منتدى سليم - البيت الفريد في ميدان وروائع الشعر الشعبي

منتدى سليم (http://www.solaim.com/vb/index.php)

- ميدان الشعر الشعبي (http://www.solaim.com/vb/forumdisplay.php?f=68)

- - البيت الفريد في ميدان وروائع الشعر الشعبي (http://www.solaim.com/vb/showthread.php?t=42121)

رد: البيت الفريد في ميدان وروائع الشعر الشعبي

[poem=font=",5,black,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""]
[poem=font=",6,black,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""]
يا مـطـول الـغـيـبه تعـبت وطـال وقـت الأنتظـار=صـار أتـصالك منقـطع والـيـوم كـنـه عـن شهـر
وأنـا مـا بـيـن الـهـم و الآهــات ولـيـالـي نـهـار=أسهـرعـلى ذكـراك وعـيـونـي مـذوبـهـا السهـر
أحـيـان أقـول إنـه مـعـزل و أتـخـذ هــذا الـقـرار=وأرجـع وأقـول ألا بيـرجع بـس مـا جـانـي خبـر
صـدري بعـدغـيـبتك ديـره ما بهـا مـي وخضـار=وصلك على صـدري سـوات المزن هـمال المطر
وقـلبي عـقب فـرقـاك كـنـه يالحبـيـب وسـط نـار=وضلوعي أجزال الحطب ولهيبها أنفاس الصـدر[/poem][/poem]

رد: البيت الفريد في ميدان وروائع الشعر الشعبي

الحمد لله والصلاة والسلام على رسول الله

من أقوال الشعراء

الشاعر خالد العلوي
انا بحر تجرح شواطيه الامواج ........... ما ضاق يوم واشتكا من جروحه

الشاعر عبدالله العطافي
الديار سنين جرد وجهها ما سالي.............. اشبعيها سيل لين تقول لك مشكوره

الشاعر مضحي
قلبه نهر للجود عن باقي الناس............... والطيب له شارات بين الحجاجين

الشاعر جابر السلمي
والله اني من حموله رفيعين المقام ............. ما تجاهل من ذكرني وانا ولد سلمي

الشاعر عبدالرحمن العلوي
خدي على كفي وكفي على الكوع................ من زود همي اتعب الكف كوعي

الشاعر حمدان مقحص
كل ما نويت احتزم واشد حزمي غصب ............... تواردتني همومي في طريقي واتيه

الشاعر هليل سليمان
معشوقتي سجدة شكر لله فالبيت الحرام............. ومعشوقتي ركعة تهجد والخلايق نايمه

الشاعر خالد مبيريك
صحيح لا قالوا ترى العرق دساس ........................... ماهو كلام من حداهم حكابه

رد: البيت الفريد في ميدان وروائع الشعر الشعبي

السلام عليكم ورحمة الله وبركاته.
يكتب الشاعر دائما قصيدتة لمناسبةٍ ما ،
أما ان تكتب مناسبة قصيدة ، هذا هو الحدث المهم .
بمناسبة تشرفي بلقاء ابناء عمومتي من كبيرهم إلى كبيرهم ،
ولأنهم يمثلون قبيلة سليم بكل علّوها، كانت هذه القصيدة ،واعذروني على تقصيري

يحق لك يابحر جدة / تجي شكل غير
من ساحلك / لا ازرقك/ لا لولوك /لا مداك

ليلةْ تساميت/ واطلقت النوارس/ تطير
ماكنّها الا/سمو (سليم) غطى سماك

يا بحر / ما سطّر التاريخ /غير اليسير
من مجد/ ما يُنقش الا بالذهب / أو يُحاك

هم قمة المجد الاول فالزمان الأخير
هنا رجوله وطيب / وفخر يَـعْــرُب/ هناك

مازالوا كْبار ، حتى الطفل يولد كبير
من صغر سنه معه مُصحف ومسواك راك

وانا بكل الفخر في حُب ربعي أسير
ماهي غريبة /يقول القلب : تسلم يداك

اذا كتبت الشعر فيهم تحقق مصير
للذات... ولاّ (سليم) اكبر مِن حْروف فاك

لا انت (الفرزدق) ولا تقدر تباري (جرير)
حتى يجي مدحهم مثل الدرر من شفاك

قلت إيه ! احــاول، و لي كلمة شرف تستثير
كل المواني ... لعين اللي سكن بي/ معاك

(سليم) يا بحر جدة غير / و الناس غير
هم راس مالي ،/ و لو قلدتهم/ ما مداك

واعذروني لأن كل واحد من احبتي يستحق قصيدة

.

الشاعر المخضرم

جابر السلمي

وقمة الوفا.

رد: البيت الفريد في ميدان وروائع الشعر الشعبي

فكره جميله
وكثيرة هي الأبيات المميزه . وأليكم بعض منها

كيف أرد الجميل اللي ما يحصى عدد
أهونه يـوم شالتنـي علـى يدهـا
وأرضعتني لبنها يـوم أنا فالمهـد
أمي اللي جما يلهـا ما حـد عدهـا
أوفت عهودها وأنا عليـه عهـد
لازم أوفيه يوم آن الزمـن هدهـا
الشاعر/عبدا لله العطافي
.................................................. .............
من عاش فالدنيا يشوف التعاجيـب
ويذوق مـن مُـر اليـال وحلاهـا
دنيـا تقلـب كـل يـومً بأساليب
ما عاد يعّرَف وجهها مـن قفاهـا
الشاعر/خالد العلوي
.................................................. .................
وجدي علـى لمسـة يمينـي ليمنـاه
و وجدي على لحظات همس الشفايف
ما تنـفـع الـونـه . ولا تنـفـع الآه
ولا ينفع المحـزون كثـر الحسا يف
ولـو التمنـي ينفـع اللـي تمـنـاه
ما غاب عنـي لـو تزيـد الكلايـف
الشاعر/هليل سليمان السلمي
.................................................. ...............

رد: البيت الفريد في ميدان وروائع الشعر الشعبي

المشاركة الأصلية كتبت بواسطة عبدالاله الحجيري http://www.solaim.com/vb/User-4Des/buttons/viewpost.gif

بعد ما كان طيفه رسمة الحب وتعابيره = وبعد ما كان شط الود يحكي عن ترانيمه
وبعد حبه تمّكن من خفوقي وارتفع طيره= وحلّق في سما العشق وتمّكن من مفاهيمه
فتـنّي طرفه الناعس ولا ناظرت في غيره = حفظته عن سموم العذل وانهتني معاليمه
هجرني دون سابق عهد هبت لي معاصيره = عسى ما باس يا نبض الفؤاد وياتقاسيمه
مواعيده خداع الوقت ما حضّر مقاديره = ولا حتّى صدوفه حلّلت ما جاز تحريمه
انا ما عاد احسب حساب ربح ولا مخاسيره = مدام انه بدا الفرقا نبى ننهي مراسيمه

رد: البيت الفريد في ميدان وروائع الشعر الشعبي

الشااعر الكبير
عبدالله العطافي

ولله در العلم وأهل العلم جيلٍ بعد جيل
ولله در اللي يجالسهم ومنهم يستفيد