مضحي السلمي
02-09-2008, 08:29 AM
يقوله اللي بالهوى ابحر له سنين =مايشرب الا من صفاة المحيا
الحب الاول يختلف بالبراهين = عن حب تال الوقت في كل شيئا
اول تحول في غرام المزايين = ماهو كما ماكان جوه مهيا
الفرق شاسع وافهموا ياذهينين = فرق الثرى عن ساريات الثريا
عبله وليلى حبهن له قوانين = ساسه مجوّد بالوفا يا اوخّيا
واضح وضوح الشمس من غير تخمين = اسرارهن من تحت تسعين طيا
والا غرام اليوم ماله مضامين = مبني على مطلوبهن لاتهيا
اشكال هيفا ياجماعه وشيرين = غرامهن صعبه شروطه شويا
احضر بطاقه مسبقة دفع هالحين = وتشوف بالجوال وجه البنّيا
والا تمشيها بسوق الفستاين = باكبر عروض ازياء بوسط العليا
وليا قضت حاجاتها صدت العين = واقفت وقلبك للفراق يتوّيا
واستدرجت غيرك وتلقى مجانين = ماعمرهم شافوا من الزين ضيّا
لاشافها يخرع سوات الدلافين = ياحيف وين الحب واهل الحمّيا
والعفو لن اخطيت في حق غالين = اخص انا ما اعم عذب المحيا
الحب الاول يختلف بالبراهين = عن حب تال الوقت في كل شيئا
اول تحول في غرام المزايين = ماهو كما ماكان جوه مهيا
الفرق شاسع وافهموا ياذهينين = فرق الثرى عن ساريات الثريا
عبله وليلى حبهن له قوانين = ساسه مجوّد بالوفا يا اوخّيا
واضح وضوح الشمس من غير تخمين = اسرارهن من تحت تسعين طيا
والا غرام اليوم ماله مضامين = مبني على مطلوبهن لاتهيا
اشكال هيفا ياجماعه وشيرين = غرامهن صعبه شروطه شويا
احضر بطاقه مسبقة دفع هالحين = وتشوف بالجوال وجه البنّيا
والا تمشيها بسوق الفستاين = باكبر عروض ازياء بوسط العليا
وليا قضت حاجاتها صدت العين = واقفت وقلبك للفراق يتوّيا
واستدرجت غيرك وتلقى مجانين = ماعمرهم شافوا من الزين ضيّا
لاشافها يخرع سوات الدلافين = ياحيف وين الحب واهل الحمّيا
والعفو لن اخطيت في حق غالين = اخص انا ما اعم عذب المحيا