السيف والبندقيّه ! ( مصافحه ) ..

[مشخص السلمي]

السلام عليكم


مسيتوا بالخير جميعاً

مشاركه مصافحه وأعدكم إن شاء الله قريباً بالجديد يا ابناء العمومه



السيف جتنا بعده البندقيه=لكنها فالشرع ما تلغي السيف
والله وأنا قد الحياه الشقيه=ما أصد عن ما يكرم الجار والضيف
ماني مدوّر سدها مرزقيه=يحرم عليّ أخذ عليها معاريف
يرزقني اللي يدفع البارقيّه=اللي وسايمها من الصيف لـ الصيف
تبقى كما الغدران منها بقيّه=تملا حلوق بدارهن المغاريف
في ذمتي شوف الوجيه النقيه=أخير من شوفة وجيه الملاقيف
هذي تراها الكلمه المنطقيه=يا اهل الدلال اللي خليه من الكيف
كم رجل باع السيف والبندقيه=كله عشان يقوم في واجب الضيف!!



أخوكم : مشخص السلمي :)

[سعـد السلمي]

لاهنت يالغالي والف شكر على القصيدة الرائعة من كاتب رائع

تقبل مروري وودي واحترامي

أخوك

العجيفي

[عبد العزيز الدملوكي]

الله يسلمك >اخوي مشخص

وصــــح لسانك يالغلا

ولا عـــدمت

يسلموووو
ع القصيده الاكثر من رائع


:
:
:


لك ارق تحيه

[السراب]

صح السانك

وبيض الله وجهك

قصيدة جميله

تقبل تحياتي وحترامي

[أحـمد السلمي]

والله وأنـا قـد الحيـاه الشقـيـه *** ما أصد عن ما يكرم الجار والضيف



صح لسانك يامشخص .... قصيدة جزلة من شاعر جزل .....


بيض الله وجهك على الابيات الرائعة .....


وهذي مصافحة أولى وحارة جداً ....


نتمنى ان نرى الكثير من قصائدك الجزلة ..... وتقبل مروري وتقديري واحترامي ....

[راعي الآولة]

كم رجل بـاع السيـف والبندقيـه
كله عشان يقوم في واجب الضيـف






صح الله لسانك
اخوي/ مشخص السلمي
ولاخلى ولاعدم طال عمرك

[بنت العـــــز]

صح لسانك ولاهنت


قصيدهـ رائعه


ومصافحه أولى مميزهـ


تحيتي

[مطيع حبيب]

الاخ : مشخـص السلمي
قصيدتك تعبر عن اكرام الضيف وهذا البيت

كم رجل بـاع السيـف والبندقيـه
كله عشان يقوم في واجب الضيـف

يعتبر في حد ذاته قصيدة كامله

اللــــــه يعطيك العافيـــــه

[مشخص السلمي]

العجيفي


مرحبابك وسلمت على مرورك الكريم

صح بدنك ولاهنت :)






..

[مضحي السلمي]

الاستاذ مشخص والشاعر القدير
مثل مايقول المثل ترجع العاده لاهلها والقبس يشتب نار
قصيده جميله ونواجدك اجمل يالغالي

[دلوعه سليم]

قصيده جميله
وتستحق المتابعه

[عادل جابر]

مشخص :)

صح قلبك , وفكرك ,

إبدااع كما عهدنا منك ,

لاهنت يالقرم ,

إعجاابي