتيح = وغير بليتينه وسو البواجي
وسو الأديتر كان يحتاج تصليح = وعسى المكينه ما يجيها الرتجاجي
مع دعست البنزين يجمح تجاميح = اليا مشى خلفه يثير العجاجي
متحزمين ام الزنود المقاديح = من نارها ما طار لو طير ناجي
نمر بالتفتيش من دون تصريح = عن دربنا الضابط وجنده هجاجي
حتى نصبح ديرة الصيد تصبيح = ديره جبلها للوبارة ملاجي
ديره بها نبت الخزامى مراجيح = تزيد في شوف العيون ابتهاجي
وخوينا رجال شروى المفاليح = سوات اخو ستره وخاله سراجي
وماجد بناخينا عضيد المطاريح = رجل يعد من القروم العواجي
اشريه لو زادت عليه المرابيح = مابيع مثله وسط سوق الحراجي
ولو الرجال اتباع بعت المراويح = اهل النميمه والهروج السماجي
يملحون الهرج بالكذب تمليح = لين الفتن صارت علينا الدراجي

[خالد العلوي]

الجزيرة العربية ماضي وحاضر


الحمد للي بدل الجهل بالنور = أرسل زعيم ولم شمل الجزيرة
الفارس اللي حطم الظلم والزور = بالسيف تخشاه النفوس الشريرة
عبد العزيز بعزة الدين منصور = دستوره القرآن والله نصيرة
أقبل من كويت المعزة على الكور = سيفه صقيل ودولته في ضميره
وبأسً شديد يزلزل الطويق والطور = وعزم السحاب مسيلً كل ديره
وخوّة رجال وحنكة الرأي والشور = وشجاعة الفرسان وقت الحشيره
وألف مابين الناس منهي ومأمور = خلى العشاير تحت ظلة عشيرة
من بعد ما كانت متاهات وعسور = فيها الثعل والبوم يسمع صفيره
ما فيه معروفً ولا فيه منكور = ولا فيه بين الناس رحمة وغيرة
فيها الضعيف يعيش بالذل مقهور = يشوف نجم الليل عزّ الظهيرة
واليوم ساد الأمن والبيت معمور = وتبدلت سود ألليال العسيرة
اللي يطوف البيت ويحج ويزور = المملكة من كل بأسً تجيره
ويالله عساه بجنة الوِلد والحور = المسك طيبة والأرائك حصيرة
ولا مات من عقب شياهين وصقور = حكام في نهجه تقود المسيرة
هذا أبـو متعب تجـمّــل ومشكــور = شعبه على نهج الشريعة يديره
يرسم على شفانا تباشير وسرور = ويبشّر بعيش الحياة الوفيرة
وسر يا مليك وبيرق العز منشور = قود السفينة بالبحور الغزيرة
وحنا معك وأمرك ينفّذ على الفور = وحنا رماحك في صدور المغيرة
نحارب الإرهاب في بر وبحور = ونقص روس المجرمين الخطيرة
ما همنا ببلادنا كلب مسعور = لو كان في سده كلابً كثيرة
اللي يباها مثل كابل ودارفور = بحق الوطن غلطان غلطة كبيرة
مغسول مخه ما له أحساس وشعور = أقبل يشيل القنبلة والذخيرة
شيبان يقتلها ونسوان وبزور = ويقول بالفردوس حاجز سريرة
طلقة برأسه ما يداويه دكتور = وطلقة بقلبه لين يصبح عثيرة
والّا نجيبه بالكلبشات مخفور = وبالسيف أبو حدين يلقى مصيره

[خالد العلوي]

قال المثل


قال المثل لا عيّت العلة الطيب = انشد مجربها تحصل دواها
من عاش فالدنيا يشوف التعاجيب = ويذوق من مُر اليال وحلاها
دنيا تقلب كل يومً باساليب = ما عاد يعّرَف وجهها من قفاها
والزول يجري واليالي مهاريب = ولا شك يوم تريّحه من عناها
الموت بغته موعده دون ترتيب = كل(ن) تجيله ساعته في حراها
ولا جابت الأقدارغير المكاتيب = ولا غلقت نفسٍ قبل منتهاها
هذا وانا من جرب الوقت تجريب = والنفس ما حقَقت غاية مناها
شاعر بعرفي اخطي العلم والصيب = والناس ما من شخص يدرك رضاها
ومني يقين يجنب الشك والريب = الناس هم بلوى الزمن ما بتلاها
تلقى وسيع البال زين الهناديب = وياشين هنداب القضيّف مداها
وتلقى عقل ناقص مَعَ كامل الشيب = واطفال يكمل عقلها في صباها
وتلقى رجال(ن) تتهم رجال بالعيب = والعيب لو انه هدوم اكتساها
واهل الوفا تظهر نهار المواجيب = واهل الردى يلزم يديها رداها
ودقون تلقى عزها من الأشانيب = واشناب تلقى عزها من لحاها
ولا فيه رُجال(ن) بليا عذاريب = كل(ن) على جسمه ثيابه قداها

[خالد العلوي]

ويلاه من قلب ضلوعة نواتيش


ويلاه من قلبً ضلوعـه نواتيـش=كما نواتيـش القفـش بالنظامـي
ناتوش بلجيـكً يطـش المقافيـش=في يمين رجـالً نهـار المهامـي
كنّي على الجبهة مجند مع الجيـش=زادي من البارود يملـى حزامـي
وكنّي غريبً حدته لقمـة العيـش=في غربته عاشـوا عيالـه يتامـي
ما اشكي غرام ام العيون المرابيش=اللـي جمـال عيونهـا بالثـامـي
أشكي وون من الهموم المعاشيـش=في وسط قلبـي عيّفتنـي منامـي
على طريح فراش يصرخ ليا نيـش=كنّه رضيعً مـا يطيـق الفطامـي
أقبـل زمانـه بالليـال المناهيـش=تنهش عروشه والحـم والعظامـي
يكشف لنا السّر العيون المشاويش=كل ما يخبْي داخلـه مـن ألامـي
هذى ثلاث سنين مـرت مداغيـش=ما لاح فيها نور يجلـى ألظلامـي
يا ما سعينـا للمشافـي ولا فيـش=غير الصبر يا مـرّ كأسـه ندامـى
ويا بوي لو يشفيك دفع البخاشيش=ندفع جميع المـال باللـي يسامـي
حتى ايش يوم نحوّش المال تحويش=وانته طريـحً ترتجينـا ألرحامـي
ولو البكاء يشفيك نِروي معاطيـش=ونِغرق بدمع العين روض العدامـي
لكن ندعي كاسي الطيـر بالريـش=يشفيك يا شيـخً رفيـع ألمقامـي

[خالد العلوي]

سلطان الخير


باسم الإله مكون الكون تكويـن =اللي كثير الناس تخشـى عذابـه
ربًّ خلق ادم وسواه مـن طيـن=وانه بشر بالشيب يفنـى شبابـه
ألحن أطروقي بالألحـان تلحيـن=من هاجسً بالشعر باع وشرابـه
في كل بيت أمكّن الحرف تمكيـن=ما حـرره قـدّام يكمـل زهابـه
واسوقها سوق البكار المزاييـن=الشكل واحـد والحلايـا تشابـه
في سيدي سلطان ذخر السلاطين=نسل الملوك أهل الفخر والمهابه
عضيد ابو متعب مقيم القوانيـن=في حكم شرع الله ومنهج كتابـه
درع الوطن حامي بلاد الحرمين=مطوّع العدوان وقـت الحرابـه
وانظّر جنوده كرروا حرب حطين=ما فيه حوثي بالمنـام أهتنابـه
صقراً تقلـه للمهمـة جناحيـن=أطلق جناحـه للهوى وارتقابـه
لين أعتلى فوق النجوم الملايينوسط السماء قدوه لنـا يقتدابـه
راع الكرم والجود شيخ الكريمين=غيثً هماليلـه سحابـه سحابـه
أب اليتامى والفقارى المساكيـن=ملاذ للمضيـوم يـوم ألتجابـه
في غيبته حاضر بوسط الشرايين=في قلوبنا موجود لحظة غيابـه
ولو للوطن دمعه ذرفها من العين=أغرق جميع الناس من حر مابه
والحمد للـي رد غالـي لغاليـن=وآدار عنا كـل حـزن وكئابـه
بقدوم أبو خالـد نغنـي مهنيـن=أهلا هلا . وآهلا هـلا ياهلابـه
وطير الفرح غنى وغنّت له البين=وغنى الرياض العاصمة مرحبابه
وترّقص لبو خالد جبال الحجازين=بسهولها وسهول نجد وهضابـه
وختامها باسم الرجال المياميـن=سليـم أهنـي سيـدي بالنيابـه

[خالد العلوي]

دموع الفراق


ولا يا دمع لا تفضح عيوب القلب واسـراره=ولا يا عين لا تعطين فرصه لدمـوع تسيـل
أنا ما كنت أحسب أن الدموع تصير غـداره=واثر دمعي على خدي يغافلني صباح ولليـل
إذا مروا بـي الخـلان كـلٍ يلفـت أنظـاره=قبل لا أستغرب أنظرة ذكرت الدمع والمنديـل
عرفت أن الدموع اللي حبسها الطرف منهاره=سبب فرقى الحبيب اللي فراقه علني تعليـل
حكاية حبـي الأول أعيـش اليـوم بآثـاره=حقيقة حبنا الطاهـر بـلا زيـفً ولا تمثيـل
بلشت بحب في قلبي أبـت لا تنطفـي نـاره=معذبني مغربلنـي بـلا رحمـه ولا تأويـل
ولا ياليتني أدري عـن المحبـوب واديـاره=وأجي في ديرته من شان أقبّل أرضها تقبيـل
أنا ما همّني شوفه كثر مـا همّـي أخبـاره=نا ودّي أعرف أيشلون عايش باكمل التفصيل
واطمّن روحي اللي من ثمان سنين محتـاره=ليا مني عرفت انّه سعيدً مـا يـذوق الويـل

[خالد العلوي]

جنون العظماء


الطيب له بذرة وللخبث بذرة = وكلً من بذورة يحصل ثماره
الطيب يبقى للبشر ظل شجرة = والخبث يحرق حرق تبق السجاره
والكل من تقديره يكون قدرة = أما نزل ولا أعتلا بقتدارة
وبيت(ن) على السيسان مانهد جدرة = وبيت(ن) بليا ساس يخرب جدارة
والناس واجد والرياجيل ندرة = قليل من تقدح زنوده شرارة
تلقى رِجَالً تبدي الهرج ثمرة = وتلقى رِجَالً هرجها للإثارة
وتلقى رجل يكتم من الغيظ صبره = وتلقى رجل بالغيظ يقطع زراره
وتلقى وجيه(ن) مظلمة دوم زجره = وتلقى وجيه(ن) نيّره بالبشارة
وقلوب بيضً ما بها مس كدره = وقلوب سوداً قاسيه كالحجارة
ووقت السعه لا صار الأصحاب عشرة = فالضيق خذ واحد وتسعة خسارة
ما ينفعك فالوقت لا جتك عثرة = ألا صديقً صادقً بالعبارة
هذا وبعض الناس لله درة = ما تلزمه للنصب حتى الإشارة
للمدح جره كبريائه وغره = يحلم بنومه منصبه والتجارة
كل ما سمع علم وخبر هز صدره = يقول أنا وانا مصدّر قراره
ويقول أنا وانا وانا ألف مره = رفضت تكليفي وزير الوزارة
ويقول أمير المنطقة قد تشره = بعد رفضت أساعده فالأمارة
ويقول أنا املك نفع واملك مضرة = ويقول انا من سير الريح تارة
وهذا تراه أخطر مرض فالمجرة = إسمه جنون العظماء والإدارة

[خالد العلوي]

على دار الحبيب


تباشير الحياء اللي دبرة المولى تسوقه سوق = على دار الحبيب أخيل مزنه لاح بارقها
ليا شبة بروقه شب في جوفي لهيب الشوق = سحابه دم جسمي مع شراييني محرقها
لهيبه لو على صم الحجر منه انتثر مسحوق = ألا واشيب عيني واعنايه من مفارقها
فراق ادعج غنج سمح البشائرحالي المنطوق = هنوف(ن) من مجاميع الحلى ربي منسقها
ذكرت ألليال أقابلها وأنا كلي وَلَه وشفوق = تناسيني عذابي قبل أسامرها واعانقها
تعاهدنا على حبٍ عصامي ما يشوبه بوق = وباق الوقت باسم الوصل وهقني ووهقا
ولنا الله يا زّمان اللي تجاهل حبنا الموثوق = ليا ميّلت لك عادة على رأسي تِطربقها
والا يا ليت لي جنحان أحلق في سماها فوق = على دار الحبيب أرفرف الجنحان واطلقها
واحلق صف مزنه في سماء خلي تنوض بروق = واهل أدموع عيني واطوي المزنه واشققها
وينبت من دموعي ورد حبي في ثراء المعشوق = هديه للهنوف اللي عسى ربي يوفقها

[خالد العلوي]

أحفاد ابن منصور



سرحت يوم أصبح صباح أمس ومسيت=في خايع(ن) خالي من الأنس والجـن
من ذيبه أتهـاب البشـر والعفاريـت=من لا. ذَعَن قلبه مـن عـواه يذعـن
وشبيت ضوي نار من عـود كبريـت=حفيفها حيـران زمـل(ن) لهـا حـن
من فوق أثافيها دواء الفكـر سويـت=كيـف النشامـا دلـة الهيـل والبـن
وجرّ العوى ذيب الخـلاء ثـم لديـت=كنّـه يقـول اللـي ثبـا حولنـا مـن
وجرّيـت طاروقـي بفكـري وغنيـت=أبيات شعـر أجاوبـه والشعـر فـن
أقول أنا من لابة(ن) صيتهـا صيـت=سليم آهل فزعه وجزعه وآهـل قـن
وآنا فتوي وقت العـزاوي تعزويـت=حبـش وزعـب مسعّطِيـن المجنـن
ما ظن احد يجهل رجـوم الطواغيـت=أحفاد ابـن منصـور حبـس المزبـن
انشتت الصفـوف المعاديـن تشتيـت=ياكـم منعـور(ن) مـن رماحنـا ون
يوم النبي في غزوتـه طهـر البيـت=حنّا معـه جينـا نسـن ارَّكـب سـن
تاريخنـا ثبـت بالأفـعـال تثبـيـت=في صفحـة أمجـاد العروبـة تمكـن
وكل القبائل من عـدن ليـن تكريـت=نعمين في نعمين مـا نخلـف الظـن
وهالحين ياذيـب الخـلاء رُد حييـت=والّا يعـوّد حالـك أخــس والـعـن

[خالد العلوي]

( شاعر المليون )



ولا يا موجهين القافله يمة طلوع النور = الى دار الشموخ الشامخه بشيوخها القاده
هل الطالات واهل الصيت واهل البيرق المنشور = سلائل من لهم تاريخ بالأمجاد ورياده
الى داراً وليه راعي الفكرة حكيم الشور = اعاد الشعر للقمة على ما كانت امجاده
ولا يا ساتذه واساتذه في وسطهم دكتور = كما الميزان في كيله بلا نقصان وزياده
على ما قالوا النقاد والشعار والجمهور = سلاطين الشعر فتالة ابياته ونقاده
حضر للقافله شاعر يسجل للحضور حضور = وريثاً وارثاً شعره من ابائة عن اجداده
سنينً بالقسى والين ادوّن بالقصيد سطور = ألاف من القصايد ولف التفكير ياساده
اعاند موحش الدنيا وبدل حزنها بسرور = ودنيا من يعاندها تزيد اعناد بعناده
لكن اللي يجاهدها يطوعها سوات الكور = رسنها في يديه يقودها وتجيه منقاده
وثلاث سنين مرتبي احسب أيامها بشهور = لياليها جياداً كل عام يمُر بجياده
وانا عيني بتلفازي أطالع شاشته ناضور = أحق الورد فوق العد للميراد وراده
ولا بعد الورود ألا شراب وبالغروب صدور = وكلً تنضح غروبه على ما كان ميراده
انا من دون شك وريب شاعر ما علي قصور = بفكري انسج الأبيات نسج خيوط سجاده
حجازي ثابت الأقدام بالاعلام مالي دور = وحان الأن دوري والجمل لاقام بشداده
حروف الشعر اسخرها ولو انحت صفا وصخور = وتقبل كالسحاب اللي سوى برقه ورعاده
اغني واتفنن بالقوافي والطروق بحور = ومثلي يسبح بحور الشعر ويحقق مراده
ليا مني مدحت امدح فعايل دون زيف وزور = ومن لا يمدحه فعله كثير المدح ما فاده
ليا مني هجيت ابيات شعري كالرصاص يثور = لها فكري وهاجوسي كما البارود وزناده
ليا مني تغزلت اتغزل ما كشف المستور = بنات الغيد البسهن قصيدي عقد وقلاده
وفي كل اتجاه اغزي واعوّد والقدور تفور = تفاكيري شياهينً على الجزلات هداده

[خالد العلوي]

البيت الفريد


استوحي الفكرة بكر وانوّخ أركاب القصيد = أشد من فوق الركاب من الحمول أجزالها
شاعر ليا مني كتبت أبيات شعري ما تحيد = أسخر أحروف الهجاء وتليق في منزالها
ما أقول انا شاعر سوات النابغة ولّا لبيد = لكن ممشاي الطريق اللي معه مدهالها
ويا كثر عشاق القصيد احد يفيد ويستفيد = وأَحد مع الشقراء سريع وحالته يرثى لها
ولا هنت يا شاعر تجيب أدر بالبيت الفريد = أن وقّفت معك الرسن وان نوّخت بعقالها
تبي نسمّعك المثل ما قال هارون الرشيد = النار من شبابها والخيل من خيالها
هذا وأنا لي فالملأ مبدأ ولي نظرة بعيد = ما قول أعرف الناس وادري عن ظروف أحوالها
لكن أعرف أن العقول أما ذكي ولّا بليد = واللي يميّز بينها نجاحها بأعمالها
ومن منطلق سير الحياة اجمع من الطيب رصيد = والمرجله والمعرفة والمقبلات بفالها
ولّا تعيش بذا الزمن مع كثرة العالم وحيد = مالك رصيد الناس ما تعطيك رؤس أموالها

[خالد العلوي]

يا وطنى محتمينك


يــــا وطــنــا محتـمـيـنـك مــــا نــــذل ولا نــهـــاب=دون حــــدك لا هــــواده كـــــل عـــــادي نـخــذلــه
من طمع برضك شبرعطشان يطمع في سراب=يموت من زود العطش وسط الرمـال المقحلـه
عندنـا المـوت الحمـر والسيـف قـطـاع الـرقـاب=مــن يــدور مشـكـلـه يـبـشـر بـحــرب ومشـكـلـه
عـنـدنــا الـتـدمـيـر والـتـنـكـيـل واشـــــد الــعـــذاب=قــول ابــن سلـطـان خـالـد عـنــد قـولــه يفـعـلـه
بامر ابـو متعـب زعيـم العُـرب حـلال الصعـاب=أسـتــعــد الـجــيــش والـجــنــدي مـهــيــأ لـعـمـلــه
وارتـجـل طـيـا ر تــل الـطـائـرة فـــوق الـسـحـاب=حــــدد الأهــــداف والـمــرمــى وصـــــب الـقـنـبـلـه
واقـبـل الجـيـش السـعـودي كــلً يـحـث الـركـاب=وأدبــــر الأعــــداء هــرايــب كـالـقـطـيـع مـجـفـلــه
عاداتـنـا بفعالـنـا روس الـعــداء تـرجــع ذنـــاب=من سلـم مـا مـات أسيـر وفـي يديـه السلسلـه
يا حثالة مجتمع يـا حـوث يـا جنـاس الكـلاب=ذرْكــــــم راحــــــوا يــتــامــى والــنــســاء مـتـرمــلــه
بـلْـغــوا عــبــد الـمـلــك صـغـيـركـم بـالانـسـحــاب=مـــا لـكــم طـاقــه تـحـربـون الأســــود الـمـذهـلـه

[خالد العلوي]

الصد والهجران


خلي دلالي له يزيده تغنّاج = والصد والهجران غاية طموحه
يصد عني كل ما جيه محتاج = من عطف شوقه لو بنظره شحوحه
بالود لبسته حريراً وديباج = وهدية له وردا شذى الحب فوحه
وبالصد لبسني من الهم دولاج = واروح روحي من جفا روح روحه
ويابنت لو اني على حامي الصاج = مكنون قلبي مستكن ما يبوحه
هيا اجرحني وازهجي روحي ازهاج = تلقين مع كثر الجروح السموحه
أنا بحر تجرح شواطية الأمواج = ما ضاق يومً واشتكى من جروحه

[خالد العلوي]

قبلة العشق



ياقـبـلـتـي لـلـعـشـق والــحــب والــشــوق=يا من سكن في وسط قلبـي بالأعمـاق
يـــا غـايـتــي ومــنــاي يــاعــز مـخـلــوق =انـت الحبيـب اللـي لــه القـلـب يشـتـاق
بينـي وبينـك عشـق عاشـق لمعشـوق=والحـب لـو لا الـحـب مــا كــان عـشـاق
يـمــك حبـيـبـي سـاقـنــي للهوى ســــوق=ســـوق الأسـيــر مـقـيـد الــيــد والــســاق
حـبـاً تعـلـى مــع نـجـوم الـسـمـاء فـــوق=مــا تـاسـعـه سـبــع الأراضـــي بـالافــاق
وانتـي كمـا كنتـي لـك القـلـب صـنـدوق=ضـلـوع صــدري فـوقـه سـيــاج واطـــواق
بــالـــدم شـاركــتــي شـرايــيــن وعــــــروق=جسم العشيق اللي عطى العهد ميثاق
يـاعــود ريـحـانــاً بـالانـفــاس مـنـشــوق=يــا وردةً تـسـقـط خـجــل مـنـهـا الأوراق
كـم لليـل اغنـي بـك علـى كــل طــاروق=شعـراً مـن أحسـاس المحـبـة والاشــواق
ياقـبـلـتـي لـلـعـشـق والــحــب والــشـــوق=مـا غيـرك اللـي وسـط قلبـي بالأعـمـاق

[خالد العلوي]

العشق والجنون



هبوب الريح مُري دار خلي واكتبي تقرير=مع التفصيل عن خلي هبوب الريح وافيني
على مركب غرام العشق سيري يا هجوسي سير = وهاتي من قصيدي يا هجوسي ما ينسيني
زفير آهات وهموم(ن) لها وسط الحشاء تأثير= سبب فرقى الهنوف اللي غلاها مع شراييني
سرى مع نبض دمي داخل أطرافي بلا تحذير= ولا حسّسّني الخاطر خطر حتى أنتشر فيني
نسيت فراقنا محتوم أكيد أنه بيوم يصير= وعشقي عشق مجنون اعتقدت أحويه بيديني
أهيم ابوادي العشاق أسير ولا معي تفكير=أحس بقربها مني على الميعاد تأتيني
تحن العين من حالي تصور زولها تصوير= يحن السمع مع عيني يهيئلي تناديني
واعيش الحلم واقع والحقيقة واقعي تزوير= مزيّف صوتها سمعي مزيّفها نظر عيني

[خالد العلوي]

وصلتني رسالة من أخي وصديقي
رئيس اللجنة الإعلامية ومستشار رئيس مجلس الإدارة
الأستاذ/ مشعل عبد الله العميشي
وفي نهاية رسالتة طلب مني قصيدة وأنا في سودة أبها البهية أقضي الإجازة هناك
وهذه أبيات إرتجاليه من مطل السودة على رجال المع آمل ان تحوز على رضاكم وتنال استحسانكم

اشعل النيران مشعل


اشعل النيران مشعل فالهجوس المستكنه=من رساله جاتني عبر البريد الكتروني
قال يا خالد تهيّض بالشعر والفن فنه=قلت حاضر لو تبي تطلب يا ابو عابد عيوني
والله انا في بحورة ما تواجهنا معنة= غبة أعماقة نغوص وننشرة مثل المزوني
ينتثر همال ديم يبدل الجدباء بجنة= تنبت احروف القوافي نبت عيدان الغصوني
ايه انا شاعر ورثت الشعر من إنسه وجنه=حفيد قوم بيت شعر(ن) بيت عز(ن) أورثوني
وجار رهط الجنِ منهم كيف لي آرث لأنه=بيننا حق الجوار نعم رهط جاوروني
ردد الأبيات يا مشعل وغن البيت غنه=كلَ ما قيل فداك احروف وطروق وللحوني
والسموحة ودي أغيّر تراكيب الأجنة=والنمط والفلسفة والأتجاة فعذروني
انني عاشق متيّم لو علمت العشق انه= يستبيح العقل لم أصبو إليهِ صدقوني
سامح الله من بلاني به وجافاني كانه=لم يكن بيني وبينه عشق بالنهج الجنوني
والختام اني نسيته والأكيد اني أحنه= إن لفاء يا مرحبابة وان رحل يرحل بدوني

[خالد العلوي]

الخوف من الضياع





من يرتجي بين الزوايا المظلمة منفذ شعاع=غير يتوّهم بالنظر بين الزوايا المظلمة
مثل الحبيس اللي حمل فوق الألم همه متاع=عيا يميّز بالنظر لقمة يمينة في فمة
أواه ليلي سرمدي متلبّس الظلمى قناع= انظر بعيني للنجوم اشوف غيمة مرزمة
فوق البحر بالساريه من دون مجداف وشراع=أخشى تهب العاصفة ما لي جدا بالأحزمة
هنا شعور انتابني باحساس من يخشى الضياع=اني على درب الخطاء وان الحقيقة مؤلمة
لو سارة الدنيا معي ما قلت لدنيا وداع=كنت أحتظن دنيا الوله حظن القلوب المغرمة
لله درك ياحبيبي لمتثال أمرك مطاع=ملكتِ شاعر ذروة احساسه بشعره ترجمة
يا بنت شيخٍ وقفته في لازمه وقفت شجاع=في قمة المجد أعتلى فعله صنعبه سلّمة
شيخ الشيوخ اللي على فعله صنع صيته وذاع=لين اشتهر بين البشر متقلد الفخر أوسمه
وحبيبتي من رأس ابوها ماخذه حسن الطباع=ما طاب من طبعة سمه غير أَخَذت منها سمه
محلول عبر الأوردة مدري مَعَ حبل النخاع=بالبرمجة مستحوذة قلبي زمان العولمة

[خالد العلوي]

وصلتني من الشاعر الكبير/ عبد الله الصالحي


سحب الظنون


خيّلت سُحب الظنون وكاذب البرّاق لاح=وأمطرت سود النوايا وبلها بلايّ رعد
وارتوى سرابها من وبلها لين استباح=طيبت القلب الرحيم وغرّها بكثر الوعد
وارتمى في حظها من ساقته صلف الرياح=لين شالت مركبه عن الحقيقه وابتعد
أشعلت شمعه في ظلام الليل من عين الصباح=عشان ابنثر حلمي الطاهر على وجه السعد
وابغاك تستمطر صدوق النو للنبع القراح=وتزرع على حوضه بذور العلم وتحصده بعد
من يسلّ السيف من غمده ويكسر به جناح=ما ارتقى فِكره لعال المجد ولا هو مستعد
ومن يدوّر رغد عيشٍ بين كفينٍ شحاح=فالرحله اللي بالشتا والصيف ليته ماصعد
ومن يدوّر للفشل عشان يزرع به نجاح=ليه تقلع نبتته كف الرعايه ياسعد
ولا يلام الرجل لا منّه طلب شيٍ مباح=دام عزمه مقبره للياس وقلبه ما ارتعد
أقولها كلمه صريحه واضحه تطلق صراح=هرجةٍ في خاطري لو كان عندك ماتعد



ردي على القصيدة

رد سحب الظنون


من معه شكٍ وريبه فالمخايل ما استراح=يقعد يخيل البروق وكن في عينه رمد
أرتوى عذب القراح وبعدها لج الصياح=وان نشدنا عنه قالو عين ذيب وقلب أسد
هيه يا عبد الله الدنيا كفاح في كفاح=والحقيقة واضحه والسبت يقفاه الأحد
أقدح أفكاري واشب النار من وهج الجراح=واحكم أعلومي واعقد الحبل واحل العقد
وكيف نستمطر مخيله وبلها سمً ذحاح=لا محاله لو زرعنا نحصد هموم ونكد
رد سيفك في قرابه لا تخاطر بالسلاح=العواقب مالها في تالي الحسبه عدد
من ملبسك الوسام اللي على صدرك وشاح=ما ترجى غير شكر الواحد الفرد الصمد
والفشل ما يبذر ابذوره رياجيل الفلاح=نحصد أثمارالنجاح ومن زرع بذره حصد
من طلب حقه يجيبه ما غدا حقه وراح=والحقيقة ما يلوم اللي طلب حقة احد
واقولها واطولها في جد والا في مزاح=اللي تبيه اتحصله يالصالحي اطلب تجد

[خالد العلوي]

الغيمه العذرا


سرى نو الثريا من رذاذه جدّد الذكرى=سريت بليله الموحش أسابق زحمة افكاري

أهوجس والتلذّذ هاجسي واسيل العبرا=على خدود الظلام اللي سوادة سدّف انظاري

دموعي مع رذاذ الماطر الهتان والمسرى=تذكرني بقايا حلمي الطاهر وانا ساري

سَحَابه شح براقة قبل لا يسرق القمرا=لذا شبيت في كف اليمين البرق ويساري

من ايام الصبا تبرق كفوفي غيمةٍ عذرا=أمنّيها خفوقي يرتوي ماها من اصراري

هنيئ الوادي اللي منحدر من سيلها مجرى=وعزايه في سنين اعجاف تنذر لوعة أخطاري

شِقا وآلآم وهموم وحزن بسنيني الغبرا=صواديف المنايا حاشها المكتوب لـ قداري

جموع أحداث زادتني صمود وزاد بي صبرا=على الله صبري اللي عاضني تمثال تذكاري

[خالد العلوي]

[/]الفصول الأربعة



فكيــت للآمـال باب استـرجي أحــلامـي مـعـه=واطرد سراديب السراب اللي بقالي فالـوجـود

على ســواحل دمعتين أثـر الطـعـون الموجـعـة =تمرج سوات الموج من عيني شواطيها الخدود

أجـاذب الـونات مـن قلـبٍ ضـلوعـة تنــزعه=كل. ما تغـادرني ووفـود هـمـوم تلفيـني ووفـود

لو عادني طـفـلً حنـانه فـاقـده عـض أصبـعـه=كانت كفوفي راحتين أصابعي زرع محصـود

وكريـم يابرق ينـوض ألـمـس شعـاعة واتبعـة=مدري حدوده فالـمدى مدري مـداه ابلا حـدود

واسعد مساء شمس الغروب أستقبـله واودعـه=وارسـم على سور الشفق ماضي تمنّيته يعـود

اعـود وابحـث ما تبعثـر من شـتاتي واجـمـعـه=ذكرى ربيع العمر موسمها همى شغف الودود

ما كنت اعرف إلا الربيع من الفصول الأربعه=أستنشق أنفاسي رياحين وشذى عطر الـورود

تبارك الرحمـن يا غصـون(ن) ثمـارة مطلعـة=في شجرة الروض الخضر بعد أستسرت عود عود

[خالد العلوي]

الهجير




جابر يا جابر ناظري يرجع على طرفي حسير=أساهر نجوم السماء واليل كاحل سرمدي

لا واعذابي كل ما حان الغروب من الهجير=أرحل مَعَ حلمي وراء سهيل اليماني والجدي

تطلق هواجيسي جناحيني من أحلامي واطير=ألبس نجوم الكأس والجوزاء خواتم في يدي

بين المجرات أنتقل في شاسع الكون الكبير=يشع نور الشمس ضوّه واهج الجرح الندي

أغيب عن دنياي مدري وش على الدنيا يصير= كل ما أنتهي من حلم في مسراي غيره يبتدي

من منطلق (حتى يفيق) أفيق بالثلث الأخير=أشمّت الحال ألردي والعن ابو الحظ الردي

ساعت لقيت همومي اللي تنتظرني فالحصير=اللي بعد متسابقه جتني من الّهفه عدي

يا بو طلال الوقت بار وصار كالسيف الشطير=أيش حيلتي والدرب جرداء والمسافة جرهدي

أنت الأخو وانت الخوي واللي بشورة نستشير=وانتَ لنا نبراس قدوة مجتمع بك نقتدي

ما هو لأنك مستشار المنتدى وانا مدير=لا والله ألا ياسديد الرأي عفواً سيدي

وابدأ حياتي مثل ما يبدأ بها الطفل الصغير=اقول يا نفس أستريحي بالبرأة وارقدي

وارسم طريقي من تجارب خطوتي وابدأ واسير=امشي بها واثق بعد ما أعلن عقيقة مولدي

جابر يا جابر والجباير تجبر العظم الكسير=أما الخواطر مستحيل أيش حيلتي يا مسندي

لبيه يا داراً يفوح أطيابها مسك وعبير=أنفاس نسناس المها من عطرها في موعدي

متى متى يا ابو طلال أصبح على صوت البشير=أستبشر أبروق السحاب اللي ينوض ويرعدي

[خالد العلوي]

هبوب الغلا


سنة تسعة عشر بعد أربع ميئة والف هجرية=في خامس عيد ذو الحجة ملكة أجمل قمر ليلة

قمر خمسة عشر بدراً تلاشى النور من ضيه=خسف من نور قمراي ابسناهـا صار غنديله

مـلـكـة أطـهـر نساء الأرض لا والله حورية=كفايه بالشـعر وصفه حرام وعيب تفـصيـلة

هبوب الشعر هـدْي والهـواجـس نارها حيـه=عـليـه بالـحـرام إني أسـولـف مـن مـواويـله

أحـسْ بقـشـعـريرة شعـر مـدري مـس جنيه=دخيـلك يا ام فــارس بابـنـا ضُبـي زرافـيـلـه

أنا لـولاك مـا كنـت أكـتـبـه لـ أحــلام وردية=ولا ابهّـر دلالــه بالــغــلا وادْرِج فنـاجــيـلـه

فداك اللي حَبَك مما سبــك ببـيـات شعـريــة=أغني لك وانا مـن لي حـيـاتي يــوم أغـنـيله

مـعـاذ الله .غـيـرك في عيـوني شبـه زنجـيـه=بذرتك يا ثمر حبي حصدت أجمل محاصيلة

[خالد العلوي]

لحظة سكون


هب الهـوى غربي وانا فالنـايـف العـالي منيـف=اقتضّت أفكــاري عِـراك ولا قويـت الأشتـبــاك

أتْتْ هـواجيسي فُـرادى بينـهــا هــاجس مُخيـف=فجئـة على بغتـه وقـفـت أبلا شعــور ولا حِـراك

في داخلي لحظة سكون وعاصفة فصل الخريف=مـع مــوج هـادئ للآمـان ومــوج هـايـج للـهـلاك

أبحـرت والمجـداف بالي من فنـا عصـاء كفيف=بين الرجـاء واليـأس يغشاني نعـاس الإنهـمـاك

مغشي وصحّاني وميض البرق شعله له رفيـف=أخـايـل مــزونـه هـنا واخـايـل مــزونـه هـنـاك

بروق ورعود وصواعق في سماء نو المصيف=لو لامست قمة جبل تحدث على الـقـاع إرتبـاك

شفني جبل شامخ من أرّبكة تساوى بالرصيف=حيـل الله أقـوى يا قـفـار البيد لا ذعـذع هـواك

سـلام ياروضً نبت حُسن وبهاء مـن كـل ريـف=سـحــر العيـــون الناظـرة يَسُـرَ عيـنَ مـن رآك

يامملكـة عـرش الغـلا يا قبـلـة العشـق العفيـف=يا قصــةٍ تغلغـلـت داخـــل فـــــؤادي بامـتـلاك

[خالد العلوي]

على كوكب زحل




قــالــت حـبـيـبـي كـــــون جـنــبــي لا تـــــروح وتـبــعــدي=قلت العفو منك ارتوي وان رحت اموت من العطش
يــــا بــنــت لــو انــك وراء سـهـيــل الـيـمـانــي والــجـــدي=جيـتـك وسويـنـا عـلـى كـوكـب زحــل لــو بـيـت عـــش
قـالــت فـديــت اعـيـونـك اثنـتـيـن مـــن ويــــن أبــتــدي=قـلــت أبـتــدي بـالـمـسـه الــلــي مــــن دفــاهــا نـنـتـعـش
قـالــت عـلامــك تـرتـعـش مـعـقـول مـــن لـمـسـة يـــدي=قــلــت الـمـحـيــط الــيـــا لـمـسـتـيـه ابـيـديـنــك يـرتــعــش
مــا هــو جـسـد روحــه بنـظـرة مــن عيـونـك تصـعـدي=لـو كـان. مـا. عطفـك. علـي. أصيـر. جثـه فالنعـش
انـتـي هــواي أستنشـقـه وانـتـي دواء الـجــرح الـنــدي=يــا ام الـخـدود الناعـمـة فــي فـيّــت الـرمــش الـعـكـش
مـــــن بـيـنـهــا جــمـــراً حــمـــر مـتــوهــج(ن) مـتــوقــدي=مـــع هـبــة انـفـاسـك شـهـيـق مـــع زفــيــراً وَش. وَش
والـيـا نزلـنـا للـصـدر ألــوووه يـــا أقـــواس الـــث(00)=يـعـنـي. هـنــا. ولا هـنــا. هــــذا بــلــش. هــــذا. بــلــش

[خالد العلوي]

الجني والفانوس


أسـتـوحــي افــكــاري مـــــن الـهــاجــوس=واشـــــــــــاور الــعـــفـــريـــت والـــجـــنـــيّـــه
واعـــــمـــــل تـــحـــريّــــات بــالـــقـــامـــوس=حـــتـــى أُمـــيّـــز بـــيـــن ذيـــــــك وذيّـــــــه
قــامــوس فــكـــري والـحــيــاة الـــــدروس=تـأثــيــرهــا فـــأهــــل الــقــلـــوب الــحـــيّـــه
أحـــــد بــيـــت الـشــعــر حـــــد الـــمـــوس=حـــتــــى يـــغــــار الــســيـــف والـجـنـبــيّــه
لا حـــــداً يــقــولــي شـــاعـــراً مــلــبــوس=مـــــا غــيـــر عــنـــد الـــــوزن والـقـافـيّــه
اسـتــخــرج الــجــنــي مــــــن الــفــانــوس=واقـــــول حــــــي الـــلـــي لــفــانــي حـــيّـــه
ويا سامع اسمع والحسوس احسوس=ويـــــا قـــــارئ الأبــيـــات هـــــدْ اشــويّـــة
مــــا بــــه عـفـاريـتـن لــهـــم جــاســـوس=أمــــزح مــعـــك وأنـــــا صـــــدوق الـنــيّــه
الـشـعـر حــــرب أفــكــار ضــــد نــفــوس=فـــي حـيـنـهـا الـشـاعــر مــعــه نـفـسـيّـه
كـنّـه يـخـوض أحــروب ابــن طنـيـوس=مــــاركــــوس والـحــلــيــفــة الــمــصــريّـــه
يــعــيـــش حـــالــــم واقـــعــــن مــلـــمـــوس=والــســـر حَـــبـــك الــريــشــة الـشـعــريّــه

[خالد العلوي]

ظبيه شارده


ما بين معـلاج الهبايـب والهبـوب البـارده=الله يا شيـن الهـوى والله يا طيـب الهـوى

أحيـان أقـول اني قـربت مـن البعيد بيارده=واحيان اقول يزيد بعده كل. ما طال النوى

بسم الله الرحمـن يا بيت القصـيـد ومـارده=بسم الله الرحمن يا نجـمٍ ملى العيـن وهوى

لحظة أفـل في مغـربه شبـيـه ظبـيـه شـارده=من خلفها ذيبٍ من الجوع أرهب البيد وعوى

يا كــم وكـــم اعاتبــه واحـايـلــه واطــارده=كنّي ممثـل دولـتـيـن بدورة الـعـاب الـقـوى

أول بطولاتي يـذوب الشهـد داخــل دارده=واخر بطولاتي كتبت الشعر للعاشق دوى

الشعر شعـري والخطـايا لا محـاله وارده=إن ما صدقت ما اظن ظل فكري أو غوى

[خالد العلوي]

شياطين القصيد


شيـاطيـن القـصيـد وزحـمــة الأفـكـار سبّـاقــة=معَ وحي الهجـوس اللي لهـا صـادر ومـيـرادي

خذيني يا شياطيني حـروف الشــوق منسـاقـه=نـواحيـتٍ تحــدر مـن عـلــو الضــلــع للـوادي

معـي هــــــول الزمــان وحبـي الأول وميثـاقـة=معي كل الظروف اللي تحيط بشخصي العادي

والا يا معشر الأحباب اغـوص البـحـر بعمـاقه=لجل مـا أستـخرج الؤلـؤ درر يطربها الشــادي

يغنـيـلـي واغـنـي واهــدي ورود الشعــر باقـة=لجـمـهـوري لإحبـابي معً اللي يســكن فـؤادي

زمن ؟ هـوّن عليّـه في زماني عـود بـاشـراقة=صبــاح يجــدد آمـــالي يرجّع فكـري الغـادي

تعبت اعــاني واعــاني فقدت الجـهد والطـاقـة=تبعثـر كـل مــا فيني تغـربل جــوّي الـهـــادي

إلـى مـتـى زمــــان الآآآه والآهــــات دقــاقــة= بقايا أنسان من عمري عليّ الوقـت متحـادي


دخيـلك لا تعذبني كـفــايه الــروح مشـتــاقه=أما تعلم بأن الشوق يحرق صخـرة الـوادي

[خالد العلوي]

زرت الكواكب


الـبــارحــه يـاطـــول لـيــلــي ومـسـراي=زرت الـكـواكـب قـلـت يسـعـد مسـاكـن


مـن لـوعتي وهـمــوم بـقـعــاء وفـرقـاي=أســمـع نـجــوم الـيــل حــولي يتبـاكن


ويـن انـت غايب ياهوى الـروح ومنـاي=طـــال الـنـــوى بـيـنـي وبـيــنــك ولـكن


ابـكـي علــى فـرقـــاك وازيــد بـبـكـاي=ويزيــد هـــم بـيــن الأضــلاع ســاكن


يقــول قلـبــي سقــت للـعيــن شكــواي=وليــا رمـوش العيـن منــك يتـشــاكن


تحكي ظروفي وانت غافل عن احكاي=وتغـنـي مـن الشــوق كــل الأمــاكــن


مـن رحـت عني ياحبيبـي وانـا جـاي=الجـو صيـف ومبسـم الشـمــس داكن


يا مشـعــل حـروفي تغـنّـت بـذكـراي=على النـغــم غـنـن هـواكـن هــواكـن

[خالد العلوي]

سودة ابها


البارحـه بيـن الرجـاء واليـأس والـحـلم البعـيـد=أتـنـفـس الآمــال مـن حلـمـي وغـنــي فـرحـتـي

من وادي الفن أحبُك الأوزان ويزين الـقـصيـد=حروف شـعـر وهـمـهـمـه وآهــات هـم وزفرتي

يا مشعل الشعر الـتـئـم بعـروش قلـبـي والـوريد=أكتب حروفـه من ذهـب واصيـغـهـا في كلمـتـي

من سودة ابها والسحاب يـزيــد والفـرحة تزيـد=منها قبـل وبـل السـحاب يسيـل سـالت عبـرتي

الفـرحـه اللي مـن ثنـاياها رأيـت إنـي سعـيــد=يسعـد مسـاء من زارنـي وانـا بعـيــد بغربـتـي

فجئــه عل نسـج الخـيــال أتخيّـلك وانــا وحيـد=يا مـنـيـتـي يا مهـجـتـي يا وردتـي يا شمـعـتـي

كوني معـي لحظة وصال ابوصفك شعراً فـريد=تشرق حروفه من وصـوفك نور يملـى صفحتي

أنتِ المنى وأنتِ الأمـل وأنتِ ليـامك يـوم عيـد=يا غلى من أنفـاسـي وروحـي يا بقـايا لـوعـتـي

ماني بظـالم لو أقـول انـك كلبــشه مـن حـديـد=مـن قيّـد يدينـي وساقـي مـن سرقنـي بسمـتـي

[خالد العلوي]

في الذاكرة


هـــاج الغــرام وهـيّــج الشــوق فيــنـي =واهـتـز قلبـي وارتـجـف بين الأضـلاع

وعـدت النظــر فـي فايـتــات السنينـي=وجــدت حــب داخــل الـقـلـــب نــزاع

حــبٌ علـيــه الـيــــوم زايـــد حنـيـــنـي=مـدفــون في قلبـي مع الـوقت ما ضـاع

يامــا مـن أجـلــه ينتـثـر دمــع عـيـنـي=وياما من اجله زادت أطعـون ووجـاع

لا ياحـيــــاتـي لا تـقـــولـي نـســيــنـي=بـعـد تبادلـنـا الغــلا الصـاع بالـصـاع

مـهـمـا يطــول الـوقــت بيـنـك وبينـي=ابقـى علــى ذكــراك هــايـم وملــتــاع

ويـا مهــجـــتي يـا مـنيــتي خـبـريـنـي=ويش كثر باقيلي غلا حسب الاوضاع

لا تـتـركـيـنـي بالــمـحــبـه سـجـيـنـي=أطرد سـراب للـنـاظر الـعـيـن خـداع

[خالد العلوي]

روح الحياة


تذبل حروف الاجوبه بين الشفاه=اليا سئلته من حيائه ما اسمعه

حتى تأملـت الأنـامل في يـداه=اسمع صدى صوت المحبه فرقعه

ما بين تشتيت الفكر والانتباه=كل ما تبعثر واندثر استرجعه

سحرٍ يطرّز للبرود اسما هواه=عبق الغرام اشبه بعبق المزعه

يا بنت لو نمشي على الرمضاء حفاه=تبقى المحبه مثل ثمرة يانعه

هيا اشعلي كل الشموع المنتقاه=حتى تُضيئين الجهات الأربعه

خلي بياض النور يسري في سماه=يشبه شروق الشمس لحظة مطلعه

يطرد دياجير الظلام وما سواه=ويرصّع القياء نجومٍ لامعه

بيني وبينك يا ثمـر روح الحيــاه=تو استـقـر الحب في مستودعــه

تابوته القلـب المعنى يا غـلاه=اللي يهيم ويرتجف بين اضلعه

[خالد العلوي]

في حفل تخريج ضباط بني سليم


بـسـم الــذي مـــا لـــه شـبـيـه(ن) ولا نـــد = فــــــرداً صـــمـــد ربُّ عــظــيـــم الــجــلالـــي
سم يا قصيـدي في سمــاء الكــون وصـعـد = يــــــا فـــيــــد حـــــراً بـالـمـنـيـفــات عـــالــــي
شـعـري وانـــا خالــــد على اسمــي مخـلـد = رجـــل(ن) فـطـيــن وحكـمـتـي رأس مــــالــي
وكـلٍ تــبــيّــن وقــفــتــه ســـاعــة الـجــد = أٌمــــا لـــهـــا ولا مــــــن الـــــــذود خـــالـــي
وانـا لـهـا مــا غـضـيلـهـا العـيـن واصـــد = والــشّــك وادنــــى شـــــك مــالـــه مـجــالــي
وشـجـيـع مــالــه قـوم ســيــفٍ بـــلا حـــد = ويــطــيـــح لا شـــــــدة عــلــيــه الــثـــقـــالــي
وانـا سلــمـــي مـــعـرب الـخــال والــجــد =وربــعــي سـلــيـــم معربــــيـــــن الـخــــــوالي
مـن الحجــاز احجـازنا جـيــت فــي نجـــد = مـن شـــــان اشـــاركــهــم فــرح واحـتـفـــالي
الـفـرحــه اللـي مــالهـــا فالــمــــلا حـــد = فـرحـــة وطـن فــرحــة زحــــول الـرجــــالي
تاج وفـخر يكتـب علـى صـفحـة الـمـجـد = بـســـم رجـــــــال سلــــيم ماضـي وتـــــالي
ظبــاط كيـــد لكــــل عـــادي ومــــــرتـــد = وامــــــن وامـــــــان مــــدورين الــظــــــلالي
في ظــل ابــو متعــب تضـد الـعـداء ضـد = جــنـــوب شـــــرق وغــــــرب ولا شـمالــي
حــنــا سـلــيــم أهـل الـحـســام الـمـجرد = نــــطـــوع الــعــدوان وقـــت الـــنــــزالـــي
قـــومـاً لـنـا تـاريـخ وافـعــال تــنــعـــد = وقـــت الـرخــــاء ووقـــات عـســــر اللـيـالـي
يـــــوم الــعرب تـجــهل رســالـة مـحمـد = واهـل الـجـزيــرة بــيـــن ســلـــب وقـتـــالــي
نـــرد الـمـنــايــا مـارد الــوِرد لــلــعــد = بــدم الـعـداء نــروي السـيـــوف الصــقــالـي
بـسـم الــذي مــا لـه شـبـيـه(ن) ولا نـد = صلــــوا على المـبعـــوث في كــــــل حــــالي

[خالد العلوي]

غيمة احزان


على ربوع المملكة غيمة احزان=فجر صباح السبت عالى سماها

جانا خبر شل الخواطر والاذهان=وصدّع جبالٍ راسيات بحصـاها

ما فيه عينً ما بكت موت سلطان=وسيّـل على الخديـن همـال مـاها

رحل وخلى الشعب تايه وحيران=والارض تبكي يوم وارى ثراها

أواه ثـــم أواه يا طـيــر حــوران=دار السعـودي يجبر الله عـزاها

يا دار راح اللي بنا طنب واركان=وشيّد حصـون وحطّـنا في ذراهـا

عضيد ابو متعب سلايل كـحيـلان=درع الوطن بالجيش حامي حماها

في جنـة الفـردوس ياذرب الايمان=روحك عسى المعبود يدمح خطاها

[خالد العلوي]

بين الرجاء واليأس

بين الرجاء واليأس ما مل الأحساس=ما حاس بأس اليـأس قلـب الرجـاوي

استبشـر الـغـربي ليــا هـب نسنـاس=عسـى يبشــر عـن غيـاب النـحـاوي

عـزي لحـالي كـل مـا دق هـوجـاس=من يـوم غـاب وزاد هــم الـحـراوي

أغـيـب عـن دنيـاي وافـارق النـاس=كنـي وحيــد الـجـال داري خـلاوي

الحال حل وضاق صدري بالأنفاس=ولا لي دواء عـنـد الطبـيـب المداوي

ما عاد بي حيلٍ ولا عاد بي بـأس=مـن ويـن مـا وجهـة مانـي بقــاوي

يامـن يبشـرني بريمـي الأطـعـاس=اللي غــلاه أثـر بقلـب الهــواوي

شيهآن حر من السناعيس قرناس=سمـا سمـا مرقــاي حـراً نـداوي

[خالد العلوي]

البدر المنير


مـــن منـطـلـق سـيــر الـمـحـبـه والــهــوى عــبــر الأثــيــر=مـــــع مـجــريــات احـــــداث مـرتــنــي تــعـــزف اسـبـابــهــا
الله واكــبــر كــــل مــــا حــــان الـمـســاء حــــان الـهـجـيــر=تـأخـذنــي احــلامــي عــلــى الـمـســرى واعــــن اركـابـهــا
قـلـبـي مـــن الـفـرقـى غــــدى مــالــه خــــوي ولا نـصـيــر=حـــتــــى الــيـــالـــي مــــــــا تـجـنــبــنــي شــــــــرور اعــتــابــهــا
يــــا ابــــو مـحـمــد لا تـؤاخـذنــي تــــرى حــالــي خـطـيــر=مـــــا غــيـــر اهــوجـــس وامـتـحـنــي هـاجــســي بـغـيـابـهـا
يـــا نعنـبـوهـا دمـعــةٌ طــاحــت عــلــى خــــدي عـصـيــر=الــعــبــره الـــلـــي يــــــا عـــســـى فـــــــال الـــعــــدو يـبــلابــهــا
عـــيــــا يـخـبـيــهــا جـــنــــاح عـمــامــتــي عـــنّــــك واســـيــــر=تـــــذرف عـــــل خـــــدي مــثـــل بــئـــراً تــصـــب اشـيـابـهــا
مير السموحه لا حداً يضحك على الصوت المثير=انــــــــا طــــفــــل فــــاقــــد حــــنــــان امــــــــه دفــــــــا جـلـبــابــهــا
الــــحــــب ذل يــخـــلـــي الــــرجّــــال كــالــطــفـــل الـــغـــريـــر=يــاكـــم وكــــــم صـــاحـــت رِجــــــالً قـبـلــنــا مــــــن مــابــهــا
حـاولــت الـيّــم لـــي شــتــات ضــــاع مـنـقـطـع الـنـظـيـر=وازريـــــــت يـــــــا قـــــــو الــطــعـــون الــدامــيـــه مـضــربــهــا
وقــفـــلـــت بــيـــبـــان الامــــانــــي كـــلـــهـــا شـــــــــراً وخــــيـــــر=واخـــــــذت مــــــــن ســــــــود الــيـــالـــي درســــهــــا بـكـتــابــهــا
كــــــــــل الـــيـــالــــي خــالــفــتــنــي فـــالـــزمــــان الــمــســتــديــر=والـــــلـــــي فــتــحـــنـــا بـــابـــهــــا عـــــدنــــــا قــفـــلـــنـــا بـــابــــهــــا
والــيـــوم بـــــادي بــالأفـــق بـــــدراً عــلـــى الــدنــيــا مــنــيــر=فــــي لـيـلــة يــــا ابــــو مـحــمــد مـــــا حـســبــت احـسـابـهــا

[خالد العلوي]

كومار والأستاذ هليل


المعرفه قوت العقل والشعر فن من الفنون=والتجربه برهان لو ان النتجيه مؤلمه

الشاعر اللي يكتب أغراض الشعر في كل لون=يقدر يسوي من حثيثات التجارب ملحمه

لله در اللي نثر شعره مثل غر المزون=اليا كتب سوى شغب بين الحروف المبهمه

وانا كتبت الشعر من صدق المشاعر والشجون=شيئ بدأ في خاطري اجري جري واترجمه

وين انت يا هليل وانا اشوف الأوادم غافلون=احد عسى الله يسلمه وَحد عسى الله يرحمه

تزرع لغم يبكي كمار يقول حنا مسلمون=الناس واجد كم وكم مسلم وكم من مسلمه

شوف البرامج والحوافز والخلايق عاطلون=شوف الأوامر والمكارم مكرمه في مكرمه

اسمع مثل خطوه ما بين العبقريه والجنون=اما تجي مجنون والا عبقري لك ملهمه

نقط نقط كمل فراغ اكتب يكون أولا يكون=في ما يلي أربع سمات أوصف من احداهن سمه

الماكرون الخادعون الخائنون الخائبون= قدام لا نعلن على البوينج ربط الأحزمه

[خالد العلوي]

المسلسل الدموي


والا يــا هـاجسـي بعــد زهـمتـك للقـصيــدة قـف =ابكتــب لـي قصيــدة تـطــرب الســامـع وقاريها

ليـا منــك لقـيـت اللـي تنـاسبـنـي علـيـها الـتف=من الجـزلـه وانـا يـا مــورّد الجــزلات راعيـها

حـروف الشـعر لا هنتـي عليك الله صفي صف=مثـل صـف العسـاكر صفــها ضـابط يجـازيهـا

ابرسـم للأسـى لوحه واشف أعمق خيالي شف=يجـوز القـا جـواب الصمت بآخر حلم ماضيـها

مغاويـر الجـروح ودمـع عينن بالبـكاء مـا كف=جمـوع أحـداث في عـام الأسى نجرع مأسيـها

مسلسـل صــار في تونـس ودفــه للعـروبه دف=وغـرّد في سمـاء مصر وتمخطـر في روابيـها

وبعد ما دمـر معـمر طمسه الأطلـسي وضـف=وغـرد في رُبى صنعـاء علـي صـالح يمانيـها

هنا حلف العيون الزرق قايـدها زعيـم اشتف=ومنتـوج البـحـر يشبـِع شعــوبه قبــل يغـنيـها

الا يا بحر ما ينضب حسافه كيف جمك جف=تنـاظـرك العـروبـه بعـد مــا يبسـت موانيـها

الا واوجـد حالـي وجــد مـن يزفـر زفيـره أف=على بيـت العــروبه والـزمــان اللـي معـلـيـها

وصار اليل مـع ضـو النهـار وحالهـا مؤسـف=سبـب مجنــون دكـتـاتـور كــان ابــوه والـيـها

سبا هاك الهنـوف اللي تصفّـق كفـهـا بالكـف=عليـه الله واكـبـر كيـــف حاميــها حرامـيـها

ولد نعـجه وسموه الأســد والكــاسر المجـلف=زمان القـط فالجـولان كاســـر في ضواحيـها

أسد حمص وحماه اللي دمرها بالقنابل قصف=وهضبـة حــارة الجـولان لسـرائيـل مهــديـها

زعيم العـرب ابو متـعب توكل بالولي وكـف=بلاد الشــام والأســـلام من طغيـان طاغيـها

وحنا لك جنود وكل شعـب العُرب لك يهتف=ندمر زمـرة اهـــل الشــر جــو وبــر ننـهيـا