|
مديرة مدرسه ياحليلها تزوجت هههههههههههه
يا ألله وش كثر هالمديره ذكيه وخفيفة دم هههههههههههههههههههههههههههههههههه
تدور القصة حول مديرة مدرسة عزباء غابت عن المدرسة يومين ولما رجعت لمدرستها قابلتها المدرسات سلامات وينك يا مديرة ؟ قالت لهن باركولي تزوجت . قالن مبروك يامديرة بس من تزوجتي ؟. قالت لهن بصراحة زوجي هو زوج وحده منكم المدرسات تكفين علميننا أي وحدة منا ؟ قالت المديرة والله ما أعلمكن . المهم لزمن عليها فقالت لهن أنا منيب قايله شي اللي تبي تعرف هل هو زوجها وإلا لا تجيب بكرا معها خمسمية ريال وإذا جت توقع تحط الخمسمية على الطاوله واللي آخذ خمسميتها فهي مهو زوجها واللي أخلي خمسميتها على الطاولة ولا آخذها فهو زوجها عيب علي اتزوج زوجها وآخذ بعد منها خمسمية ريال .. """ قلبها طيب هالمديره خخخخخخخخخخ وافقن المدرسات على الطريقة . ويوم جاء بكرا وكل وحدة مزهبه معها الدراهم . جت الأوله والثانية والثالثة والرابعة حتى العاشرة والمديرة تاخذ الدراهم .. يوم جت المدرسة ال 11 وبدت المديره تأفف المهم حطت الدراهم على الطاولة وقالت لها تكفين خذيها يالمديرة قالت المديرة اعذريني قالت المدرسة كانها قليلة حطيت ألف بدال الخمسمية قالت المديرة أووووووووووووه معليش أثرك أنتي جواهر والله اني آسفه غلطت تنفست المدرسة وقالت الحمد لله يعني بتاخذين الفلوس المهم اخذتها المديرة . ودخلن بقية المدرسات حتى ال 23 والمديرة تلعب باعصاب كل وحده وفي النهاية تاخذ الخمسمية . المهم بقي مدرسة وحدة فقط ماجت يوم اتصلن عليها المدرسات هاه وينك يا استاذه قالت والله اني تعبانه وماني جايه . قالت المدرسة الغايبة : هاه من صار زوجها اللي متزوج المديرة ؟ قالن لين الحين مابين شي والمديرة عيت تاخذ الفلوس لين نحضر كل المدرسات ( يلعبن عليها بس يبونها تجي عشان يتطمنون إنها هي لأنه مابقى إلا هي ) وقالن المدرسات لازم تجين تكفين . المهم جت تسحب رجليها بالقوة ويوم جت تدخل المدرسات كل وحده مبسوطة انها مهي هي وبدن يسلمن على المدرسة ال 24 عشان ماتنصدم .. دخلت المدرسة الأخيرة غرفة المديرة وحطن باقي المدرسات ايديهن على قلوبهن وحطت المدرسة الخمسمية على الطاولة وضفتها المديرة . يعني اخذتها يوم طلعت لقوها عايدية وماصار شي وفلوسها أخذتها المديرة . قالن يابنات فيه وحده منكن ماخذت المديرة دراهمها ؟ قالن لا والله كلنا اخذت دراهمنا . ودخلن المدرسات على المديرة وقالن اخذتي الفلوس من كل المدرسات تلعبين علينا منهو زوجك ؟ قالت المديرة المهم الدراهم ( 12000 ريال ) ماراح ترجع وأنا والله لا تزوجت ولا شي لين الحين عزوبية ووالله كنت مريضة هاليومين . ولكني اطلبكن قبل شهر تدفعن على مية ريال نصلح المصلى ولا وحدة منكن دفعت قلت والله لأدفعكن 500 ريال نصلح المصلى ونشتري مصاحف وقف للمسجد .. قالن المدرسات بردها الله بالعافيه فداك الدراهم ولو تبين زود عطيناك هو صدق بس رجالنا ماتزوجوا علينا .. صدق الحريم ينضحك عليهن بسسسسرعه ههههههههههههههههههههههههههههه منقول المره اللي راحت طلبت ضب للي تعجبه القصه هالمره بطلب خمسين الف وأزوجه المديره ههههههههههههههه مراعاه لظروفكم بس ابي 5 نجوم طبعا في حال نالت استحسانكم هالمديره لكم مني اجمل التحايا |
رد: مديرة مدرسه ياحليلها تزوجت هههههههههههه
هههههههآآآآآآآآآآآي
الله يرج المديرة هذي والله عرفت تلعبها بس منت ملاحظ شي غريب في القصة ؟؟؟ مديرة و عزوبية ؟؟ كيف تجي؟؟! ههههههههههههههه تقبل مروري |
رد: مديرة مدرسه ياحليلها تزوجت هههههههههههه
الحمد لله والصلاة والسلام على رسول الله
ماشاء الله تبارك الله تكفين يا مذهله دليني على وحده كذا طيبه وخفيفة دم وتحتال عشان تخدم بيت الله انا عريسها اذا لقيتيها ووافقت علي ................. ولكي الأجر من رب العباد قصه جميله والأجمل الهدف السامي بهذه القصه دائما مذهله يا مذهله اسم على مسمى وفقك الله وأسعدك في الدارين |
رد: مديرة مدرسه ياحليلها تزوجت هههههههههههه
بن مسحل مابه غريب الا الشيطان به واجد ذوات مناصب وعزوبيات الله يرزقك وحده منهم
شـكــ لمرورك وبارك الله فيك ـــرا لك ... لك مني أجمل تحية . |
رد: مديرة مدرسه ياحليلها تزوجت هههههههههههه
استاذي رزن السلمي لا تقول تكفين وتحرجني ههههههههههههه بنات الحلال واااااااااااااجد
الله يحفظك ويرزقك كانك تبي العرس تستاااااااااااااااهل كل خير شكرا لك ع المرور الرااااااااااااااااااااااائع لك مني اجمل التحايا |
رد: مديرة مدرسه ياحليلها تزوجت هههههههههههه
انتقاء جميل .. مذهله .. بس الحيل كثار من النساء
أن كيد هن عظيم دمت سالمة وبخير ,.... |
رد: مديرة مدرسه ياحليلها تزوجت هههههههههههه
هههههههههههه صدقتي وف وف
شـكــ لمرورك وبارك الله فيك ـــرا لك ... لك مني أجمل تحية . |
رد: مديرة مدرسه ياحليلها تزوجت هههههههههههه
قصه فيها العبرة والعظة عدم الثقه بالنفس وفقدانها في الآخرين وعدم الثقه تؤدي إلى الخوف الدائم وسوء التفكير والظن وعلى المرأه ان تعالج الامور بحكمة وحسن تصرف شي جميل أن تحافظ على أن يبقى بيتها في امان واستقرار . لكن لا نغفل حق الله و نلهث خلف مغريات الدنيا والله سبحانه وتعالى دائما يختبر الانسان في هذه الدنيا . نقطه أخرى المصلى في المدرسة يعتبر الشريان النابض وتجد فيه الطالبة مختلف المعارف والندوات ويتلمس حاجات ومتطلبات وهموم الفتيات ويحدد أين المشاكل ويساهم في علاجها . لكن البعض انشغل بأمور الدنيا اكثر من إنشغاله بالآخره . عن أنس بن مالك رضي الله عنه عن النبي صلى الله عليه وسلم قال: (لا يؤمن أحدكم حتى يحب لأخيه ما يحب لنفسه) متفق عليه. والواجب على كل مسلم أن يحب لآخيه المسلم كما يحب لنفسه . فسوف يفتح لك الباري عز وجل ابواب الخير والرزق والفلاح بإذنه تعالى . من افضل الاعمال المشاركه في اعمال الخير واالاعمال التطوعية كاالمساهمة في بناء مسجد أو مصلى وتزويده بالمصاحف والكتيبات المفيدة مذهلة استمتعنا بالقصه واكيد لها هدف معين ومحدد وهي تخاطب ضمير كل إنسان وتحاكي وجدانة وشعوره بأن عليه أن يقبل على الله بعمل الطاعات و أسال الله تعالى لكل مسلمة التوفيق والسداد في الدنيا والآخرة مذهلة هذا عربون إعجاب وتقدير ( 5 نجوم ) http://t3.gstatic.com/images?q=tbn:A...34eBxkqFFgVuyO على ما طرحتي من قصه مفيدة وتستاهلين 1000 نجمه وفقكِ الباري عز وجل وحفظك من كل مكروة |
رد: مديرة مدرسه ياحليلها تزوجت هههههههههههه
يعطيك العافية اختي ..
س سؤال / وش نستنتج من هذه القصه !! شكري وتقديري .. |
رد: مديرة مدرسه ياحليلها تزوجت هههههههههههه
\7
|
| الساعة الآن 03:18 PM. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
كل الآراء المنشورة ( مواضيع ومشاركات ) تمثل رأي كاتبها و لا تعبر بالضرورة عن رأي القائمين على الموقع