|
لذَه الإنسكاب
قصيده جديده اتمنى ان تلاقي القبول
[poem=font=",5,black,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""] ماعادفيها مشاريه وملام وعتاب=كل المحطات في دربي تعديتها أهل الثرى فالثرى وانا وصلت السحاب=مديت كفي وطالت يوم مديتها أشوف حاجات ماخالط عيوني ضباب=لكن مادامني ماضقت مشيتها الله يكرمكم الحاسد بعينه تراب=والا أهل الطيب بأسم الطيب سميتها وسط إنسكاب العذوبه لذة الإنسكاب=وعذوبه الشعر تضما شعر وارويتها لو قدم وجهي قفل مليون طاقه وباب=أنا افتح أبوابي ولايوم صكيتها لأني من أهل السيوف اللي عليها خضاب=عتيبه اللي يسابق فعلها صيتها كسبت لي علم من درس الخطاء والصواب=وعودت نفسي على العزه وربيتها اللي ترك في عروق لقلب شلفا ذياب=تقديراً لخاطره فالقلب خليتها الروح تشعر من البارح شعور إغتراب=وانا ما أحس ان نفسي غير في بيتها من ضيقه الخاطر البارح شبعت إكتئأب=كن العيون أمطرت تبكي على ميتها ذقت من الأحزان في عمري ما لذَّ وطاب=أحصد من ثمار غيري لو ماسقيتها لو يعرف العيب حزني؛ ماتضيق الثياب=ولو تستحي ونتي تخفي تناهيتها ياحلمي المنتظر لاتستبيح الغياب=لحظه غيابك وربي ماتمنيتها أحفظك وادرى عليك من الشقاء والعذاب=واعطيك روحي لو أنك ماتحريتها والله ما أتركك لين يشيب ريش الغراب=وانت تعرفني ليا من قلتها اوفيتها وحقك علي ان غدت عندي بحورك سراب=عساني أموت واحروفك ماغنيتها[/poem] |
رد: لذَه الإنسكاب
اقتباس:
[read]صح لسانك وسلم بنانك والإبداع والتميز عنوانك صـــــــــــحـــــــــــــيــــــــــــــــــــــح ما فيــــــــــــــك حيــــــــــــــــلة أبدعتي وأمتعتي وتألقتي شاعرة المعاناة بنت الهيلا لك أسلوبك الشعري الخاص بك شاعرة مرهفت الإحساس برتبة معلمة . لله درك . أتمنى لك مزيداً من التميز والإبداع فالك التوفيق . وفقك الله ورعاك وسدد على الخير خُطاك دمتي بحب في حفظ الرحمن[/read] |
رد: لذَه الإنسكاب
\7
|
رد: لذَه الإنسكاب
والله ما أتركك لين يشيب ريـش الغـراب وانت تعرفنـي ليـا مـن قلتهـا اوفيتهـا كفو يابنت الرجال صح لسانك مدد بلاعدد تقديري |
رد: لذَه الإنسكاب
الاخت الشاعر / بنت الهيلا
صح لسانك قصيده جزله بها كثير من المعاني المباشره ضيقه هموم واحزان ابعد الله عن الجميع كل حزن وهم شعو رومشاعر شاعره متمكنه |
رد: لذَه الإنسكاب
اللي ترك في عروق لقلـب شلفـا ذيـاب 00 تقديـراً لخـاطـره فالقـلـب خليتـهـا
بنت الهيلا القديره شعر يفوح بعذوبة الحساسيه المدفونه في اعماق المشاعر لقد تعودنا من اشعارك على بُعد الروئيه صح لسانك وطاب شعرك اختي القديره |
رد: لذَه الإنسكاب
بنت الهيلا
صح السانك مدد بلاعدد كل بيت في هذه القصيده يعادل قصيده شعر ومعني وعذوبه لايكتبها الى شاعرمتمكن وانتي شاعره متمكنه لله درك لله درك في حفظ الرحمن |
رد: لذَه الإنسكاب
بنت الهيلا
الشاعرة الكبيره والقدير صح السانك عدد بلا مدد قصيدة من العيار الثقيل مادام بتشيبين ريش الغراب بس عندي سؤال هل ريش الغراب يشيب عارفه ليه لان كل ما اشوف غراب اسود ماادري وش الحكمه تقبل مروري |
رد: لذَه الإنسكاب
[type=96445]بنت الهيلا ---------- شاعره متمكنه تعشق التحدي واثقه من كل ادواتها
جزاله قوة معنى ترابط- قصيد ه رائعه بمعنى الكلمه الشطر الثاني من البيت ممكن يكون فيه خطا ء املائي تآكدي اختي الفاضله0 [/type] [poem=font=",6,sandybrown,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""] لو قدم وجهي قفل مليون طاقه وباب = انا أفتح ابوابي ولا في يوم صكيتها -------[/poem] [marq] اختنا الفاضله تقبلي مروري [/marq] |
رد: لذَه الإنسكاب
الأخ الاستاذ الفاضل والشاعر الكبير/هليل سليمان ...سلمت
شرفني مرورك واسعدني كثيراً ..الله يحفظك |
| الساعة الآن 02:00 PM. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
كل الآراء المنشورة ( مواضيع ومشاركات ) تمثل رأي كاتبها و لا تعبر بالضرورة عن رأي القائمين على الموقع