سلطان العجيفي
05-16-2008, 05:54 PM
السلام عليكم ورحمه الله وبركاته
وبعد ...
هذي قصيده 400 بيت في مجد قبيله سبيع
أبدا بذكر الله رفيع المقامــــــي =هو السلام ومنه يبداء السلامــــي
المقتدر محيي هميد العظامـــــي= وبشايته تصوير الأنفس والأجسـاد
المطلع علام مافي الخفايـــــــا =وعن خاينة الأعين وسر النوايـــا
رب الفلق محصي جموع البرايـــا =جميع مافي الكون عنده بتعــــداد
إلهنا اللي مالنا غيرة إلـــــــه= معبودنا ماغيرة احدٍ عبدنــــــاه
كل الآمال معلقاتٍ برجــــــواه =حنا عبيدٍ له اركوع وسجـــــود
سامع دبيب النمل فوق الحيـــودي= فوق الحيود السود والنمل ســـودي
في ليلةٍ سوداء عربها رقــــودي= الا خطيبٍ ضاريا بالتهجــــــاد
اللي فتق سبع السماوات فتقـــــا =من بعد ماكانت على الارض رتقــا
يالله عسانا من بلاويتك عتقـــــا =في ساعةٍ يكثر بها عض الأنجـــاد
ياحي ياقيوم ياعالم الغيــــــب= ياواقي العثرة وياساتر العيــــب
تلطف بمن سالك ومن جودك تجيـب =انت الذي بامرك تصاريف الأنــواد
يافالق الحبة ويارافع الطيــــــر =يامنزل الماء من مزونٍ مزابــيـر
ياخير من يجزي هل الخير بالخيــر= ياباعث الإنسان من تحت الالحــاد
ياخالق الجنة وياخالق النــــــار =للجنة ابرارٍ وللنار فجـــــــار
ميزان عدلٍ وكل شيٍ بمقـــــدار =منك الطغاة مقرنينٍ بالاصفـــــاد
يامهلكٍ فرعون يامهلكٍ عــــــاد =يامهلك اللي جابوا الصخـــر بالواد
انت لهم يوم الملاقى بمرصــــاد= وبالريح دمرت إيراما ذات الاعمــاد
مجري سفينة نوح فوق الطوفـــان= اللي عليها أثنان من جـــــوزان
ارست على الجودي وكان الذي كـان= في حكمة اللي عالمٍ غيب الارصــاد
يامقدر الآجال ياعالم الحــــــال= حنا تحت رحمتك في يوم الاهــوال
في يوم لاينفع بنينٍ ولا مـــــال= يكود من قلبه سليمٍ وعبــــــاد
عباد للي يعــــلم الكاياناتـــي =يرجي ثواب منــــزل المحكماتي
ايآت حق وكلهن معجزاتــــــي =ترتيلهن يغني عن الشرب والــزاد
باسمك بدينا القاف وإبك استعنــــا =ولا قط في غرات مسلم طعنــــا
ولا نتبع المقفي ليا صد عنـــــا =تبت يد اللي للمقفيــن نشــــاد
من بعد ذا عندي بمجد القبيلــــة =نوادرٍ ماهي علينـــا دخيــــله
يكفي عن الهرج المطول قليلــــة =ان مانقص هرجي عن الصدق ما زاد
حنا سبيع مطوعين الخصومــــي= وحنا سبيع موردين السهــــومي
وحنا سبيع اللي سعدنا يقومــــي= ينهض سعدنا لاتردن الاسعــــاد
سبعان لاقالوا على الخيل سبعـــان =من ماضي الدنيا هل سنــان وعنان
نمشي بقو الزند والسيف شامـــان= ريف القصير وللعدا سم الاكبـــاد
ياما خذينا من حفيفٍ قلاعــــــه =لا طار عن وجه المزين قناعـــه
يسوقنا زود الدجر والشجاعـــــه =ياما كسبناها صباحٍ ومهجـــــاد
حنــا ليا منا نوينــا بعــــدوة =مانجعل الدخان للنصر قـــــدوة
كلٍ نسوقة لين نقصيــة مـــدوة =نتعب ظهور الخيل ونطول المــاد
كم خايعٍ قفــرٍ نجية ونعســــة= وكم طارفة قومٍ قلعنا مرســـــة
يبطي وهو منا صوابــه بنســـة= لاذاق منا ملحة الحرب ماعــــاد
سقم الخصوم مبعدين المشاحــــي= مروين حد مكعبات الرماحـــــي
كسابة الطاله نهار الصياحـــــي= واليا عطينا الوعد نوفي بالأوعــاد
دواسة الجمع المناحر ليا هيــــب =بالخيل والسلة وسردٍ محاديــــب
ومذلقاتٍ يوسعن المضاريـــــب =والجبخان وضرب صلفيــن الاولاد
نبيد جمع معسكرات السرايـــــا =ونشوش فوق المكرمات الســـبايا
لا غردن بالصـوت بيض الصبايــا= نفضا الجموع لعين مركوز الانهــاد
تلمنا الغلـبا وحنــا قبايـــــل قبايلٍ =يذري ذراهــا قبايـــــل
من طيبهم طالوا على كل طايـــل =ساس المعرفة والمروة والامـــجاد
مانقطع السافه ولا ناكل الســــور =ولا نذبح الغافل ولا نشهـــد الزور
ولا ننقل النمه ولا نجحد النــــور =ولانوقت الساعة لغرات الأجـــواد
حنا هل الشيمة بعيدين الأنظــــار =مانزعل العاني ولا نزعل الجـــار
ليا هفت ملة قصيرين الاشبــــار =انفوسنا ماهي دنيات و ازهــــاد
حنا هل الردات لا صاح صايـــح =ليا غدت جرد السبايا سبايـــــح
كسابة الطاله نهــار المدايــــح =نرجع ونسقي خصمنا كاس الامـرار
نمشي مع البيرق عضود الامامــي =شرقٍ وغرب وفي جنوبٍ وشامــي
بياعــــة الارواح يوم الزحامـي= قومٍ على حرابنا علــــة فــؤاد
تشهد لنا البيداء ويشهد لنا الجيـــش= وصنع اليهود معكفات النواتيـــش
وسيوف هندٍ في يدين المداغيـــش= تشهد لنا نطاقة الصاد والضــــاد
ناطا الحما في شف سحج الخلايـــا =جرد الرقاب مبعدات الهوايـــــا
وإن قامت الإعــداء علينا حمايــا= ندوس غبات الخطر جد وعنـــاد
نفرح بفنجال المبارز ليا سيــــق= لو كان هو صعبٍ ومرٍ ليا ذيـــق
ويفرح بنا المضهود في ساعة الضيق =نبوج عنه الظلم والنور ينقــــاد
دخيلنا يامن وتامـــن جــــواده =عامٍ وشهرينٍ وعشــرٍ زيــــادة
نفرض على طلابتة فـــرض إراده =وحنا لمن يلجا لنا كــن وبـــراد
تأمن بنا حنا الشعاف المصاغـــير =نرعا بها في الخوف وقت المخاضير
ونضمى بها في نازحات المصاديــر =واللي يبينا لا عرف وسمنـــا حاد
احسن محلٍ فالجزيــرة خذينـــاه =بمثمرٍ لا صادم العظم يشـــــظاه
من فوق حيلٍ للمطارد مضــــراه= ويدرى خطرنا اللي ورى حد الاكراد
حنا هل الوديان واهل الجهامــــة =وعرقٍ حمينا فية بيض النعامــــه
وايضا خذينا عصب نجد وسنامـــه =ولا جاء لنا الا عقب غارات وطـراد
خذنا من العارض ليا جو عوجـــان= بالسيف ماجتنا بتسليم الاثمــــان
دارٍ لهزعات المراقيب مقطــــان= تسمن بها شيب القرا قبـــل الأذواد
زحنا صناديد الأشاويــس عنـــها =بمشوكٍ كن السحايب دخنهـــــا
حتى ثنينا في يدينـــا رســـنها =من فضل ربٍ للمخاليق جــــواد
كم ضربةٍ منا تفـــج التــرايـب =وكم ذود مصلاحٍ نجيبة غصايــب
وكم مربع سقنا عليــه الركايــب =يلقى لها مع صحصح الخبت مرجـاد
واليا غزونا ناقليـــن البواريـــد =يبغون حلوات اللبن شمــخ القــيد
هذاك يومٍ عندنا كنـــه العـــيد= يوم التشابك عندنا مثل الأعيــــاد
نفرح بهم فرحة قريــبٍ بقربـــه =ليا تحلا ديرتة عقـــب غربــه
وإنفك له من شوف الاقراب كربــه= ومحققٍ في غربته كــل مــا راد
نذبح مذربهم ونلــثم شباهــــم= ويطيح بيرقهم ويظلم سماهـــــم
ونحطهم عبرة لقـــومٍ وراهـــم =يمسون فوق كبودهم مثل الأوتـــاد
ناخذ على الخيل الأصايل عجاريـف= بالرمح والمزروع والدرع والسيــف
نولف إفراقٍ ونفـــرق مواليــف =وحرابنا تقطع هجومة والامــــداد
كم واحدٍ ينقل علينـــا ضغيــنه= طويلٍ لسانه قصيــره يمينــــه
في كل سبل المرجله غابنينـــــه =في خشمة خطامٍ وفي رجله قيـــاد
نرفع كرامتنا عـن الهــرج لا راب= ولا نندفع في ساقة النجم لا غــاب
ولا ندعي وسط المجالس بلأكــذاب= للخير حصادٍ وللشر حصـــــاد
مانستمع لمحرفيــن السوالـــف =هذارة المجلس وجية المكالــــف
اللي لها أعراض الأوادم معالـــف =ولا همنا مغرض ولا قول حســـاد
هاذي مزايانا وهـــذا فخـــرنا= سوٍ على صف المحارب خطرنـــا
ننزل اديار خصامنا مـــع ديــرنا =بمصقلٍ ينزل على المتن قــــداد
عديت فعل مخرقيــن الطوابيـــر =مخضبة حدب السيوف البواتـــير
إن فرحوا الصدقان خير على خيـر= وإن كضمت خطر هل الغيض وشعاد
موجز وفي بعض العلوم اختصرنــا =ديرة هدماناها وديـــــرة عمرنا
بيضٍ صحايفنا بعيـــدٍ نظـــرنا =علم عليه الله والأجـــواد شهــاد
من دون نقصٍ في حــقوق القبايـل= مروين حد مفتقــات السلايـــل
يوم المشاكل والخــطر والدبايــل= ومصادم الدنيا بخفخاف وزنــــاد
قبايلٍ فوق الجزيـــرة مقيمـــة =ولهم تواريخٍ وقيمــة وشيمــــة
تقاسموا ثم ارتضـــوا بالقســيمة =ومن جاد حظه مع ظروف الدهر جاد
قبايلٍ محدٍ يقـــف في نصدهــا =جبعٍ محازمها كثيـــرٍ عددهـــا
توعد وتوفي في المواقف وعدهـــا =امجادهم تذكر قديمـــــات وجداد
ذكرتهم من دون عدٍ وتخصيـــص =أخاف من هرجٍ يحي فيــه تنقيص
للعلم باب وللخطايا قوانيـــــص =وانا عن الزله أحــب التـــركاد
والحضر صافين القلوب المشاكيــل =سمٍ تغلغل في القلوب المغاليــــل
تسمع بناديهم للأذكـــار تهليــل= أهل سفرةٍ تندل وأهل بن وقنـــاد
للمعرفة والخير فيهم مـــــواري= رجالهم في بذل الإحسان ضـــاري
حديث مسلم عندهم والبخــــاري= والنصح منهجهم والإفتاء والارشــاد
واليوم في نعمة وحكم السعــــودي =والراية الخضرا براس العمـــودي
والعود يكسر في عيون الحســـودي =أمنٍ وأمان ونعمة وأكل ورقــــاد
كل تحت فية علمهم يفلـــــــي =حج الجمل وأنكف وصل المصلــي
وتبدلت كوخ الكواويخ زلــــــي =وعاشوا بظل الأمن والخير يــزداد
شعبٍ جعلنا الله للأسلام خـــــدام =وأظهر لتصريف أمرنا خير ألأنــام
إختارهم رب السماوات حكـــــام =واموا شتات الشعب عقب التشــراد
راحت عصور الظلم مع فايتٍ فــات= والسلب في أيام الجهل والقوامــات
والشرك وأنواع البدع والخـــرافات= وتوقفت عنا قواميس الألحـــــاد
فضلٍ من المولى عزيز الجــــلالا =ثم السعود مخضبين الســـــلالا
كواكبٍ فوق الجزيرة تــــــلالا =خير على الخير وضدٍ للأضـــداد
مدوا حبال الأمن في كل ديــــرة =واستأصلوا عنا الخيوط الشريـــرة
يفخر بهم سكان شبه الجزيـــــره =سادوا على من قبلهم كانوا أسيـــاد
حطوا لهم في عالية نجد حـــجري =في الف ومية وسبعه وخمسين هجري
بشلفاء ومصقولٍ وبنٍ ونــــجري= وعلمٍ ودين وضرب مسقوف وشـداد
ومن ذلك التاريخ لليوم حكـــــام= ومواكبينٍ سبق الركــب قـــدام
شرٍ على الظالم ونصرٍ للأســــلام= بذاله المعروف خطلان الآيــــاد
ترجمت فحوى الهاجس اللي طـرالي= مثلي مثل غيري وجالي مجالـــي
لا نيب انا الأول ولا نيـــب تالـي =لي مع ورود الماء مقاما وميـــراد
عبرت عن مافي ضميــري يجولـي= وموثقٍ بالمستنــدات قولــــي
قولٍ على حسب الثقة والأصـــولي =متحفظٍ من كل شاعر وقصــــاد
مثايلٍ تبقى على طول الأزمــــان =يعرف لها من بين الأشعار عنــوان
ابغى ليا من قيل وشقال دسمــــان =أرضيك ياللي للشعاعير نقـــــاد
اقولها مانيـــب أدور عطــــايا =ولا أبغى من التاجر فلوس وهدايــا
ولا أرجي من العالم كفيـــة بلايـا= محدٍ يريد ووالي العرش مــــارد
هذي عدد وقفاتها أربع ميــة بيـت =خصيص في مجد القبيلة ولا أوفيـت
وعلى محمد سيد الرسل صليـــت =المستقيم الناصح المرشد الهــــاد
أزكى صلاةٍ عد ماهــل همـــال= وماغرد القمري على روس الأقـذال
على الشفيع بيوم تقسيــم الأعمـال= اللي يصلي والمخاليق هجـــــاد
وبعد ...
هذي قصيده 400 بيت في مجد قبيله سبيع
أبدا بذكر الله رفيع المقامــــــي =هو السلام ومنه يبداء السلامــــي
المقتدر محيي هميد العظامـــــي= وبشايته تصوير الأنفس والأجسـاد
المطلع علام مافي الخفايـــــــا =وعن خاينة الأعين وسر النوايـــا
رب الفلق محصي جموع البرايـــا =جميع مافي الكون عنده بتعــــداد
إلهنا اللي مالنا غيرة إلـــــــه= معبودنا ماغيرة احدٍ عبدنــــــاه
كل الآمال معلقاتٍ برجــــــواه =حنا عبيدٍ له اركوع وسجـــــود
سامع دبيب النمل فوق الحيـــودي= فوق الحيود السود والنمل ســـودي
في ليلةٍ سوداء عربها رقــــودي= الا خطيبٍ ضاريا بالتهجــــــاد
اللي فتق سبع السماوات فتقـــــا =من بعد ماكانت على الارض رتقــا
يالله عسانا من بلاويتك عتقـــــا =في ساعةٍ يكثر بها عض الأنجـــاد
ياحي ياقيوم ياعالم الغيــــــب= ياواقي العثرة وياساتر العيــــب
تلطف بمن سالك ومن جودك تجيـب =انت الذي بامرك تصاريف الأنــواد
يافالق الحبة ويارافع الطيــــــر =يامنزل الماء من مزونٍ مزابــيـر
ياخير من يجزي هل الخير بالخيــر= ياباعث الإنسان من تحت الالحــاد
ياخالق الجنة وياخالق النــــــار =للجنة ابرارٍ وللنار فجـــــــار
ميزان عدلٍ وكل شيٍ بمقـــــدار =منك الطغاة مقرنينٍ بالاصفـــــاد
يامهلكٍ فرعون يامهلكٍ عــــــاد =يامهلك اللي جابوا الصخـــر بالواد
انت لهم يوم الملاقى بمرصــــاد= وبالريح دمرت إيراما ذات الاعمــاد
مجري سفينة نوح فوق الطوفـــان= اللي عليها أثنان من جـــــوزان
ارست على الجودي وكان الذي كـان= في حكمة اللي عالمٍ غيب الارصــاد
يامقدر الآجال ياعالم الحــــــال= حنا تحت رحمتك في يوم الاهــوال
في يوم لاينفع بنينٍ ولا مـــــال= يكود من قلبه سليمٍ وعبــــــاد
عباد للي يعــــلم الكاياناتـــي =يرجي ثواب منــــزل المحكماتي
ايآت حق وكلهن معجزاتــــــي =ترتيلهن يغني عن الشرب والــزاد
باسمك بدينا القاف وإبك استعنــــا =ولا قط في غرات مسلم طعنــــا
ولا نتبع المقفي ليا صد عنـــــا =تبت يد اللي للمقفيــن نشــــاد
من بعد ذا عندي بمجد القبيلــــة =نوادرٍ ماهي علينـــا دخيــــله
يكفي عن الهرج المطول قليلــــة =ان مانقص هرجي عن الصدق ما زاد
حنا سبيع مطوعين الخصومــــي= وحنا سبيع موردين السهــــومي
وحنا سبيع اللي سعدنا يقومــــي= ينهض سعدنا لاتردن الاسعــــاد
سبعان لاقالوا على الخيل سبعـــان =من ماضي الدنيا هل سنــان وعنان
نمشي بقو الزند والسيف شامـــان= ريف القصير وللعدا سم الاكبـــاد
ياما خذينا من حفيفٍ قلاعــــــه =لا طار عن وجه المزين قناعـــه
يسوقنا زود الدجر والشجاعـــــه =ياما كسبناها صباحٍ ومهجـــــاد
حنــا ليا منا نوينــا بعــــدوة =مانجعل الدخان للنصر قـــــدوة
كلٍ نسوقة لين نقصيــة مـــدوة =نتعب ظهور الخيل ونطول المــاد
كم خايعٍ قفــرٍ نجية ونعســــة= وكم طارفة قومٍ قلعنا مرســـــة
يبطي وهو منا صوابــه بنســـة= لاذاق منا ملحة الحرب ماعــــاد
سقم الخصوم مبعدين المشاحــــي= مروين حد مكعبات الرماحـــــي
كسابة الطاله نهار الصياحـــــي= واليا عطينا الوعد نوفي بالأوعــاد
دواسة الجمع المناحر ليا هيــــب =بالخيل والسلة وسردٍ محاديــــب
ومذلقاتٍ يوسعن المضاريـــــب =والجبخان وضرب صلفيــن الاولاد
نبيد جمع معسكرات السرايـــــا =ونشوش فوق المكرمات الســـبايا
لا غردن بالصـوت بيض الصبايــا= نفضا الجموع لعين مركوز الانهــاد
تلمنا الغلـبا وحنــا قبايـــــل قبايلٍ =يذري ذراهــا قبايـــــل
من طيبهم طالوا على كل طايـــل =ساس المعرفة والمروة والامـــجاد
مانقطع السافه ولا ناكل الســــور =ولا نذبح الغافل ولا نشهـــد الزور
ولا ننقل النمه ولا نجحد النــــور =ولانوقت الساعة لغرات الأجـــواد
حنا هل الشيمة بعيدين الأنظــــار =مانزعل العاني ولا نزعل الجـــار
ليا هفت ملة قصيرين الاشبــــار =انفوسنا ماهي دنيات و ازهــــاد
حنا هل الردات لا صاح صايـــح =ليا غدت جرد السبايا سبايـــــح
كسابة الطاله نهــار المدايــــح =نرجع ونسقي خصمنا كاس الامـرار
نمشي مع البيرق عضود الامامــي =شرقٍ وغرب وفي جنوبٍ وشامــي
بياعــــة الارواح يوم الزحامـي= قومٍ على حرابنا علــــة فــؤاد
تشهد لنا البيداء ويشهد لنا الجيـــش= وصنع اليهود معكفات النواتيـــش
وسيوف هندٍ في يدين المداغيـــش= تشهد لنا نطاقة الصاد والضــــاد
ناطا الحما في شف سحج الخلايـــا =جرد الرقاب مبعدات الهوايـــــا
وإن قامت الإعــداء علينا حمايــا= ندوس غبات الخطر جد وعنـــاد
نفرح بفنجال المبارز ليا سيــــق= لو كان هو صعبٍ ومرٍ ليا ذيـــق
ويفرح بنا المضهود في ساعة الضيق =نبوج عنه الظلم والنور ينقــــاد
دخيلنا يامن وتامـــن جــــواده =عامٍ وشهرينٍ وعشــرٍ زيــــادة
نفرض على طلابتة فـــرض إراده =وحنا لمن يلجا لنا كــن وبـــراد
تأمن بنا حنا الشعاف المصاغـــير =نرعا بها في الخوف وقت المخاضير
ونضمى بها في نازحات المصاديــر =واللي يبينا لا عرف وسمنـــا حاد
احسن محلٍ فالجزيــرة خذينـــاه =بمثمرٍ لا صادم العظم يشـــــظاه
من فوق حيلٍ للمطارد مضــــراه= ويدرى خطرنا اللي ورى حد الاكراد
حنا هل الوديان واهل الجهامــــة =وعرقٍ حمينا فية بيض النعامــــه
وايضا خذينا عصب نجد وسنامـــه =ولا جاء لنا الا عقب غارات وطـراد
خذنا من العارض ليا جو عوجـــان= بالسيف ماجتنا بتسليم الاثمــــان
دارٍ لهزعات المراقيب مقطــــان= تسمن بها شيب القرا قبـــل الأذواد
زحنا صناديد الأشاويــس عنـــها =بمشوكٍ كن السحايب دخنهـــــا
حتى ثنينا في يدينـــا رســـنها =من فضل ربٍ للمخاليق جــــواد
كم ضربةٍ منا تفـــج التــرايـب =وكم ذود مصلاحٍ نجيبة غصايــب
وكم مربع سقنا عليــه الركايــب =يلقى لها مع صحصح الخبت مرجـاد
واليا غزونا ناقليـــن البواريـــد =يبغون حلوات اللبن شمــخ القــيد
هذاك يومٍ عندنا كنـــه العـــيد= يوم التشابك عندنا مثل الأعيــــاد
نفرح بهم فرحة قريــبٍ بقربـــه =ليا تحلا ديرتة عقـــب غربــه
وإنفك له من شوف الاقراب كربــه= ومحققٍ في غربته كــل مــا راد
نذبح مذربهم ونلــثم شباهــــم= ويطيح بيرقهم ويظلم سماهـــــم
ونحطهم عبرة لقـــومٍ وراهـــم =يمسون فوق كبودهم مثل الأوتـــاد
ناخذ على الخيل الأصايل عجاريـف= بالرمح والمزروع والدرع والسيــف
نولف إفراقٍ ونفـــرق مواليــف =وحرابنا تقطع هجومة والامــــداد
كم واحدٍ ينقل علينـــا ضغيــنه= طويلٍ لسانه قصيــره يمينــــه
في كل سبل المرجله غابنينـــــه =في خشمة خطامٍ وفي رجله قيـــاد
نرفع كرامتنا عـن الهــرج لا راب= ولا نندفع في ساقة النجم لا غــاب
ولا ندعي وسط المجالس بلأكــذاب= للخير حصادٍ وللشر حصـــــاد
مانستمع لمحرفيــن السوالـــف =هذارة المجلس وجية المكالــــف
اللي لها أعراض الأوادم معالـــف =ولا همنا مغرض ولا قول حســـاد
هاذي مزايانا وهـــذا فخـــرنا= سوٍ على صف المحارب خطرنـــا
ننزل اديار خصامنا مـــع ديــرنا =بمصقلٍ ينزل على المتن قــــداد
عديت فعل مخرقيــن الطوابيـــر =مخضبة حدب السيوف البواتـــير
إن فرحوا الصدقان خير على خيـر= وإن كضمت خطر هل الغيض وشعاد
موجز وفي بعض العلوم اختصرنــا =ديرة هدماناها وديـــــرة عمرنا
بيضٍ صحايفنا بعيـــدٍ نظـــرنا =علم عليه الله والأجـــواد شهــاد
من دون نقصٍ في حــقوق القبايـل= مروين حد مفتقــات السلايـــل
يوم المشاكل والخــطر والدبايــل= ومصادم الدنيا بخفخاف وزنــــاد
قبايلٍ فوق الجزيـــرة مقيمـــة =ولهم تواريخٍ وقيمــة وشيمــــة
تقاسموا ثم ارتضـــوا بالقســيمة =ومن جاد حظه مع ظروف الدهر جاد
قبايلٍ محدٍ يقـــف في نصدهــا =جبعٍ محازمها كثيـــرٍ عددهـــا
توعد وتوفي في المواقف وعدهـــا =امجادهم تذكر قديمـــــات وجداد
ذكرتهم من دون عدٍ وتخصيـــص =أخاف من هرجٍ يحي فيــه تنقيص
للعلم باب وللخطايا قوانيـــــص =وانا عن الزله أحــب التـــركاد
والحضر صافين القلوب المشاكيــل =سمٍ تغلغل في القلوب المغاليــــل
تسمع بناديهم للأذكـــار تهليــل= أهل سفرةٍ تندل وأهل بن وقنـــاد
للمعرفة والخير فيهم مـــــواري= رجالهم في بذل الإحسان ضـــاري
حديث مسلم عندهم والبخــــاري= والنصح منهجهم والإفتاء والارشــاد
واليوم في نعمة وحكم السعــــودي =والراية الخضرا براس العمـــودي
والعود يكسر في عيون الحســـودي =أمنٍ وأمان ونعمة وأكل ورقــــاد
كل تحت فية علمهم يفلـــــــي =حج الجمل وأنكف وصل المصلــي
وتبدلت كوخ الكواويخ زلــــــي =وعاشوا بظل الأمن والخير يــزداد
شعبٍ جعلنا الله للأسلام خـــــدام =وأظهر لتصريف أمرنا خير ألأنــام
إختارهم رب السماوات حكـــــام =واموا شتات الشعب عقب التشــراد
راحت عصور الظلم مع فايتٍ فــات= والسلب في أيام الجهل والقوامــات
والشرك وأنواع البدع والخـــرافات= وتوقفت عنا قواميس الألحـــــاد
فضلٍ من المولى عزيز الجــــلالا =ثم السعود مخضبين الســـــلالا
كواكبٍ فوق الجزيرة تــــــلالا =خير على الخير وضدٍ للأضـــداد
مدوا حبال الأمن في كل ديــــرة =واستأصلوا عنا الخيوط الشريـــرة
يفخر بهم سكان شبه الجزيـــــره =سادوا على من قبلهم كانوا أسيـــاد
حطوا لهم في عالية نجد حـــجري =في الف ومية وسبعه وخمسين هجري
بشلفاء ومصقولٍ وبنٍ ونــــجري= وعلمٍ ودين وضرب مسقوف وشـداد
ومن ذلك التاريخ لليوم حكـــــام= ومواكبينٍ سبق الركــب قـــدام
شرٍ على الظالم ونصرٍ للأســــلام= بذاله المعروف خطلان الآيــــاد
ترجمت فحوى الهاجس اللي طـرالي= مثلي مثل غيري وجالي مجالـــي
لا نيب انا الأول ولا نيـــب تالـي =لي مع ورود الماء مقاما وميـــراد
عبرت عن مافي ضميــري يجولـي= وموثقٍ بالمستنــدات قولــــي
قولٍ على حسب الثقة والأصـــولي =متحفظٍ من كل شاعر وقصــــاد
مثايلٍ تبقى على طول الأزمــــان =يعرف لها من بين الأشعار عنــوان
ابغى ليا من قيل وشقال دسمــــان =أرضيك ياللي للشعاعير نقـــــاد
اقولها مانيـــب أدور عطــــايا =ولا أبغى من التاجر فلوس وهدايــا
ولا أرجي من العالم كفيـــة بلايـا= محدٍ يريد ووالي العرش مــــارد
هذي عدد وقفاتها أربع ميــة بيـت =خصيص في مجد القبيلة ولا أوفيـت
وعلى محمد سيد الرسل صليـــت =المستقيم الناصح المرشد الهــــاد
أزكى صلاةٍ عد ماهــل همـــال= وماغرد القمري على روس الأقـذال
على الشفيع بيوم تقسيــم الأعمـال= اللي يصلي والمخاليق هجـــــاد