رد: ديوان الشاعر حمدان بن عامر الشكري (ابن مقحــص)
 

( الـــوالدين )


[poem=font=",6,black,normal,italic" bkcolor="burlywood" bkimage="" border="outset,4," type=2 line=1 align=center use=ex num="0,black""]
الوالدين حقوقهم عن سواهم = وصابها المولى بمحكم كتابه
عبادته ربي قرنها برضاهم = واللي يبا الجنه يحسّب حسابه
يطلب رضاهم ثم يتعب علاهم = ترى لهم حشمه وقدر ومهابه
الوالدين انشهد ان ماكماهم = ربي لدعواهم سريع الاجابه
بقلوبهم غلا وعطف لظناهم= وبقلوبهم حب وحنان ورحابه
يالله عسى الجنه ياربي جزاهم= مع الرسل والانبيا والصحابه
[/poem]


وسلامتكم ،،،

رد: ديوان الشاعر حمدان بن عامر الشكري (ابن مقحــص)
 

(الجروح)



[poem=font=",6,black,normal,italic" bkcolor="burlywood" bkimage="" border="solid,4,black" type=2 line=1 align=center use=ex num="0,black""]
بعض الجروح تطيب مع مر الايام = والبعض منها ينزف العمر كله

والبعض الاخر لو بقا ماهوبسام = أن طاب والافالجسم مايعله
[/poem]



( طفله يتيمه)


[poem=font=",6,darkred,normal,normal" bkcolor="burlywood" bkimage="" border="solid,4,darkred" type=2 line=0 align=center use=ex num="0,black""]
طفله وتلحق دمعها نوح وصياح = حتى تقطع صوتها مع نسمها

ماتوا اهلها وحظها فالزمن طاح = ومع طيحت الحظ عمها مارحمها
[/poem]

رد: ديوان الشاعر حمدان بن عامر الشكري (ابن مقحــص)
 

هذه قصيده بمناسبة سفر مولاي خادم الحرمين الشريفين لتلقي العلاج بالخارج
والسنتنا تلهج بالدعاء له بالشفاء العاجل وعودته الى ارض الوطن معافا بأذن الله



[poem=font=",6,black,normal,normal" bkcolor="burlywood" bkimage="" border="outset,4," type=2 line=0 align=center use=ex num="0,black""]
الشعب لله يرفع يديه ويقول = يارب ياللي مالغيرك عبدنا
تشفي مليكٍ مالك قلوب وعقول= تشفيه وترده لنا ولبلدنا
عبدالله اللي صادق الفعل والقول= مليكنا حبيبنا هو سندنا
ايولله انحبه محبه على طول = محبةٍ فيها هناه وسعدنا
الشعب في حبه متيم ومجبول= شعب السعوديه يحبه من ادنا
مليك للعالم محبب ومقبول = من حكمته وسياسته استفدنا
رجل بقضايا الناس مهتم ومشغول=يشهدله العالم وحنا شهدنا
قولوا معي يالله عسى عمره يطول= ويشفيه من حنا لوجهه سجدنا
يشفيه منهو عالم بكل مجهول= يشفيه ويرده لنا ولبلدنا
[/poem]

رد: ديوان الشاعر حمدان بن عامر الشكري (ابن مقحــص)
 

ابيــــــــــــــــــــات



[poem=font=",6,black,normal,normal" bkcolor="burlywood" bkimage="" border="solid,4,black" type=2 line=1 align=center use=ex num="0,black""]
البعد عن بعض الاوادم غنيمه = لصار قربه يدبل الكبد ويغث
والبعد عن بعض المجالس حشيمه= لصار فيها من على الغيبه يحث

[/poem]



ي[poem=font=",6,black,normal,normal" bkcolor="burlywood" bkimage="" border="groove,4,black" type=2 line=0 align=center use=ex num="0,black""]
ياقلب لاتتبع لعوبٍ مصده = تتعبك ياقلب العنا في ولعها
بنت الترف متربيه وسط جده= وانت بدوي مانته بقاوي دلعها
خلك بعيد وحبها مانت قده= واشره علي انكان حبك شلعها
[/poem]

رد: ديوان الشاعر حمدان بن عامر الشكري (ابن مقحــص)
 

( ياسعد )


[poem=font=",6,black,normal,italic" bkcolor="burlywood" bkimage="" border="solid,4,black" type=2 line=0 align=center use=ex num="0,black""]
ياسعد ياخوي بالله قلي = عن سنا برقٍ يلوح قبالي
ياعساه ينوش دار الخلي= الحبيب اللي عليّه غالي
ايتني باخباره وعجلي = لو دون المرسلات جبالي
لاتأخر عن خفيف الظلي = لن تعثر دونه الارسالي
اركب الجيب الجديد الفلي = وانحر ابنا للديار شمالي
ودنا قبل الظلام يحلي = ودي بشوفه علاه الشالي
كان ماشفته عصر فالظلي = اشهد أنه ماتريح بالي
مسكنه دار000 0 مطلي = للديار اللي لنا مدهالي
ياسعد خلك معي وافطن لي= لاتجي ضدي مع العذالي
انت فاهم بس ويش الحلي = في هذاك اللي سبب غربالي
ان شكيت الناس ما تسمع لي= وان سكت الله عليم بحالي
انتبه يابو سعود وقلي = عن سنا برقٍ يلوح قبالي
ياعساه ينوش دار الخلي = الحبيب اللي عليّه غالي
[/poem]

رد: ديوان الشاعر حمدان بن عامر الشكري (ابن مقحــص)
 

[poem=font=",6,black,normal,italic" bkcolor="burlywood" bkimage="" border="solid,4,black" type=2 line=0 align=center use=ex num="0,black""]
هلا با للي كما غيثٍ نزل من عالي الامزان = ليا منه نزل في ديرةٍ يسقي جدايبها
ابو متعب بمداته سوات الماطر الهتان = كريمٍ فالعطايا والعطايا ما يحسبها
حبيب الشعب له هيبه وبه نخوه وله سلطان= كفوفه للوطن والشعب فالدنيا مراكبها
يقف في ساعة الشده ووقفاته لها برهان = يحل الكايده وقلوب خلق الله / يكسبها
يقف ويساعدد المضطر والمحتاج مهما كان= يمينه ما تعلّم عن شماله وش وهايبها
يجود الجود من جوده ولايبخل على الاوطان= ولو ماعنده اللي هي حياته كان جاد بها
سليل المجد راع الجود والامجاد له عنوان= بلاده عايشه في خير والامان ساد بها
رفع من شانها لين اصبحت من خيرة البلدان = على درب الحضاره والرقي صمم وسار بها
مليك وخادم البيتين واخوانه سند واعوان = وشعب المملكه عسكر تشكل في كتايبها
لك الفضل ولك المنه ياواحد ياعظيم الشان= بعد ماعد ابو متعب وزال الناس صايبها
رجع سالم وغانم مزبن الشياب والشبان = أمل لشعوبه ومزبن ليا كبرت مصايبها
عسى الله يحفظه من كل شر ويخذل العدوان = وتبقى رايت التوحيد / والعز دوم ناصبها
[/poem]

رد: ديوان الشاعر حمدان بن عامر الشكري (ابن مقحــص)
 

(حب جـنون

[poem=font=",6,black,normal,italic" bkcolor="burlywood" bkimage="" border="double,4,black" type=2 line=0 align=center use=ex num="0,black""]
العيد والفرحه لنا يوم عودتك = عودتك غانم يابو متعب وسالم
تسعين يومٍ ما هتنينا فـ غيبتك= لينن عدت وكنها احلام حالم
ثالث عياد المملكه هي شوفتك = ياللي صنعت من الحضاره معالم
عساك سالم دوم لقلوب حبتك = حبتك حب جنون والرب عالم
انته ملك ملكت شعبك بطيبتك = وايضا ملكت شعوب وملوك عالم
حلمك وعطفك ما تعارض بقسوتك = تضرب بقوه لستبد كل ظالم
حنا فرحنا بس ماهو بجيتك = بجيتك وبشوفتك وانت سالم
[/poem]

رد: ديوان الشاعر حمدان بن عامر الشكري (ابن مقحــص)
 

بسم الله الرحمن الرحيم

( الليل انا اسريه )



[poem=font=",6,black,normal,italic" bkcolor="burlywood" bkimage="" border="double,4,black" type=2 line=0 align=center use=ex num="0,black""]
انت خوي الليل والليل انا اسريه= والطيب اللي خطوته ماقصرها
والليل لوطول وطالت مساريه= رجلي عن دروب الوفا ماعذرها
احشم رفيقي مثل روحي واداريه= وان ماكسبت مودته ماخسرها
اشره علاه وله عليه مشاريه= وكل الرجال الطيبه ماحقرها
ليا نصاني في لزومه البيه= والله عليم بنيتي ويخبرها
يعلم بما تبدي السراير وتخفيه= وفعل الجمايل ماحدٍ محتكرها
سلام والشعر اكتبه لك واغنيه=لانك كفو والنفس ربي ومرها
[/poem]

رد: ديوان الشاعر حمدان بن عامر الشكري (ابن مقحــص)
 

( بسم الله الرحمن الرحيم )




[poem=font=",6,black,normal,italic" bkcolor="burlywood" bkimage="" border="inset,4,black" type=2 line=0 align=center use=ex num="0,black""]
اليا انقفل باب انفتح للفرج باب= والله دون الخلق ماصك بابه
وان ضاق درب الله جعل سهل وهضاب = باطا على خد الزمن مابهابه
واليا تنكر للمعاريف الاقراب = اضحك وانا كلي شتات وكآبه
تعبت أدور للجفا عذر واسباب = حتى اكتشفت إن الاوادم تشابه
لاالوقت يسعفني ولاينفع عتاب = والصدر فيه طعون رمح القرابه
ماعاش في هذا الزمن كود كذاب = والصدق في وجه الخجل عض نابه
عين الحقيقه للملا لبسة حجاب = والاسئله ماعاد تلقى إجابه
ياشين وجه اليوم فيه الوفا غاب = حتى القريب /تخاف /منه وتهابه
ماعاد انا وايا الزمن ربع واصحاب = ولاعاد يعني شي حضرة جنابه
ولاعاد انا اللي حول اقراب واحباب = صاروا سوات ذياب ووحش غابه
حتى الذي حاسب لهم عندي حساب = جفوا مثل حبر القلم للكتابه
كم واحدٍ من غيضه يعض الانياب= وده يقومه حريق وحرابه
وكم واحدٍ يكذب ويغدر ونصاب = ماعاد يسمع للنصيحه ويابه
وكم واحدٍ من دونه يصك الابواب = عقيد قوم ودونهم صك بابه
راحوا طويلين الايادي والاشناب = اللي لهم قول وفعول ومهابه
[/poem]

رد: ديوان الشاعر حمدان بن عامر الشكري (ابن مقحــص)
 

( طيبة الانفاس)


[poem=font=",6,black,normal,italic" bkcolor="burlywood" bkimage="" border="solid,4,black" type=2 line=0 align=center use=ex num="0,black""]
هلا ياوردة الصبح الجميل وطيبة الانفاس= هلا يابهوة الصدر الرحيب ومنبع احساسه
هلاياام الدلع وام الحلاوالطيب والاحساس= هلا يادرة البحر الغزيز وغالي الماسه
هلابك ياهلا يام العيون الهدب والانعاس = هلابك كل ماهب الشمال بنود نسناسه
لك ابيات القصيد ولحنها مع دفتر الكراس=بليلٍ به قمر نوره تسامر فيه جلاسه
نهاري لك معاش وليلي البارددفا ولباس =ونسمت صبحك البارد عبير الورد وانفاسه
تعالي جوف صدري واسكني وضلوعي الحراس=عليك الله وامانه مايصلك من الزمن باسه
خذي مني وعد ياروح روحي يااعز الناس= ياغلا ماسكن في داخلي وبقلبي احساسه
[/poem]



وسلامتكم،،،

رد: ديوان الشاعر حمدان بن عامر الشكري (ابن مقحــص)
 

[poem=font=",6,black,normal,italic" bkcolor="burlywood" bkimage="" border="double,4,black" type=2 line=0 align=center use=ex num="0,black""]

اسج واسبح في خيال افكاري = واحمل على متن السحاب احلامي
اخذت من لون السماءاشعاري = ومن عتمت الليل استقيت الهامي
كتبت مابين السطور اسراري = كتبتها في دفتري باقلامي
[/poem]

رد: ديوان الشاعر حمدان بن عامر الشكري (ابن مقحــص)
 

[poem=font=",6,black,normal,italic" bkcolor="burlywood" bkimage="" border="double,4,black" type=2 line=0 align=center use=ex num="0,black""]
ياصاحبي مانته اليومه على العاده = متغيرن كلك اليومه على كللك
يمكن لجل ماشربت القهوه الساده =والا مزعلك ليل البارحه خـلك
الحب متشربه يالصاحب زياده = اسنين تطرد سرابه مابرد غلك
فالحب والغي ماحدٍ حصل مراده = احلام واوهام في بالك تخيلك
ياصاحبي لاتكون النفس منقاده = ورى الهوى والهوى في صمت يحتلك
لاتسهر العين والقلب اقهر اسهاده= من قبل فيك الهوى يمشي مثل ظلك
اترك طريق الهوى واحذر تمداده = مالك وماله وكب اللي تميلك
لاتمر فيك السنين وتكبر العاده = ويلعب علاك الغضي ياصاح ويذلك
[/poem]

رد: ديوان الشاعر حمدان بن عامر الشكري (ابن مقحــص)
 

[poem=font=",6,black,normal,italic" bkcolor="burlywood" bkimage="" border="double,4,black" type=2 line=0 align=center use=ex num="0,black""]

على طول السنين اللي تمر وترتسم بالبال= تزاحم داخل افكاري وذكراها على بالي
خذيت بمجمل اوقاتي حلاوتها وطيب الفال = عرفت أن الزمن يمضي ويبقى طيب الافعالي
واخذت من الجبال شموخ والوادي صبروآمال= واخذت من النخيل اللي تمايل قوت وظلالي
وحيد ولامعي غير القناعه هي راس المال = وكل اللي معي من صحبة الايام تمثالي
صحيح ان القناعه كنز وصمود الرجال افعال= ولكن القناعه ماتعادل روس الاموالي
وقفت وكن شمس الصيف شتويه ولي مقيال= خفوقي ماشكا من حرها ويا اشهب اللالي
خذيني ياسنيني واكتبي ذا العاشق الرحال = عشيق ولايفارق من عشقها جنون وهبالي
عسى الله يجبر بخاطر سنيني باقي الاطلال = وعسى الله لايكدر صفوها في كل الاحوالي
[/poem]



وسلامتكم،،،،

رد: ديوان الشاعر حمدان بن عامر الشكري (ابن مقحــص)
 

[poem=font=",6,black,normal,italic" bkcolor="burlywood" bkimage="" border="double,4,black" type=2 line=0 align=center use=ex num="0,black""]



في ليلة البارحه والحـــــــــظ وافيلي = لفاني الصاحب اللي كان ناسيني
من أمس وهوه على بالي ومطريلي = واطرى عليه كلامٍ به يســـــــليني
سمعت صوته وانا ساهي يناديلــــي = ويقول حمدان وشبك ماتراعــــيني
ياصاحبي ليه مانته ليه واعيلــــــــي = ادعيك بسمك وكنك ماانت توحيني
قلت العفو ماانت فالصحبه بصافيلـي = تركتني يوم انا محتاج تدفيني
واليوم راجع تزودلي غرابيلـــــــــي = لاتزود جروحي اللي في كافيني
قال العفو كان ماجتكم مراسيلـــــي = ماني بناسيك بس الوقت حاديني
قمت اتوجد واغني له مواويلـــــي = واكتب له احروف وارسم له عناويني
ياويل حالي وياويلي وياويلـــــــــي = أثر المحبين في حكم المجانينــــي

[/poem]

ــــــــــــــــــــــــــــــــ








وســـــــــــــــــــــــــــــــــــلامتكـم

رد: ديوان الشاعر حمدان بن عامر الشكري (ابن مقحــص)
 

( الحزن )

[poem=font=",6,black,normal,italic" bkcolor="burlywood" bkimage="" border="double,4,black" type=2 line=0 align=center use=ex num="0,black""]

انا حزني حظنته ثم خبيته عن الخلان = لأن الحزن لي وافي وكنه راضع من امي
وفا لي ولقا عندي وفا وبداخلي مسكان= ليا منه شكا جرحه شكيت جروح من همي
تخاوينا سوى لاننا صرنا كما الاخوان =أنا اشكي له ويشكي لي تخالط دمه بدمي
مساحات الفرح ماعاد تعني لي أمل وامان= مثل ماجات راحت واحترق في داخلي حلمي
لقيت أن الوفا غدر وجزى الاحسان بالنكران = جروحي شلتها لين اتعبتني من تعب ظلمي
حسافه يازمن صاير تلون والوجيه الوان= وصاير كل شيٍ مختلف ماهوعلى علمي
اناماكنت احسب ان الصراحه تتعب الانسان= الين اني عرفت أن الصراحه هي سبب جرمي
انا يكفيني اني لارحلت ارحل وانا لي شان= ويبقى لي صدى ذكرى ويبقى لي صدى اسمي
[/poem]


وسلامتكم،،،[/quote]

رد: ديوان الشاعر حمدان بن عامر الشكري (ابن مقحــص)
 

( الصاحب الغايب )



[poem=font=",6,black,normal,italic" bkcolor="burlywood" bkimage="" border="double,4,black" type=2 line=0 align=center use=ex num="0,black""]

يالله يارب يامعبود ياوالي = انا طلبتك ترد الصاحب الغايب
الصاحب اللي عزيزومنزله عالي = اللي ملك مهجتي والقلب به ذايب
طّول غيابه وانا عنّه ماني سالي =والقلب لاهو بلا طايب ولاتايب
طول غياب الحبيب وموعده طالي =وانا عن مقابله والله ماني هايب
لكن اجامل واداري بعض الاحوالي =واخاف من هرجة المهبول والخايب
خبلٍ يدور على النمات نقالي = ويصدقونه بهرجه لو ماهو صايب
الله يعين وعسى الله يرحم الحالي = القلب شيب وراسي من بعد شايب
يالله يارب يامعبود ياوالي = انا طلبتك ترد الصاحب الغايب
الصاحب اللي عزيز ومنزله عالي = اللي ملك مهجتي والقلب به ذايب
[/poem]

رد: ديوان الشاعر حمدان بن عامر الشكري (ابن مقحــص)
 

( ماني على فرقاك قادر وطايق )


[poem=font=",6,black,normal,italic" bkcolor="burlywood" bkimage="" border="double,4,black" type=2 line=0 align=center use=ex num="0,black""]

الجو صافي معك والبال رايق = من شان فيك الحس والذوق راقي
ماني على فرقاك قادر وطايق = ياللي حكمتيني بظلم الفراقي
انتي تعرفين الاصل والحقايق = والخطوه اللي للخطا ماتساقي
احيان منك اغيب واحيان فايق= واحيان اقول أن المدى مايطاقي
ياكثر ما أعد الثواني دقايق = وايامي شهور وسنيني وثاقي
انكان صدرك ضاق والوقت ضايق= أنا على كبر الفضا بي ضاقي
وان حدرت دمعات عينك حرايق= دمعات عيني هي سبب لاحتراقي
مابيني وبينك يفوق الوثايق = اسمك ورسمك داخل القلب باقي
القلب لك مسكن وصدري حدايق = ودمي لدمك بالشرايين واقي
خذيني انكاني على الذوق لايق= والااتركني للأمل واشتياقي
[/poem]

رد: ديوان الشاعر حمدان بن عامر الشكري (ابن مقحــص)
 

( أخذ كل الذي ودك)


[poem=font=",6,black,normal,italic" bkcolor="burlywood" bkimage="" border="double,4,black" type=2 line=0 align=center use=ex num="0,black""]

أخذ كل الذي ودك مادام انك بوسط العين = خذ القلب وخذ احساسي وخذ كل الذي ودك
وخذ كل الذي تبغى من اصناف الغلا يازين=خذ انفاس الهوى الغربي مع الشرقي اذا شدك
خذ انفاس الحياه واعيش باحلام السنين سنين= خذ احلامي مع احلامك وخذني خاتم بيدك
ترى في داخلي حبك يزيد بكل حين وحين =ترى لك هيبة السلطان في هزلك وفي جدك
تراي ابهجر العالم يلو اتغيب لك يومين = وترى مافيه احد مثلك ولايمكن احد قدك
تراك انت الوحيد اللي سكن في داخل العينين= وتراك انت الوحيد اللي مابقوى هجرك وصدك
انا داخل على الله لاتجي وتقول لي بعدين = وتعلن عن وفاة الحب من حدي ليا حدك
تعال نوقف بوجه الزمان ونسعد القلبين = واذا قصر علاك الحب أنا بالحب ابا أمدك


[/poem]وسلامتكم،،،،

رد: ديوان الشاعر حمدان بن عامر الشكري (ابن مقحــص)
 

( عــــــلى الامــــــل )



[poem=font=",6,black,normal,italic" bkcolor="burlywood" bkimage="" border="double,4,black" type=2 line=0 align=center use=ex num="0,black""]
الصاحب اللي ليامنه طرى ليّه = افز من مرقدي كنه يناديني
لوغاب عني بقى ذكره وطاريّه = غلاه متملكٍ قلبي وفي عيني
أمسي برجواه واصبح رافع أيديّه =واقول يالله عساه مسير يجيني
انا رجاوي وعيني له رجاويّه =يازين ساعة يداه تلامس يديني
من عيد لاعيد صابر في حراويّه= لو شوفته مرةٍ بالعيد تكفيني
00 00حروف الهجاوالهاء بتاليّه= أدعيه بسمه وهو بالاسم يدعيني
ياكثر مافيه شوق وكثر مافيّه = وياكثر عندي غلاه وهو يغليني
على الامل والحلوم وصافي النيّه= يقضي سنينه وأنا اقضي باقي سنيني
[/poem]

وسلامتكم،،

رد: ديوان الشاعر حمدان بن عامر الشكري (ابن مقحــص)
 

(لاطائفيه ولاأحزاب)

[poem=font=",6,black,normal,italic" bkcolor="burlywood" bkimage="" border="double,4,black" type=2 line=0 align=center use=ex num="0,black""]

علاك المهل واصحى لايغرق بك المركب = وتهلك ويغرق معك نايبك والركاب
خطيرٍ علاك تضيّع السير ثم تنشب = مابين الجزيره والبحر والعمار اسباب
بحور يتلاطم موجها موجها يسحب = ويغرق بها من لاعرف موجها الجذاب
تحطم مجاديفك ولاعاد فيها طب = وتبقى تصارع موجها ماعلاك ثياب
تبي تحصد اللي قد زرعته ولاتحسب= ولاتحسب أن الله بغافل عن النصاب
خلافه على غير الهدى مالها مذهب = تموت ويموت اللي لها يفتل الاشناب
لها يشعب الغدار والالها يحطب = مصير الحطب والنار يرمى بها الكذاب
مصير النوايا تنكشف والكذِب ينضب= وتظهر حقايقها وتفتح لها الابواب
\الاصنام ماتعبد ولايعبد الا الرب = وحنا خلقنا الله / عباد ولنا ألباب
لنا دين واحد فيه نفخر وله نغضب =ولافيه مذهب طائفيه ولا أحزاب
هذه موجز النشره ومن هو بغا يرقب = تفاصيلها مع من لها شاعر وكتاب
تفاصيلها ماهي على مثلكم تصعب =ولكن يكفي ماكُتب منه يالاصحاب
[/poem]

وسلامتكم

رد: ديوان الشاعر حمدان بن عامر الشكري (ابن مقحــص)
 

(الله ولاحب من شانه يحطمني)


[poem=font=",6,darkred,normal,italic" bkcolor="burlywood" bkimage="" border="double,4,darkred" type=2 line=0 align=center use=ex num="0,black""]



حياك ياللي تجيب العلم وترده = هات السوالف وبالتفصيل علمني
قبل أمس واللي وراه محدد المده= وانته على مقصدي عارف وفاهمني
أخذ السوالف جميع وعلمنا بده = لايستخف بالمشاعر وانت توهمني
كان الجفا حرب للمحبوب ويعده= الله ولاحب من شانه يحطمني
ان صد والله / لاجازيه بالصده = ماهو على كيفه يعذب ويظلمني
وان حدّني للجفا والله لحده = حتى يتراجع ويعرفني ويفهمني
وان كان يبغا عليَ يمارس الشده = مخطي وحبه ترى ماهو بلازمني
[/poem]



وسلامتكم،،،،

رد: ديوان الشاعر حمدان بن عامر الشكري (ابن مقحــص)
 

( البــــــــــــــــوق )




[poem=font=",6,black,bold,italic" bkcolor="burlywood" bkimage="" border="none,4,black" type=2 line=1 align=center use=ex num="0,black""]
يقطعك يارجلٍ بربعه يبوقي = ياشينها لقالوا افلان بواق
ويقطعك يارجلٍ مايعطي الحقوقي= يخاف من كشف الحقايق والاوراق
مزاح لكن فالحقيقه سروقي = البوق من طبعه وبالدم دفاق
ماهو على كسب الجماله شفوقي = وللمرجله ماهو بطالب وعشاق
مثله على الطالات ماهو سبوقي = ولاهو على فعل الجمالات سباق
يبي يعاني فالزمان ويذوقي =ويجيه رجلٍ مثل شرواه سراق
لابد مايستاقه الوقت سوقي = اللي ورى بعض التدابير ينساق
ودك على مثله تحط الفروقي = والا يوطى فوق خدينه طراق
من شان يصحى من بلاه ويفوقي = ويصير له كلمه ومبدى وميثاق
ويحط له من دون الاعلام طوقي = الكاذب الغدار مسموم الاخلاق
ماني على رفقة سواته شفوقي = اللي يغدر الناس من سد الارواق
شلت يمين اللي بربعه يبوقي = وشلت يمين اللي عن الطيب منعاق
[/poem]

رد: ديوان الشاعر حمدان بن عامر الشكري (ابن مقحــص)
 

(عسى يجي للبعد حد ونهايات)


[poem=font=",6,darkred,bold,italic" bkcolor="burlywood" bkimage="" border="double,4,darkred" type=2 line=0 align=center use=ex num="0,black""]




وش باقين للصدر ضيقه ولاجات = مادامت احبال المواصل قطعها
أبعد ومن دونه تطول المسافات = حتى شرايين المحبه نزعها
اهات ماتنفع مع البعد اهات = لو كان ارددها وهو ماسمعها
هذا غياب اسنين ماهو بساعات = وشلون يقوى القلب روحٍ مزعها
تقلصت بين الحنايا الطموحات = اللي رسمها الحب واللي جمعها
مايدري اني داخلٍ في متاهات = واشباح كابوس المحبه طبعها
اعيش مابين الخطر والنزاعات = والصبر لجروح الهوى مانفعها
مهما اكابر واذرف الدمع بسكات = الحزن بعيوني يبيّن وجعها
عسى يجي للبعد حد ونهايات = والا تطيب النفس ممن قطعها
[/poem]



وسلامتكم،،،،،

رد: ديوان الشاعر حمدان بن عامر الشكري (ابن مقحــص)
 

[poem=font=",6,black,normal,normal" bkcolor="burlywood" bkimage="" border="outset,2,darkred" type=2 line=1 align=center use=ex num="0,black""]


من قبل عشر سنين يافلان لليوم = اكبر طموحك تنفخ الذرب يابي
تبي تسوي صقر فالجو وتحوم = لكن ماتقدر تسوي ولاشي
مانته مسوي شي من شي معدوم = تموت شجره ماروى عرقها المي
جناح لك مكسور وجناح مسقوم = ماعاد بك طبٍ ولاينفع الكي
شخصٍ يعيش بعز ويموت محشوم = وشخصٍ لو انه حي ما كنه بحي
[/poem]

رد: ديوان الشاعر حمدان بن عامر الشكري (ابن مقحــص)
 

( ثلاث زلات )



[poem=font=",6,,bold,italic" bkcolor="burlywood" bkimage="" border="double,4,darkred" type=2 line=0 align=center use=ex num="0,black""]

ليا نويت اضرب بحدٍ يرعب جموع العدا = من شان لاجالك كذا والاكذا قالوا نعم
ثلاث زلات احتملها ثم قل هذي فدا = واللي بعدها دوس راس الحيه اللي فيه سم
وان لامك من الناس مهبول وخبل قله بدا = الله ولابعض الحياه اللي بلا جزم وعزم
واجعلك من الطيب بين الناس مفعول وصدا = خلك على خط الجمايل والشكاله واحتزم
ابعد عن دروب المذله والمهانه والردا = نم الفكر والمعرفه واصعد على روس القمم
الطيب والمعروف فاهل الطيب مايذهب سدا = وان كان حصله خبل عليه لاتلحق ندم
الطيب مايلحقله ابعض العرب ماد ومدا = انشهد ان بعض العرب طيبه يغطيله امم
ماكل رجلٍ فاللزوم ليا دُعي لبا الندا = كم رجل لجات المواقف والصمايل ينهزم
وكم رجل ودك تسطره لنن يركد ويهدا = حتى ولو انه يقال انه على راس الهرم
واللي كذب واللي نصب واللي مع الدرب يحدا = والخاين المحتال بياع المكارم والذمم
ودك بهم تلعن ثواهم لو يكونون ابددا = حتى ولو كانوا من اقرب ناس والاعيال عم
[/poem]

رد: ديوان الشاعر حمدان بن عامر الشكري (ابن مقحــص)
 

( لوعة الجفا)






[poem=font=",6,black,bold,italic" bkcolor="burlywood" bkimage="" border="none,4," type=2 line=0 align=center use=ex num="0,black""]
جيتك على حر مابيه ولوعة جفا= جيت اكسر الحاجز ابدد ظلامه بنور

جيت امسح الماضي العاثرواقلك كفا= جيتك وبيديه احملك ورود وعطور

جيتك وكلي حنين جيتك وكلي وفا = جيت يحداني امل جيت يحداني شعور

لهيب شوق ووله جوف الحشا ما طفا= ماعاد باقي صبر وانا منول صبور

ليا تبسمت في وجهي وجوك صفا = تمددت جوف صدري للمحبه جسور

خلك ثقه لاتسمع في هروج القفا = لاتصدق اللي حكى لنكان وانك غيور

جيتك وانا اقول يكفينا فراق وجفا = هذي شموع المحبه لك وباقة زهور

ياصاحبي لو سمحت اغفر وسامح كفا = لو نظرةٍ منك تجبرلي جميع الكسور
[/poem]
ترى الكريم المسامح ميزته لاعفا = والله ربي عن عباده عفو(ن) غفور




وسلامتكم

رد: ديوان الشاعر حمدان بن عامر الشكري (ابن مقحــص)
 

( غربة وجيه)
[poem=font=",6,black,normal,italic" bkcolor="burlywood" bkimage="" border="double,4,black" type=2 line=0 align=center use=ex num="0,black""]


لن جيت ادور لراحة بالي القى التعب= غريب عالم ولكن القصيد أمتطيه
ماهي بغربة ديار ولانديم وهدب = لكن غربة وجيه اللي ماعادت وجيه
لو امسح الضيق في وجه الليالي هرب = يرجع عليه وكني طالبه واحتريه
ضيم وضياع وسكوت اللي سكوته عتب= اخطر من اللي ضياعه بالحزن معتريه
كل مانويت احتزم واشد عزمي غصب = تواردتني همومي في طريقي واتيه
صوتي نشاز وكلامي لو بغيته نضب = مافيه غير القلم اليا\ بغيت انتخيه
صبري وصمتي على اللي في غيابي كذب = لجله يموت بقهر واستوطن الخوف فيه
العام يضحك بوجهي يوم شاف الغضب = وهذي السنه يمكن ان الدرس راح ونسيه
ان جيت ادور على الاسباب ماالقى سبب= اروح وارجع ولاحصلت عذرٍ وجيه
ان كان ذنبي وفا \ فهوه \شيي انكتب = طبعي كذا والكريم اللي ماشحت يديه
السالفه ماهي\ احباب وحبايب وحب = السالفه ضيقة الخاطر وغربة وجيه
[/poem]

رد: ديوان الشاعر حمدان بن عامر الشكري (ابن مقحــص)
 

( ما نقول بقول مانملك براهين ودليل )
[poem=font=",6,black,normal,italic" bkcolor="burlywood" bkimage="" border="double,4,black" type=2 line=0 align=center use=ex num="0,black""]


من يدور للعنا يلقى عنا النفس وشقاها= يتعب ويتعب عباد الله ماحصل حصيل
ومن بغا الطيَب لقاه ومن بغا الشينه لقاها= فيه دلة زعفران وفيه دلة زنجبيل
الكرامه للكريم اللي بغاها واهتواها= والعرب ما تطلب المده من يدين البخيل
والمواقف كايده ماكل رجال يحماها = مالها الارجالها تبرك وللحمله تشيل
والعرب لصار تزعل من خلاها في خلاها = ماحسبنا للهبيل ولاحسبنا للذليل
الليالي والمسافه ما يهيبنا عناها = وان حلمنا \ حلمنا ماهو بشي(ن) مستحيل
الرجال اهل الردا والله مانتبع رضاها = لو تباكوا والعيون البيض بالدمعه تسيل
والرجال الطيبه والله مانبحث خفاها = مانوقف فالطريق ونعترض عابر سبيل
نحترم ناس(ن)لجل ناس(ن)وتكرم من غلاها=عندنا صدور(ن)وساع وعندنا بال(ن) طويل
الليالي علمتنا بيعها من مشتراها = والمجالس مع رجال العرف ورجال الجميل
مانختل الناس غدر ولانجيها من وراها = ولانقول بقول مانملك براهين ودليل
[/poem]




وسلامتكم

رد: ديوان الشاعر حمدان بن عامر الشكري (ابن مقحــص)
 

( انا عريب الاب والجد والخال)

[poem=font="simplified arabic,6,,bold,italic" bkcolor="burlywood" bkimage="" border="double,4,darkred" type=2 line=1 align=center use=ex num="0,black""]


انا عريب الاب والجد والخال = انا سلايل ملحقين الزنادي
انا من ارجالٍ لهم شور وافعال= منول وهلحين قولٍ وكادي
الاد شكر اليا اعتزا كل رجال = ارفع بهم راسي وهمه سنادي
اصل وفصل لوراحت اجيال واجيال= ماهي بطاقة جيب والوضع عادي
ياللي تراسلني عبر موج الارسال= ياللي بعال الصوت ليه تنادي
ما غبت انا موجود في كل الاحوال= هناك والاهني راعي قنادي
ليا لفاني ضيف يبشر بفنجال = من دلةٍ تركى على ضو هادي
واقلطه فوق السمينه على الحال= هذا كلام الصدق ماهي دوادي
لعودت للطيب انا طيب الفال = ولعودت للعند انا اكبر عنادي
ارفا الرفيق اللي علاه الزمن مال= ليا حداه من الزمان اي حادي
راع الشكاله يبشر بمال وبحال = حتى يفوق ويهتني بالرقادي
والا الردي بركي علاه اشهب اللال= العن ثواه ولو يصيح وينادي
ما ابعتذرله لو علاه الزمن حال= لينن يعرف بيضها والسوادي
[/poem]

رد: ديوان الشاعر حمدان بن عامر الشكري (ابن مقحــص)
 

( حروف الكلام)





[poem=font=",6,,bold,italic" bkcolor="burlywood" bkimage="" border="none,4," type=2 line=1 align=center use=ex num="0,black""]
كل ما نويت ارتب حروف الكلام = ضاعت حروفي ماعرفت ابدا منين
وكل مابغيت أجمّع أشتاتي سلام = بلشت انا مابين (سين) وبين(عين)
أخفي جروحي عن عيون الآنام = واصافح الاحزان بكفوف اليدين
ان صد وجه الوقت ماالحقته ملام = ولا نويت اشره على صد السنين
وليا اعتلا نجم وبدا فوق الغمام = لبّسته قلاده من العقد الثمين
وان جن ليل وساد باطرافه ظلام = الصبح يجلا ظلمة الليل الحزين
وان طافت اعوام وبقى فالوقت عام= الشمس تشرق والخبر بكره يبين
اسف تعبت ارتب حروف الكلام = لكنها بالمختصر هي كلمتين
الصدق والاخلاق ساس الاحترام = والعاقبه ياسيدي للمتقين
[/poem]



وسلامتكم,,

رد: ديوان الشاعر حمدان بن عامر الشكري (ابن مقحــص)
 

بسم الله الرحمن الرحيم


هذه ابيات بمنا سبة نجاح العمليه التي اجريت لمولاي خادم
الحرمين الشريفين في مدينة الملك عبدالعزيز الطبيه للحرس الوطني في الرياض
حفظ الله خادم الحرمين من كل مكروه والبسه ثوب الصحه والعافيه على الدوام



[poem=font=",6,black,bold,italic" bkcolor="burlywood" bkimage="" border="solid,4,black" type=2 line=1 align=center use=ex num="0,black""]
والله انا ياملكنا مانسيناك بدعانا = كيف ننسى ياملكنا وانت موصينا وصيه
الدعا لك ياملكنا واجب وحقٍ علانا = انت ابونا وانت اخونا وانت راع الاوليه
الك منا ما طلبته والك تقدير وفانا = والك حب الشعب كله والدعا واكبر تحيه
نطلب الله ربنا المولى ونرفع له يدانا = نطلبه لك بالشفا ياسيدي من طيب نيه
نحمد الله جاب للدعوه ولاخيب رجانا = بالسلامه قومك واشفاك يا زبن الوليه
ياسندنا فالسنين العوج يامرهب عدانا = ياملك يانسان يانابذ صنوف العنصريه
ياحبيب الشعب والاسلام ياموفي عطانا =دامك الله يا ملكنا راعي الكف النديه
ما طلبت الا القليل اقل من حقك علانا= والله انك لو طلبت ارواحنا جاتك هديه
ياعسى الصحه علاك تدوم وتدوم لغلانا= دامك انت بخير حنا بخيرمن رب البريه
[/poem]



وسلامتكم.....

رد: ديوان الشاعر حمدان بن عامر الشكري (ابن مقحــص)
 

( يطول عمر الليل ويزين جوه )




[poem=font=",6,black,normal,italic" bkcolor="burlywood" bkimage="" border="double,4,black" type=2 line=0 align=center use=ex num="0,black""]
يطول عمر الليل ويزين جوه = لخذت لي مع صافي الفكر سجه
اسج مع صافيه واخيل نوه = واستمطره شعرٍ جميلٍ موجه
ويجيني بعذب القصايد مدوه = في مقتبل عمر القصايد واوجه
مفهوم مابين العرب مايتوه = والا القصايد بعضها تقل عجه
يحرم علي اني ما اجيب المشوه = وابعد عن علومٍ بها كل دجه
ارفع مقام الشعر واشب ضوه= ولا قول قول الامثبت بحجه
ارقى براس الضلع وابدي علوه = ليا شعرت بضيق صدري يفجه
استانس بعاليه واحب جوه = واطرد به همومٍ براسي تلجه
وابعد عن الخايب قليل المروه = اللي يعلج الهرج واللي يمجه
[/poem]

رد: ديوان الشاعر حمدان بن عامر الشكري (ابن مقحــص)
 

( الاحتفال باليوم الوطني )

[poem=font=",6,white,bold,italic" bkcolor="seagreen" bkimage="" border="solid,4,white" type=2 line=0 align=center use=ex num="0,black""]
في كل عامٍ نحتفل بسم الوطن = و بكل عامٍ نرفع اشعار الولا
فيك المشاعر ياوطنا يبدعن = والراس بالجزلات شايش وامتلا
كلٍ بشعره قام يطرق له لحن = ويسوق قيفانه على كل الملا
للشعر في مدح الوطن ذوقٍ وفن = لن الوطن له عندنا حب وغلا
في داخل الشريان حبه من زمن= متوارثينه ورث ماحنا دخلا
من دونه الارواح ندفعها ثمن = ناطا على رقاب العدى واللي عملا
ماهو مهم انا نموت ونندفن = اهم شي ان الوطن يبقى العلا
هذا الوطن يبقا لنا عيش وسكن = يعني الوطن والروح يبقون عدلا
يعيش موطن للمساجد يحتظن = يرفع بها الاذان شامخ واعتلا
في مكه وطيبه وفي كل المدن = اشعارنا التوحيد مافينا اجهلا
الله يكافينا شرور اهل الفتن = اللي يثيرون البلابل والبلا
عسى وطنا دوم في امن وامن= وبكل عامٍ نرفع اشعار الولا
نرفع شعار الدين وشعار الوطن = وحده سعوديه كذا والا فلا
[/poem]

رد: ديوان الشاعر حمدان بن عامر الشكري (ابن مقحــص)
 

( اقسى على روحي واشد العزيمه )



[poem=font=",6,black,bold,italic" bkcolor="burlywood" bkimage="" border="double,4,black" type=2 line=0 align=center use=ex num="0,black""]
يضيق صدري واحمل الهم والبين = واقسى على روحي واشد العزيمه
احمل همومي داخلي لو ملايين = ماتبع دروب الذل والا الهزيمه
الهم ماهو هم فقرٍ ولادين = لا والله الاهم دنيا لئيمه
دنيا تساوي الزين فيها مع الشين= اهل القلوب الطيبه والسقيمه
حطوا تحت هذي علامه وخطين = واقع اليم وصدق ماهو ظليمه
عانيت منه سنين وسنين وسنين= وصبرت لو ان الليالي عتيمه
عرفت فيها اهل الوفا والمحبين = اهل القلوب الطيبه والسليمه
وعرفت فيها اللي طليق الحجاجين = اللي ليا جيته يدينه كريمه
وعرفت فيها اللي تلون بوجهين = اللي مشى بين العرب بالنميمه
اخذت بالدنيا دروس وبراهين = واخذت من طبع الرجال العظيمه
وشمت وقنعت اعن الرجال الذميمين = اللي طبايعهم طبايع ذميمه
[/poem]

رد: ديوان الشاعر حمدان بن عامر الشكري (ابن مقحــص)
 

( صدف وبخوت )



[poem=font=",6,black,bold,italic" bkcolor="burlywood" bkimage="" border="solid,4,black" type=2 line=0 align=center use=ex num="0,black""]
انا اللي على شاطي موانيك اجر الصوت= وانا اللي صدى صوتك وطيفك يحاكيني
ترى الصوت ما ينفع ليا من فات الفوت = وانا اللي ليا هلحين طيفك مسليني
ترى اسمك على صدر الزمن ياهذاه منحوت = تبعدني ظروفي والاشواق تدنيني
خطا البعد لو انا بقينا عليه سكوت = تبي تكثر الشرهات مابينك وبيني
تظيق الصدور اللي بها عشقها مكبوت = ولو كان ما تبدي لبعض القريبيني
ترى الود لن طال الجفا فالقلوب يموت = وتموت الشعور اللي بوسط الشراييني
صحيح ان هالدنيا صدف ياعرب وبخوت = ولن زان حظ الادمي وضعه يزيني
[/poem]

رد: ديوان الشاعر حمدان بن عامر الشكري (ابن مقحــص)
 

(شمس المشاعر )


[poem=font=",6,black,bold,italic" bkcolor="burlywood" bkimage="" border="solid,4,black" type=2 line=0 align=center use=ex num="0,black""]
بسم التسامح والتأخي والاحساس = وبسم الضمير الحي والعالم الحي
وبسم السلام وحامل الورد بالكاس = وبسم السماء ونجومها والقمر ضي
احملك ياطير وان رحت عساس= للديره اللي دونها حامي الكي
بلغ تحياتي على طيب الساس = قله ترى اللي قد حصل ماهو شوي
رد السلام وقول ياسيد الناس = محبتك وسط الحشا مثل ما هي
وقله تراه اغلا من الدر والماس = وبدونه الدنيا ما تسوى ولاشي
عام انقضى ويدور بالراس وسواس= والصمت فيه يقتلع شجرة الفي
طول غيابه ياعسى خير لاباس = وانا انتظاري طال واسامر الضي
ياطير رح قله ترى الوضع حساس = والصبر ينفذ000والحكم خارج ايدي
وأن كان وده يقتل احساسنا الياس = شمس المشاعر يمكن تغيب فالحي
[/poem]

رد: ديوان الشاعر حمدان بن عامر الشكري (ابن مقحــص)
 

(علي شوفتك تشرق لي الشمس وانامي)


[poem=font=",6,,bold,italic" bkcolor="burlywood" bkimage="" border="solid,4,black" type=2 line=0 align=center use=ex num="0,black""]
ألا ياسنيني وش بقا فالسنين أحلام = تلاشت وقفت مع صواديف الايامي
تمر السنه واقول باقي وراها اعوام = أمني بها نفسي واضع حولها أحلامي
أنا اللي عنايه راحتي والحياه أقسام = وأنا اللي عيوني دمعها خط الاقلامي
على شانك احلم بالوصل واهجر الاوهام = وعلى شوفتك تشرق لي الشمس وانامي
على شانك ابدع بالقصايد فكر والهام = تجدد بي الاشواق وتجدد الهامي
احمل المتاعب لك ولاهي علي اجسام = معزه وتقدير وغلا الك واكرامي
سقيت العروق اللي بها تورق الايام = على شان يوم يزيد في عد الايامي
نبت للامل فيني طموح وشعور وهام = وهام بغرامك لين هامت بي احلامي
تعالي هنا وارقي على قمة الاهرام = مابين الحنايا وابني صروح وخيامي
تعالي على متن السحاب امطري احلام = على شان يروى به عطش قلبي الظامي
[/poem]

رد: ديوان الشاعر حمدان بن عامر الشكري (ابن مقحــص)
 

( لاتشوش افكاري)


[poem=font=",6,black,bold,italic" bkcolor="burlywood" bkimage="" border="double,4,black" type=2 line=0 align=center use=ex num="0,black""]
بالله لاتشوش افكاري وتشغلني= وتسوي أنك عن الموضوع ماتدري
تذنب وتخطي ولخطائك تحملني = وانته تحسبني أني بالخطا ما ادري
اظن تبغى تطفشني وتجعلني = ازعل واعصب واضيق ويمتلي صدري
لا والله الا تريح ما انت مزعلني = بدري تمارس عليه لعبتك بدري
بعاملك مثل ما انته تعاملني = واقدرك كان وانك عارفٍ قدري
وابتجاهلك كان انك تجاهلني= لوكان وانك حلمت بليلة القدري
وانكان ودك اواصلك وتواصلني = اترك طريق الخطا والكذب والغدري
ماني بملحق حسايف من يهملني = لو كان يسمر على مواله الحدري
انا على الصدق اعامل من يعاملني = ولا عندي الا الصراحه وانت بي تدري
[/poem]

رد: ديوان الشاعر حمدان بن عامر الشكري (ابن مقحــص)
 

(الربيع العربي والدول الخليجيه)


[poem=font=",6,black,bold,italic" bkcolor="burlywood" bkimage="" border="double,4,black" type=2 line=0 align=center use=ex num="0,black""]
على صدر تاريخ العرب تنهض الاجيال = اجل كيف ماتنهض والاوضاع قهريه
بعد ما تفشى الظلم والسرق للاموال = وسادوا طواغيت بقوانين قمعيه
هناك انتفض منهو بغا دين واستقلال= وهناك انتفض منهو يطالب بحريه
وهنا ينتظر فينا عيال ويموت عيال = على ذكريات امال واحلام وهميه
متى تصلح احوال العرب والشعوب تنال = تنال الكرامه صدق وتعيش سلميه
نحث الخطا نحو التوحد وصار الحال = متوه لنا واوضاع ماهي بعاديه
متى نصنع ابطال ونعيش الحياه ابطال= ونفخر نقول اليوم وحده خليجيه
ومتى نفتخر ونقول كل الرجال رجال = تكلم عن الاوضاع صدق وشفافه
هنا يستقيم الحال مدري يسوء الحال = على كل حال المسأله شبه سريه
شعار الشعوب الصمت ومصافح الاذلال= تسلم على ايدين الطواغيت جبريه
متى نلتفت لاوضاعنا نصلح الاحوال= ونترك كلام النرجسه والدعائيه
ترى ودنا والله . نعيش الحياه امال= نعيش بجسد واحد بدون انتهازيه
وترى ودنا نحظن وطنا دفا وظلال = نحب التراب اللي تسمى السعوديه
نحب التراب اللي وطاها الرسول وقال =هنا مهبط الوحي ورساله سماويه
نحب المليك اللي خدم للبلاد ونال = شرف خدمة البيتين واسم العروبيه
سعى للسلام وخدمة الدين والاجيال = مليكٍ حكيمٍ عادلٍ صافي النيه
تقف له سلاطين العرب وقفت الاجلال = وشعبه يقف له واجبٍ وانتمائيه
هنا يصمد الشعب السعودي وفا لازال= تحت راية التوحيد مافيه ثوريه
قسم بالذي نزل تبارك مع الانفال = ما نقبل بنهجٍ غير نهج السلفيه
وقسم بالذي نجا نبيه من الاهوال = ماياتي نذل ويدنس ارض السعوديه
عسى الواقع الملموس يصنع لنا الأمال= ويصنع لنا تاريخ وحده خليجيه
[/poem]

رد: ديوان الشاعر حمدان بن عامر الشكري (ابن مقحــص)
 

[poem=font=",6,black,bold,italic" bkcolor="burlywood" bkimage="" border="none,4," type=0 line=1 align=center use=ex num="0,black""] ياليتني يوم اني ازل واخطي = زلة قدم ماهي بزلة لساني[/poem]


[poem=font=",6,black,bold,italic" bkcolor="burlywood" bkimage="" border="none,4," type=2 line=0 align=center use=ex num="0,black""]
انا قطعة من المخاليق رجواي = غير الله المعبود ماني برجي

يالله ياسامع دعايه ونجواي = تجعل لنا من كل هم انفراجي
[/poem]


[poem=font=",6,black,bold,italic" bkcolor="burlywood" bkimage="" border="none,4," type=2 line=1 align=center use=ex num="0,black""]
الصدر باقي فيه لحزاني احزان = والصمت طال وطولت طولت البال
والصمت ماهو حل في بعص الاحيان= واحيان بعض الصمت للرجل قتال
[/poem]