الحب قصه والبطوله لشخصين؟؟!!

[النشميـــــ]

ياعين كفي دمعتك لاتهلين ,,,,,,, قوي الصبر هذا زمان العجايب

ماقد سمعنا رجّع الدمع غالين ,,,,,, ولاسمعنا رد دمع ٍ مصايب

بدل دموعك حاولي بينك وبين ,,,,,, قلب ٍ عساه اليوم ينسى الحبايب

مااقول انسي .. حاولي كود تنسين ,,,, خلاص راحت غايتك بالغصايب

الحب قصه والبطوله لشخصين ,,, وختامها كل ٍ من الحب تايب

ماهوب مثل اللي نظنه من سنين ,,,,,, ماندري انه يودع الراس شايب

كنا نظن الحب يرسم بقلبين ,,,, وسهم ٍ على القلبين بالحبر صايب

واليوم اشوف الحب في دمعة العين ,,,,,, كنه غريب ٍ دون دم وقرايب

انشهد انه شتت الحظ أثنين ,,,,,,, راحت وتهنا في بحور ٍ غرايب

راحت وانا واطلالها اليوم باقين ,,,,, ترقب عيوني بابهم والهبايب

اذا انفتح كل الخفايا بي اتبين ,,,, واذا تسّـكر جاوب الدمع غاايب

انا قوي القلب اصبحت مسكين ؟؟ ,,,,, يحق الك يالعين خاوي السحايب

ياعين هلي دمعتك لاتملين ,,,,,,, غلطان انا يومي ردعتك وخايب

وآخر وصيه من فهم حالتي زين ,,,, وآمن بقلب ٍ راح في الحب ذايب

ينحت على قبري رموز ٍ بحرفين ,,,,,,, وينحت سهم وقلوب .. فوق النصايب


مــع تـــحـــيـــات اخوكم /@ النشميــــــــ @

[أبو فارس]

[]«®°·.¸.•°°·.¸¸.•°°·.¸.•°®»اشكرك اخوي على الموضوع
تقبل مروري

[/اخوك ابو فارس«®°·.¸.•°°·.¸¸.•°°·.¸.•°®»

[ذيب شمر]

مشكور وما قصرت

ويعطيكم الف عافيه

.......................

[حسين بن عون الله]

السلم عليكم كيف حالك يالنشمي
الله يعطيك العافية على المشاركة القيمة وعندي ملاحظة اتمنى تقبلها بكل صدر رحب
البيت الي تقول فيه
انا قوي القلب اصبحت مسكين،،،يحق لك يالعين خاوي السحايب
في رايي ان البيت مايمشي مع الابيات الثانية ولو قلت
انا قوي القلب واصبحت مسكين،،،يحق لك يالعين خاوي سحايب أو يحق لك يالعين مخاوى السحايب


وتقبل تحياتي /حسين بن عون

[ابراهيم النقريني]

ماشاالله عليك اخوي النشمي
قصيده رائعه لو اني لي على بعض الابيا ت مثل ماذكر اخوي حسين

لكن القصيده جزله في اغلب ابياتها وصح لسانك ملايييييييييييين



اخوك صقر النوادر

[فهد العبيدي]

اخوي النشمي

اشكرك على هذا النقل

وياليت ذكرت لنا انه من منقولك


لان اغلب الاعضاء يضن انك صاحب القصيدة

اشكرك على المشاركه

تحياتي لك


فهد العبيدي