تصور 00 تصور 00 تصور

[مضحي السلمي]

بذكر الله بديت الشعر وصروف الزمان تبين = اطالعها بعيني واقتدي بالشرع واحكامه

مواقف تذهل الُرضع لها القلب الشديد يلين = مشاهدها تجي من واقع الاحداث جزامه

اخي في الله عن بعض المواقف وين عطفك وين = ترى عمر الفتى يذهب سُدى ماحقق احلامه

تعاطف مع ظروف الناس تكسب جنة الدارين = تأملهم بنظره ثاقبه للخير مقدامه

تصور طفل اتيم ( ام وابو ) فاقد حنان ابوين = دموعه فوق خده مغرقه سبايل اكمامه

تصور طفل شرّد عن وطن تايه غريب سنين = يعيد الذاكره للخلف ينظر سالف ايامه

تصور طفل باسباب الاعاقه فوق عكازين = يبي يمشي ولا يقدر يدرج خطوة اقدامه

تصور ارمله وعيالها بالبيت محتاجين = يساورهم خجل00عيشة ضنك وافكار دوامه

تصور كم مصاب بجلطه وعايش مابين البين = لاموت ولا حياه يكابد ايامه من الآمه

تصور كم كفيف وكم فاقد ذاكره مسكين = هواجيسه تضارب بعضها كاليخت عوامه

تصور كل هذا وانت في صحه تسر العين = عطاكح الله من جزل العطايا دامت انعامه

ترى الصحه على رؤس الاصحاء تاج له وجهين = احد يشكر واحد ينكر عطا المنان باوهامه

لكن انصحك بدروب الهدايه والكلام الزين = تواضع يرفعك ربي عن الدوني على الهامه

وجود بما تجود النفس به لاتقبض الكفين =ترى ماينفعك كنز الذهب لو تجمع حطامه

وتجود في عُرى التقوى وجالس من رجال الدين = وجنب كل هافي عنك لاترفع له القامه

[أبوشديد المثيلي]

صح لسانك يابوماجد


وبيض الله وجهك قصيدة في غاية الروعة



تقبل خالص تقديري وأحترامي

[بندر حسين]

تصور كل هذا وانت في صحه تسر العين = عطاكح الله من جزل العطايا دامت انعامه

ترى الصحه على رؤس الاصحاء تاج له وجهين = احد يشكر واحد ينكر عطا المنان باوهامه

الله عليك ياااااااااااااا بوماجد


مبدع

صح السانك مليوووووووووووووون

وتمنالك التوفيق

[مسعد البقيلي]

ترى الصحه على رؤس الاصحاء تاج له وجهين = احد يشكر واحد ينكر عطا المنان باوهامه


:
:
وتجود في عُرى التقوى وجالس من رجال الدين = وجنب كل هافي عنك لاترفع له القامه



صح لسانك يامضحي قصيدة رائعة من شاعر مبدع


تقبل تحيااااتي

[صعب المراس]

ابوماجد


صح لسانك واعتلا شانك


دمت بود

[مضحي السلمي]

اشكر كل من تكرم بتصفح قصيدتي لاخلا ولاعدم من الجميع