ديوان الشاعر/فهد بن بخيت المريعي السلمي

[فهد المريعي السلمي]

بسم الله الرحمن الرحيم
الأخوة والأخوات الغالين في هذا الصرح الشامخ الغالي
السلام عليكم ورحمة الله وبركاته
اتشرف أن أشارك اخواني واخواتي ابناء عمي من الشعراء والشاعرات
واتشرف ان اضع هذا الديوان بين ايديكم والذي سوف يحتوى بمشئية الله
على قصائدي ...
هذا ولكم جزيل الشكر مقدماً على مروركم الكريم


اخوكم /فهد المريعي السلمي
ابوخالد,,,

[فهد المريعي السلمي]

بسم الله الحمن الرحيم

الغالين في هذا الصرح الشامخ..

السلام عليكم ورحمة الله وبركاته

اتشرف أن تكون هذه القصيدة هي أول قصائد ديواني



بسم من كل الخلايق شانها من يمه
*************** الإله ألي خلقنا وقسم الأجناسي

الذي قال بكتابه يوم خلق الأمة
*************** إن أكرمكم تقي والتقى مقياسي

وبعد هذا ياهجوسي الوعد بالقمة
*************** فوق هامات القصأيد مجلسي متواسي

مجلسٍ ماكل شخصٍ لابغاه يخمه
************** مجلسٍ مخلوق للي ساسهم هو ساسي

مجلسٍ للعزوة اللي دايمٍ ملتمه
*************** وطيبهم معروف وافي بين كل الناسي

ومجدهم مجدٍ تليدٍ بين كيف وكمه
*************** وسيرة عطره تشرف كنها الألماسي

عزوتي ياسليم يالي من ذكرهم همه
*************** لو بحجمك ياشمنصير الجبل يالراسي

زاح عن صدره وولى ثم تروق دمه
********** ثم تعزوا عزوتي ياسليم والله ياعصابة راسي

الفخر فينا ومنا والحقا يق جمة
*************** ولو بعدد وش بعدد وياعنا القرطاسي

أنشد التاريخ منهم عاليين الهمة
*************** منهم أهل الراية لحمرا بيومٍ قاسي

ألف فارس مع محمد يوم فتح اليمه
*************** بفتح مكة كان موقفنا شديد ألباسي

ومن سليم أذكر صحابه وقادةٍ بالأمه
*************** مثل عمروا أبن عبسه ومثل أبن مرداسي

وكلنا يعرف من ألي اُتهم بمطمه
*************** وأنزل الله فيه آية وأدحر الأنجاسي

اُتهم مع أمنا عاشه وهي ..هي أمه
************* وصار صفوان المعطل صار تحت الباسي

وأذكر من أسليم عتبه قائدٍ بمهمة
************** أبن فرقد وإن ذكرته زاد بي نوماسي

فاتح أمصار العراق وجامعه ثم ضمه
*************** مع أذربيجان.. وأصبح ديننا نبراسي

ويحفظ التاريخ حشمة لابسات الزمه
***************من بني سليم العواتك وللفخر لباسي

ويذكر الخنساء مثالٍ للنساء ويا يمه
*************** كم صبرتي في مواقف كنها ألأمواسي

ويا سليم الطيب فاخر ومثلنا وش همه
*************** دام حنا مثل رجلٍ لابسٍ متراسي

لو تجيه أكبر مصيبة حطها في كمه
*********** وإن رضى ترضى القبأيل وترزف الأجراسي

والختام أعدد وبلٍ منهمر من غمه
*************** وعد مابرقٍ يلوح وذايع النسناسي

أختتم بزكى صلاةٍ وافيه ومتمه
*************** عالبشير ألي دعانا وجمع الأجناسي





وسلامتكم,,,,,

[فهد المريعي السلمي]

يشرفني مروركم الكريم على هذه الغالية التي استمدت غلاها من غلا موضوعها

((((((((دارنا ما والله امه تراها جابته))))))))))))

ولكم عظيم شكروصح لسانكم مقدماً

دارنــا مـــاوالـلــه امــه تـراهــا جــابــتـه

***** مــن يـمـســك لـــو بـنـظـــره وحـنــا لـك جـنـــود

مـن نـوابـك نـيـة الـشــر دسـنــا هـامـتــه

***** ومـن صـفــى نـصـفـي وحـنـا أســودٍ مـن أُســود

نـفـتـخر ونـعرف وطـنا ونـعـرف خـامـتـه

***** مـأيـزعـزعـنـا كـلام و دسـايـس مـن حـقـــود

والـعـمـيــل الــي جميــع الخـلايـق لامـتـه

***** والـلـه انـــا مــادريــنـابـه (الـكـلــــب )الـشـــرود

والـوطـن يـالـخـبــل دايـم رفـيـعـه قامـتـه

***** منـحـنـى ولايـنـحـنـي دامـــه بـظـــل السـعـــــود

هـم ذرانـا ودرعـنا ولـلأمـان لـجـامـتـه

***** وهـم سـنـدنـا لاغـــدى الـوقـت نـكـارٍ جـحـود

وهـم أسـاس الوحدة الي تكيد الشامته

***** وهـم نـواة الخـيـر رغـم المـداهـن والـحـسود

دارنـا نسمعـك لـو مانـطقـتـي صـامـتـه

***** لا نـخـيـتـيـنـا لـقـيـتــي عيــالــك لــك سـنــود

ولاعـتـزيـتـي كـل رجـلٍ حذف بعمامته

***** والـمـواقـف تـشـهـد إنـا عـلى الـعـالـم نـسود

نـفـتخر والقلب مرسوم فوق أصمامته

***** الســعـوديــة كــذا بـشـكـلـهــا رســم وحــدود

دارنـا ما والله امـه تـــراهـا جــابـتــه

***** مـن يـمسك لــو بنظـره خسـى مالـه وجــود


فهد المريعي السلمي

[فهد المريعي السلمي]

بسم الله الرحمن الرحيم

((( ي ا ق ل ب م ا ل ك و م ا ل ا ل ن ا س )))


يــاقـلب مـالك ومـال النـاس قـم وأسـتـريـح

*********** ماهوب علـى كل حال اتذبها بشحمه

النـاس تضحـك وانـا ويـاك جـرح وجـريح

*********** مثلي مع الناس مثـل الداخل بملحمه

كـم لامنـي لايـمٍ وكـم جـاء لحـدي نـصيـح

*********** وكـم تعب منـي عذول ودزلي بقلمه

النـاس صـارت تصفـق للـردي والبجـيـح

*********** وتمـدح هـل الفعلـة اللي همته بقدمه

من باب صوت التطور والمـجال الفسيـح

*********** صـرنـا اتعايب عبارة مسلم ومسلمه

ومن باب الأخلاق ممكن نقتدي بالمسيح

*********** ولاباس لو نقتدي بالصـدر ومسيلمه

ونأئـد اللـي ذبح ونـذم شـخـص الذبيـح

*********** ونقـول حظـه كـذا ونقـفـل الملـزمـه

ونموت بالمدح ونسعى لكتساب المديح

*********** ونحـب شكل القلوب أبشكلها مظلمه

يـعنـي كـذا باختـصار وبالكلام الفصيح

********* لو يدخل الغرب جحر الضب قلنا معه

ياقلـب لابـاس قفـل وأعتبرني ضريح

*********** ومـدام ساكـن بصدري وقف الهيلمة


,,,,,,وسلامتكم,,,,,,

[فهد المريعي السلمي]

بسم الله الرحمن الرحيم

هذه القصيدة اتشرف ان تكون على متن ديواني في هذا الشامخ كما هي في منتدى قبيلة البقوم العريقة
وهي قصيدة قمت بإسنادها للشاعر /فيصل الرياحي
اللذي اتمنى من الله عز وجل ان يتغمده برحمته ويسكنه فسيح جناته, وذلك لما كان يربطني بالشاعر رحمة الله عليه من صداقه فهو رحمة الله وكما اعرفه تمام المعرفة وذلك لكوني من نفس المدينة التي ينتسب لها الشاعر شخص كان جامع لجميع الصفات المشرفه وهو معروف والمعروف لايحتاج لمعرف
كما انني وبأذن الله عز وجل سوف اضع رد الشاعر على قصيدتي,,,,

ياهاجسي سل شعر الطيب لي سله

................. ونقى جزيل الكلام الي على بالي

وبني بيوتك وخذ من هرجنا جله

..................... وترجم معانٍ لها بالقلب منزالي

وكون كلامي قصيدٍ يبري العله

...................... ثم ارسله اللذي في حسبة اخوالي

انصى من الناس شيخٍ قصره ادله

......................... قصرٍ على الطيب مبني أول وتالي

انصى الرياحي ابن منصور في حله

........................... شيخٍ له المجد منزالٍ ومدهالي

نسل البقوم الذي في علمهم كله

...................... فعلٍ ينومس وقول ان جت للأقوالي

ذباحة الحيل وأهل الطيب والدله

..................... وأهل المواقف وعلى العدوان زلزالي

زبانة الي يصير الوقت ظدله

........................ ويعدلوا الدهر لاصار ميالي

وان صرات انا امدح فهم للمدح وأهله

....................... وأمدح انا كلهم رجال رجالي

ياهاجسي لاوصلته سلم وقله

.................... سلام لك من فهد ياطيب الفالي

ياشاعرٍ لو وصفته بالبحر لله!!!

.................... انت البحر والبحر يلقابك اضلالي

شاعر خليج العرب والشعر هو من له؟؟؟

.................... إلا انت وربعي ومن مثلك بالأفعالي

حيث إن نهجك على التوحيد والمله

.................... وتوزن كلامك بميزانٍ ومثقالي

وترفع بيوتك عن التجريح والزله

.................... وحتى كلامك يجي موزون وجلالي

والقاف لاصار عاصي غصب ينزله

...................... ويحول المر في القيفان للحالي

ثم ترسل القاف للشعار من حله

..................... بيوت مثل النيازك تشعل اشعالي

ياشاعرٍ من سمع شعره فلا يمله

..................... لك من بني سليم وقفة طيب وجلالي

يقوله الي تشرف يومه ارسله

....................... وانا شرف لي اراسل مثلك وغالي

شخصٍ يعزك وحبه لك ترى من الله

.......................... ياللي مزجت القصيد بذوقك العالي



وسلامتكم,,,

[فهد المريعي السلمي]

بسم الله الرحمن الرحيم

وهذا رد الشاعر / فيصل بن منصور الرياحي رحمه الله

يقول فيصل رحمه الله:-



وهذا ردي على الزميل فهد السلمي ( الكاسر الأول)


ياحي مـن بـان للقـاف وتبيّـن لـه

******* هديتـه غاليـه مـن سوقهـا الغالـي

شوارد الشعـر ناداهـن وشامـن لـه

******* قالـن سـلام وتحيـه يابعـد حـالـي

هذا الصحيح وهذا قولـي علـى حلـه

******* منطق فهد مثـل ذوب السكـر الحالـي

وجه لي البيـت يومنـي رفيقـن لـه

******* يمـدح رفيقـه وهـذا سلـم الأبطالـي

مدحـه يشـرف ولـو مانـي بقدلـه

******* ماشفـت نفسـي كبيـر ولايـورالـي

ماندعـي بالكمـال ولانـهـرول لــه

******* هاذي صفه من صفات الواحد الوالـي

ياطيّـب الأصـل يـاراع الوفـا كلـه

******* أشكرك مأمطر مـن الأمـزان همالـي

ياجارنـا اللـي طلباتـه يهونـن لـه

******* على النقـا والوفـا والمذهـب الغالـي

يهمنـا رضـاك ، نتعـب لـه ونبذلـه

******* مانملك من العلـوم البيـض والمالـي

وسليم قيـفٍ عريـب وينعـرف دلـه

******* والله ونعمٍ بهـم فـي كـل الأحوالـي

بيت الشهامه يظلـل مـن دخـل ظلـه

******* وبيت الرخامه خفيـف ولالـه ظلالـي

مواقـف سليـم معـروفـه بـالأدلـه

******* أفعال ماهيـب سـرد علـوم وأقوالـي

يالكاسـر الأول أنـت العـرف تحتلـه

******* من روس ربعك ولابه شـك وجدالـي

هذا الكلام الصحيح ، اللي نبرهـن لـه

******* قالوه كـل العـرب ، ماقولـه لحالـي

الرجل ماينطق إلا الصـدق ، وأجملـه

******* الصدق له فالعـرب تقديـر وإجلالـي

وأرجو السموحه عن النقص وعن الزله

******* ياجالب الغاليـه فـي سوقهـا الغالـي

قال الرياحي ، وأخذ قولـه وسلـم لـه

******* على سليـم الكـرام شيـوخ وعيالـي


فرحم الله فقيد الخليج وفقيد كل محبيه ففيصل لم تفقده قبيلة البقوم وحدها بدل افتقدته جميع القبائل

أسال العلي القدير ان يدخله فسيح جناته

[فهد المريعي السلمي]

الغالين في هذا الشامخ

اتشرف ان ترتسم حروف هذه القصيده على متن هذا الشامخ

واتمنى ان تنال على ذائقه الجميع وإعجابهم

ألا ياقلب قلي لامتى ياقلبي مشقيني

************** أمانه ماتعبت من الشقاء والنوح والونه

أدهورني وانا ياقلب تباعك ومغويني

************** يجرك للهوى سلك الحرير وجرة الشنه

ألا ياقلب ياقلب الشقى يامتعب أسنيني

************** توقف لاعدمتك جعل أبو مثواك للجنه

ترا طرد الهوى ياقلب مع ناسٍ مقفيني

************** مثل طرد السراب الي يلوح بحزة الكنه

وانا ياقلب مليت وتعبت وشيبت عيني

************** تعبت من الحبيب الي سبب بلواي انا منه

أقول انه يصارحني ويصفيني ويغليني

************** ولكن للأسف أكشف كلامه كنه وكنه

بعض مرات أحس انه بدون حدود يغليني

************** لحد اني ولو يطلب عيوني قلت له جنه

وبعض أوقات ياقلبي يلخبط لي موازيني

************** يقض الي بناه بساع وكنه مادرى عنه

وانا ياقلب بين البين يبعدني ويدنيني

************** ولاياكبر قلبه كيف صار اللعب له سنه

ولاياقلب قلي لامتى ياقلب مشقيني

************** أمانه ماتعبت من الشقى والنوح والونه



وسلامتكم

[فهد المريعي السلمي]

على ضفاف الوقت .....


وعلى هوامش الأماكن...


نجد أن هناك مساحة تتسع لتسكع الحروف ...


ففي لحظات السكون وهدوء رياح الأفكار


نجدنا نبحث في ثنايا الذات عن بعض العلامات والوقفات التي ربما لم نعطيها حقها ولم ننصفها


وذلك لسرعة رتل الحياة ووجود الأهم الذي يقدم على المهم


ومن هذه العلامات بل ومن أشهرها نجد علامات الإستفهام (؟؟؟) التي ربما تحتاج لمثل هذه المساحات


فهناك الكثير من هذه الفئة والعينة التي تحتاج النظر فيها وإعادة فهمها وإعطائها بعض الوقت...


......


............


.................


......................


وصلتني هذه الخاطرة من الأديبة الكبيرة / قافلة الخير


فقالت لي :-


هذه الخاطرة وجدت لتكون...


ولكنها غير مرتبة الأفكار ولا موزونة الأشبار وكأنها أوراق تناثرت في الأنهار


وانا اقدمها لك كمادة وفكرة...


واطلب منك أن تعيد صياغتها بحيث تبقى على المضمون ...


أريدها أن تكون من ضمن ديوانك في هذا الصرح الشامخ...





انتهى مضمون كلامها





بعد ذلك قمت بصياغتها وترتيب أفكارها وتنظيم صفوفها وتعديل قوائمها وتنميق وتنسيق هيئتها...



وقلت في نفسي درة مثل هذي الدرة...


عندما يطلب منى ان تكون في ديواني فهو شرف لي وله..


وبالذات من أنها من أديبة يتشرف الأدب بأدبها


لتصافها بالصفات السامية والميزات الطيبة...



هذه المقدمة


والخاطرة تقول:-



ليه يادينا كذا...!!!!!


ليه يتعبنا الشقى .....وليه يرهقنا البقى...


وليه الليالي كلها حزن وهموم...


وليه السماء متلبدتبك يالغيوم...


حنا كذا؟؟؟ ......أكيد ما حنا كذا!!!!


حنا خولقنا للعبادة والتقى...


حنا وٌجدنا للتلاقي والرقى...


أنعيش بالكون الفسيح... ونسوي الشي الصحيح..


وتبحر مراكبنا على شم البحار..


ونحول لظلما إلى نور ونهار..


وتبداء خطاوينا على درب الزمان...


وننشر أمانينا على كل المكان....


معاد فينا إنهيار ....ولابه تكسر أو دمار...


حنا كذا؟؟؟.... أكيد إن حنا كذا.....!!!


بس الغريب إن فيه أجناس لهم عدة وجوه....


أما تناسوا طبعنا وإلا مع المدة نسوه...


صاروا يسمون النقي الطيب ضعيف....


وصاروا يحسدونه على شقف الرغيف...


وإن قال أبتركهم وأعيش ابوحدتي ..قالوا ترا وضعه مخيف..


وإن حاول انه يبتسم قالوا ورا عقله خفيف...


ليه التعامل بالخدع... والدس... والتحريف...


حنا كذا؟؟؟.... أكيد ما حنا كذا....!!!



ليه الضمائر ميتة أبلا كفن وإبلا لحود...


ليه الأوادم تايهه بين الخيانة والجحود...


ليه الصدوق أبفهمهم شخصٍ كذوب


وليه الكذوب أبفهمهم خالي عيوب...


ليه .....وليه.... وليه !!


ليه يادنيا كذا...!!


أحنا كذا؟؟؟....أكيد ماحنا كذا...!!!


ليه الدروب اللي نبي نمشي عليها للدروب


عسراً عسيرة ..أو محال...وأحوالها عج ورمال...


والليل فيها سرمدي....لاماء ولازادٍ ندي..


حنا كذا؟؟.... أكيد ما حنا كذا!!!


في طبعهم كل الخطاء منهم صحيح..


وحنا خطانا كارثة ماتحتمل تصحيح..


ليه يادنا كذا....!!!


ليه الصريح أبفهمهم شخصٍ بجيح...


وليه المجامل عندهم شخصٍ سياسيٍ فصيح...


حنا كذا؟؟؟.....أكيد ماحنا كذا!!!


حنا خلقنا الله سلامٍ للسلام...


حنا خلقنا الله مقابيس الظلام...


وحنا بلاسم للجروح...وحنا قمم كل الصروح...


ومن أجل هذا يازمان....


ومن أجل هذا يامكان......


ندمح خطاياهم كثير....ونمدهم بالحب والعطف الوفير...


لنه لنا قلبٍ كبير...


وأكيد مع مر الليالي بيشعرون..


إن الورود الزاهية فوق الغصون...


وإن الثمار اليانعة ونبع العيون...


بستاننا الفياح...يالبلب الصداح...


بلغ جميع الكون.... إن كان مايدرون....


ثم قلهم بالهون .....


عمرك سمعتوا القافلة تهتز من نبح الأسود...



وسلامتكم

[فهد المريعي السلمي]

المطاريش............



سلم عليه يأريش العين بشويش



***************** واترك أعيونك مع عيوني تونا



اعيوني الي لك تدز المطاريش



***************** وتهل ماها كل مالورق غنا



وتشتاق لك شوق البدوا للرشاريش



***************** وانته قريب وش لون لو رحت عنا



يمكن يصيب العقل خفه وتشويش



***************** وأهج وابعد عن مرابع وطنا



واجلس لحالي لو على يابس العيش



***************** وأحرم حياتي من نعيمٍ تمنا



بس أطلبك يابو جديلٍ عكاريش



***************** يدعج ورمشك ضل وبالكف حنا



ياباهيٍ عن لابسات الرشاريش



***************** ياعود موزٍ بالهبايب تثنا



أرفق بحالي واتركي سكة الطيش



***************** وترا الجفا يابنت ماهوب منا



والجرح مايحتاج فكٍ وتنبيش



***************** بس اتركي عيني بشوفك تهنا




وسلامتكم,,,,

[فهد المريعي السلمي]

بسم الله الرحمن الرحيم



شرفني اخي الغالي / الشاعر عابد عبدربه رشيد مريع المريعي السلمي


بأن أسند لي هذه القصيدة في ديوانه اللذي يحمل أسم


الديوان الجامع للقارئ والسامع


والتي تحمل عنوان (أفكاري المرسلة)


حيث يقول الشاعر:-


مبـــداي قـبــل أنـظــم الأبـيـات بـالـبـسـمـلــة

******************** قـدام لا ابــدأ مـن الأمـثـال والشـعـر بـيــت

بـسـمـك يـأمـن كـل من فالكـون من خـلق له

******************* بــديـت بـأعـــز مـأيــذكـر ويكتــب بــديــت

هـاضـت قـريـحـة بنـات أفـكاري الـمـرسـلــه

******************* لـلشـاعـر اللــي علـى بـالـي فهد بن بخيت

الشـاعــر الـلــي يـقـول مـن الـقـصـيد أجمله

******************** عـن ماكتـب في مجال الشعر شفت وقريت

يـأصـل سـلامـي ذوي عـوضـه ربـوعه هلـه

******************* العـزوه اللـي تبيـض وجهـك ليـا إعتـزيـت

مـن سـاس قـومٍ لـهــم بـيـن الـعــرب مـنـزله

****************** بيـن القبـأيـل لهـم حشمـه وقيمـه وصـيـت

أهـل الـوفـاء والـكـرم والـطـيـب والـمـرجلـه

****************** هــاذي صفـاتٍ لهــم وأنـا بهــا مـاغـويــت

أصـحـاب عـرف وشـرف وأمـجـاد متسلسله

****************** إرجـع لتــاريـخـهـم يـخبـرك لـن مـادريــت

فـي ذي مـريــع صـفـات الـجــود مـتـأصـله

***************** كــل الـخصــال الحمـيـده لـو تـدور لـقـيـت

قـبيـلة الـشيــخ فـالـح مـــاش أحـد يـجـهـلــه

***************** تـشـعـر بـعـز وشـرف بـحـلالـهـم لن لفيت

فـي مـدح ربـعــي كـتـبـت مـن القصيد أجزله

****************** لـكـــن مـهـمــا كـتبـت بـحـقـهـم مـاوفـيــت


فصح لسان الشاعر الأستاذ/عابد عبد ربه المريعي السلمي

وسلامتكم

[فهد المريعي السلمي]

وهذا ردي على قصيدة الشاعر الكبير الأستاذ/ عابد بن عبد ربه السلمي

(*(*(*( ربعي بني سليم )*)*)*)






يـاســأيـق الـكـيــف هــات الـدلــه أمـهـيـلـــه








******************** وسـقـهـا لـمـن هـو يـجيني كل مامن بغيت




الـلــي عـلــى أمــري يـجـي في حلـة مخملـه









****************** وإن قلـت نـسري يقولي لو بتسري سريت




يـمشـي علـى أمـري وبمـري أمـره وأعمـلـه









******************* يـزعـل لـيـامن زعـلت ويـهـتـنـي لارضيت




سـقـهــا لملهـم قصيـدي ونبتـدي الـمـسـألــه









***************** وسـقـلـي تـرانـي مـن الـدلـه انا ما اكتفيت




يـاملهــم الشعــر شــرف والقـصـيـد أشـعـلـه









***************** وركـز معـي وأدري إني لنتخـيـت انـتخيت




قم لاعـدمتك وعـطنـي مـن الـجـزيـل أكـمـلـه









***************** تـدري بطبعي على الجزلات عشت وربيت




بـســـم الله أبــدأ وسـلــم والـســـلام انـقــلــه









**************** لـلـشـاعـر اللـي لـه العـلـيـا ولأمجـاد بـيـت




الصـيــرمـــي الـكـريـــم الــفـاتـــحٍ مـنـزلـــه









***************** الـذايــع الصيـت والمنصـى ليـا من نصيت




الجـامـع الـطـيــب والحـأيـز عـلـوم أشـمـلــه









**************** عـابـد وانـا مثـل أبو فايـز وطيبـه شـريـت




مـن نـسـل ربـعي عـصابـة راسـي الـمـُعـدلـه









*************** الكـل مـأيـل وعـأيـل ومـن عـرفهـم بخـيـت




بــنــــي مــريــــع هــــل الـطـــالات والأولــه









************** أعيـال عـمـي حـزامـي ولابـتـي لاحتـسيت




الـلــي عـلـى الـضـد مـثــل الـنـار والـزلـزلـه









*************** ومـن عـاش فـي ظلهـم يامن ويهنا المبيت




وحـنـا عـلــى الـدرب مـامـلـنـا بـقـيـد أنـمـلـه









*************** أعيـال عاضـه وطيـبـه لحـقـنـي وكتـسيـت




الـطــيـب مـبـــداً عـلـيـنـــا دايــــمٍ نـحـمـلـــه









************* أمـــا لنــا المجــد وإلا الاختـيـار المـمـيــت




بـيـن الـقـبـأيـل لـنـا الأمـجــاد مـسـتـرسـلـــه









*************** بـشـهـادة اللـي بـديـرتهـم خُـلـقـت ونشيت




مــانـقـبــل انــا نـعـيــش بـحـالـــةٍ مـهـمـلـــه









************* وربـعـي بـنـي سليـم لانسـاهم ولاقد نسيت




ويـاسـأيـق الـكـيـف ...أكـرم... دامت امـهـيـلـه









************* لاهـنـت يامكـرمٍ ضـيفــه ودمــت وبـقـيــت









وسلامتكم

[فهد المريعي السلمي]

هذه القصيدة تشرفت بالمشاركة بها في حفل تخرج ثلة من شباب بني سليم
من كلية لملك فهد الأمنية واللذي اقيم بمدينة الرياض يوم الخميس ليلة الجمعة الموافق 5/7/1431هـ



بسـم الله أبـد وابتـدي وأرقـى وانـا عـزمـي سنــود
******************** وأنـقــى الجـزيـلـة للجـزال عـادة فـهـد لامـدها
جـيـت ومـكانـي مـوقـعـه بـيـن الـذيـابـة والـفـهـود
******************** فـي مجلسٍ متسلسيـلٍ طـيـب وفخـر من جـدها
مـجـلس بنـي عـمـي سـليـم اللـي لـهـم قسم الأسود
******************** فــي كـــل عـلــم غـانــم وأنـشـهــد إنـا قــدهــا
ربـعـي حـزامـي عـزوتـي وهم الفخر لي بالوجود
******************** ويـشـوش راسـي وانـتـشـي يـومٍ عـدي عـدهـا
يـامـمـلـكـتـنـا أسـتـبـشـري جـولك وفـيـيـن العهود
******************** اللـي مـن أجـلك روحهم ترخص ولاحد يردها
علــى عــداك أفـعـالهـم مـثـل الـزلازل والـرعـود
******************** ومـن هـمـبـك نـيـة ردا نـاطا على أطلق خدها
نقسم على أشرف ماقُـري على الولا وحفظ العقود
******************** ونـقـســم بإنــا درعـهـــا فـي لينـهـا وبـشـدهــا
مـتــوحــديــن وكــلنــا حُـــراس ودروع وجـنــود
******************** والـلابـة الـلــي مـثـلـنـا مـأيـنـتـزعـزع سـدهـا
لـبـيـه يـا أغـلا وطـن وأغــلا مـواريــث الـجــدود
******************** جـوك الأشـاوس مـن سلـيـم ياويل منهم ضدها
أرجـال الأمـن الـداخلـي يـاعـزنـا وأقـوى الـقـيـود
******************** الـلـي تـكـبـل مـن نـواء يلـعـب بـنـهـضة مدها
فـأنـتـم إحـزام أمـانـهـا فـي صـد إرهـاب الـيهــود
******************** وأنـتـم إمـنـهـا الـداخلي وأنـتـم سـنـدهـا ويـدها
وأنـتـم وجـيـه الـعــزوتــي أسـلـيـم قـدام الـحـشـود
******************** وفـيـكـم فـلا خـاب الـرجاء يهل المعالي وندها
وانـا حـضـرت وفـرحتي فـاقـت مـساحات وحدود
******************** وأحـمـل تـهـانـي لابـتـي مـن حـدهـا لـحــدهــا



وسلامتكم

[فهد المريعي السلمي]

بسم الله الرحمن الرحيم




أتشرف أن أضع هذه القصيدة في روض ذائقتكم ..



واتمنى أن تنال إعجابكم





مــاعـــلا الـدنـيـا حسـافــه كـان مالـلــرجل قيـمـة ******************



****************** ومستحيـــل الــوقــت يـخـلــف واحـدٍ عنده مبادي



يـمشــي الرجـال واثــق وكــل خطـواتــه عظيـمـه ******************



****************** ولايهـــزه قــول شـخــصٍ بـيـن خـلـق الله غــادي



والـزمـن مـلـيــان طـيــب وعـز وأمجــادٍ وشـيـمـه ******************



****************** ولـلأســف مـلـيـان مـن أهــل الضعـافـه والـدوادي



نلتقـي بـأشـخــاص منبــر للــدروب المـسـتـقـيمــه ******************



****************** ونـسـمــع إن هـنـــاك نـــارٍ أخـرت حـفـنـة رمـادي



والحـيـاة أبـكــل حـالــه هــي مـطـيــه لـلـعــزيـمــه ******************



****************** مـن قـوى عـزمـه تعــلا وسلـم من كبـوا الجـوادي



ومـن تـراخـا في حيـاتـه تصبـح أوضـاعـه سقيـمه ******************



****************** ويـصـبـح أبـكـل الـنـواحــي هـأيــمٍ فــي كــل وادي



ويحـذر الـرجـال يـظـلـم ويـحـذر أوضاع الـظـليمه ******************



****************** وبالمقـابــل كــم ظـلــوم عـنــده الأوضــاع عــادي



والرجـال أتـعـرف تـفــرق بـيــن رجــال وبـهـيـمـه ******************



****************** وفيه نـاسٍ ماتـفـرق وتـخـلـط أبـيـضهـا أبـسوادي



والـرجـال أنــواع قــدر وكــل رجــل لــه عـزيـمــه ******************



****************** ابقـوانـيـن الـرجـولــه مــانــشــت حــادي وبــادي



شـاربٍ واجـبـه كـبـش وشـاربٍ بـسـكـوت ديـمــه ******************



****************** وشـاربٍ يـكـفـيـه كـافـي فـي حدا مقهـى الـنـوادي



وشـاربٍ غـيــر حـيـاتـه وغـيـر الـفـطـره الـسلـيمه ******************



****************** صـار شـكــلـه مـثـل هـيفـا رغم كون أسمه عبادي



والـحيـاة أكـبـر تـجــارب بـيــن تـكــرار ويـتـيـمــه ******************


****************** ومـن لسـع مـن نـار شـربه ينفخ بوسط الزبادي




وسلامتكم

[فهد المريعي السلمي]

بسم الله الرحمن الرحيم

اتشرف ان تنظم هذه القصيدة لقصائد ديواني..



الـدمـعـة اللـي ضيـقت صـدر مغليـك ********************


******************** حـاول تـخـفـف وقـعـهـا بـالـبـدايــه


أمـا سـؤالك كيـف حـالك فـلا اخفيك ********************


******************** انــي حـكـأيــة وحـتـوتـنـي حـكـأيــه


أضـحـك وحـاول قدر الإمكان أسليك ********************


******************** ويـاعـنك مـدري وش تكون النهايه


لاقـدر أجـيـك ولاقـدر ابـعـد وجـافيك ********************


******************** ولاقـدر أشـوفـك وانـت دايـم معـايه


محـروم منك وفيك مغرم ولا اخفيك ********************


******************** وهــذي فـصـول المسـألـة والـروايه


بـس الأكـيـد انـي عـن الـكـل معليـك ********************


******************** وهـذا سـبـب هـمـي ومصـدر شقايه


اعنالك ابقـلـبـي واضـمـك واجـاريـك ********************


******************** واخـفـيـك حـتـى عـن خـفـأيـا خـفايا


اخـاف لايـدري عـذولــي بـطــاريــك ********************


******************** واخـاف مـن راعي الحكي والوشايه


واخـاف لو تكشف على القلب يبكيك ********************


******************** وأخـاف تـشـعـر أو تـحـس بـعـنـأيـه


ودي أحـطـك وسـط عـيـنـي وراعيك ********************


******************** واتـنـفـســك حـتــى بـديــل لـهـوايــه


ودي تـعـيـش ابـدنـيـتـي في وانا فيك ********************


******************** وتـكــون لــي ولابـــه أحــد سـوايـــه


الـدمعـة الـلـي ضـيـقـت صدر مغلـيـك ********************


******************** حاول تــخـفـف وقـعـهــا بـالـنـهـأيــه


وسلامتكم,,,,