يامحمد

[المطنوخ]

يامحمد اسمع جابتي وافتهمها=نصيحه من والدك فاغتنمها

مادامت الفرصه لنا فاستلمها=ان كان ودك يامحمد وانا ابوك

الاوله واضب على امور دينك=مادمت حافضها ترا الله يعينك

الا ومع ذا فاحترم والدينك=كان انت نلته فالمخاليق حبوك

والثانيه لياك تظهر كذوبي=فكر وميز في جميع الدروبي

الكذب مايغنيه غير الخنوبي=كل العرب لاصرت كذاب عافوك

والثالثه بالك تخون الامانه=واسبابة الغافل تراها خيانه

وان صار شانك مايوافق لشانه=اعرض عنه والناس لعرضت ماجوك

والرابعه دور رفيق معرّب=حلحيل في كل المراجل مجرب

من كل عيب يامحمد تورّب=يرويك من رايه الى جاك داكوك

الخامسه ضيفك ليا جاك عاني=ابذل له المجهود وسط المكاني

لابد ما تذكر بطول الزماني=بالطيب او غيره ترالناس شاعوك

السادسه عامل هل الطيب بالطيب=لاصرت تقدر من جميع المطاليب

خلك من الاخيار عند المواجيب=كل عطه قدره من الناس اذاجوك

السابعه جارك ترا له كرامه=لمنت في ربك ويوم القيامه

وان كان مابك خير منك السلامه=وان كان ضريته ترالناس ضروك

والثامنه فالسر اياك تبديه=غلق صناديق الضماير بما فيه

الحر مايشرب يكود من اياديه=ماينفعك بالهرج لو كان منوك

والتاسعه فكر بوقتك ودنياك=اربع طعش قرن الحذر منه يالاك

اخذ الحذر من عمل ذولا وذولاك=وان كان ما تصحي تراهم توطوك

والعاشره مانيب يابوك هاديك=وان كان مانلت المراجل باياديك

ماينفعك علمي ولو دمت اوصيك=الا ولاينفعك خالك ولا بوك

صلاة ربي عد ماهلت امزون=واعداد ماكون على الكاف والنون

ياحاضرين القاف ودي تصلون= على النبي وافهم جوابي وانا ابوك

[فهد العبيدي]

ماشاء الله عليك يالمطنوخ


روووعه ومرره من اروع ما سمعت فالحكم


كان عليها بصمات الشريف بركاات


جعل تسلم يمينك لنا يالذيب

لاهنت

ونتظر جديدك