المشاركة الأصلية كتبت بواسطة ذيب السلمي (المشاركة 321889)

[poem=font=",6,black,bold,normal" bkcolor="skyblue" bkimage="" border="outset,4," type=1 line=0 align=center use=ex num="0,black""]
أشهد إني من بعد شوف العنود الــ[.؟ يه]=جزت من كل الوصوف وجزت من كل الحلايا
لارحم من هي ظناه . . أيش الدلع والعنجهيه = والشموخ اللي معه تبحل وسيعين النحايا
كبرياها كبريا المصمك - وبرج الفيصلية = وطنية(ن) فيها تهقويها على كل الطنايا
لا أقبلت غرَا المزون المستهلة ببرديه = سيلها يجرف دشاش الارض ويطش الضحايا
ولا إنظرت لك بالعيون تصاب إصابه داخليه = لايعالجها علاج ولا تداويها كوايا
ولا أعرضت يافري جيبي يالرفوف الجانبية =الجميحي رفرفه ماعاد باق(ن) له بقايا
كان في الجو عيدهيه هي على البر عيدهيه= عيدهيه خوذ فوق الخوذ تفرقها المزايا
جوهريه كان فعلاً فالعذارى جوهرية= مايردها غير من يارد على حوض المنايا
اوقفت وأنا أتامل صنع خلَاق البريَه = وأتمعَن واكتشف شي(ن) دهش كل البرايا
وأرجع التفكير لاهذيك ماهي حول ذيّه = فرق هذي مثل فرق الشمس عن شمس المرايا
والتزمت الصمت ثابت في ثبوت العسكريه = من وجل مدري خجل متزايد(ن) فيه سحايا
وأتقدم خطوة(ن) قدام وأعطيهتا التحيه = جاهر(ن) بالصوت أقول أخير لك تعطى التحايا
وإضحكت وأقفت . . وقلبي كن تنهش منه حيَه= غير والله سمَها يكفي لـ.( سم أربع حيايا) [/poem]