أكتب أطرف بيت شعري

[زكي السلمي]

أخواني وأخواتي

متذوقي الشعر والفكاهه

فكرة أعجبتني وحجزت لها تذكره وظبطت أمورها

وها هي تنزل في مدينة مجالسنا في مجلس مطار الشعر الشعبي

الفكرة أنك تكتب أطرف بيت شعري من إبداعك أو كنت حافظه

يفضل أن يكون بيت أو بيتين

[زكي السلمي]

وتفضلوا مشاركاتي كلها منقوله
طبعاً لأنها أول مشاركه في الموضوع ومتفاعل
معها جبت لكم أكثر من بيت أعتذر
وأن شاء الله تعجبكم

***********

ياما حلا بعد الغدا ( قوطي ) الببسي
في غرفةٍ قدم المكيــــف تســـــــدح

***********

ليتني في جيبك ريال مقطوع
يبقى معك ما يقبله أي دكان

************

أحد مشى حظه مثل مشيت البنز
في خط متساوي سريع وسيدين

************

وأحد مشى حظه مثل مشيت العنز
من فوق طعس وكنها تمشي بطين

[عبدالرحمن السلمي]

ياسلام على الفكره الحلوه اخي زكي


الله يبيض وجهك يالذيب وهذا ابيات عسى ان تنال اعجابكم


مرحوم يا ضب ٍعلى الخط مدعوس ××× توه صغير ٍ ماتهنى شبابه

وأسباب دعسه ماسك الخط معكوس ××× ياويل منهو داعسه من حسابه

أمه تصيح ويومها صار منحوس ××× وابوه من حزنه يقطع ثيابه

الضب مات و صار هالموت كابوس ××× على عمامه والاهل والقرابه

ضب تمنى شوفته كل عروس ××× وجهه وخشمه ما تجيه الذبابه

[فهد العبيدي]

أو كنت حافظه

اخي زكي هذا لا يتوافق مع شروط وقوانين قسم الشعر الشعبي

لذا اسمحلي بنقله لقسم ( القصائد المنقوله والمحاولات الشعريه )

تقبل تحياتي

اخوك
فهد العبيدي