جبل صبح
اخواني واخواني أعضاء منتديات بني سليم قصيده اهداء لخالي الشيخ/ حمزه عابد عبدالله جميل الصبحي الحربي آمل ان تنال رضاكم واستحسانكم...... جبل صبح ياولي العرش يارحمن طالبك المعونه ياولي العرش يارحمن ياعز الجلالي الخلايق ماتلد العين فاللي يجمعونه مكسبي بيدي كالفني وذاخر راس مالي وابدع امثالي على معناي واطرق له لحونه والضمير انهض هجوسه لين يجلب كل غالي انهضه ويقود كنه نوء غيثه في مزونه تبرق وترعد مزونه في مقاديم الخيالي ونهمل وبله حقاق بسيل عنا يذكرونه يسقي الدار البعيده كل مايهتاض بالي وياجبل صبح المنيف بقمته على ركونه ياجبل مزموم بالضلعان من بد الجبالي ادرق الضلعان سده وإعتلى ضلعان دونه فيك مثلك ياجبل صبح المنيف من الرجالي يوم اقول الشيخ حمزه الخلايق يعرفونه قالوا انعم قلت سبع انعام وفوز لخوالي صبح حرب وكل حراب الحروب يحاربونه حرب حرابه دول هذا المثل فيهم يقالي شيخهم حمزه واقول الراس عزه من متونه شيخ بيته فوق عمدانه مذراء للضلالي بيت تلقى فيه قيلت مرحبا للي يجونه وفيه كيف يساق فنجاله من رقاب الدلالي وفيه ترفات الوبر للضيف تنقل في صحونه يقري الضيفان والخطار والبد الموالي شيخ للصدقان صادق والعدو يجرع غبونه اشهد انه فالمواقف كلها حماي تالي وشهدوا يامن حضر على كلامٍ تسمعونه فيه مثلك ياجبل صبح المنيف من الرجالي قلتها وسليم ربعي كل باب يغلقونه كاسبين المجد والامجاد من قدم الليالي ولا أنا قسمي من النوماس علمٍ تشهدونه ذاخره جدي لبوي وكاسبه من يم خالي تمت وصلوا على مرسول ربٍ تعبدونه الاله الواحد الفرد الصمد عز الجلالي عبدالعزيز سعيد مغلي السلمي |
رد: جبل صبح
الاخ الشاعر/ عبدالعزيز سعيد مغلي السلمي
صح لسانك على هالقصيده الجزله معنا ومبنا كفو ياشاعرنا ويستاهل الممدوح المدح سلم منطرقك وكفيت ووفيت بيض الله وجهك |
رد: جبل صبح
صح لسانك ونعم في المادح والممدوح
|
رد: جبل صبح
صح لسانك يا عبد العزيز
مبدع كعادتك وتقبل مروري وتقديري |
رد: جبل صبح
صح لسانك يا ابن مغلي
متميز فالطرح دائما |
رد: جبل صبح
صح لسانك ونعم في المادح والممدوح مبدع يا بناخي مغلي |
رد: جبل صبح
صح السانك واعتلا شانك
ونعم بك وبخوالك حرب العريقة يستاهل الممدوح |
رد: جبل صبح
تحيه طيبه
ولكل من قراء اوشارك بتعليق ولا عليكم زود اسعدني مروركم لكم مني اجمل تحيه واطيبها |
رد: جبل صبح
صح لسانك وسلمت , مبدع كما عهدناك ..
|
رد: جبل صبح
صح الله لسانك
|
الساعة الآن 06:52 PM. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
كل الآراء المنشورة ( مواضيع ومشاركات ) تمثل رأي كاتبها و لا تعبر بالضرورة عن رأي القائمين على الموقع