شوارد التسنيم في ديوان صقر سليم/ للشاعر ( صقر سليم)

[فيصل اليزيدي]

صعب القوافي



القلب اداره كامله والعين مركز للبلاغ = وانفوسنا دار المعزة والمحبة غيثها

والعقل ما يسمح لتبليغ المبلغ من فراغ = إلاّ ليا صارت مهمه نابعه من حيثها

الله يجاز الجادل اللي مر قدامي وراغ = محبته بابسط وسيلة معتمد توريثها

امراّ لو يحول على الضلعان خلاها مراغ = حتى الجروح المرمسة عاد الوله تحريثها

لخبط خطوط البرمجة بين الخلايا والدماغ = ويحثها لين استفز القلب من تحثيثها

آخذ شماغي في يدي واقول من شال الشماغ = وانكثت ماضيت العهود اللي صعب تنكيثها

والناس عادتها تُصيغ هروج ما يلزم تُصاغ = ومن يقرب الغابه ليا كشّر بنابه ليثها

عالم على قول الكويتي ماذبحها إلاّ النفاغ = احدن يربعها واحد دوبه على تثليثها

بعض الضمائر ما يزول عقودها حتى الدباغ = دايم عليها شر نفّاثات من تنفيثها

ياناس ترا القبة اللي ما بناها غير طاغ = خسران راعيها فمبناها وفي تأثيثها

قاضي حياته بالمحايل والتحايل والرواغ = والله ترا ذيّ العروق اللي تبي تجثيثها

الله يكافينا من الدنيا ولغوة كل لاغ = ويا الله عسى تشفي قلوب الناس من تلويثها

واختامها هذي البيوت اللي قوافيها على اغ = الاوله على اغ واللي بعدها على ايثها

[فيصل اليزيدي]

قصيدة : سـيد الخلق


نـطـلــبــك يــارحــمــان يــاقــيــوم يــاغــافــر لاحـــــــول = ولاقــــــوة إلاّ بك وتـهــديــنــا طريق الـمـيـمــنــه
يالله تــكــتــب لأمــــــة الإســــــلام عــــزاً لا يــــزول = وهـيـبــة عـظـيـمــه وأنـــــزل الـكــفــار ذل ومـسـكـنــه
فـــي بـدايــة الـعــام الـجـديـد أهـنــي الأمــــه وأقــــول = يالله عسى هذي السنة ماهي مثل مـاضي السنـة
ماضي السنة فيها مصايب للعرب عرضاً وطول = وفـيــهــا عـلـيـنــا أمـــــة الإســـــلام أمـــــوراً مـحــزنــه
أكــبــر جـريـمــة مـاتـهـاونـا بــهـــا شــتـــم الــرســـول = أزكـى صـلاة الله عـلــيــه الــلـــي تـعـلـمـنـا مــنـــه
الـــديـــن كـــلــــه والــكــرامـــة والــمــعزة والـــوصــول = وحـقــوق الإنـســان تحفـظـهـا كـــل نـفــساً مـؤمـنـه
ولايجـيـك الـشـر دايــم غـيــر مـــن روس الـخـبـول = أشـــبـــاه بـــابـــا الـفـاتـيـكــان وحـــزبـــه الله يـلــعــنــه
وإلاّ كـــــلاب الـدنــمــارك الــلـــي يـــدقـــون الــطــبــول = شــلـــة ورى شـــلة بـخـيـبـتـهـم طـوال الألــســنــة
نـفــداك يـاسـيـد الـبـشــر بـأرواحـنــا قــــول وفــعــول = لابــو الحـيـاة إن كــان سـيـد الخـلـق مـاذدنـا عـنـه
بـقـيـادة الـلــي دون عـــز الـديــن مـايـقـبـل حــلــول = يـعـيـش أبـــو مـتـعـب زعـيــم وعـزتــه مـــن مـعـدنــه
ملـيـكـنـا حــامــي حــمــاة الــديــن شــيّـــال الـحــمــول = وولــي عـهـده كــل عـلـم يـصـيـر صـوبــه يضـمـنـه
والــحــمــد لله كـل قــادتــنـــا حـكـيـمــيــن الــعــقـول = ضــد الـيـهــود الــلــي عـداوتــهــم لــلأمـــة مـزمــنــه
وأهــل الخيـانـة شـلـة الإرهــاب لــو صـــاروا فـلــول = أمـــا انـتـهـوا بالـطـيـب نـنـهـي وضـعـهــم بالمـلـعـنـه
الـكـل منـهـم خــادم أهـــل الـشــر والـفـكـر مـغـسـول = لــو يـدعّـي بالـديـن يخـسـى الـلـي يـخـرب موطـنـه
وأكثر شعوب الشرق الأوسط في مواقفهـم ميـول = وأمـيـركـا تـفــرض عـلــى جـــل الـشـعـوب الهـيـمـنـه
وإعــدام صــدام العـراقـي يــوم عـيــد الـنـحـر هـــول = هـــذا انـتـهـاك لـحـرمـة الأديـــان فـعــلاً مــــا افـتـنــه
والـمـحـكـمـة تـمــويــه ومـــجـــرد ذريـــعــة لـلـعــجول = تـوقـيـتــهــم فــتــنـــة عـدو وفــعــلـهــم يـامـجــبــنــه
والـدولــة العـبـريـة اكـبــر شـــر وتــصــول وتــجــول = مايـحـتـرك بـــوش الأمـريـكـي لـيــن سـيــره تـدهـنــه
ينـظـر لـهــا بـشـمـوخ ويـطـالـع لـنــا بـعـيـون حـــول = لـكـن حـتــى بـــوش خـاســي والـحـصـون محـصـنـه
وتــصــارع الـشـعــب الفلسـطـيـنـي مـثـيــراً لـلـذهــول = عــدوهـــم يــمـــرح وفــيــهــم كـل حـاجـة مـمـكــنــه
المـشـكـلـة رغــــم الـتــصــارع لا شـــــداد ولا ذلــول = المـعـتـدي يـطـعـن بجـنـبـك وانـــت جـنـبــك تـطـعـنـه
والـوضــع فـــي لـبـنــان والله فــيــه لــلأمــه خــجــول = شـتــات صـــف بـوقــت محتـاجـيـن فــيــه الـوحـدنــه
وأهـل الـعـراق الله يصـلـح شأنـهـم شـعـب مـعـزول = الـتـفـرقــه رغـــــم الـمـشـاكــل والــحـــروب الـطـاحـنــه
ومـرور مـن دارفـور بالصومـال تصفيـة الإصـول = ناهـيـك عــن كـابـل وقـبـلـه كـــان حـــرب البـوسـنـه
ماقـلـتـهـا والله شـمـاتــه مــيــر مــــن هــــماً يــصـــول = الــديــن والــــدم الـســعــودي رغــم بــعـد الأمـكــنــه
حـنــا تـــرا شـعــب وقـيــادة فــــي مـواقـفـنـا نــطــول = والــلـي يــســـب الــديـــن نـلــعـن خـــيّره ونـجـنــنــه
والـلـي حـفــر حـفــرة لـغـيـره مـــن عـــدا وإلاّ جـهــول = فـــي الـحـفـره الــلــي كـان حـافـرهـا لـغـيــره نـدفـنــه
مـــن مــاضــي الايــــام كــــم مــنــا ريـاجـيــلاً زحــــول = وافـعـالـهـم تــاريــخ مـن ذيـك الـسـنـيــن مــدونـــه
والـيـوم وقفتـنـا مـــع الإســـلام تشـهـدهـا الـفـصـول = والــوقــت مـتـقـلـب عــلــى وجـهـيــن مــحــداً يـأمـنّــه
مــنـــا الــدعـــاء يــاحـــي يـاقــيــوم ومــنـــك الـقــبــول = الله يـكـفـيــنــا الـمــصــايــب والأمــور الــمــحــزنــه

[فيصل اليزيدي]

قصيدة : الطريق الصحيح



يـا الـلـي يـهـمـك فـالـزمـن طــيــب مـعـدنــك = امــش الـقـدى واتـــرك طـريــق الـعـواجـه

طـريــق ديـــن الله يـفـكـك مــــن الـظـنــك = نـــــوراً مــــــع الـظـلــمــا يـــدلـــك ســـراجـــه

واخـتـر صـديــق (ن) فالـنـوايـب يـعـاونـك = فــي سـاعـة الـشـدات يضـحـك حـجـاجـه

تــامــن جـنـابــه طــــول وقــتــك ويـامـنــك = ويــزيـــد مـــــع زايـــــد فــرحـــك ابـتـهــاجــه

مـاهـيــب خــــوت واحـد(ن) هـمــه الـبـنــك = لانـــافـــع (ن) نــفــســه ولاســــــد حـــاجــــه

وقت الرخاء يضحك مع ايسرك وايمنك = ويــغــيـــب مـاتــلــقــاه وقـــــــت الــمـــواجـــه

الـيـاعـطــاك الــيـــوم بــكـــره يـــبـــا مـــنـــك = لــــو مـايـبــا مـاعـاطــك مــثـــل الـخــواجــه

هـــذا صـديــق المصـلـحـه جـنـبـه عــنــك = لــــو لا الـمـصـالــح مـاصـفـالــك مــزاجـــه

وســوق النمـيـمـه لاتـجــي فـيــه يفـتـنـك = ارفــــع مـقـامــك لاتــقـــف فـــــي حــراجـــه

[فيصل اليزيدي]

قصيدة : عودة ولي العهد طلق الحجاجين


عـام الثلاثيـن انقضـى فـيـه عيـديـن = والعـيـد الاكـبـر مقـبـل (ن) فــي طـريـقـه

تاريـخ يـوم الجمعـه اربـع وعشريـن = عيد وفرح لاهـل الوطـن بعـد ضيقـه

عـودة ولـي العهـد طلـق الحجاجـيـن = الـخـيـر مـــع سـلـطـان دايـــم رفـيـقـه

صـار الفـرح يغمـر قـلـوب الملايـيـن = احـلام كــل الشـعـب صــارت حقيـقـه

يالله يــاقــابــل صـــــــلاة الـمـصـلــيــن = يـاعـالـم اســـرار الــصــدور الغـلـيـقـه

احفـظ لنـا سلطـان ريـف المساكيـن = واحـفــظ لـنــا رفـيــق دربــــه شـقـيـقـه

سلمـان حـاكـم نـجـد زبــن المخلـيـن = سـاس الوفـاء راع اليمـيـن الطليـقـه

حكامنـا معـهـم عـلـى العـهـد وافـيـن = اقـلـوبـهــم لــشــعــب دايــــــم رقــيــقــه

واللي علـى الـعـدوان بالحـيـل قاسـيـن = مـثــل الـجـبـال الـراسـيـات الشـهـيـقـه

في ظل ابو متعب صعوط المجانين = ســم (ن) لكـبـد الخـصـم عـــز لصـديـقـه

حنا على نهجه مـع الـدرب ماشيـن = إن شافـانـا الـغــدار يـشــرق بـريـقـه

دون الوطن والمال والعرض والدين = مُـحّـرمـيــن الـــنـــوم حـــتـــى دقــيــقــه

شـعــب وحـكـومـه كـلـنــا مسـتـعـديـن = الأصـــــل واحـــــد والـعــلاقــه وثـيــقــه

[فيصل اليزيدي]

قصيدة : بمناسبة شفاء ولي العهد / الأمير سلطان بن عبدالعزيز , وتعيين الأمير/ نايف نائباً ثاني حفظهما الله


ألايـاكـريــم الــوجـــه يـالــراحــم الــرايـــف = تـُـديـــم الامــــــن والـــعـــز والإعـتـدالــيــه
وطـنـابـلاد الـخـيـر مـاحـافـهـا الـحـايــف = تحت ظل ابو متعب والاحكام شرعيـه
وسلطان ابو خالد كما العالي النايـف = وحامـي حمـات الـدار مـن كــل عبثـيـه
سلامتـك ياسلطـان عيـد (ن) لنـا ضـايـف = وشوفتك عند الشعب حاجـة ظروريـه
قلوب العرب من غيبتـك لافهـا لايـف = ونـرفـع يديـنـا بالـدعـاء نـرقــب الـجـيـه
عساها طهور وخير ياسيفنـا الكايـف = مع انك جميع اعمالك اعمـال خيريـه
ثـقـتـنا بكم في حاضر الوقـت والطايـف = عـلـى العـهـد والمـيـثـاق بـالـعـز مبـنـيـه
وثقت خادم البيتين في سيدي نايـف = نراهـا ثـقـه فــي كــل شـعـب السعـوديـه
هذا رجل الامن وهيبتـه تُمّـن الخايـف = بعيد النظر في كل الاشياء السياسيه

[فيصل اليزيدي]

قصيدة
رجل المهمات ( الملك عبدالله بن عبدالعزيز حفظه الله )

يــاخـــادم الـبـيـتـيـن رجـــــل الـمـهــمــات = يـانـصـرة الاســـلام فـــي كـــل الاقـطــار
رجل(ن) سياسي لك مع الكل وقفات = قـايـد عظـيـم ومــن بعـيـديـن الانـظــار
كـلـمـتــك ذاعـتــهــا جــمــيــع الــقــنــوات = من صدق ميقافـك ومـن دمـك الحـار
اعلـنـت بـيـن الـنـاس نـبــذ الـخـلافـات = وسـاعــدت اهـــل غـــزة بمـلـيـار دولار
واعلـنـت حــرب البـخـل والانقسـامـات = تـخـتــار درب الــعــز مـانـتــه بـمـحـتـار
حـطــيــت قـــــدام الــيــهــود اخــتــيــارات = امــا ســـلام او حـــرب مـابـعـده انـــذار
اريــــاك تسـتـشـهـد عـلـيـهــا بــالايـــات = نـص الكتـاب اللـي لـنـا رمــز وشـعـار
كــادت سفينتـنـا مــع الـغـرق تـنـشـات = وانقذتـهـا مــن مــوج غـبــات الابـحــار
قــــوّة وهـيـبــة فــــي اتــخـــاذ الــقـــرارات = انهـيـت مـابـيـن الـعــرب كـــل مـاصــار
هـذي مواقيـفـك عـلـى طــول الاوقــات = قـــول وفـعــل يـبـقـى لـلاجـيــال تــذكــار
انـتـه صــلاح الـديــن يـا طـيـب الـــذات = كلمـتـك شـبـت فــي قـلـوب الـعُـدا نـــار
نــفــداك يــارمــز الامــــور الـعـظـيـمـات = يحمـاك ربـي مــن صـودايـف الاقــدار

[فيصل اليزيدي]

قصيدة : مشاركة (صقر سليم ) في مسابقة سلامة سلطان


يالله الـتـوفـيــق لـلـخــيــر يــــــارب الانــــــام = والــثــنـــا والــشــكـــر لله رب الـعـالــمــيــن

فـي وطـنـا مهـبـط الـوحـي والبـيـت الـحـرام = اطـهـر الاوطــان قبـلـة جـمـيـع المسلـمـيـن

فــي ضــلال اخــوان نــورة رفيعـيـن الـمـقـام = المـحـبـة سـائــدة رغـــم انــــف الـحـاقـديـن

اسسـو للعـلـم والمـجـد فــي عـهـد الامــام = واستـمـروا فالـتـطـور عـلــى مـــر السـنـيـن

طـول الله عمـر ليـث الـوغـى رجــل الـسـلام = خـادم البيتيـن ابــو متـعـب الشـهـم الامـيـن

وعشـت ياسلطـان رجـل المهمـات الجسـام = رجعتـك لارض الـوطـن عـيـد يــاذرب اليمـيـن

الــعــيــون بـغـيـبـتــك مـاتـهــنــا بـالــمــنــام = ونتفـاخـر فــي حـضـورك وتـفـرح كــل عـيــن

رجـل ديـن ورجـل خيـر وكريـم(ن) مـن كــرام = كف جودك عم خيره على الشعـب اجمعيـن

كم مريض انقذت وابعدت ضيم (ن) عن مضام = وكـم يتيـم وكــم ارامــل وكــم مستضعفـيـن

كـلـهــم نــالــو بــوامــرك جــــل الاهـتــمــام = وكم رقـاب اعتقـت وانهيـت عـن مديـون ديـن

فخـر الانسانيـة اصـبـح عـلـى صــدرك ســام = والضـوامـي مــن همـالـيـل غـيـثـك مـرتـويـن

لـو نعـد اعـمـال خـيـرك عـجـز عنـهـا الـكـلام = فالـوطـن جمـعـيـة الـبــر خـيــر الشـاهـديـن

إلـــك مـنــا كـلـنـا شـكــر وافـــي واحــتــرام = وجعـل تهنـاك العوافـي وطـول العـمـر امـيـن