|
رد الشاعر/فيصل بن منصور الرياحي رحمه الله على قصيدتي
بسم الله الرحمن الرحيم الغالين في هذا الشامخ السلام عليكم ورحمة الله وبركاته هذه القصيدة هي رد الشاعر / فيصل بن منصور الرياحي البقمي ((رحمه الله)) على قصيدتي ... يقول الشاعر / فيصل الرياحي وهذا ردي على الزميل فهد السلمي ( الكاسر الأول) ياحي مـن بـان للقـاف وتبيّـن لـه ******* هديتـه غاليـه مـن سوقهـا الغالـي شوارد الشعـر ناداهـن وشامـن لـه ******* قالـن سـلام وتحيـه يابعـد حـالـي هذا الصحيح وهذا قولـي علـى حلـه ******* منطق فهد مثـل ذوب السكـر الحالـي وجه لي البيـت يومنـي رفيقـن لـه ******* يمـدح رفيقـه وهـذا سلـم الأبطالـي مدحـه يشـرف ولـو مانـي بقدلـه ******* ماشفـت نفسـي كبيـر ولايـورالـي ماندعـي بالكمـال ولانـهـرول لــه ******* هاذي صفه من صفات الواحد الوالـي ياطيّـب الأصـل يـاراع الوفـا كلـه ******* أشكرك مأمطر مـن الأمـزان همالـي ياجارنـا اللـي طلباتـه يهونـن لـه ******* على النقـا والوفـا والمذهـب الغالـي يهمنـا رضـاك ، نتعـب لـه ونبذلـه ******* مانملك من العلـوم البيـض والمالـي وسليم قيـفٍ عريـب وينعـرف دلـه ******* والله ونعمٍ بهـم فـي كـل الأحوالـي بيت الشهامه يظلـل مـن دخـل ظلـه ******* وبيت الرخامه خفيـف ولالـه ظلالـي مواقـف سليـم معـروفـه بـالأدلـه ******* أفعال ماهيـب سـرد علـوم وأقوالـي يالكاسـر الأول أنـت العـرف تحتلـه ******* من روس ربعك ولابه شـك وجدالـي هذا الكلام الصحيح ، اللي نبرهـن لـه ******* قالوه كـل العـرب ، ماقولـه لحالـي الرجل ماينطق إلا الصـدق ، وأجملـه ******* الصدق له فالعـرب تقديـر وإجلالـي وأرجو السموحه عن النقص وعن الزله ******* ياجالب الغاليـه فـي سوقهـا الغالـي قال الرياحي ، وأخذ قولـه وسلـم لـه ******* على سليـم الكـرام شيـوخ وعيالـي فرحم الله الشاعر العلم فيصل الرياحي وتغمده بواسع رحمته |
رد: رد الشاعر/فيصل بن منصور الرياحي رحمه الله على قصيدتي
رحمك الله يافيصل رحمة واسعه ياشاعر الساحه الشعبيه المتميز شكرا لك اخوي فهد على المساهمه بنشر روائع الشاع المرحوم فيصل |
رد: رد الشاعر/فيصل بن منصور الرياحي رحمه الله على قصيدتي
اقتباس:
هلا والله وغلا يابو ماجد... مشرفنا القدير وشاعرنا الكبير ابو ماجد لاهنت طال عمرك على المرور الكريم وتواجدك في جميع ارجاء هذا الشامخ ولاشكر على واجب ياراعي الطيب الشكر لك يالغالي |
رد: رد الشاعر/فيصل بن منصور الرياحي رحمه الله على قصيدتي
رحمه الله وأسكنه فسيح جناته ..
أبيات جزلة و جميلة و هذا هو حال ابو بدر من يومه لكن الله يرحمه .. أشكرك اخي فهد على عرض هذه الأبيات للشاعر المبدع والمحترم/فيصل منصور الرياحي.. تحيتي,,, |
رد: رد الشاعر/فيصل بن منصور الرياحي رحمه الله على قصيدتي
الأخ /الشاعر فهد السلمي شعر كبار الله يعطيك العافية يافهد قال الرياحي ، وأخذ قولـه وسلـم لـه على سليـم الكـرام شيـوخ وعيالـي عليه من الله شآبيب الرحمة |
رد: رد الشاعر/فيصل بن منصور الرياحي رحمه الله على قصيدتي
تسلم يا الكاسر الأول و صح منطوقكـ الكفؤ,,
و رحم الله أبو بدر و تغمده بواسع رحمته,, ودّي |
رد: رد الشاعر/فيصل بن منصور الرياحي رحمه الله على قصيدتي
اقتباس:
ارحب اخوي / الجحــاف بن حكيم السلمي العفو طال عمرك والشكر لك على مرورك الكريم :f7: |
رد: رد الشاعر/فيصل بن منصور الرياحي رحمه الله على قصيدتي
اقتباس:
الشاعر الغالي / جابر السلمي لك كل الشكر والتقدير المناط بأفاق العرفان على مرورك الكريم فمثلي يفخر بمرور مثلك يالجزل ولاهنت طال عمرك |
رد: رد الشاعر/فيصل بن منصور الرياحي رحمه الله على قصيدتي
يالكاسـر الأول أنـت العـرف تحتلـه
******* من روس ربعك ولابه شـك وجدالـي هذا الكلام الصحيح ، اللي نبرهـن لـه ******* قالوه كـل العـرب ، ماقولـه لحالـي الرجل ماينطق إلا الصـدق ، وأجملـه قصيده جزله بجزالة شاعرها رحمه الله وتستاهل يالكاسر الاول كل علم غانم وبيض الله وجهك |
رد: رد الشاعر/فيصل بن منصور الرياحي رحمه الله على قصيدتي
اقتباس:
ارحب يالغالي / خليل العميشي صح بدنك طال عمرك ولاعليك زود يالذيب ورحم الله ابو بدر وأسكنه فسيح جناته |
| الساعة الآن 10:11 PM. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
كل الآراء المنشورة ( مواضيع ومشاركات ) تمثل رأي كاتبها و لا تعبر بالضرورة عن رأي القائمين على الموقع