احبك ولا ما احبك؟؟

[بنت العزيز]

أروح بعيد بأفكاري ويرجع كل ما يمضي

يذكرني غلاك اللي رسمته يوم في قلبك


وكثر ما ملت الشكوى ملت حاجتي تقضي

توضح لك شعورٍ يحتوي شرق مع غربك


حبيبي لا يصيبك شك... أنا بطولي وأنا بعرضي

أحبك أي نعم وأحلف ويشهد ربي وربك



حبيبي تدري من يشغل بالي وليش ما أفضي

وأناعندي خبر تدري بقلبي وش كثر حبك



أنا أشوفك أمل لكن سحابك تجتنب أرضي

وبقى فيني الأمل مثل السراب ويحتضن قربك



ونعم هذا مثل ما كان حالي فيك مايرضي

أنا من وين ما أمشي بحظي يبتعد دربك


ودايم وردتي بإيدي وأجرب فيك أنا وحظي

أحبك. . .وإلا ما أحبك. . .أحبك وإلا ما أحبك؟

[نور الدنيا]

قصيدة جميلة منك ياحساس موقعنا والاجمل أنها لشاعرتي المحبوبه الكويتية ضحاوي العدواني

ننتظرك مزيد من الابداع

[مضحي السلمي]

الاخت الغاليه بنت العز

صح لسان الناقل والقائل وياليتك كتبتي تحتها منقول لتفهم على طول

وهذه من شروط منتدى مجالس الشعر الشعبى الله يعطيك الف عافيه وشكرا لك على الاجتهاد

[بنت العزيز]

كل الشكر اختي العنود
مرورك ورد وحب ان اسعد به
وبانسبه لتعليقك
كلامك صحيح
حبي لكي

[بنت العزيز]

الله يعطيك العافية يالاستاذا مضحي

مشكور على الملاحظه

وانا وبنت الشيوخ حبايب

لك الود كله

[نبض]

اختيار رائع رائع

ودايم وردتي بإيدي وأجرب فيك أنا وحظي

أحبك. . .وإلا ما أحبك. . .أحبك وإلا ما أحبك؟

صورة جميلة والله

[عمر السلمي]

صح لسانكيـ

وصح لسان شاعرها


ودمت بكل خير

[معاذ القايدي]

قصيده جميله

احساس رائع

صح لسان القائل

[نامي السلمي]

صح لسانك وهذه ابيات رائعة وجميلة

تحياتي واحترامي