منتدى سليم - يالله يامرسي الجبال الثقالي

منتدى سليم (http://www.solaim.com/vb/index.php)

- روائع الشعر الشعبي (http://www.solaim.com/vb/forumdisplay.php?f=40)

- - يالله يامرسي الجبال الثقالي (http://www.solaim.com/vb/showthread.php?t=46481)

يالله يامرسي الجبال الثقالي

عوده بعد انقطاع ولعل
القصيده هذي توضح السبب

ولاتنسونه من دعائكم

يالله يـامـرّســي الـجـبــال الـثـقـالــي
ياواحـد(ن) بالكـون مـالـك ومعّـبـود

يـامـن تـفــرّد فـــي تـمــام الكـمـالـي
ياللي على المكروه تشّكر ومحّمـود

انــت الآلــه الـلــي عـلـيـك اتـكـالـي
ماغيرك اله(ن) على الكون موجود

امـنــت بـــك يـــارب مـابــه جـدالــي
مخّلص لـك التوحيـد مافيـه مجّحـود

احمـدك فـي نفسـي علـى كـل حـالـي
واثني عليك الحمد من غيـر معّـدود

رضيت بأمرك فـي رضـى وامتثالـي
ياللـي لـك عبـادك مطيعيـن وسجـود

ارفــع يديـنـي وانــت عـالـم بـحـالـي
عليـم علـمـك متّـسـع مـالـه أحّــدود

ادعــي ومطّلـوبـي اجـابــة سـؤالــي
واللي دعـاء يطّلبـك ماهـوب منقـود

يامـن نصـبّ بالكـون صــمّ الجبـالـي
والبـحـر بـامـر انفـلـق كـنـه الـطـود

اطلـبـك رحـمــه ياعـظـيـم الـجـلالـي
للي غـدى عـوده مـن الضـرّ مهّـدود

اطـلـبـك لـلـوالــد كــريــم الـسـبـالـي
تشفيه من ضر(ن) برا. ناحل العـود

يامـن حكـم بامّـره وحكـمـه عـدالـي
ياواحد(ن) عفوه عن الخلق منشود

عبد(ن) سجـد لـك فـي ظـلام اليالـي
يوم المـلا فـي هجّعـت الليـل ورقـود

ساجد .ل.وجهك في دعاء وابّتهالـي
واللي سجـد يطّلبـك ماهـوب مـردود

يــارب تـجّـعـل كـــل ضـــرّه زوالـــي
بامرك ورحمـه منـك ياوافـي الجـود

الــضــرّ مـايـقــواه راع احّـتـمـالــي
وانت الكريم اللي لـه الكـف ممـدود

يــارب ظـلـه فـــي جـنـابك ظـلالـــي
وارسل له الرّحمه مثل ذاري النّـود

يـامــن عـطـيـة وبالـعـطـا مـاتـبـالـي
رحمتك وسّعت كامل الكـون وتـزود

لجيت لـك وانتـه علـى الخلـق والـي
واللي لجالك ياكّـرم الوجـه موعـود

وخـتـامـهـا يــــارب بــــاول وتــالــي
رحمتك فـي يـوم(ن) مقـدّر ومحـدود