قصيدة للشاعر سعود بن مدلاج الزعبي السلمي
 

السلام عليكم \ يمكن هذة اول مشاركاتي وعسى ان تنال اعجاب الجميع
زان القصيد وزان بعض الطواريق
سر ياقلم مابين روس القنانا
واختار منها ماتحالى وماليق
شي ن نشاركبة سوات ازملانا
وليا رقص هاجوس حدب المغاليق
العشر باذن اللة ماترجع ثمانا
وصدور خلق اللة سوات الصناديق
والهرج مفتاح القفل والخزانا
والشعر مدح ونصح ماهو بتشويق
وايضا حكم ومداعبات احسانا
والشعر يفخر عند مدح المطاليق
الي سوالفهم عليها بيانا
اشوش في مدح هل الطيب وافيق
هرج ن علية شهوديكسب رضانا
انا من الي مدحهم فاق مافيق
اهل السلوم الي عليها ضمانا
عيونهم للعز دايم متاويق
مثل الحرار الي تعشق السمانا
حنا هل الحيزا اليا نشف الريق
تلين الروس القاسية من قسانا
نرسي مثل ضلعان اباناس وطويق
لاثارت الهيجا ودارت رحانا
واليا ازهمنا مخلفات العشاشيق
اصحابنا تفرح وتزعل عدانا
وخوينا مايشكي الهم والضيق
لاطالت الشطة مايشكي جفانا
يقلط وياخذ حق ماياخذ حقيق
لاضيع الخوة وريث الهدانا
وقصيرنا لوهو من اقصى المخاليق
في ضفنا يصر كنة حدانا
نسوق من دونة طوال السماحيق
وارخص الي ماعليها مزانا
هذا كلام الصدق ماهو بتلفيق
تشهد لنا ركبة وعزم الحصانا
ويشهد لنا نشر المطرف ليا سيق
فزعاتنا تبري قلوبن حزانا
واليا عطينا العهد مابيق مابيق
العهد واللة ماتبوقة لحانا

وسلامتكم\ ذيب @ زعب

رد: قصيدة للشاعر سعود بن مدلاج الزعبي السلمي
 

والله ونعم ياذيب زززعب
صح الساانك مليووون ولايكفون وكفو وحياك الله ياذيب زعب لاكن انت حيرتنا معك كتبت العنوان قصيده
الشاعر سعود بن مدلاج الزعبي
وكتبت هذي اول مشاركه لي
فهل انت الشاعر سعود بن مدلاج الزعبي والا قصدك تكتب من قصائد الشاعر سعود وتنقلها لانا على العموم لاهنت القصيده اكثر من راائعه وكبر واعلى من جزززله وسلمة ودمة بخير تقبل فااائق مودتي وتقديررري

رد: قصيدة للشاعر سعود بن مدلاج الزعبي السلمي
 

ابن مدلاج شاعر علم وبحر

لاكن لم يأخذ حصته من الأعلام الظالم لكبار الشعراء في السعوديه

قصيده جزله ورائعه وجميله

مشكوووووور ياذيب زعب

تحياتي

رد: قصيدة للشاعر سعود بن مدلاج الزعبي السلمي
 

هلا بك اخي محمد القصيدة للشاعر سعود بن مدلاج وهذي اول مشاركه لي
ومشكور على المرور



ذيب @ زعب

رد: قصيدة للشاعر سعود بن مدلاج الزعبي السلمي
 

حياك اللة اخي معاذ القايدي
نعم سعود من الشعراء الكبار مظلــــــــــــــــــــــــــــــوم من الاعلام


شاكرين لك على المرور



ذيب @ زعب

رد: قصيدة للشاعر سعود بن مدلاج الزعبي السلمي
 

رد: قصيدة للشاعر سعود بن مدلاج الزعبي السلمي
 

يامرحبا مليـــــــــــــــــــــــــــــــــار
يابن مفحـــــــــــــــــــــــــــــــل
واسعدني مرورك

رد: قصيدة للشاعر سعود بن مدلاج الزعبي السلمي
 

اخي ذيب زعب



بيض الله وجهك على نقل قصيدة الشاعر القدير سعود بن مدلاج




وصح الله لسانه قال وابدع


وشكرا لك على جهودك الواضحه


تقبل خالص ودي واحترامي

رد: قصيدة للشاعر سعود بن مدلاج الزعبي السلمي
 

حياك اللة يابن العم لك مني كل الاحترام والخير جاي بالطريق انشاللة بس يبيلي شوي وحياك يافتى زعـــــــــــب

رد: قصيدة للشاعر سعود بن مدلاج الزعبي السلمي
 

ذيب @ زعب


قصيده روووعه..!

وسمعت بها سابقاً


يعيطك العافيه على مثل هذا الطرح