|
قصيدة للشاعر/ ثميري الثميري
قصيدة للشاعر/ ثميري الثميري المجذمي الزعبي ((سبب كتابة القصيده هو ان احد الزملاء الشاعرفالعمل كان يمتدح قبيلته وهذا حق مشروع ولكنه للأسف تعرض لقبيلة زعــــب الغاليه ببعض الكلام الذي لايرضاه اي شخص كائن من كان فكيف به يقول هذا الكلام امام الشاعر المنتمي لهذه القبيله العظيمه ... فكتب هذه الابيات اللتي تعبر بما في قلبه من حب لهذه القبيله الشهيره )) سليت سيفي وارفعه في وجه من قالوا كلام @@@ في حق ربعي وعزوتي زعب الصناديد القروم لاني اقـــلل قدركـــم والاقليــــل الاحتــــرام @@@ زعبـاً تعــلـمني احتــرام اقــاربي ثم الخصـــوم مااخطيت انا في حقكم بالسب والا بالشتــام @@@ ومن قال انا وانا وانا هرجه ترى ماله لـــــزوم كلن يعرف ان العرب فيها الردي وفيها الكرام @@@ وعمر الصقر ياصاحبي ماصار ابد في يوم بوم روح هنــاك ابعد بعيد ان كان ودك بالســلام @@@ والاتبي العلم الصحيح قرب اعلمـــك الســــلوم سلوم زعــــب الخالده مافيه شكـــاً اومــــلام @@@ مزبن لمن هم ضامهم غدراً وصابتـــــهم كـــلوم او بالكــــرم ابشر بضــون نوّرت كل الظـــلام @@@ والضيف راعي للمحل يامر و يطـــلب ومخــدوم والجود هي والمرجله حازوا بها اعلى وسام @@@ والامجالس ربعنا كلــــه قصيــــد ومع علـــــوم رجال مع فلة حجاج مافيه غيبــه او نمـــــام @@@ مافيـــه هرجــه مالــها داعــي ولا منها لـــزوم وحنا خـوال القائـد المبعــوث رحمــه للأنـــام @@@ نفطر شجاعـــــه ونتغداهــا والا جينــا ننـــوم والجار عزه عزنا و وان مسته شعــره حــرام @@@ انا نسيّح دمهــم ونعـــوم بدماهــــم نعــــــوم هذا اختصــار لربعنــا يامـن تقولــون الكــلام @@@ في حق ربعي وعزوتي زعـب الصناديد القروم |
رد: قصيدة للشاعر/ ثميري الثميري
!!!!!!!!!!!!!!
|
رد: قصيدة للشاعر/ ثميري الثميري
اقتباس:
ابن مفحل قصيده رااائعه وجززززله لاهنت وصح السااان شاعرها ثميري الثميررري الزعبي ونعم بزعب والله ربعنا وعزوتنا وبيظ الله وجهك اخوووي تقبل ودي وتقديررري |
رد: قصيدة للشاعر/ ثميري الثميري
أخـــوي ابن مفحل
يعطيكــ العافيـــه على ها الأبيات الروعــه مــن أروع ما قال ثميري يعطيكــ العافيــه مره ثانيه وما قصرت مــع تحياتي |
رد: قصيدة للشاعر/ ثميري الثميري
ارحب يا محمد الجبريني
لاهنت علي المشاركه... وصح بدنك... أخيك: ابن مفحل |
رد: قصيدة للشاعر/ ثميري الثميري
ارحب يا ضاري الزعبي
لاهنت علي المشاركه... وصح بدنك... أخيك: ابن مفحل |
| الساعة الآن 04:35 PM. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
كل الآراء المنشورة ( مواضيع ومشاركات ) تمثل رأي كاتبها و لا تعبر بالضرورة عن رأي القائمين على الموقع