ديوان (نزف المشاعر ) لهشام بن بريك
 

رد: ديوان (نزف المشاعر ) لهشام بن بريك
 

أستهل هذا الديوان بقصيدة وطنية سبق وأن نشرتها في بعض المنتديات

أقول :

[poem=font=",6,black,bold,normal" bkcolor="transparent" bkimage="" border="none,4," type=2 line=1 align=center use=ex num="0,black""]
حب الوطن يجري معا كل شريان=لو سال دمي شفت حبي له ايبين
هذا وطنّا غير عن كل الاوطان=محمي بسور الامن وآساسه الدين
سورٍ شعاره حرب يا كل عدوان=سورٍ شعاره خير يا كل مسكين
سورٍ شعاره ممتلي عز وايمان=سورٍ شعاره نخلةٍ بين سيفين
ياموطني لاجْلك نقف ضد بركان=ونثور لاجل حماك مثل البراكين
وان هاجت الهيجا وجينا لميدان=حبك يسيّدنا جميع الميادين
فضلك علينا يا وطن فضل بستان=أطهر ثمار الارض به سرّت العين
يفوح ريح الورد ويفوح ريحان =ونذوق رمانه ونقطف به التين
يكفيك يا داري من العز والشان!=نورك سطع فالارض من نور نورين
نورٍ بمكة شع واشتاق ولهان=في حضنها تخضع نفوس المحبين
ونورٍ بطيبة بان واهتز وجدان = تحركت فيها مشار سواكين
وان كان لك بين المخاليق عنوان=يا دار يتسيد جميع العناوين
عنوان كله صدق واخلاص واحسان=نفحة كرمْه تزيل غل المغابين
قايدك عبدالله عيونه لنا احضان=وقلبه وطن حنا على ارضه سلاطين
وكفوفه البيضا مثل غر الامزان=من تحتها تنبت زروع وبساتين
وان شانت ظروف الزمن يوم ماشان=حامي حما داره على العسر واللين
ويا موطني حنا تحت ظلك اخوان=ما همنا بالوقت كيد المعادين
شيطان لاجْل التفرقة دز شيطان =ياهل العمايم فالحناجر سكاكين
موفيك حقك يا وطنّا بالاوزان= لو قلت من شعري جزيل الدواوين [/poem]هشام بن بريك

رد: ديوان (نزف المشاعر ) لهشام بن بريك
 

[poem=font=",6,black,normal,normal" bkcolor="transparent" bkimage="" border="double,4," type=1 line=0 align=center use=ex num="0,black""]
فزيت ليلة من منامي وجريت=صوتي على لحن الفخر والفخامة
جربت في دنياي واقبلت واقفيت=وقابلت همي بالرضا وابتسامة
ما صحت ما عاتبت ولا تباكيت=حبست حزني واكتفيت الملامة
وانا حزين ، افرحت عالم وسريت =اقلوب ماليها النكد والندامة
مشيت ما لديت يم الهلافيت=ولا تبعت بيوم درب الرخامة
لان الرخامة فالحقيقة توابيت=ما وسطها الا ميتن فات عامه
شديت وتوكلت واخذت واعطيت=عاونت وتعاونت لاجل الشهامة
ارضيت يومي للمعاقيد حليت=وانزلت لي هامة وعليت هامة
عانيت ثم ونيت لكني اخفيت=ضيقة خفوقي تحت تسعين قامة
والحين كل اللي تمنيت سويت =حتى الحديد الصلب بيدي لحامة
الله يسهلها ولا ينهدم بيت***بيتن مكانه تحت ريش الحمامة
ماهي (حمامة طير) لا راعية صيت =هذي حمامة عانقتها الكرامة
كان اظلمت دنياي بعيونها اضويت =الله يمد الغالية بالسلامة[/poem]

رد: ديوان (نزف المشاعر ) لهشام بن بريك
 

[poem=font=",6,royalblue,normal,normal" bkcolor="transparent" bkimage="" border="double,4,royalblue" type=3 line=1 align=center use=ex num="0,black""]
ياقلبي اللي على الصكات ما تقوى=الله يبارك بعقلن ثبت اركوني
قلبي ضعيف وذبحه النوح والشكوى=لكن عقلي رزين وفالصعب عوني
لو عشت اطاوعك يا قلبي كما تهوى=يشب شيب الهموم ويحرق اجفوني
والله لاطاوعك يا عقلي ولا يسوى=القلب.مادامك اللي تبري اطعوني[/poem]

رد: ديوان (نزف المشاعر ) لهشام بن بريك
 

مصافحة بسيطة

محتاجلك:
[poem=font=",5,white,normal,normal" bkcolor="black" bkimage="" border="ridge,4," type=3 line=1 align=center use=ex num="0,black""]
محتاجلك في قسى الايام ياصاحب =صعبة اواجه ظروف الوقت بلحالي
حتى لو اني كفو للطايلة طالب=ذوق غصبن علي المر والحالي
لكن يليتك معي دايم على الجانب=تهون الكارثة وتريح البالي
والله انا فيك ياراعي الوفا راغب=ومعلق احلام عمري فيك وامالي
لكن يخوفي تروح وصوتي الصاخب=يخفت وتتبدل اوضاعي على احوالي
واصير انادي بصوتن منخفض ناحب =يالله تعوض علي بماضي وتالي[/poem]

رد: ديوان (نزف المشاعر ) لهشام بن بريك
 

قصيدة سبق طرحها في أماكن عدة
أرجو أن تنال استحسانكم

حبيب الروح:

[poem=font=",6,black,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
حبيب الروح خلاني بروحي=اواجه ظلمة فراقه واعاني
من اسبابه ينوح القلب نوحِ =صدى نوحه علا بين المحاني
حرام يروح يتركلي جروحي=وانا مغدق عليه من الحنانِ
بنيت بداخلي لاجله صروحِ=وخلاني يمرمرني زماني
أثر فرقاه له فيني وضوحِ=اخاف ان طال بعده جا جناني
سنا نوره على الخاطر يلوحِ =كما برقٍ من العارض رماني
يذكّرني بهمسات ومزوحِ=وتعني ذكرياته لي معاني
حبيب الروح ياخيلٍ جموحِ=جموحك هو سبب هزة كياني
يفوح الورد والريحان فوحِ=إلا منّك نزلت ايّة مكانِ
يبوح البوح باصدق قول بوحِ=وجودك جانبي اغلى الاماني
دخيل الله خفف من جروحي=بلمسة فوق صدري بالبنانِ[/poem]

رد: ديوان (نزف المشاعر ) لهشام بن بريك
 

[poem=font=",6,purple,normal,italic" bkcolor="transparent" bkimage="" border="double,4,indigo" type=1 line=0 align=center use=ex num="0,black""]
يا فرحتي يوم انقطع حبل الوصال=اللي خذا له في سما عمري سنين
تمطر سما عمري عليه بكل حال=وارضه جحودٍ ما بها خيرٍ يبين
عشقت (عينٍ) لو تلد الثلج سال=وشلون لا واجهْتها عينٍ بعين
يصعب على الملسون قول اقصر مقال=ويعجز عن التفكير ابو عقلٍ فطين
أغرمت فيها والعتب والشك زال= وبديت قصة عشق والله المعين
اعطيتها قلبي وروحي راسمال=ومشاعري غلفتها بين اليدين
وحميتها من لمعة سيوف الليال =وغطيتها من لفحة ايام الأنين
ومديتها باشواقي لحد الخيال= واهديتها لين امتلت حب وحنين
واثر العيون اليا امتلت من كل جال= اتضيق من كثر العطا ما تستبين
ردت وفاي بنظرةٍ فيها احتيال =تشوفني وتشوف غيري كل حين
وان جاعطاها راح ليمين وشمال=وانا عطايه لا شمال ولا يمين
حسبي عليها غرني فيها الجمال=عشقت ظاهرها ولا شفت الدفين
واثر الجمال الصدق في زين الخصال= يا منخدع في بيضة غرابٍ لعين
واليوم انا سلّمت للعقل العقال=واعلنتها يا (عين) زينك صار شين
وقطعت ما سميته بحبل الوصال =اللي خذا له في سما عمري سنين[/poem]

رد: ديوان (نزف المشاعر ) لهشام بن بريك
 

[poem=font="hesham nagham,5,teal,bold,normal" bkcolor="transparent" bkimage="" border="none,4," type=3 line=1 align=center use=ex num="0,black""]
ليه يالغالي يجي منك الجفا =والوفا كل الوفا مني خذيت
من كثر موْفي معاك اعطش وفا=انت تشرب من وفاي وما وفيت
ايه انا اللي لا لقى زلّة عفا =ايه انا اللي ما خذيت الا عطيت
ايه انا قلبي لك لحالك صفا=يوم غيرك وده اني له صفيت
قلبي مْحارسْك ما عنّك غفا=كنت همه لا سرحت ولا ضويت
أبسألك بالله كله ما كفى؟!=مرّت افضالي ولاكنّك دريت
جيت لك بالوجه تعطيني قفا=لا تحسْب اني على فعلك رضيت
لي شموخ وعز ما يوم اختفى= والدليل اني بعد فعلك جفيت
نور حبك داخل اعماقي طفى=مارديت الا بعد شفتك رديت
جرحك لقلبي بيبطي ماشفا=المهم انك من القلب اختفيت[/poem]

رد: ديوان (نزف المشاعر ) لهشام بن بريك
 

[poem=font=",6,darkblue,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
والله غريبة تنقض الميثاق في يومن وليل=من بعد ما غلظت ميثاقك وثبّت القسم
عاهدتني نبقى سوا نقطع ظلام المستحيل =بالنور ذاك اللي يشع امن العزايم والهمم
مهما يكون الدرب مرهق صعب مرهوب وطويل=حتى ولو نمشي حفاة وتحتنا فوح الحمم
من خاطري جالك سهم محفوف بالفعل الجميل =واليوم الاقي خاطري مطعون وبنفس السهم
يا حسرتي يومي معك جمعت لك اطيب حصيل=وانته خذيت اللي جمعته لك لحالك وبنهم
ماكنت احسْب انك كذا حسبتك الشخص النبيل=اللي معه نلقى النعم واثرك من اصحاب النقم
قد كنت اناظر للقمم واقول انا قوي حيل=ارقى لها لكن بعد شوفتك خليت القمم
أغويتني عنها وانا دايم معك ماني بخيل=انا معك راعي ذمم وانته معي خاين ذمم
لكن بعد هاليوم والله ما عليّه لك سبيل=وان كنت تبتقتل عزومي خذ كلامي وبفهم
ان كنت تقوى قتل امم يمكن تخليني قتيل=وشلون تقتل همتي و مهمتي زرع الهمم
توبة معاد اعاهد الخاين ولو فعله جليل=يمكن جلال افعاله يعوّد عليّه بالتهم[/poem]

رد: ديوان (نزف المشاعر ) لهشام بن بريك
 

دواك:
[poem=font=",6,black,normal,normal" bkcolor="transparent" bkimage="" border="none,4," type=3 line=0 align=center use=sp num="0,black""]
يا مرحبا يالذيب يا ذرب الافعال=ياللي كسبت الطايلة بالرجالة
اقولها وانت الكفو طيب الفال=وانا اعرفِك معدنْك طيب واصالة
سنك صغير وفعلك يعادل جبال=وعقلك عقل شايب تغبر عقاله
دواك عند الله حلال الاشكال=خلك معه وتعيش دنيا سهالة
وان جاك همك تالي الليل جوال=قم واسجد لربك تعالى جلاله
ومنته وحيد وجنبك هشام لاقال=انت الاخو فاعرف صحيح المقالة[/poem]

رد: ديوان (نزف المشاعر ) لهشام بن بريك
 

[poem=font=",6,crimson,normal,normal" bkcolor="white" bkimage="http://www.solaim.com/vb/mwaextraedit2/backgrounds/4.gif" border="solid,4,crimson" type=3 line=1 align=center use=ex num="0,black""]
يالليالي طال همك ولا شفت الصباح=والعيون تذوب فدموعها من غزرها

ان لفَت زلة عظيمة نجاوب بالسماح=وان غلطنا النفس ما عاد يقبل عذرها

ان عطينا نعطي بطيب نفس وبارتياح= وان طلبنا وجيهنا ما تلاقي قدرها

يالصباح ارجع وخلي متاعبنا تزاح= الليالي طولت ما تبيّن بدرها[/poem]

رد: ديوان (نزف المشاعر ) لهشام بن بريك
 

[poem=font="heshamnormal,6,black,normal,normal" bkcolor="white" bkimage="" border="groove,4,black" type=2 line=0 align=center use=ex num="0,black""]
جيتك هموم ورحت بزيادة هموم= خاب الامل فيكم وفي من سواكم
هواكم اللي جيت له كان مسموم=لاباك الله فيكم وفي هواكم
وان كان جاكم سقم يا جعله يدوم= ويا جعلها تمطر حجارة سماكم
من بعد جرحي في حضور اكثر القوم =حرمت لاسيل بسيفي دماكم
والله ما يهنا لكم بعدها نوم= مادام ابو بندر وراكم وراكم[/poem]

رد: ديوان (نزف المشاعر ) لهشام بن بريك
 

[poem=font="heshamnormal,6,darkblue,normal,italic" bkcolor="silver" bkimage="" border="inset,4,gray" type=3 line=0 align=center use=ex num="0,black""]
يا عسى الجنة لنا فال يامال السعد=ويا عسى الغالين في ليلتِك يتجمّعون

حظنا لاقام ليلة بعد ليلة رقد=والبشر تفهم ومنهم بشر ما يفهمون

ياهني اللي ركع تالي الليل وسجد=والتجى لله وكل الخلايق نائمون

وانت تدري يارفيق الروح في حسبة رعد=ايه اخوي اللي على دمي وقلبي تمون

الحياة افراح واحزان وسْرور ونكد=من يمشّيها مشت والعرب لا يفقهون[/poem]

رد: ديوان (نزف المشاعر ) لهشام بن بريك
 

[poem=font="arial,6,black,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""]
نورٍ ظهر للارض في ليل الاثنين=عم وتجلّى واعتلى وابهج العين
من يوم شع وماختفى لين هالحين=نور النبوة منك يا أطهر انسان

فداك ابي وامي ومالي وروحي=ياللي عبق سيرتْك يطفي جروحي
الشرب من يمناك أكبر طموحي=تروي ظماي وتجلي هموم واحزان


نشرت دين الله جلّ جلاله = وعلمتنا وبلغتنا اعظم رسالة
زرعْته وجادت علينا ظلاله=يحمي القلوب ويحرس ابواب الاذهان


مهما نقول ونجتهد ما نوفّيك= ولاحْد من إنسٍ وجنٍ يجازيك
صلّى عليك الله عدد من حكوا فيك=يا خيرٍ مخلوقٍ على مر الازمان[/poem]