لغز للعراف والشعار

[مسعد البقيلي]

السلام عليكم ورحمة الله وبركاته

هذا اللغز أن شاء الله انه سهل ونبي شوف من يحله

ويش رجل لا يشيب ولا يجيـــب *** وان ظهر للناس تلقى أخته معاه

لايذوق الما ولا يشرب حليـــــب *** مخفي وجهه ومظهر لك قفــــاه

وان توفى شفت وجهه من قريب *** وان لمسته عودت فيه الحيـــــاه

[ابــراهــيــم]

فسرت البيتين ووجدتها تحمل صفات الكشاف والقلم والمحبرة
الرجل القلم وأخته المحبرة

والكشاف الرجل واخته البطارية

ان شاء الله الحل هو الصحيح



ومشكووور
على الموضوع





دمت بود

[فارس السلمي]

السلام عليكم ورحمة الله و بركاته


المميز دائما أبو حاتم

صح لسانك والله يسلمك على اللغز

وعندي رمعه الا وهي

الرجل هو الختم والمحبرة اخته

دمت بود

[مسعد البقيلي]

مالك لوا يابراهيم ماهو الكشاف والحجر ولاهو المحبرة والقلم حاول مرة ثانية

تحياااتي

[مسعد البقيلي]

السلام عليكم ورحمة الله و بركاته


المميز دائما أبو حاتم

صح لسانك والله يسلمك على اللغز

وعندي رمعه الا وهي

الرجل هو الختم والمحبرة اخته

دمت بود

وعليكم السلام ورحمة الله وبركاته

الله يبارك فيك يافارس

ومشكوور على وجودك المميز

وبالنسبة للغز مالك لوا ماهو الختم والمحبرة

حاول مرة أخرى

تحيااااتي

[حــمــد]

والله يا أبو حاتم

من الظهر وأنا أحاول في حله

وما قدرت له

بس بسألك سؤال واحد فقط

هل المقصود حيوان ولا جماد ؟

[مسعد البقيلي]

ياهلا بك ياحمد وحل اللغز تراه جماد

[مسعد البقيلي]

هاه ياشباب بات اللغز اذا قلتو بات بعلمكم بالحل

وترا حل اللغز موجود في مجالسنا

[غليص]

اتوقع الحل :


الجوال وبطاريته

[مسعد البقيلي]

اتوقع الحل :


الجوال وبطاريته

مالك لو ا أخوي غليص ماهو الجوال وبطاريته وترى منت بعيدمشكووور على المحاولة

[غليص]

اجـــل الكمبيوتر والماوس

[مسعد البقيلي]

بيض الله وجهك ياغليص

أنا أشهد أنك حليته

ولك كل الشكر والتقدير