ديوان ( همـس السلسبـيـل )
 

~.. شمـس الغـلا ..~
 

[poem=font=",6,black,normal,normal" bkcolor="transparent" bkimage="http://www.solaim.com/vb/mwaextraedit2/backgrounds/30.gif" border="none,4," type=0 line=0 align=center use=ex num="0,black""]

قـال المثـل مُـرّ الصبر .. وأقول صعـب الإنتـظار=وأنا أنـتـظر شمس الغـلا تـطـعـن صـدر ليـل الظـلام

الطيـــب كـلـمـه تحتـكر حبـي عليـهـا إحتـــكار=أفتــح لـهــا قـلبي وطـن .. وتـصيــر لــه بـرد وســـلام

والخيـر حـبـه مـذهـبـي والصدق لي دايم شعار=أمشي على نهج النبي مـحـمد عـليـه أزكـى ســلام

من يطـلـب اللولو يغوص أعماق غبّات البـحار=عنـدي طـمـوح وهـمتــي تسـمو عـلى هـام الغمــام

صاحـب بصاحـب وإن جفتـك الـدار بدّلها بـدار=مـن لا يـودّك فـارقــه و الـصـمـت أخـيـر مـن الـكــلام

وخلوتـك جـوف اللـيل بالقرآن تحتـاج اصـطبار=ومـحـاسـن الأخـلاق تـجـعـل لك مـع النـاس احـترام

والعـاقـل اللـي يـاخـذ الدنـيـا تـجــارب واعـتـبار=والـمـوت أخـذ خـيـرة مـلـوك الأرض والرسل الكرام

دنيـاك هـاذي مـزرعـه .. والأخـره قـطـف الثــمـار=كــم ميـتٍ مـاقـيـل بـعــد الــمـوت جـعـلـه للرحام [/poem]

~.. همـس الغـلا ..~
 

[poem=font=",6,black,normal,normal" bkcolor="transparent" bkimage="http://www.solaim.com/vb/mwaextraedit2/backgrounds/38.gif" border="none,4," type=1 line=0 align=center use=ex num="0,black""]
ردّد النغمات يا موج البحر=وأرسل ألحانك عبر موج الأثير
وسجّـل الذكرى بـ شطك واختصر=و ارسم الصوره بنقشات الخبير
كاسة الشاهي على ضو القمر=فوق رمش الليل في حيد الغدير
يا حياة الروح يا بعْد العُمر=يانسيم الصبح يا نفح العبير
العتاب أفضل من إعلان الهجر=والتغلي سم , والفرقا سعيـر
سهم عينك موت , والبسمه حـذر=وهمستك لي تعني الشي الكثير
تعني : إن القرب من بحرك خطر=وتعني : إن البعد عن روضك خطير
وتعني : إني ما معاي إلا الصبر=لين يْحكمْ لي بتحديد المصير
وقتي الماضي .. مضى كله قهر=و وقتي الحاضر .. من الماضي كسير
ولو نويت أرحل , وقـرّرت السفر=سالت الدمعه , وقالت : مايصير
لِن رحَلـْـت , أرحل بـ زورق من جمر=وبالمقام , أصبح كما الطير الكسير
أحصد الأشواك و زروعي زهر=وأزرع الريحان يطلع لي شعير
غيمة الأحزان يعقبها المطر=والخُطا تطوي مسافات المسير
تعبت الأقدام , وأتعبت النظر=معْ سراب العمْـر في وقت الهجير
صرت أفكر في حياتي و أعتبر=وأنظـْم الأشعار بسْلوك الحرير[/poem]

~.. سـواليــف الـغــلا ..~
 

[poem=font=",6,black,normal,normal" bkcolor="transparent" bkimage="http://www.solaim.com/vb/mwaextraedit2/backgrounds/16.gif" border="none,4," type=1 line=0 align=center use=ex num="0,black""]
سلام الله على من حط له في خافقي لمسات=سواليف الغلا تحلى بهمساتك وضحكاتك
صباح الخير ياوجه السعد والنور والخيرات=صباح البسمه اللي ماتليق إلا بطلاتك
صباح أحلى من الهتان يوم يداعب النسمات=صباح أغلى مافيه إنه رسم بسمه على شفاتك
صباح اهديت لك قلبي على شان أجمل البسمات=صباح يذوب في حضنه خفوقي لجل بسماتك
صباح من العسل ياخذ حلاه وفيه لك بصمات=مايعجبني حلاه إلا لأنه فيه بصماتك
صباح الشاكر الذاكر بداخل مسجده بسكات=أسافر مع كلامك وانتبه في لحظة اسكاتك
صباح أحلام ورديه صباح أكبر من الكلمات=عجزت ألقى عباره تشبه أسلوبك وكَلْمَاتك[/poem]

~.. أغـلـى وداع ..~
 

[poem=font="simplified arabic,6,crimson,normal,normal" bkcolor="transparent" bkimage="http://www.solaim.com/vb/mwaextraedit2/backgrounds/16.gif" border="none,4," type=0 line=0 align=center use=ex num="0,black""]
سلام الله سلام انسان . متواضع . رفيع الراس=يحب الشعر . لو شعره مايرضي كل جمهوره
ليا صار الطموح الغض ريقه ما يبل الكاس=وبساتين الأمل ماهي من الرضوان مغموره
وطوفان العطش . ليله طويييل ويكتم الأنفاس=حرام تموت ورده من سموم القيض مقهوره
عزفت ألحان نبض الشعر وانا صادق الإحساس=ونويت أكتب قصيده من عيون الشعر مغروره
قصيده من ذهب . من درّ . من ياقوت . من ألماس=تعانق خافق السامع . تصافح صادق شعوره
وأنا ما اكتب قصيده قبل ما ابني للقصيده ساس=ولا اكتبها بلا معنى وفيها أبيات مكسوره
هلا يا تاج راسي . مرحبابك بين أعز الناس=أبذبح لك هجوس الشعر وآخذلي معْـك صوره
بصدر المنتدى لك عندنا يالغاليه مجلاس=نسجل ذكرياتك وارحلي بالخير مذكوره
تصافحك الأنامل . والقلم . والفكر . والقرطاس=أنا ربعي سليم بحب فعل الطيب مشهوره
لنا تاريخ ناصع بالفخر. والعز . والنوماس=شموخ ( أهل القنا ) لا صفّ جيش سليم طابوره
نعـْرف الربْح : ربْح الآخره , وافلاسها الإفلاس=و بالدين الحنيف , النفس منهيه ومآموره
أشوف الحظ يضحك للغراب ويقهر القرناس=لكن ّ الرابح : اللي يجعل القرآن دستوره
على جنح الخيال أسج يوم يذعذع النسناس=والأرض تراقب أسراب السحاب ومنـْـه مسروره
ليا منــّه لمع بارق مزونه كنــّـه الأكباس=وهلـّت واستهلت كنها شلال نافوره
على ذيك الرياض اللي عروق أشجارها يبّـاس=ثراها يرشف المـا من فرَح . ويقول : مشكوره
بعَد نصف الشهر . تلقى حُـلـل نبته على الأطعاس=سقاها الوبل والهتان كل اسبوع ممطوره
على جال الغدير العذب . وعيون الزَهَر حرّاس=على الدوحه . وْقـَـف عصفور . يسمع همس عصفوره
صفا جو السعاده والهنا . واقْـفتْ ظُعون الياس=وسبح ماهر خيالي في فنون الشعر وبْحوره
أوادعها وداع إنسان . متواضع . رفيع الراس=ماهو شاعر إذا شعره مايرضي كل جمهـوره[/poem]

~.. سحـر الغـلا ..~
 

[poem=font="simplified arabic,6,crimson,normal,normal" bkcolor="transparent" bkimage="http://www.solaim.com/vb/mwaextraedit2/backgrounds/16.gif" border="none,4," type=0 line=0 align=center use=ex num="0,black""]
أبها سلام بصادق الود وأغلاه=لأحباب قلبي من عيون المصايف
أبها . من أيام الطفوله عشقناه=سحر الجمال . وراحه . وجو كايف
عدّيت في مرقاب صعبٍ معدّاه=مسقيه مزن الصيف رجمٍ مهايف
فيه النسيم اللي على القلب مااحلاه=فوق الجبال و هامة السحب نايف
ومرّت عليّه فيه صورة محيّاه=مثل الحقيقه صرت بالعين شايف
صاحب وفي . قلبي يحبه ويهواه=صاحب جمَع بالحسن كل الوصايف
وجدي على لمسة يميني ليمناه=و وجدي على لحظات همس الشفايف
ماتنفع الونه . ولا تنفع الآه=ولا ينفع المحزون كثر الحسايف
ولو التمني ينفع اللي تمناه=ماغاب عني لو تزيد الكلايف
درب الخطر غصبٍ علينا مشيناه=نمشي على حدّ السيوف الرهايف
والصدق . والإخلاص . مكسب كسبناه=وشلون مانكسب وحنا ولايف
والحاسد المغرور . يا كم قهرناه=يقعد بغبنه . والندم . والكسايف
والحمد للي تسجد الخلق لرضاه=والشكر له ماطاف بالبيت طايف [/poem]

فلسفـة البُـسَـطـَـاء
 

[poem=font="mudir mt,6,firebrick,normal,normal" bkcolor="transparent" bkimage="http://www.solaim.com/vb/mwaextraedit2/backgrounds/25.gif" border="none,4," type=0 line=0 align=center use=ex num="0,black""]
يا هيه .. ما فالحُب صادق وكذاب=منهو شرب كاس الهنا واهتنابه ؟ !!
يا هيه .. قصر الحُب له عشره أبواب=وكل ٍ على ماقيل يشعب ركابه
الحُب : صدق إحساس فالنفس ينساب=ود . وهيام . وعشق . شوق . وصبابه
وله . ولع . خُلـّه . غرام أخضع أشناب=ومنها الهوى للحب أكيد انتسابه
الود : همس شعور لو بين الأغراب=ثابت و زود الوقت زاده صلابه
أما الهيام : اللي دخل فيه / ماتاب=حتى لو إن الموت له حدّ نابه
والعشق : سهم الطرف معْ زود الإعجاب=منــْه الخفوق أعلن شقاه وعذابه
والشوق : أماني حلم . والظن ماخاب=لو زالت الأسباب والحظ جابه
وبحر الصبابه : للمحبين . غلاّب=الصَبّ يفقد بالمحبه صوابه
أما الوله : يا هيه .. به حَرقةْ أعصاب=تـَطْفي على صدر الوفا والرحابه
ومنهو تولـّع : حط فالقلب مشهاب=ماينطفي لو هلّ وبل السحابه
والخُلـّه : أعلى الحُب مابين الأحباب=ماتنتوصّف بالشعر و الكتابه
وأهل الغرام : دموعهم بين الأهداب=و راعيه مسلوب الأمر والمهابه
أما الهوى : يلدغ مثل لدغة الداب=مرّه هماج . ونوب عذب ٍ شرابه
و كل البشر في عالم الحُب طـُلاب=و قلب ٍ ( مايستقبل دروسه ) خرابه
حُب ٍ معَك يُولد مثل حُب الاقراب=وتحب ربك . والنبي . والصحابه
حُب ٍ يغيب وصاحبه عنك ماغاب=و حُب ٍ ثبت لو صاحبه في غيابه
والحب خلـّد له شعارات وألقاب=وقصص غريبه فوق حدّ الغرابه
وسحر المحبه خلطته : طُب الأطباب=وخلطة مجانين المحبه : تشابه
ومَحد ٍ يحط الحب غصبا بمشعاب=وما كلّ من حبيت تقبل عتابه
ولا فيه كره وْلاَ محبه بلا أسباب=كل ٍ على كيفه يفصّـل ثيابه
يا هيه .. لو فالحب صادق وكذاب=مَحد ٍ شرب كاس الهنا واهتنابه[/poem]

~.. بيـت الغـلا ..~
 

[poem=font="simplified arabic,6,,normal,normal" bkcolor="darkred" bkimage="http://www.solaim.com/vb/mwaextraedit2/backgrounds/20.gif" border="none,4," type=0 line=0 align=center use=ex num="0,black""]
لا إله إلا أنت بدّل حزني أفراح وتهاني=وعمري بطاعتك ياربي تزوّد في سنينه
طالبك يارب يارحمن للخير تْهَدَاني=ياعظيم الملك عبدك يسألك رافع يدينه
الطموح اللي على بحر الأمل زلزل كياني=ما بعَد حقق هدفنا اللي ياهايل راسمينه
وعاصفة يأس الحياه اللي على الموت تْحَدَاني=صرت أواجهها بصبر و حلم وأشعر بالسكينه
بين أعاصير الفراق المرّ و رياح الأماني=عين دمعتها فرَح والثانيه دمعه حزينه
حُرّ نسل أحرار مانرضى المذله والهواني=طيبنا ماله حدود وخصمنا نقطع وتينه
عاقل أوزن كلمتي قدام ينطقها لساني=للرفيق وللصديق وللخوي صدري مدينه
وللقريب من البشر غيث و رياض و ظل حاني=أتواضع له ولو يخطي يميني في يمينه
مانجازي بالخطا والعمْد هذا شي ثاني=الثلاث الأولّه وليا تعداها نهينه
والصداقه عندنا بحر الكنوز بْلا مواني=والمحبه كل مسلم صادق الإسلام دينه
ويرحم الله شايبٍ للخير بالحكمه دعاني=من طفولتنا وفعل الخير ساس موثقينه
بالوفا والطيب كلٍ يذكره قاصي وداني=رغم موته كل جيرانه وربعه ذاكرينه
وأمي اللي فضلها مايجمْعه سحر البياني=الحنون أم الحنان الطْيـِب منها راضعينه
بيتها بيت الغلا مبني ورى حدب المحاني=كل ماترفع يديها مكسبي دعوه ثمينه
ابتسامتها تبدّل حزني أفراح وتهاني=أفتخر لا قيل نعم الرجل مرضي والدينه[/poem]

~.. شيــك التهــور ..~
 

[poem=font="simplified arabic,6,firebrick,normal,normal" bkcolor="transparent" bkimage="http://www.solaim.com/vb/mwaextraedit2/backgrounds/35.gif" border="none,4," type=0 line=0 align=center use=ex num="0,black""]
يا شعر أحبك جزل . والهزل ممنوع=وأتعب على حرفك . وشكلك . ونوعك
الكايده بأمر الولي لي تجي طوع=ومن غالي الأفكار أولّع شموعك
شاعر وأحب الشعر والراس مرفوع=يا راس أبو هايل لربك خضوعك
و يا شوق همس القلب . للقلب مسموع=حتى ولو مايسمْعنْه سموعك
المجد دربه بالصعيبات مزروع=تزرع وتحصد فالنهايه زروعك
أسقيك صافي حبي العذب ينبوع=وتطرد سراب اللال ماهي طبوعك
تتبع متاهات العطش في سما الجوع=وتموت بالحسرات ما مات جوعك
قاسي . حنون . بجوفك الضد مجموع=وتَنَاقض أحلامك يفرّق جموعك
عطشان حب . صغيّر السن . دَلُوع=أحرقت قلبك . والحطب من ضلوعك
كم جيتني من حرقة الشوق مفجوع=و يا كم بحضن القلب هديت روعك
شيك التهور في محبتك مدفوع=وش عاد لو أفْقِدك . وأظما . وأجوعك
ياويل مَن في ناعم اللمس مخدوع=اسمع ترى لا اقفيت ما اطلب رجوعك
أبعد عليك شوي من حبة الكوع=وأظن ماتقدر على حب كوعك
لو كان تبكي دم .. ماتبكي دموع=ماعاد يخدعني بكاك ودموعك
إذا صحيح الحب تابع ومتبوع=ياطير مهما طرت غصبا وقوعك[/poem]

~.. جـده بدونـك غيـر ..~
 

[poem=font=",6,blue,normal,normal" bkcolor="transparent" bkimage="http://www.solaim.com/vb/mwaextraedit2/backgrounds/30.gif" border="none,4," type=0 line=0 align=center use=ex num="0,black""]
يا مَن على شوفه نسوق التباشير=مااظن باقي بالعمر كثر ما راح
أهلاً عَدَد ما رفّ بجناحه الطير=و عِدّ النجوم و عِدّ ما بارق ٍ لاح
و عِدّ الرمال و عِدّ زهْر النواوير=يابعْد عمري دام عزك والأفراح
لك داخلي حشمه . وهيبه . وتقدير=سبحان من يجْمَع على الحب الأرواح
جده بدونك غير .. جده مَعَك غير=من غيركم جده .. خيالات وأشباح
نصبر و نرضى بالقضا والمقادير=من يلتزم بالصبر لابدّ يرتاح
ظلم الاقارب مثل حز المناشير=والطيب والإحسان للقلب مفتاح
صوّرت ما في داخل النفس تصوير=ما ترتفع يا طير لو مالك جناح
يا مَن على شوفه نسوق التباشير=لن رحت عني ما بقى شيّ ما راح[/poem]

~.. ذكريات الطفولـة ..~
 

[poem=font=",6,blue,normal,normal" bkcolor="transparent" bkimage="http://www.solaim.com/vb/mwaextraedit2/backgrounds/30.gif" border="none,4," type=0 line=0 align=center use=ex num="0,black""]
ألا يا ليل طال الصمت . والعاشق نفد صبره=سنيني سَجّــلَت ذكرى على صفحات ماضيها
ليا فكّرت في مكه وطيبه هلّت العبره=تحدّاني دموع العين . كيف أقهر تحدّيها ؟!
سعودي وأفتخر في ديرتي لو ديرتي وَعْرَه=أحب جبالها وأشجارها وأعشق روابيها
بدا فيها نسيم العمْر يسري فالدجى فجْره=ولو عنْها رحَلْت أسمع مع النسمات شاديها
أحب أسمع صدى القمري ليا غرّد على وكْرَه=يجدّد عندي الذكرى ويحيي لي لياليها
أنا كلي وطن .. بالمختصر عشره على عشره=ومكه قلبي النابض غلا والناس تغليها
كفايه كل مسلم كيف يشعر لحظة النفره=أبد ما فيه أحد في خاطره لحظه تساويها
هنا المولد . هنا مهبط وحي . والغار . والهجره=هنا آثار خير الناس . صعب الشعر يحصيها
هنا الكعبه . هنا زمزم . وقصة هاجر وحفره=صفا . مروه . مقام وسنةٍ خلفه نصلّيها
هنا عَرَفات . مزدلفه . هنا المشعر . منى . الجمْره=هنا إسماعيل قصة برّ كل الناس تحكيها
صحيح أم القرى من مرّ فيها . ينشرح صدره=وصحيح الفايز اللي طول عمره ساكنٍ فيها [/poem]

~.. احفـظ نـواعسـك ..~
 

[poem=font=",6,blue,normal,normal" bkcolor="transparent" bkimage="http://www.solaim.com/vb/mwaextraedit2/backgrounds/30.gif" border="none,4," type=0 line=0 align=center use=ex num="0,black""]
يارب للخلق لا تكشف حقايقنا=ماحولنا الا حُسُود وناس مطفوقه
رحمتك ياخالق الدنيا وخالقنا=الانس والجن لعبادتك مخلوقه
العمر رحله على مركب دقايقنا=وأرواحنا في يدين الموت مخنوقه
صدق المشاعر تجمّعنا .. تفرّقنا=وما كل حاجه ليا فاتتك ملحوقه
أصالة البدو نعشقها وتعشقنا=في دمنا لو لبسنا ثياب مشقوقه
حلم الأمل بالفرح دايم يعانقنا=ودمعتك دايم على الخدين مدفوقه
لو ذقت كل النعيم تقول : ما ذقنا=عطشان , والما بعيد , ودلو مخروقه
احفظ نواعسك لا تسرق خوافقنا=وشلون تحيا البشر بقلوب مسروقه
موج الهوى في بحر حبك يصافقنا=والكلمه الطيبه للقلب معشوقه
قبلك نعَرْف الطريق اللي يوافقنا=واليوم رغباتنا برضاك مسبوقه
الحاجه اللي تزعّلكم .. تضايقنا=وعدواننا روسهم بالسيف محلوقه
عساك نيّـتك ترسي في مرافقنا=دام المعاليق من فرقاك محروقه
همسة حنانك , من الضيقات تعتقنا=ماحولنا الا حُسُود وناس مطفوقه[/poem]

~.. نخــلـة القـريـة ..~
 

[poem=font=",6,black,normal,normal" bkcolor="transparent" bkimage="http://www.solaim.com/vb/mwaextraedit2/backgrounds/28.gif" border="none,4," type=0 line=0 align=center use=ex num="0,black""]
يا نخلة القريه .. رطبك اشتاق لأفواه الصيام=كلك وفا ياشامخه , وقلوبنا بك هايمه
لك فوق هام المجد تاج , ولك على صدره وسام=ولك في خفوقي حبٍ أغلى من جميع الأوسمه
اقسم برب البيت لو ماطاب للفكر المقام=لأعلن رحيله وأشطب اسمه من هذيك القايمه
والرزق يا هايل على واحد عيونه ماتنام=مافيه موت بلا سبب , مافيه صحه دايمه
العقل زينه , والأدب والعلم تعطيك احترام=والعدل والأخلاق , من طبع الوجيه الغانمه
معشوقتي .. سجدة شكر لله فالبيت الحرام=ومعشوقتي .. ركعة تهجد والخلايق نايمه
ومعشوقتي .. بنت الأدب والدين عفه واحتشام=ومعشوقتي .. لحظة نزول الموت , حسن الخاتمه
لو نظرة الطرف الكحيل , تخاف من حد الحسام=ماشفتها لاسلهمت , ياويل قلبي حاسمه
[ غدار أعْرْفـَك يابحر ] ,, وشلون تدعو للسلام ؟!!=عزي لمن جارت عليه أمواجك المتلاطمه
يابرق , لا تزعل ولا تجرح مراويح الغمام=ولا تبتسم للرعد من خلف المزون الصايمه
لك حق ياشوك القتاد , تغار من ريش النعام=من علـّم القرطاس تدليل الحروف الناعمه !!
خناجر الحسّاد منثوره تحت جنح الظلام=وحناجر الأزهار في كل الظروف مسالمه
من حَب مسواك الأراك , و حَب مسواك البشام=يحب خطوتها على ذيك الثغور الباسمه
لاصار صمتك من ذهب , مافيه داعي للكلام=أجمل برستيج , و رومنسيه , و لحظه حالمه
يا نخلة القريه .. على ساقيك ياكثر الحطام=أعجاز نخلٍ خاويه , وأرواحنا بك هايمه[/poem]

إلى حضرة سموه مع التحية
 

[poem=font=",6,,normal,normal" bkcolor="transparent" bkimage="http://www.solaim.com/vb/mwaextraedit2/backgrounds/55.gif" border="none,4," type=1 line=0 align=center use=ex num="0,black""]
انسكب دمع القلم يروي بساتين الكتابه=آيه . وعبره . وحكمة شعر . يرسمها لساني
لليتيم اللي يشوف الظلم بعيون القرابه=لجله العقد الفريد من القصايد شي ثاني
في عيونه . صار نور الشمس والظلما تشابه=و في حياته . صارت الساعات بحسابه ثواني
يسأل أمه : كيف كان أبوي ؟ ويزيده صلابه=قولها : ماشفت مثل أبوك في كل المعاني
العظيم اللي على سيرة محمد والصحابه=امتطى صهوة جواد المجد مايرضى الهواني
امتلى قلبه محبه وامتلى صدره رحابه=مارضع غير الطموح وماقطف غير الأماني
محترم . عاقل . وله عند العرب قدر ومهابه=يالله إنك ترحمه يامنزل السبع المثاني
وأنت يانور الأمل . تشبه لأبوك ولا غرابه=[ شبل من ذاك الأسد ] ربي بعَد صبري عطاني
قال : أنا . عزك . و هلّ الدمع من عينه سحابه=جاوبت دمعْـه بدمعَـه قال : فيني ماكفاني
ارفعي راسك . خفوقي [ حْمْل ] . و أحزاني [ ذيابه ]=و لي طموح يغار منْه الجدي وسهيل اليماني
اليتيم اللي ماتسوى عنده الدنيا ذبابه=العظيم اللي له قلوب البشر صارت مواني
ماشكى قسوة زمان ولا بكى وجد وصبابه=هامته فوق الغيوم ومسكنه وسط المحاني[/poem]

~.. لا تحــزن ..~
 

[poem=font=",5,black,bold,normal" bkcolor="transparent" bkimage="http://www.solaim.com/vb/mwaextraedit2/backgrounds/5.gif" border="double,4,red" type=1 line=1 align=center use=ex num="0,black""]
صلوا على محمد عدد من طاف بالبيت العتيق=يارب ترحمنا وتغفرلي وتكتب لي رضاك
عيد الفطر همس العطر كريم صدرك مايضيق=نلبس مشاعر صادقه بسماتها شمعة حلاك
لبيه يا يوم الوطن تجديد للعهد الوثيق=في ظل أبو متعب عسى الرحمن يسعدلي مساك
أجمل سحايب تهنيه من روضة الشعر الأنيق=يا موطني بر و بحر في خافقي ثابت غلاك
يا دمعة الأفراح كم يصفي من الدنيا صديق !!=و يا قلب لاتحزن ونهر الطيب ينبع من ثراك
لله درك يا بحر جده سنين تبل ريق=وتسد جوع اللي رمى في حضنك الدافي شباك
ولله در النسمه اللي كنها تجمع رحيق=لا مرّتك تقطف من أنفاسك وتلعب في سماك
ولله در الغيمه اللي تعتبرك أغلى عشيق=لا صافحتك وروّحَت تنثر على الآكام ماك
ولله در الشمس لا غابت ورى اليم العميق=من دونها أمواجك تقول الموت نايم في حشاك
وأنا من اللي في غرامك يابحر جده غريق=وجده عروس البحر كحل عيونها نسمة هواك
لله در الذكريات اللي تولّع بي حريق=آلامها تنهش بشرياني وتوعد بالهلاك
أحاول أدفن كل لحظة حزن في موقع سحيق=وأقول ياجرح الضمير الصبر بلسمك ودواك


[/poem]

~.. هي , أمـي , و كفى ..~
 

[poem=font=",6,white,normal,normal" bkcolor="green" bkimage="" border="none,4," type=1 line=0 align=center use=ex num="0,black""]
في كل لحظه و حين اعداد وبل الغمام=صلوا على خير خلق الله يا سامعين
يا الله يا رب يا محيي رميم العظام=تغفر ذنوبي وتكتبني من المهتدين
مدحي لمن يستحق المدح فخر و وسام=من صافي الشعر نمدح صفوة الطيبين
محمد وآله وصحبه وأمهاتٍ حشام=فقلوبنا ساكنين أنصار و مهاجرين
ولو يعتذر هاجسي عن مدحهم مايلام=طوبى لهم بالدرجات العُلى فايزين
سحايب الحب و التقدير و الإحترام=يا تاج راسي بحبك كلنا صادقين
وأغلى درر مدح شعر ونثر وأعذب كلام=نظمتها عقد من ألماس غالي ثمين
يكفيك مدح النبي محمد عليه السلام=يا أمنا يا حبيبة خاتم المرسلين
شبّهك بالبدر في ليل اكتماله تمام=عظيمة القدر يعرف قدرك المومنين
وبالفرق بين الثريد وبين باقِ الطعام=يا أطهر من الطهر وأفضل نسوة العالمين
حوريةٍ فضلها على جميع الآنام=صدّيقةٍ حبها لنا عقيده و دين
نقدّم الروح لجلك فوق حد الحسام=بالعلم والسيف حنا فالوعد حاضرين
و ياهيه يالجاهل اللي في بحور الظلام=لا وصلت العرض نقلع شجرة الجاهلين
سود المظاهر وسود قلوب زمرة لئام=أخطر علينا من أهل الشرك و الملحدين
يا خادم إبليس سبك ما يضر الكرام=لكن يبيّن لنا حقدٍ بقلبك دفين
في كل لحظه وحين اعداد وبل الغمام=صلوا على خير خلق الله يا سامعين[/poem]

~.. ليل الأمـاني ..~
 

[poem=font="mudir mt,6,firebrick,normal,normal" bkcolor="transparent" bkimage="http://www.solaim.com/vb/mwaextraedit2/backgrounds/25.gif" border="none,4," type=0 line=0 align=center use=ex num="0,black""]
ليل الأماني فيه دمعي غلبني=وأعلى طموحي طاعة الله و رْضاه
صدق المشاعر و التواضع .. كسبني=و نهر الكرم والطيب تاجه لبسناه
راقي بفكري .. و اسمي اللي نسبني=للبدر .. في لحظة طلوعه ومبداه
من شاف شكلي . في خياله حسبني=لا شي !! .. وانا كاسب العز والجاه
أحاول أجمع عطر الأفكار و أبني=حلم الهنا وأقطف من المجد علياه
و شوك الذنوب ليا ذكرته .. رعبني=ويجيب ذكر الموت .. صرخة ضحاياه
و ذاك الأديب اللي بحرفه كتبني=أضم حرفه بين الأهداب وأقراه
وأهديه قلبي حُب لو ما طلبني=من شان أشوفه دوم تضحك ثناياه
أطفى ظما جرح الخفوق و وهبني=باقة حنان و مَـدّ لي كف يمناه
وكفكف بكفه دمعتين وجذبني=باسلوبه . وهمسْـه . و روعة سجاياه
باحساس من ألماس ذبت وسكبني=في خافقه . والسر سحر المناجاه
سواد ليل وبرق خده سلبني=ونسيم حرّك داخل القلب ذكراه
ما كل من شافت عيوني . عجبني=لكنْ راع الطيب لا يمكن أنساه
يا جنة الفردوس .. دمعي غلبني=وأعلى طموحي .. طاعة الله و رْضاه[/poem]

~.. همـس لـيـل ..~
 

[poem=font="mudir mt,6,white,normal,normal" bkcolor="black" bkimage="" border="none,4," type=1 line=0 align=center use=ex num="0,black""]
من سلسبيل الطهر من صافي حنانه منبعَك=في صمت .. أحبك .. و ان جرحت الصمت .. ماهي مشكله
بصدق النوايا .. للقلوب البيض .. سولف وأسمْعَك=أشعل سكون الليل بأنفاس الصباح المذهله
سحر الجمال اليوسفي .. سبحان ربي ماأروعَك !!=هذا أثر سهمك بشرياني وقفت أتأمله !!
شعر وشعور وشاعرك مشاعره دايم معَك=عطني غلا وأعطيك صدق إحساس راع الاوله
أتخيلك .. و أستقبلك .. و أعاتبك .. و أودعَك=أشباح همس الليل و الا أضغاث حلم ومهزله
تعصف بي الأشواق . ليت الشوق يمي يدفعَك=ويستوقفك لحظه ضميرك يارفيع المنزله
أرسمك صوره في سماي أشتتك وأجمّعَك=براءة أطفال . و رجال عقولهم مستهبله
برق و رعَد .. سيل و برَد .. كف بحنانه يرفعَك=أستمطر الغيمه أمل .. يلطف بحال السنبله
في خافقي : حدايق الرحمه . تصافح أدمُعَك=البون شاسع . و المسافه بيننا قدر أنمله
صبرت صبر أيوب . فارس حلم شوقي يتبعَك=أقفت سنين عجاف ياعل السمان المقبله
في روضة الخافق هنا . لا . بل هنا . كنت أزرعَك=وأخاف تزرع في خفوقي من غرامك قنبله
لن طاب حظك .. كل من حولك يحاول ينفعَك=و ان شان حظك .. تغرس النخله وتطلع حنظله
لا تشتكي للناس .. لو الجرح قاسي وأجزعَك=ولا يفترسك الياس .. والدنيا متاع ومرحله
إيه العطش . لا من بطش . يشفق لحالك مصرعَك=وتودع أيام الهنا والموت يْقبِل هروله
اليوم تمشي فوق ظهر الأرض . بكره تبلعَك=ياكم قرينا ما تدبرنا العصر والزلزله[/poem]

~~..بسمة الضي ..~~
 

[poem=font="mudir mt,6,darkred,normal,normal" bkcolor="transparent" bkimage="http://www.solaim.com/vb/mwaextraedit2/backgrounds/11.gif" border="none,4," type=1 line=0 align=center use=ex num="0,black""]

ثقيل دم الليل . . . يابسمة الضي=وأغلا الأماني . . . في خفوقي سجينه

على ضفاف القلب . . . يحلا لك الري=اروي عطش . . . يا زهرة الياسمينه

ماهو صحيح . . . إن أخر الطب بالكي=وقلبي بميسم حبكم محرقينه

واللي يحاول يجمع الشمس والفي=مجنون ليلى . . . والبشر عاذرينه

مرت سنين عجاف ياشمعة الحي=والحُب يكبر تحت سقف المدينه

ليلاي : أنا في حُبكم حاتم الطي=قدّم لكم رُوحه على راحتينه

ذبح المشاعر والأحاسيس لاشي=دام المكاسب في نظركم ثمينه

اطْرد سراب اللال واستعطف المي=والسّر أمانه في صدورٍ حَصينه

غصن الأمل مامات . . . ياحلمي الحي=بعد الألم . . . غيث الهنا والسكينه

اطوي سجلات العمر لجلكم طي=كل اتجاهاتي بكفك رهينه

ضمّيت جمر الصّبر . . . يابسمة الضي=واحلا الأماني في خفوقي سجينه [/poem]

~~~.. غيمة السلسبيل ..~~~
 

[poem=font=",6,black,normal,normal" bkcolor="transparent" bkimage="http://www.solaim.com/vb/mwaextraedit2/backgrounds/28.gif" border="none,4," type=0 line=0 align=center use=ex num="0,black""]
جيت استثير الصمت .. قبل أصافح كفوف الأجَلْ=واعيش لحظات السعاده .. لوعيوني غافيه
ياليت ليت .. وليت ليت .. وليت حلمي ما أفلْ=الله ياحلو المنام اللي حلومه دافيه
جاني على الموعد .. وبعيونه من الدنيا زعَلْ=وبِيديه صورة حُبنا .. والرِجل تمشي حافيه
رغم المعاناه .. اجتهد في ساعة الموعد وصَلْ=قلت: انتظاري طال .. ما اظن المَحَبّه صافيه
أغضى بعينه .. واعتذر مني بعشرات القُبَلْ=قلت: آآآآآه لو قبّلتني مليآآآآر .. ماهي كافيه
سكت ثواني .. قال: هيه أرجوك تسمع ما حصَلْ=أهل الحسد من حولنا .. صاروا عصابة مافيه
جيتك وأنا كُلّي وفا .. صادق بحُبي يا بطَلْ=ماهمّني كُل البشر .. دامَك بخير وعافيه
إجرح .. وزيد الجرح .. جرحك لي على قلبي عسَلْ=سلّمْتَك أمري بعد عُمري والمَحَبّه وافيه
علّمْتني حُبّك .. ودمعي قَبْل أحِبَكْ ما نزَلْ=الله من نارٍ بقَلّبِي يا حَبِيبِي خافيه
يا تاج راسي .. يا هلال الشعر مفتاح الأمَلْ=شوفتك لجْرُوحِي تَرَاها يا حَبِيبِي شافيه
الشوق يحْرقني .. ويمنعني عن البوح الخجَلْ=والحُبْ مثل الشعر يحتاج الوزن والقافيه
وحدايق الصّبْر الجميله .. وردها الغالي ذبَلْ=بالقيض .. يصفع خدّها .. صَلْف الرياح السافيه
أنصحك .. لو بالحِلم .. لا تلْعبْ بنيران الغزَلْ=ناره بغير الوصل .. ما ترضى .. ولاهي طافيه
احْترت .. زادت حيرتي .. وادعْ وقفى في عجَلْ=وادعْ بضمّة حُبْ .. من قلبه لقلبي دافيه
يا قلب لا تحزن .. بعد عن عينك الغالي رحَلْ=الله معك .. والنفس لدروب المذله نافيه
ما فيه داعي .. نستثير الصمت ونهز الجبَلْ=يمكن يُمر الحِلم دارك يا لعيون الغافيه
[/poem]

~~.. مساجلة ..~~
 

أبو ماجد

[poem=font=",6,,normal,normal" bkcolor="transparent" bkimage="http://www.solaim.com/vb/mwaextraedit2/backgrounds/10.gif" border="none,4," type=1 line=0 align=center use=ex num="0,black""]
يانوم وين ألقاك ياهم فارق=أحرمت عيني لذة النوم ياهم
خليتني مع سجة الفكر غارق=صار السهر للعين من نومي أهم
أرجي أمل مولاي مع كل بارق=وأرجيه تال الليل فالثلث الأدهم
يفرج لجفن ليا غفى تقل سارق=يسرق حلاة النوم والسر مبهم
أمشي وكن الجمر للرجل حارق=وليا جلست أسمع صدى صوت يزهم
يحيي لهم من المعاناه وارق=وأكيد في جرح المعاليق ساهم
في يومي أستعرض ثمانين طارق=تمرني كالحلم والوضع مجهم[/poem]


أبو عناد

[poem=font=",6,,normal,normal" bkcolor="transparent" bkimage="http://www.solaim.com/vb/mwaextraedit2/backgrounds/10.gif" border="none,4," type=1 line=0 align=center use=ex num="0,black""]
يغيب عام وعام يادوب شارق=وراع الوفا والطيب بالشعر مُلهم
والهم لوحاربك بسيوف طارق=الله معك ياصاحبي لاتوهم
والنوم لن مرك مرور الزوارق=أطلق سراحه قبل عندك يداهم
الوقت من هوله تشيب المفارق=والصبر بالشدات بلسم ومرهم
وبعض الغلا جاوز حدود المشارق=ياويل حال اللي له الطرف سلهم
وأهل المناصب والحسب والنمارق=رصيدك يساويك درهم بدرهم
والماهر اللي بالذكا جِد خارق=في سوق الأسهم صار تنبل ما يفهم [/poem]

~~..خــاآآآآآآلد في قـــلــوبـــنـــا خــاآآآآآلد ..~~
 

[poem=font="mudir mt,6,,normal,normal" bkcolor="transparent" bkimage="http://www.solaim.com/vb/mwaextraedit2/backgrounds/10.gif" border="none,4," type=0 line=0 align=center use=ex num="0,black""]
شلال نور الفكر بعيون الاحساس=ينثر عبير الحُب فوق القراطيس
ويهدي دُرر في نورها مثل الأكباس=أكباس غاز تضيع معها الفوانيس
تعبيري الصادق بنيته على ساس=أهديه للي سيّس المجد تأسيس
دايم علو وخالد العز قرناس=الصّارم البتّار نسل القرانيس
حكيم متواضع ولايعرف الياس=كل الصفات الطيّبه له محابيس
عدو خالد مكسبه كتم الأنفاس=ويصير مثل البن جوف المحاميس
وصديق خالد مكسبه دُر وألماس=وما قرّبت حوله هموم وكوابيس
الطيبين وذكرهم يرفع الراس=أهل الأصايل كاسبين النواميس
جانا خبر سبب ثمانين هوجاس=تقْبِل هواجيسٍ وتقفي هواجيس
بعض المصايب كنّها حَدّ الأمواس=أعوذ بالرحمن من فتنة ابليس
وأعوذ بالرحمن من كل وسواس=وأعوذ بالله من ليال الوساويس
ونحمدك يارحمن ياخالق النّاس=راضين بامرك صادقين الأحاسيس
خالد عطانا حُب من غير مقياس=وبقلوبنا له حُب ماله مقاييس
اشفه لنا ياربنا واذهب الباس=يارب يامغني فقارى مفاليس
وصلاة ربي عدّ ماهب نسناس=أعداد ما ذعذع نسيم النسانيس[/poem]

~~~... دمع الإحتراق ...~~~
 

[poem=font="mudir mt,6,firebrick,normal,normal" bkcolor="transparent" bkimage="http://www.solaim.com/vb/mwaextraedit2/backgrounds/25.gif" border="none,4," type=0 line=0 align=center use=ex num="0,black""]

تنعشني أنفاس الصباح المبتسِمْ=واشتاق للجنه عظيم الإشتياق
بالفجر . رحلة عمر . سجل ياقلمْ=نحو العلو . سرنا وتم الاتفاق
وبالحلم . نورالعلم . كنزمن الحِكمْ=على خدود الشمع . دمع الإحتراق
ومن فوق هام العز . رفرف ياعلمْ=على جفون الموت . وادعت الفراق
بين الأمل والياس . يحتار القدمْ=وبين القمر والليل . ياحلو العناق
في بسمة المسلم . هماليل الكرمْ=باصدق مشاعر طعمها حلو المذاق
أغلى العمر . لحظة سجودك بالحرمْ= تقهربها دنيا كدرها مايطاق
بالدين تبقى أنت العزيز المحترمْ=لو داخل الصدر الفسيح الصبر ضاق
ادفن بحضن الجرح نيران الألمْ=واهزم جيوش أهل المظاهر والنفاق
متى . وكيف الموت يرسل لك سهمْ .؟=يعلم بها رب السموات الطباق
إبليس يابن آدم تحداك بقَسَمْ=حاسب قبل شيطانك . يشد الوثاق
نبض القلوب إنذار . واعمالك حكمْ=فرصه بدرب الخير تبدا الانطلاق
شاهد على نفسك . بذنبك مُتهمْ= برزخْ . وجنةْ . نارْ . والدنيا سباق
ياليت ماتنفعك لحظات الندمْ=من يخطب الجنهْ . دفع عمره صداق
تُوب . وتذكّر سيرة أصحاب الهممْ=بين الرجاء والخوف . رغبه واشتياق

[/poem]

~~~ ... عيون السُنْبُلة ... ~~~
 

[poem=font="mudir mt,6,,normal,normal" bkcolor="transparent" bkimage="http://www.solaim.com/vb/mwaextraedit2/backgrounds/10.gif" border="none,4," type=1 line=0 align=center use=ex num="0,black""]
اذكر الله . واشكره . ثم ابتدي واسمي=وانظم الشعر الجزل . واختار ما يحلا لي
ماكتبت الشعر ... لو ما قال لي : ياعمي=فلسفة شاعر . هديه للحبيب الغالي
ياعيون السُنبُلة . لجل العطاشى ضمي=بلسم انفاس السحاب ودمعه الهمّالي
مع سكون الليل جمر البدر يشعل همي=يابياض الثلج . رفقاً ... لاتغربل حالي
استهلت وامطرت لين استباحت دمي=واسقت غصون الخفوق اصفى حلاها الحالي
وذكّرتني بالحنان اللي رضعت من امي=واسرفت في حبها . من شان راحت بالي
الفراغ العاطفي . حالي يسمه سمي=والجنون العاطفي . فيكم يزيد هبالي
لونطقت اسمك . يذوب الشهد داخل فمي=من بيوت العز . ساس الطيب . عم وخالي
الحواس الخمس . سمع . ولمس . ذوق . وشمي=والنظر . سجل شهادتها عبر موالي
تشهد إنك ياالغلا . فيك الحلا ملتمي=دين . حسن اخلاق . متواضع . وقدرك عالي
ومن كثرخوفك عليّ . القيتني في اليمي=وتبتسم !!! وتقول : أثر سهم الهوى قتّالي !!!
إيييه شاور بصبعك . واببتدي واسمي=الغرق في بحر حبك يالغلا يحلالي[/poem]

~~~... أكــــتــــبــــيـــنــــــي ...~~~
 

[poem=font="mudir mt,6,,normal,normal" bkcolor="transparent" bkimage="http://www.solaim.com/vb/mwaextraedit2/backgrounds/10.gif" border="none,4," type=1 line=0 align=center use=ex num="0,black""]


اكتبيني فارس أحلامك قصيده=ونبتدي عهد الوفا والإلتزام
اكتبيني يالغلا جمله مفيده=ماتليق إلا بعالين المقام
ارسميني طفل . يهدي لك نشيده=يعشقك . عشق العطاشى للغمام
ازرعي في نفسي أماني جديده=عطرها . أشواق المحبه والغرام
وأكتبك في داخل إحساسي وحيده=بين رمش وعين يهناك المنام
ياسحايب حبي أوصافك فريده=من جمالك يختجل بدر التمام
جوهره . بحجابها تحيا سعيده=دُره . وجلبابها عز ووسام
فخرللأمه . ونظراتك بعيده=لاغلو . ولا انحلال . ولا انهزام
مومنه . قول وفعل . كلمه أكيده=نورها . يطرد خفافيش الظلام
بنت . زوجه . أم ... سيرتها حميده=مضرب الأمثال . عفه واحتشام
تضمن حقوقك حكومتنا الرشيده=وزادتك ... تقدير . هيبه . واحترام
أنصحك ... روفي بحالك ياعنيده=العدو ... منك . ولك . يوجه سهام
غزو فكري ... له أساليبٍ عديده=وله ... قنوات . وشعارات . ونظام
كم دعايه . فالمجله والجريده=تخدعك بالشكل مع عذب الكلام
تغري النفس الضعيفه والبليده=والنتيجه ... لا صلاه ولا صيام
حولك . أفكار الشياطين المريده=وفي يدينك . دينك السيف الحسام
نور قرآنك هدى . واصفى عقيده=سنة محمد عليه أزكى سلام
وهادم اللذات سكراته شديده=لاحزن دايم . ولادام ابتسام
اكتبيني في سجلاتك . قصيده=كلها صدق وتواضع والتزام
[/poem]

رد: ~~~ ... الـــــســــــــعـــوديــــــــة ...~~~
 

[poem=font=",6,limegreen,normal,normal" bkcolor="white" bkimage="" border="none,4," type=3 line=0 align=center use=ex num="0,black""]
لبو متعب حبيب الشعب عطر الحب والأشواق=ملكنا عودته فرحة وطن . . فخر السعودية

على سنة محمد ما نخاف إلا من الخلاق=شمال وشرق غرب وفاليمن . . حُب السعودية

بلاد العدل والتوحيد رمز الطيب والأخلاق=لناهيبه على طول الزمن . . شعب السعودية

نصرنا الدين والمله ولعيون الوطن عُشّاق=لنا الفخر ولنا الذكر الحسن . . بسم السعودية

سليم أهل الوفاء ما ينقضون العهد والميثاق=جنود أرواحهم تدفع ثمن . . لجل السعودية

ويابووجهين مالك غير كتم أنفاس قطف أعناق=كرم منا نجهزلك كفن . .صنع السعودية

هديتنا لسودان الوجيه الموس والحلاق=يبي يحصد مروجةْ الفتن . . سيف السعودية[/poem]

~~~... عتـــآآآب أحبــآآآب ...~~~
 

[poem=font="mudir mt,6,,normal,normal" bkcolor="transparent" bkimage="http://www.solaim.com/vb/mwaextraedit2/backgrounds/10.gif" border="none,4," type=1 line=0 align=center use=ex num="0,black""]


ماتبْتسم ياحظْ !!! ضاع الدوا فيك=حبستني ... بين القلم والكتابه
لبيه ... واشواق الأماني تناديك=لعيونك ... أعذب شعر . وافصح خطابه
لبيه ... جاوبني غلا . كل مادعيك=أرضي غرورك . واستفز العصابه
لبيه ... لوتسمع بقلبك مناجيك=ضميت جمر الشوق . وجد وصبابه
حتى متى وآمآل الاحلام تلهيك؟=وحتى متى ما تستطيع الإجابه؟
مليت مُرّك ... في رجاوي حلاويك=ولحظة فرح . تطرد جيوش الكآبه
قاسي وانا ماودي احرج معاليك=دايم على يمناك عز ومهابه
ياما انتظرتك لين زلت حراويك=وروض الأمل يحلم بهمس السحابه
وياما وراك أطوي مسافة مساريك=بسواد ليل أشعل عويل الذيابه
ورجعت وانا ما معي غير طاريك=وعليك صدري فيه زايد رحابه
عطر ابتساماتك يذوب بتغليك=امرك معي جاوز حدود الغرابه
ماتستحي ... نشّفت ريقي واداريك=كن الذي بيني وبينك حرابه
تزعل بدون اسباب ... واصبر . واراضيك=وتوعد . ولاتوفي ... والاحداث غابه
سراب . يرمي صاحبك بالتهاليك=وسحاب . مابينك وبينه قرابه
متى تجي وتضُمني بين أياديك؟=ضمةْ غلا مامن بعدها طِلابه
باقي أمل عطشان . ياحظ يكفيك=ويحك . تجمّل راح وقتي نهابه
اسراب نور البدر عبر الشبابيك=يمكن تصادف ساعة الإستجابه
لوتضحك الدنيا وتقبِلْ وتغريك=والله ماتسوى جناح الذُبابه
ولو تقفي الدنيا وتعْبِسْ وتشقيك=إيمانك الصادق يزيدك صلابه
ولو تبتسم ياحظ في وجه مغليك=يفداك شعري والقلم والكتابه
[/poem]

~~~... صدى المعاناة ...~~~
 

[poem=font="mudir mt,6,,normal,normal" bkcolor="transparent" bkimage="http://www.solaim.com/vb/mwaextraedit2/backgrounds/10.gif" border="none,4," type=1 line=0 align=center use=ex num="0,black""]


خذني معك ياصاحبي راعي الرنج=لنا الفخربالشيخ مضحي ورنجه
باقي أمل والطايره بالمدرج=والقلب باقي للهوى فيه لجه
بعض البشر صحيح قلبه مبنج=عساه يبقى تحت تأثير بنجه
مايستقيم الظل والغصن معوج=رَحَل مبارك واصبحت مصر رجه
أحدٍ على فعل المكارم مبرمج=وأحدٍعلى زرع المشاكل موجه
وأحدٍحكيم الراي بالعدل يلهج=وأحدٍ يحاول كسب ود الفرنجه
والشعر هاجوسه ليا منه أمرج=صداه سبب داخل النفس صجه
وللطرف يم البدر مسرى ومعرج=وللعولمه في وجه الأيام شجه
لياصفى وقتك قراحٍ مثلّج=وليا تكدّر مُر نفسك تمجه
[/poem]

~~~ ... همس المشاعر ... ~~~
 

[poem=font="mudir mt,6,,normal,normal" bkcolor="transparent" bkimage="http://www.solaim.com/vb/mwaextraedit2/backgrounds/10.gif" border="none,4," type=1 line=0 align=center use=ex num="0,black""]




بـ . اسمك ياربي نبتدي ونغوص باعماق البحور=ولاخاب من بسم الله الرحمن دايم مُبتداه
الشعر ماهو شعر لو مايحمل احساس وشعور=بلسم جروح وسحر بوح من العسل ياخذ حلاه
يجمع شتات أفكار فيه أسرار جزل بلا كسور=الطرف يستمتع بشوفه قبل تحريك الشفاه
والشعر ريحان المجالس تنشرح فيه الصدور=لاجاك من شاعر حكيم وجزل عالي مستواه
يارب ترحمنا وتستر عيبنا يوم النشور=يوم التغابُن والنّدامه والبَشر تُحشر عُراه
عفوك ولطفك ياعظيم ويارحيم وياغفور=اجمع شتات المسلمين وحطّم أحلام الطُغاه
قرأننا دستورنا دايم لنا حُجّه ونور=طوبى لمن يمشي على السنّه لها ربي هداه
وطوبى لمن صان الأمانه يبشر بجنّه وحُور=وخسران من ضيّع حدود الله بل تبّت يداه
لو صار عُمْرك عُمْر نُوح وزاد عن عُمْره دُهُور=يمكن ما يُقْبل منك حج ولاصيام ولاصلاه
حتى متى ساهي ولاهي في ملذات وسُرور=العُمْر ضاع وقلبك المسكين ماحقق مناه
وحتى متى دون الشّرَف والعِرض دمّك مايفور=وحتى متى واطْلق شنب ياللأسف يتبع هواه
بعض البشر في دمّهُم حُب التَبَرُج والسّفُور=والبعض من زود التشدد صار من روس الغُلاه
اسلامنا واضح لكن المشكله كِبْر وغُرُور=أمالنا وأحلامنا تمشي بعكس الإتجاه
تفرّعن الفار وتشبّه بالأُسود وبالنمُور=وسرحان بـ اسم العولمه . أمين لحقوق الشياه
والبُوم يُمدح بالشعر والنثر وتسب الصقور=والخاين الغدّار صار الفارس اللي ما وراه
بـ . اسم التقدُم كم بنينا للتخلُف من جسُور=وبـ . اسم التطور في تهور ماعرفنا منتهاه
العولمه والتقنيه خليط خيرات وشُرُور=ياويل ربّان السفينه لو فقد طوق النجاه
لاتعتذر لو مَرّت الفُرصه ترى مانت معذُور=من مامنه يوتى الحذِر . واجب عليك الإنتباه
بالعقل قبل العاطفه ياصاحبي قِيس الأُمُور=لاتنخدع بالأُمنيات . وحقق أحلام الفتاه
كم يُوسفيه فالجمال وفالأدب بدر البدُور=لكن مَرّ الغيم بالروض ورَحل ماهل ماه
وصيّة المُختار تمنحك السلامه والعبُور=والفوز بالفردوس بعد الموت هو راس الغناه
الدين والأخلاق لاتنظر لجاه ولاقصُور=وش ذنب من يحتاج ثوب الستر والفقر ابتلاه
وياغاليه تمسكي بحجابك الدنيا مرُور=توبي لربك واطلبيه العون يبْشر من دعاه
وياعاشق الدنيا لعلك تعتبر . زُور القبُور=ياكم عزيز . الموت من كاسه على الموعد سقاه
صحهْ مرضْ . حزنْ وفرحْ . من بينها عُمْرك يدُور=نهاية الزرع الحصاد . الفرق باسباب الوفاه
وصلوا على المُختار ماخط القلم فوق السطور=ماخاب من بـسم الله الرحمن دايم مبتداه



[/poem]

~~~ ... لُـــعْـــــــبَة التُـــجّــــار ... ~~~
 

[poem=font="mudir mt,6,,normal,normal" bkcolor="transparent" bkimage="http://www.solaim.com/vb/mwaextraedit2/backgrounds/10.gif" border="none,4," type=1 line=0 align=center use=ex num="0,black""]
ينابيع الحياه الصافيه . تجري بدون نظام=عسل والطعم ليمونه . سياسة صفوة التجّار
بحر جده يابحر الحب . مثلك واسأل الأيام=درر لكن مكنونه . ويحميها بحر غدّار
حركاته حركاتك . ونفس الرمز والأرقام=لكم شفرات مدفونه . عجب !!! فيك العقل يحتار
يابحر الحب أبحكي لك . حكايه عُمرها أعوام=مع البرهان مقرونه . صحيح إن الحياه أسرار
أريج الشوق والذكرى . وليل الصمت والأحلام=على نغمات موزونه . نبي نجمع شتات أفكار
وداع يهز وجداني . حقيقه تشبه الأوهام=بوسط القلب مسجونه . نواريها عن الأنظار
فراق يبعثر أوراقي . وصبر يثبت الأقدام=رياح الحب مجنونه . نسيم الصبح صار إعصار
هدفنا نبني أبراج السعاده . تحضن الأيتام=سيوف العز مسنونه . وصرنا نسرق الأعذار
نحاول نحيي أموات الأماني . والأمل مانام=برحلة عُمْر ميمونه . وغيمه دمعها مدرار
حبيبي والوصل جسر المحبة . والعتاب أقسام=عُهُود الود مصْيونه . ياويل الخاين الغدّار
أناقلبي مدينه لك . قبل تحكم عليّ إعدام=إذا نيتك مضمونه . تعال نكمّل المشوار
على رمش الفجر . طيفك عَبَر قلنا الوعد قدّام=أكيد الروح مرهونه . ولا ندري عن الأقدار
إذا اسرفّنا بحبك . للضروره والظروف أحكام=سلام وغصن زيتونه . وخطوه بين نور ونار
وإذا ناوي على الفرقا . نقول إرحل مثل صدّام=فراق ونفس مشحونه . وصوره للبطل تذكار
وإذا صارت ينابيع الحياه الصافيه بنظام=عسل . سكر . وليمونه . كشفنا لعبة التجّار

[/poem]

~~~ ... قـفــا نبـكـي ... ~~~
 

[poem=font="mudir mt,6,,normal,normal" bkcolor="transparent" bkimage="http://www.solaim.com/vb/mwaextraedit2/backgrounds/10.gif" border="none,4," type=1 line=0 align=center use=ex num="0,black""]

قِفا نبْكي على خولَه لها بين الحنايا رمسْ=رياحْ الحُب مجْنُونه جنون الحرف في شعري
سفا سافي على الآثارْ من بالي طمسْها طمسْ=شرارْ . إعصارْ . حرب أفكارْ . تَوي ما صفا فكري
كسرت الصمت لعيونك على جدران نور الشمسْ=أضُم أنفاس عِطرك واطرد الآهات من صدري
على مركب سكون الليل يحلا لي عبير الهمسْ=احن لصوتك الدافي واذوب بجوك السحري
على باب الحكي تحذير ممنوع اقتراب ولمسْ=دُرر بالحب مكنونه ونهر من الحلا يجري
سجاياك اجبرت غاليك ينسى ذكريات الأمسْ=ويشكي لبتساماتك سوالف نسمةْ الفجري
سرابي طيفك الهادي غمسني في غرامك غمسْ=على جمر الغضى طال انتظاري مانفد صبري
تعال اهديك حُب يطوف بك بين الرياض الخمسْ=بصدق احساس عقد الماس لجلك يابعد عمري
أنا ليلي بدونك خرمسي حالك وغلس وعمسْ=هواجيس وكوابيس وخيال أبيع به واشري
إذا نفح الخزامى خاف من سيف الحسود النمسْ=بريح الهيل حلم الليل يمكن خير ما ندري
وإذا كان العطشْ يَحْمسْ عروق الياسمينه حمسْ=إذاً سلّم على الإبداع واقبل يالغلا عذري

[/poem]

~~~ ... قـف من فـضـــلــك ... ~~~
 

[poem=font=",6,,normal,normal" bkcolor="transparent" bkimage="http://www.solaim.com/vb/mwaextraedit2/backgrounds/10.gif" border="none,4," type=0 line=0 align=center use=ex num="0,black""]
بعطر الوفا . نهدي لكم صدق الإحساس=ومن التهاني . نرسل أفواج وأفواج
أهلاً بشهر الصوم . ما هبّْ نسناس=يامرحبا . باللي لنا طُبّْ وعلاج
شهرٍ . نعد الوقت به . عَدّ الانفاس=جوده . بحرتزاحمت فيه الامواج
يابغي الجنّه . هُنا لول . والماس=ازرع . وتحصد . وانت له حيل محتاج
ويا باغي الشّر . أبشر . أبشر بالافلاس=مالك بشهر الصوم . مسرى ومعراج
دستورنا القرآن . والعلم نبراس=وهدي النبي المصطفى . نور واسراج
تنافسوا فالخير . يا صفوة الناس=والدين والاخلاق . سيره ومنهاج
لهل الأدب . والدين . والشعر . مجّلاس=بالعلم . شيّدنا عمارات وابراج
أعوذ بالرحمن . من كل وسواس= ومن هرجةٍ . يركض بها كل هرّاج
الطيب واهله . فالبشر مثل الاكباس=ووجه المنافق . مظْلم أسود من الصاج
أموت . ما صاحب منافق وبلّاس=ولا اجامله . واقول : منْعاً للاحراج
أجلس . مع اللي صحبته ترفع الراس=عِز الخوي . شغموم . بالخير هدّاج
راعي وفا . وأوصافه . أوصاف قرناس=والحلم . والحكمه . على روسنا تاج
وبعطر الوفا . نهدي لكم . صدق الإحساس=ومن التهاني . نبعث أفواج وأفواج[/poem]

~~~ ... مجاراة للشاعر الكبير عبدالله العطافي ... ~~~
 

[poem=font=",6,,normal,normal" bkcolor="transparent" bkimage="http://www.solaim.com/vb/mwaextraedit2/backgrounds/10.gif" border="none,4," type=1 line=0 align=center use=ex num="0,black""]

باسمِ الإلهِ تحيةٌ وسلاما=للهِ درُ محطمِ الأرقاما
مالي ارئ الابداعَ صارَ حرائبٌ=ياويحكم مهلاً لديَ نظاما
لاحربَ في هذا المكانِ وإنما=نارُ الاثارةِ للنفوسِ غراما
انا مشرفٌ وإدارتي تنظرْ لكم=ووسامُ أفضلَ مُبدعينِ لِزاما
للمبدعينَ مناهجٌ مرسومةٌ=صدقُ الإخاءِ على الصدورِ وساما
قد كانَ نائرُ مازحاً ومداعباً=وكليكما من أشهرِ الأعلاما
هو عالميٌ في الحديثِ وماهرٌ=ورأى شُمُوخَكَ يُشبهِ الأهراما
ياليتَ شعري والحروفُ تلعثمتْ=وهُنا هُنا تتنافسِ الأقلاما
لهفي على الفردوسِ غايةَ مطلبي=وسحا ئبُ الشكرِ الجزيلِ خِتاما
سلمتْ يدٌ كتبتْ بفكرٍ رائعٍ=رسمتْ لنا حُللاً من الأحلاماً[/poem]

~~~ ... آآآآآســـــف ... ~~~
 

[poem=font="mudir mt,6,,normal,normal" bkcolor="transparent" bkimage="http://www.solaim.com/vb/mwaextraedit2/backgrounds/10.gif" border="none,4," type=1 line=0 align=center use=ex num="0,black""]


أتوب . واستغفر . عسى الذنب مغفور=رحماك . يارحمن للذنب غفّار
أعلا طموحي . جنة الخلد والحور=في عالي الفردوس . مع سِيدْ الأبرار
خلك معي . والهمس له بيننا دَور=يمك دفعني شوق طاغي وجبّار
أسف . إذا ماعندك إحساس وشعور=لاتعتذر . مافيه داعي للأعذار
أحرقت دمك . للأسف مانت مجبور=ليتك تحاسب . قبل الأعصاب تنهار
أخاف يصحى جرح . فالقلب مَحْفُور=قاسي . وأنا عايش على كفْ الأقدار
وينك . ثمان سنين . والنوم مهجور=أطرد سرابك . في متاهات الأخطار
أحب أشوفك دايم الدوم مسرور=أصبر لعينك . لو على واهج النار
القلب يَنْهش به ثمانين مسعور=آمآل . وآلآم . وطموحات . واسرار
صباح غير . وخاطري منك مكسور=بالدم . سَجّلنا للاحزان . تذكار
رجا . وخوف . وياس . والدمع منثور=كفى . كفى . ياشمعة الحي والدار
يسعد صباحك . طلتك كلها نور=أحلا صباحات السعاده والأنوار
وأنا كتبت الشعر باسلوب دكتور=فنان . حرفي فخر . في بحر الأفكار
يكفيك . صبر . أيام وسنين وشهور=هجر وهجير فراق . والدمع مدرار
وخيرالكلام لطالب الحق دستور=يلين منه الصلب وتذوب الأحجار
ياللأسف . لوتعتذر مانت معذور=هيهات . أغيّر موقفي وأقبل أعذار




[/poem]

~~~ ... عشــــق بــــدوي ... ~~~
 

مدخل

[poem=font=",5,darkblue,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]


على مركب جنون الحب لو نغرق من الحرمان=يصافحنا الأمل ونموت في حضن ابتساماته



[/poem]



[poem=font="mudir mt,6,,normal,normal" bkcolor="transparent" bkimage="http://www.solaim.com/vb/mwaextraedit2/backgrounds/10.gif" border="none,4," type=1 line=0 align=center use=ex num="0,black""]

عشقْ بدوي مُشتاقْ للدار والحيّ=يُعطي على شوف الحبايب بشاره
(الحب مثل الشمس تلحق على الفيّ)=قاله خلف هذال باسهل عباره
يامَنْ تجاوز بالكرم حاتم الطيّ=خذني على يمناك سوّاق طاره
لاتحرم العطشان من صافي الميّ=بين الرجا والياس طال انتظاره
ارحم رعاك الله ما نحتملْ كيّ=وارسم لنا البسمهْ بفنْ ومهاره
طفلهْ ولكنْ حرّكتْ داخلي شيّ=وشنّتْ على قلبي ثمانين غاره
وشايب حكيم يشعْ من وجهه الضيّ=واقف يودّعها على باب داره
ولوحةْ مسافهْ كل ما تبعد شويّ=ينهار صبري مثل برج التجاره
طريق سيّ وفيه ذكرى خبر سيّ=ومن غرّته دنياه عمره خساره


[/poem]

~~~ ... ســنـــابــــل النُــــور ... ~~~
 

[poem=font="mudir mt,6,,normal,normal" bkcolor="transparent" bkimage="http://www.solaim.com/vb/mwaextraedit2/backgrounds/10.gif" border="none,4," type=1 line=0 align=center use=ex num="0,black""]


لاتطْفي الشوق للبسمه بثغر اليتيم=وازْرعْ بدربه سنابل عِطر معنى الحياه
اختار جزل المعاني واستثير السديم=واسرج خيول القصيد لمن سرقني هواه
واضم كف الوفا في صمت خاشع حليم=وعلى سواحل عيون الموت نكْسب رضاه
سألت عنهْ الأماكنْ والزمنْ والنسيم=كيف استباح الخفوق ومرّ به ما سقاه ؟
أجوعهْ أضماهْ سهمهْ صابني في الصَّميم=ولعيونهْ البدرْ صافي نورْ زايدْ حلاه
في حضن مُر الصّبر طعم الهنا والنعيم=إحساس فيض المشاعر نبْض فتنة غلاه
يلوح برق العطا . في نون عين الكريم=ويرخي لثام العسل ويذوب بين الشفاه
لهيب جمْر العطش وأنفاس لفح الجحيم=للروح بلْسم جروح وللأماني زكاه
في عنفوان الغضب بردْ السوالف رحيم=نسبح بحور الخيال ونكْره الإنتباه
ما بين ذبْح المشاعر والطموح العظيم=أصافح الصمت وأضُم الجروح العُراه
عاتبت قلبي وعاتبني بمنطق حكيم=وبديت رحلة غريق اليَم نحو النجاه
بين الأمل والمتاهه والسراب اللئيم=كنز القناعه لطم خد الفقر واشتواه
قوم اشعل الحُب للبسْمه بثغْر اليتيم=وازرع بدربه سنابل نورشمس الحياه


[/poem]

~~~... نزهةالمشتاقين وأسرار العاشقين...~~~
 

مدخل

[poem=font=",6,darkblue,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]

ياهي سنين المنتظر ناشف الريق=بين الأمل والياس والسر مكنون


[/poem]



[poem=font="mudir mt,6,,normal,normal" bkcolor="transparent" bkimage="http://www.solaim.com/vb/mwaextraedit2/backgrounds/10.gif" border="none,4," type=1 line=0 align=center use=ex num="0,black""]

يموت الأمل لو كان نهر الصّبر ناسيه=وتمسح كفوف الغيم جرحي وترويني
دعاني وله عذب المعاني شعر نهديه=وحسبي على اللي فرّقوا بينه وبيني
سلامي على اللي كل ما أحاول أحاكيه=حياه وظروفه تمنعه لا يحاكيني
سرق خافقي من غير ما اشعر ولا يكفيه=مسوي نقط تفتيش داخل شراييني
اشوفه بروض القلب يلعب وأنا أناديه=وخياله ليا غمضت عيني يناديني
لي أرخى جناح الذُّل رحمه ومد يديه=وضمّيت كف ايديه في راحة ايديني
تواضع . جمال . ودين . واخلاق . يالبيه=يالبيه . كلمه . من شفاتيه . تكفيني
غلاه بخفوقي . بالوفا والحنان اسقيه=وأنا منتظر . لحظة كرم منه يسقيني
تجاوز غلا الغالين . له حق يوم أغليه=كأنا نعيش بروح ما كننا اثنيني
سحر توأم الأرواح لو بالخيال أطريه=يضيع الكلام وغيره يطيح من عيني
من الحلم حتى العلم صرح الأمل نبنيه=لعل الفرح يضحك لحظي ويرضيني
لكن الزمن قاسي ومُره غلب حاليه=وقف في طريقي لين ضاعت عناويني
صفا صافي الود . ودعاني لكن أبيه=سياسي محنك فالمتاهات يرميني
من المَهْد حتى اللحد عينه على ابن أخيه=يقول أنت لك دينك وأنا أبقى على ديني
ياعاآآلم ياهووووه الحل كيف؟ ومتى ألاقيه؟=أملنا اجتماع الشمل والشوق كاويني!!!
إذا الصبر حتى القبر هو حي وأنا أبكيه!!!=له الله حاله صعب دايم يبكيني!!!
ما مات الأمل دام الغلا بالوفا يسقيه=ومركب جنون الحلم يمه يوديني



[/poem]

~~~. كـومــار والـــســـعّوَده .~~~
 

مدخل

[poem=font=",6,darkblue,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]


الكلمه الحلوه كثيره مع الناس=لكن فعل الطيب لابد يحتاج
يحتاج صبر ايوب واوصاف قرناس=وهمسة غلا الغالين مع ضحكة حجاج
وصدق المشاعر حب مبني على ساس=الدين والاخلاق سيره ومنهاج


[/poem]



[poem=font="mudir mt,6,,normal,normal" bkcolor="transparent" bkimage="http://www.solaim.com/vb/mwaextraedit2/backgrounds/10.gif" border="none,4," type=1 line=0 align=center use=ex num="0,black""]

انا سعودي . موطني ماله شبيه ولا مثيل=في ظل ابومتعب ملكنا خادم البيت الحرام
اقطف من انفاس الشعر والسيف ياهايل صقيل=وشهادة اهل الذوق والحكمه على صدري وسام
في منتدى ربعي سليم . الشعر صافي سلسبيل=اهل القنا . والرايه الحمرا . رفيعين المقام
امس العصر قلت اتمشى في بساتين النخيل=فالديره اللي جِعل تسقيها هماليل الغمام
لكن امُرّ السُوق قبل اسافر اكلّم خليل=نِعم الخوي لا جا لنا مشوار مافيها كلام
وقابلت في سوق الذهب كومار بنقالي جميل=ناديت ياكومار واقفى واختفى وسط الزحام
المشكله كومار يالاجواد ماعنده كفيل=لكن عند الناس يلقى له محبه واهتمام
سألت عنه الحاج متولي . وقال انته هبيل!!!=كومار مليونير متواضع وللمسجد إمام
غريب ياكومار والمشوار قدّامك طويل=ماكل مرّه تَسْلَم الجرّه ويستُرك الظلام
احلى شَرَاب الهيل ياكومار والا الزنجبيل=يحق لك تعزف على اوتار العواطف ماتلام
ولو كان جبت الغايبه . مافيه عندك مستحيل=من يخطب الحسنا . يرى جمر الغضى برد وسلام
ومن جاب له عميا . عليه يجيب للعميا دليل=والمحترم ياصاحبي يفرض عليك الاحترام
أآآآسف لأن السَعّوَدَه ماتخدم الحُر الأصيل=مَن علّم المحّتال يتحايل على بنود النظام

[/poem]

~~~ ... صــــدري شـــــمــالــــي ... ~~~
 

[poem=font=",6,purple,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]

الجيب له على المواتر سياده=يفخر به اليابان لكزز وفكسار
من يملكه شاف الهنا والسعاده=هيبه . فخامه . شكله يسر الانظار
ياعناد قوم وسايق الجيب ناده=ملفاك عبدالله قبل وقت الافطار
الليل نور الجيب يجلى سواده=وخطك سريع بدون لفه ودوار
وعيون ساهر كبر عين الجراده=احذر فلاشه . والقسيمه . والانذار
ليت القلم من بحر جده مداده=ويزيد من بعده محيطات وانهار
لي هاجس . الجزلات غاية مراده=لايمكن اكتب غير عذبات الاشعار
صدري شمالي والمحيط امتداده=احسب حسابي قبل قصّاف الاعْمار
متواضع وعاقل واحب الركاده=ربعي سليم وفخري اصغار واكبار
نقبل عتاب الصالحي وانتقاده=راع الوفا من نسل وافين الاشبار
والرجل ما ينلام بعد اجتهاده=والامر للرحمن علام الاسرار
والعبد ماله في ظروفه إراده=يمشي على كفّ القدر سر وجهار
ياصاحبي جاك العُذر والإفاده=عساك تصفح والعفو طبع الاخيار
وليا طلبت الحق للحق ساده=خالد مدير المنتدى سيف بتّار
طيّب ومتواضع سَليم اعتقاده=عزْ الرفيق ومكْرِم الضيف والجار
ياتاج راسي في يديك القياده=ابشر بما يرضيك تامر وتختار
شاعر ولاتحتاج مني شهاده=حكيم لك عندي معزّه ومقدار
تنظم حروف الشعر نظم القلاده=وتحرص على جزل المعاني والافكار
المحترم نال الثنا والإشاده=والصقر ما يشويه فالنار صقّار
والصمت في بعض المواقف عباده=لكن قول الحق مامنه معْذار
يامَنْ رضى الرحمن غاية مراده=صلو على خير البشر سِيد الابرار[/poem]

~~~ ... قبــــل الرحيـــــــل ... ~~~
 

[poem=font=",6,purple,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]

بسم رب البيت نهدي نصيحهْ باختصار=قبل لحظات الرحيل اسمعوا كلمة خبير
المُحب الناصح اللي برتبة مستشار=الحكيم العاقل اللي يشير ويستشير
ماوردت الجم عطشان وحبالي قصار=ماخبل اللي يارد الجم بالحبل القصير
هدي خير الناس نوره مثل نور النهار=مثل نور الشمس ماينكره عاقل بصير
في رضى الرحمن طعم الهنا والانتصار=نسأل الله ظل عرشه بيومٍ مستطير
كل كاين حي يفنى وبعد الدار دار=لا إله إلا انت سبحانك الرب القدير
في زمان العولمهْ في زمان الإبتكار=اصبح العالم بعين البشر حجمه صغير
الهوى والنفس وابليس والدنيا دمار=اعلنتْ حرب الإبادهْ على العبد الفقير
اشهد إن الشيب هيبهْ وتقدير ووقار=النذير اللي ليا جاك ما مثله نذير
كنه يخاطبك ويقول جا قطف الثمار=قوم واستغفر دنا منك مثواك الاخير
للبيب وللذكي فيه عبرهْ واعتبار=وش تفضل جنة الخلد والا الزمهرير
اغتنم زهرة شبابك بيدك الإختيار=جنة الفردوس لاشك مطلبها عسير
واعلم إنك من ولادتك قيد الإنتظار=من حواليك المنايا وقدّامك نكير
كم وكم قبلك رحل ما على الدنيا قرار=انتبه واحسب حسابك ترى الموقف خطير
انتبه للشرك مُحْبط للاعمال وبوار=اجتب كل الكباير وفكّر فالمصير
الجبال الراسيهْ من تراب ومن حجار=انتبه لا تحقر الذنب لو إنه حقير
كيف تنسى سكرة الموت عند الإحتضار=كيف تنسى القبر والحشر واليوم الكبير
كيف تنسى الشمس تدنو ولا منها فرار=اعتبر واذرف على ذنبك الدمع الغزير
مانفع قارون ماله رسب فالإختبار=ومانفع فرعون ملكه وهامان الوزير
ثوب ماهو ثوب تقوى صناعي مستعار=واهني اللي لبس بالتقى ثوب الحرير
الخطا وارد ويطفيه صدق الإعتذار=ومن عفا واصلح له الاجر والخير الكثير
[/poem]