منتدى سليم - محاورة لصاحبكم بالمهد

منتدى سليم (http://www.solaim.com/vb/index.php)

- منتدى التراث الشعبي والمحاورات الشعرية (http://www.solaim.com/vb/forumdisplay.php?f=42)

- - محاورة لصاحبكم بالمهد (http://www.solaim.com/vb/showthread.php?t=44253)

محاورة لصاحبكم بالمهد

السلام عليكم
حبيت أنقل لكم هذة المحاورة التي دارة بيني و بين أحد الزملاء من الحروب ثم دخل معنا شاعر أخر تورطنا معه , لأنة من المعاصرين لحبيب وله معه محاورات أيام كان رأيس مركز في حرة المهد ألا وهو عبدالله رويشد العصيمي

القاف بيني و الحربي
علي الحربي
الصبح بان و صاحبي ما بعد بان *** نادوا رفيع المعرفة يا جماعة
وإن قامت الصفين وبليس شبعان *** يسري ولا يقعد معي ربع ساعة

قلتله
يا صاحبي لا تحسبني بطمعان *** لقيتلي يتامتن بالمجاعة
وإن قامت الصفين ماني بكدران *** تمشي عليكم غصب ولا طواعة

الحربي
يا سعود أنا ما جيك صاحي و سهران *** عشان ما تسوي علينا لكاعة
لا تحسبن الناس يا سعود سيان *** وأنتم عرفتم بالكرم و الشجاعة

قلتله
البارحة مسرور في ديار مطران *** واليوم همك للمدينة وداعة
لا عادك الله يابيوتن بقيفان *** غرت عميلي فالمنية طماعة

الحربي
إن كبرت الدعوة تراك أنت خسران *** زاد الضعيف ما يدسم ذراعة
رجال حربي عن ثمانين سلمان *** يا صاحبي بارت عليك البضاعة

قلتله
إليا بغيت الشعر ماني بورطان *** الشعر منبعه فذيك الجماعة
امصدرينه يوم تحتاج بلدان *** أقفابه الحربي يلوح شراعة

غير القاف أبن رويشد العصيمي
وقال :
يا سعود سلملي على علي اللهيبي يا سعود *** سمعت قافن بينكم صعب إسمع العلم أسمعه
أنتم رجالن طيبين ولا تعدون الحدود *** لقيتلي دولة بلا شعب إسمع العلم أسمعه

قلتلة :
ياصل سلامك يالعميل امن الخدود إليا الخدود *** يالشاعر الي ما عرف رعب أسمع العلم أسمعه
ابن رويشد عد هداجن مصدر للورود *** يمشي قمر ذاليل فالعب اسمع العلم اسمعه

ولكم تحياتي

رد: محارة لصاحبكم بالمهد

صحة الألسن والقلوب

شكراً سعود على النقل وانت شاعر وجدك شاعر

تحياتي لك

رد: محاورة لصاحبكم بالمهد

نعم نعم اظهر وبان انا من زمان اقول انك شاعر وهذا عرفته من بعض رودودك

صحت الالسن

ابداع ابداع

الله يعطيك العافية

تحياتي

رد: محاورة لصاحبكم بالمهد

صح لسانك أخي سعود
اتمنى لك التوفيق والتقدم وإلى المزيد ابن عمي

رد: محاورة لصاحبكم بالمهد

حايكم الله ,أخواني خالد العلوي
و عبدالله العطافي والأخ عبدالله الصادري
وتراني ماني متلقف شعر لكن الله يستر على زميلنا عبدالله العصيمي , لانه يحاول يحرك هذا الفن بين شباب المهد
وحياك الله أخي صالح و أسعدني تواجدك بيننا

رد: محاورة لصاحبكم بالمهد

محاورة رائعة بورك فيكما

رد: محاورة لصاحبكم بالمهد

البركة فيك أخي السيف

ومن قيفان المحاورة
يقول علي
سلام تسليم الوفا و الحسن و الذوق الرفيع *** للي يعرفون المعاني و العلوم و ذوقها
ياسعود ما شفناك عقب أقفيت بالخط السريع *** عساك خيلت السحاب اللي تلوح ابروقها

قلت له
هلا يا مرحبابك يلي معودن ليا مطيع *** يلي تحوقون المعاني خلها في سوقها
الصيف مقبل وأنته عينك تحتري نبت الربيع *** اخيل صابر مخشر الحرة غنم مع نوقها

قال علي :
اشوفلي دابن حمر واشوفلي طفلن رضيع *** واشوف حيه كل ما مرت علي اعوقها
واشوفلي ناسن ولاهم ناس دايم فوق ريع *** جماعتك يا صاحبي حذرا عليك اتبوقها
قلت له
دربن عوج يا صاحبي خله و عود فالسنيع *** خابرك دايم تشلعك جنونتن من فوقها
ماني مكلف بالخليقة يوم قايدها لكيع *** مقدم سيتن تبالك حسنتن في شوقها

رد: محاورة لصاحبكم بالمهد

صحت الالسن

محاورة جميلة

وبيض الله وجهك

على المجهود

رد: محاورة لصاحبكم بالمهد

ياسلام عليك ياسعود

وصح اللسانك

واتمنى لك المزيد من المحاورات ياطيب

لك كل التحيه