رد: ديوان الشاعر حمدان بن عامر الشكري (ابن مقحــص)
 

(لضاق صدري من هموم وغرابيل )

[poem=font=",6,black,bold,italic" bkcolor="burlywood" bkimage="" border="none,4," type=2 line=0 align=center use=ex num="0,black""]
لضاق صدري من هموم وغرابيل =
ركبت فوق الجيب والحظ عالي

واخذت فوقه عزبتي والمعاميل=
ودورت لي فجٍ(ن) من الناس خالي

وافرش فراشي قبل مايمسي الليل=
واجمع حطب واشب ضوي لحالي

واقرُب لنجري وبني مع الهيل =
واحط فوق النار صفر الدلالي

وازين الدله واغسل الفناجيل =
كيف النشاما والشراب الحلالي

اقعد بها راسي عن القال والقيل=
ومجادل اللي يكثرون الجدالي

وافرح لياجوني ربوعي مقابيل =
والله لاقدم لهم كل غالي

وانا من رجالٍ نشاما مشاكيل=
وايضا على ابويه وجدي وخالي

اقولها واطولها بالمعاديل =
ماني من اللي يقصرون الحبالي

ولاني بخيل اصر فالمال واشيل=
حرام ماابخل عن ضيوفي حلالي

هذا كلام الصدق ماهو باقاويل =
ولاهو بتمثيل وكلامٍ خيالي

والله عن طبع الاجاويد ما احيل =
لو كان يقضي كل حالي ومالي

ولو كان يلحقني ديون وبهاذيل
والله ما اجنب طريق الرجالي

قلته وانا قولي دوى للمغاليل=
اللي يوصوني بمسك الريالي
[/poem]

رد: ديوان الشاعر حمدان بن عامر الشكري (ابن مقحــص)
 

أمي )

[poem=font=",6,black,normal,normal" bkcolor="burlywood" bkimage="" border="none,4," type=2 line=0 align=center use=ex num="0,black""] ياخافقي وش بقى للشوق غير الحنين =
والا معالم قديمه من عناوينها

راحت وقفت بها الدنيا وسود السنين=
والدار من عقبها ياناس ياشينها

أون وابكي عليها كل لحظه وحين =
لينن جثماني أتجاور جثامينها

لو البكا مايفيد ولايفيد ألأنين =
لكن تطري عليه ظمة ايدينها

ياليتها لو\كلمت ليت للحالمين=
موجوده وتاخذ سنيني مع اسنينها

فقدتها من صغر سني وصبري يقين=
والموت حق وعزايه بالولي دينها

شربة منها الوفا سلالة الطيبين =
ياليتها بالوجود أحب رجلينها

واحب حتى قفى رجلينها لين ألين=
رضى لربي ولمي ولمحبينها

أمي عساها بجنة خلد مع حور عين=
وعسى بطيب العمل تثقل موازينها[/poem]

وسلامتكم

رد: ديوان الشاعر حمدان بن عامر الشكري (ابن مقحــص)
 

(الصلاه ).

[poem=font=",6,black,bold,italic" bkcolor="burlywood" bkimage="" border="none,4," type=2 line=1 align=center use=ex num="0,black""]
لضاق صدرك والهموم اعصفتبك =
قم للصلاه اللي تريحلك البال
ترى الصلاه من اول فروض ربك =
بها يزول الهم وتزين الاحوال
تسعد بها ويسمّح الله دربك=
وتنهاك عن منكر وعن فحش الاقوال
ويزيد عند الله رصيدك وحبك =
وعند الخلايق تذكر بطيب الاعمال
وقت الشدايد هي علاجك وطبك =
ليابدالك من لياليك غربال
وارج الذي عند الرجا ما يكبك =
الواحد المعبود للعسر حلال
والناس لو تغليك والا تسبك =
مافي يديهم حل لضاقبك حال
واكمل وكمّل باقي أفروض ربك =
وحافظ على سنة نبيك وما قال
[/poem]

رد: ديوان الشاعر حمدان بن عامر الشكري (ابن مقحــص)
 

(ياهاجسي )

[poem=font=",6,black,bold,italic" bkcolor="burlywood" bkimage="" border="none,4," type=2 line=0 align=center use=ex num="0,black""] ياهاجسي لاتبيح اللي بجوف الصدر=
لو كان مافادني كثر الصبر والسكات

الصبر كثره قهر والموت شيٍ قدر =
والناس في حلمها مدري بنوم السبات

الحر يرقا سنود ولا يعوّد حدر=
والاالردي فالنزول او في محل الثبات

والطيّب المحترم له عندي أكبر قدر =
يجري غلاه بدمي واسقيه مثل النبات

لو المعاريف ضاعت في زماني هدر=
مابين عذر البليد وبين هرج الفوات

ولوكنت أعرف الوجيه اللي تحمل الغدر=
ما كان فيها وثقت ولاوضعت الثقات

ياعزة النفس صبراً في زمان الكدر =
دام الصبر والتسامح من جميل الصفات
[/poem]

رد: ديوان الشاعر حمدان بن عامر الشكري (ابن مقحــص)
 

( حالنا )

[poem=font=",6,black,bold,italic" bkcolor="burlywood" bkimage="" border="none,4," type=2 line=0 align=center use=ex num="0,black""]
كم قرينا كم كتبنا كم نشوف ولانشوف =
كم صبرنا كم كتمنا لين ملينا السكوت
كم تمر اشيا نطوفها ولو هي ماتطوف =
ونتأمل في غدٍ والوقت والفرصه تفوت
كما صمدنا كم تحدينا المشاكل والظروف=
في زمانٍ مكسب الرجال خيمه فالخبوت
كم طلبنا كم وقفنا في طوابير الصفوف =
لين تعبنا الوقوف ولين تعبنا الثبوت
كم على وجه البريه من فقارا من ضعوف=
واغنياء تسكن قصور وتملك بنوز ويخوت
والارمال واليتاما في سراديب الكهوف=
لاطعام ولا شراب الا بواقي من فتوت
ياعرب ليه العرب تستانس بصفق الكفوف =
همهم جمع الدراهم همهم لبس البشوت
لاتلاحم لاتراحم لو يموتون ألألوف =
المجازر عندهم ماكنها ألا شرب توت
شي نقدرنوصفه والبعض من فوق الوصوف=
ماعرفنا ماقدرنا حتى بالصوت الخفوت
ياترى مدري متى توضع نقط فوق الحروف =
لين نقراها جمل والا نرتبها بيوت
يازمنا وش بقى ماعاد بالعيشه حسوف =
دامنا نمشي مع السيسان خوف إنانموت
ياعرب يااهل المناصب والكراسي والأنوف =
اصحوااصحوا قبل لاالفرصه من ايديكم تفوت
[/poem]

رد: ديوان الشاعر حمدان بن عامر الشكري (ابن مقحــص)
 

(العيد )

[poem=font=",6,black,bold,italic" bkcolor="sandybrown" bkimage="" border="none,4,sandybrown" type=2 line=0 align=center use=ex num="0,black""]
العيد حل وكل غالي ذكرناه =
والشعر زان وزان تنظيم الابيات
فيمن لهم بالصدر قدرٍ حملناه =
اهل الوفا والطيب واهل المروات
من ربعنا واللي بطيبه عرفناه =
نهدي لهم باقات ورد وتحيات =
بمناسبة عيد الفطر هل حياه =
نرسل تهانينا لكم بالقنوات
الله يعيد العيد ويعيد ملفاه =
إيعيده اعوامٍ عليينا عديدات
[/poem]

رد: ديوان الشاعر حمدان بن عامر الشكري (ابن مقحــص)
 

[poem=font=",6,black,bold,italic" bkcolor="burlywood" bkimage="" border="none,4,black" type=2 line=0 align=center use=ex num="0,black""] ياللي نسيم الوجد يمك حداني =
أعايْدَك والشوق لك يحتويني

احساس قلبي لك يزف التهاني =
ومشاعري بالشعر ترسم حنيني

طعم السعاده والفرح لك دعاني =
والعيد بحضورك وشوفك يزيني

ياهيه ياللي ساكنٍ في كياني =
لعل تبطي في وجودك سنيني

العيد ماله في غيابك معاني =
والحزن لامن غبت فيّه يبيني

ليت الدقايق تنحسب لك ثواني =
فالساعه اللي يوم فيها تجيني
[/poem]

رد: ديوان الشاعر حمدان بن عامر الشكري (ابن مقحــص)
 

جعلني ماعدم من شوف ولاخلا)

[poem=font=",6,black,bold,italic" bkcolor="burlywood" bkimage="" border="solid,4,black" type=2 line=0 align=center use=ex num="0,black""] كاذب اللي يقول أني بغيرك سليت =
والله أني بدونك خاطري ما سلا

مستحيل اتجاهل عشرتك ماحييت =
وانت كلك على كلك شموخ وحلا

كيف ابنساك واسلا وانت فيه نميت =
وسط قلبي وعيني منزلك ماخلا ...

باني من المحبه داخلي ألف بيت =
وين ماتسري بجوفي تحصل غلا

أنته اللي تملكت الحشا كمبليت =
والله إنك تعادلك بعيني ملا

وانته اللي على عرش المحبه رقيت =
رقت ليه وحبك راق لي واعتلا

أشهد أنك بمفهوم المحبه سميت =
يالغزال الجفول وياظبيّ الفلا

ماصدق من يقول إني لهجرك نويت =
كيف ناوي لهجرك وانت كلك ولا

ولاصدق من يقول أني لزولك نسيت =
جعلني ماعدم من شوفك ولا خلا

لن بغيت الحقيقه شوفني ما قويت =
لحظةٍ في غيابك كنني بالخلا[/poem]

رد: ديوان الشاعر حمدان بن عامر الشكري (ابن مقحــص)
 

[poem=font=",6,black,bold,italic" bkcolor="burlywood" bkimage="" border="solid,4,black" type=2 line=0 align=center use=ex num="0,black""]
نشكي هموم القسمه بعالم الضرب =
ونبني أمانينا على شوك ألاحلام

نبي نضيع انكان طول بنا الدرب =
وانتوه مابين الحقايق والاوهام

الغرب يضحك من ورى ساحة الحرب =
وحنا لهم ساسه مطيعين خدام

يالله عن أشعوب العرب تفرج الكرب =
من اليمن للشرق للغرب للشام
[/poem]

رد: ديوان الشاعر حمدان بن عامر الشكري (ابن مقحــص)
 

[poem=font=",6,black,bold,italic" bkcolor="burlywood" bkimage="" border="inset,4,white" type=2 line=0 align=center use=ex num="0,black""] كم واحدٍ في طول الايام نبكيه=
وكم واحدٍ لو مات ماهو فقيده

وكم واحدٍ لوحي ودك تعزيه=
موته اخير من الحياه الزهيده

وكم واحدٍ لاشك حيٍ ونغليه=
لوكان من اقصى البدود البعيده

وكم واحدٍ بالخير والطيب نطريه=
لنه حميد وبه خصالٍ حميده

وكم واحدٍ خيره مايكفي بلاويه=
ولو كان أخوه مجاوره مايفيده

وكم واحدٍ روح الحميه تخاويه=
له قيمه ومبدا وكلمه سديده

راعي حميه موقفه ما يخليه=
ماهي على مثله بحاجه جديده

رجلٍ لجات اللازمه تحتزم فيه=
علاقته مع النشاما وطيده

شهم وكريم ولايمله مخاويه=
مايلتفت لهل الحسد والمكيده

شديد باس بوجه منهو يعاديه=
ظفرٍ عمى اعيون النفوس العنيده

هذاه ودك في يمينك تخليه=
درعٍ لجنبك فالليال الشديده

واحدٍ ماتسمع غير كثرة عزاويه=
وليا سمعته قلت هذا وليده

علمٍ يجيبه لك وعلمٍ يوديه=
ويشب نار الحرب بين البديده

نمام ماياثق ولا ينوثق فيه=
يبحث عن الهرج الخبيث ويزيده

جابان ودك لالزمته تذكيه =
دم الحميه مانبض في وريده

لعل مثله ينقرض ما نلاقيه=
حتى تعيش الناس عيشه سعيده

هذاه ودك فوق علباه تكويه =
اظن بعد الله يطيب وتفيده

قلت الكلام اللي على الصدق بانيه =
واقع حقيقي والمواقف تعيده
[/poem]