ابيات للشاعر عبدالولي حميد السلمي

[فلاح السلمي]

بسم الله الرحمن الرحيم

عجيب ياقلبي وعجبت أكذوبك *** ماشوف علما جايزلك ومعجبك

ياقلب حاسبني وحاسب عيوبك *** مدري بخلان الرخاء وش مرعبك

وش ولعك في ناس ماقدروبك *** ولاتعنو في حقك وقامو بواجبك

ربعن يغريه الذراء عن هبوبك *** خسران لو تشتكي عليهم مصايبك

ان كان ماتلمس يدينك جيوبك *** في ذمتي مامنهم الي يصاحبك

وان حصل مقصودهم ربعوبك *** وسوولك درب الزلق لين يقلبك

وعند النهاية تفرقو واضحكوبك *** كم من ضحكهم يستغلك ويكذبك

اليوم صدقانك وباكر حكوبك *** بعد الرجاء فيهم تذكر واجبك


وسلامتكم

[فهد العبيدي]

قصيدة رائعه

فيها حكم واقعيه

تذكرنا قصائد الشريف بركات


مشكوور اخوي فلاح

وان شاء الله هذه القصيدة بضيفها

في موضوع مفظله القصائد المنقوله


تحياتي لك لاهنت

[علي الزعبي]

ان كان ماتلمس يدينك جيوبك *** في ذمتي مامنهم الي يصاحبك



صح اللسان الشاعر



عبدالولي السلمي


وقصيده وافيه


ولاهنت يافلاح على النقل




المتميز ولاتحرمنا من


جديدك وابداعك





علي الزعبي

[فلاح السلمي]

اخوي فهد ,اخوي علي شرفتوني بمروركم الرائع

[مازن السلمي]

قصيده جميله ومشكور عليها يافلاح

[فلاح السلمي]

شرفني مروك يامازن

[الوليد السلمي]

ان كان ماتلمس يدينك جيوبك *** في ذمتي مامنهم الي يصاحبك

أنا أشهد إنه جابها على الجرح وبيض الله وجهك يالناقل وصح لسان الشاعر الكبير

[فلاح السلمي]

تسلم يالوليد واسعدني مرورك يالغالي