صالح الدملوكي
12-28-2007, 02:02 AM
السلام عليكم ورحمة الله وبركاته
هذه قصيدة غاضبه من إحدى الشاعرات ضد الأسعار أعجبتني وحبيت أنقلها لكم مع تفاعل شاعر آخر بالرد عليها ارجو
ان تنال اعجبكم
ماني من اللي تلبس الجينز والشيـش = والاّ تدوج اسواق جدة علـى مـاش
وماني من اللي تصبغ الشعر بالميش = تلحق ورا موضة يهودي ولـد لاش
ماني من اللي ترقد الليـل عالريـش = تصبح تدوّر بالخنـا حفنـة الكـاش
إن مت من جوعي فباقـول معليـش = ما يشبع اليومين هذي سوى التـاش
المسألـه ماهيـب مـدح وتفاريـش = والا فجور أصوات بلسـان بكّـاش
الفقر إيييه الفقـر يابـو الدراويـش = يا هو ذبح فينا البراءة وهـو عـاش
من قبل لا ننسى زمـان المرابيـش = يوم الصبا ينبت نواويـر و اعـراش
نصبح على تمرة رضى مع قراقيش = نمسي وكـن قلوبنـا لفّـة الشـاش
قولوا لمن يدفع عيالة علـى الطيـش = كنة على روس القطيع بعصا هـاش
لا يضمن الجنّة ولا يضمـن العيـش = مثل اللذي ميّل براسه علـى كـلاش
بو متعب اللي صار ما هوب تحريش = بو متعب الأوضاع ما عـاد تنعـاش
الشعب جايع والحكومـات تطنيـش = لالا تحـدون البشـر يـم رشـاش
ما ينفع اجـراءات أمـن وتفاتيـش = لا صا كل الشعـب جايـع ونهـاش
الجوع ساحة حرب وانيابنـا جيـش = وأقواتنـا بيديـن مجـرم وغشـاش
ناسِ فوايـد مالهـا تملـي الخيـش = وناسٍ رواتبهم تقـل دخـل فـرّاش
ماهي تجارة تحرم النـاس مالعيـش = وماهي شطارة تنتقد شعب في طاش
تكفون ياللـي مرسليـن المطاريـش = قولوا لهم ناخ الحرامي ولا نحـاش
لو هي بديهم يفصلوا عننـا الفيـش = لا ماي لا كهرب ولا قطعة قمـاش
حتّيش بو متعـب وحتّيـش حتّيـش = ماعاد يلقـط رزقنـا كـود منقـاش
امّا تريح شعب كامل عن الليـش .؟ = والا تقوم وشعـب يرقـد بالانعـاش
مدري بقي لليوم من ينتف الريش .؟ = أكثر من اللي صار يا واش يا وااش
لكن بنبقى شعـب وافـي دراويـش = حتى ولو شفنا الغدر غصن رعّـاش
هي سارعي للمجد والاّ على أيش .؟ = عاش المليك وعاش شعب الفقر عاش
وهذا رد الشاعر عليها
قصيدتك منهـا تطيـر الخفافيـش = ويركن لها طغيان يعرب والاوباش
ثورة غضب ام الجدايل على ويش ؟ = تدرون ؟ والا نسأل العم منقـاش ؟
يازين ندب ام العيـون المراميـش = لاصارت أخت رجال والجد مدغاش
فيها الحميـه ماتعـرْف الدناديـش = محبوكة المنطوق والقاف والجـاش
اريد اطوّش بين الاجواد تطويـش = لنّي سعودي من مواليد الاحبـاش !
يابنت طير المملكة صافط الريـش = والشعب من عقدين تايـه ومنـداش
الوضع صاير فيه غشٍ وتكويـش = يدبـل علينـا والمعازيـم ببـلاش
صرنا لك الله بينهـم مالنـا قَيـش = متساوي الشعب العروبي بالادبـاش
هذه قصيدة غاضبه من إحدى الشاعرات ضد الأسعار أعجبتني وحبيت أنقلها لكم مع تفاعل شاعر آخر بالرد عليها ارجو
ان تنال اعجبكم
ماني من اللي تلبس الجينز والشيـش = والاّ تدوج اسواق جدة علـى مـاش
وماني من اللي تصبغ الشعر بالميش = تلحق ورا موضة يهودي ولـد لاش
ماني من اللي ترقد الليـل عالريـش = تصبح تدوّر بالخنـا حفنـة الكـاش
إن مت من جوعي فباقـول معليـش = ما يشبع اليومين هذي سوى التـاش
المسألـه ماهيـب مـدح وتفاريـش = والا فجور أصوات بلسـان بكّـاش
الفقر إيييه الفقـر يابـو الدراويـش = يا هو ذبح فينا البراءة وهـو عـاش
من قبل لا ننسى زمـان المرابيـش = يوم الصبا ينبت نواويـر و اعـراش
نصبح على تمرة رضى مع قراقيش = نمسي وكـن قلوبنـا لفّـة الشـاش
قولوا لمن يدفع عيالة علـى الطيـش = كنة على روس القطيع بعصا هـاش
لا يضمن الجنّة ولا يضمـن العيـش = مثل اللذي ميّل براسه علـى كـلاش
بو متعب اللي صار ما هوب تحريش = بو متعب الأوضاع ما عـاد تنعـاش
الشعب جايع والحكومـات تطنيـش = لالا تحـدون البشـر يـم رشـاش
ما ينفع اجـراءات أمـن وتفاتيـش = لا صا كل الشعـب جايـع ونهـاش
الجوع ساحة حرب وانيابنـا جيـش = وأقواتنـا بيديـن مجـرم وغشـاش
ناسِ فوايـد مالهـا تملـي الخيـش = وناسٍ رواتبهم تقـل دخـل فـرّاش
ماهي تجارة تحرم النـاس مالعيـش = وماهي شطارة تنتقد شعب في طاش
تكفون ياللـي مرسليـن المطاريـش = قولوا لهم ناخ الحرامي ولا نحـاش
لو هي بديهم يفصلوا عننـا الفيـش = لا ماي لا كهرب ولا قطعة قمـاش
حتّيش بو متعـب وحتّيـش حتّيـش = ماعاد يلقـط رزقنـا كـود منقـاش
امّا تريح شعب كامل عن الليـش .؟ = والا تقوم وشعـب يرقـد بالانعـاش
مدري بقي لليوم من ينتف الريش .؟ = أكثر من اللي صار يا واش يا وااش
لكن بنبقى شعـب وافـي دراويـش = حتى ولو شفنا الغدر غصن رعّـاش
هي سارعي للمجد والاّ على أيش .؟ = عاش المليك وعاش شعب الفقر عاش
وهذا رد الشاعر عليها
قصيدتك منهـا تطيـر الخفافيـش = ويركن لها طغيان يعرب والاوباش
ثورة غضب ام الجدايل على ويش ؟ = تدرون ؟ والا نسأل العم منقـاش ؟
يازين ندب ام العيـون المراميـش = لاصارت أخت رجال والجد مدغاش
فيها الحميـه ماتعـرْف الدناديـش = محبوكة المنطوق والقاف والجـاش
اريد اطوّش بين الاجواد تطويـش = لنّي سعودي من مواليد الاحبـاش !
يابنت طير المملكة صافط الريـش = والشعب من عقدين تايـه ومنـداش
الوضع صاير فيه غشٍ وتكويـش = يدبـل علينـا والمعازيـم ببـلاش
صرنا لك الله بينهـم مالنـا قَيـش = متساوي الشعب العروبي بالادبـاش