هذي وصاياا
 

شاعر فقير وراس مالي قناعه
اللي يدور شي لا بد ! ! يلقااه

ماهمني كبر الفضاء و اتساعه
ولا همني ذاك الأمير وعطاياه

مآخذ من أبوي الكرم والشجاعه
والطيب والمعروف والعز والجاه

أبوي علمني وعلمه بـ ساعه
في مجلسه يوم ارتكى فوق مركاه

ماههوب علم التلفزه و الإذاعه
من تجربه و الوقت مانلحق أقصاه

قال انتبه واجب عليك استماعه
ودك بعلم الطيب و انته تحرااه

لا صاح صوت الحق ، سمعاً وطاعه
استغفر الله هم دنيااك تنسااه

المهتني وجهه يبين شعااعه
اللي على درب الهدى ثبت خطاه

مادام حاال ودنيتك لـ القطاعه
و البيت لا تصغر ف عينك زواياه

اللي يبي قربك تجنب وداعه
واللي نصاك بخير بالخير تنصاه

يعني بدون العزم و الاستطاعه
ما ظنتي بتحقق اللي تمنااه

الجهل للإنسان يلووي ذرااعه
و العلم للإنسان للمجد ودااه

المحتمل ف الجهل سبة ضياعه
و الواسطه في وقتناا حبل منجاه

كثر الكرم يمكن يسبب مجااعه
أحسب لبكره قبل تامر و تنهااه

فالموقف الغصااب لو جتك راعه
أحذر تبينهاا ترى البيت ببنااه

في كل حاجه خل عندك برااعه
و المختصر نإاتج كلامك و فحواه

الكلمه الحلوه تجيب النفااعه
خلك على لبيه و أبعد عن الـ هاه

الحب في ذا الوقت أكبر إشاعه
إلا على سلم النبي كان تهوااه

و اللي وصل بينك و بينه رضاعه
لا ي وليدي لا يجي يوم تجفااه

الوصل واجب للرحم و الجماعه
و اللي نساهاا ماا دخل جنة الله

ؤمن الردى والحسد عندك مناعه
واغنم صفات الذيب واترك حلايااه

أفضل طريقه للتجاهل ! ؟ لكااعه
و اللي زعل ماا ينجهل دااه و دواه

هذي وصاياا و اعتبرهاا و داعه
أعمل بهاا و الرجل من مد يمنااه

ترجمتهاا ف أبيات و البحر قاعه
تلقى به اللولو و أنا غصت في ماه

شاعر فقير و راس مالي قناعه
فقير حظ . . !! ولكن / الحمد لله



تقبلوا تحياتي ..

عبدالعزيز سعيد معيتيق الجبريني

رد: هذي وصاياا
 

رد: هذي وصاياا
 

اهلا و سهلا اخوي سيف يشرفني مرورك لا عدمتك

شهاده اعتز بها ووسام على صدري ي سيف

رد: هذي وصاياا
 

رد: هذي وصاياا
 

كفوو ي الجبريني وبيض الله وجهك وصح لسانك مليون مهما قلت عن القصيده من ابداع لا اوفيها حقها فتقبل مروري

رد: هذي وصاياا
 

صح بدنك ي البتار يشرفني مرورك طال عمرك

رد: هذي وصاياا
 

كفوو ي الجبريني وبيض الله وجهك وصح لسانك مليون مهما قلت عن القصيده من ابداع لا اوفيها حقها فتقبل مروري




ماعليك زود ياغانم ووجهك ابيض وصح الله بدنك

الابداع مرورك لا عدمتك طال عمرك

رد: هذي وصاياا
 

رد: هذي وصاياا
 

أخي الشاعر : عبد العزيز بن سعيّد الجبريني لافض فوك على هذه القصيدة الجزلة والتي إحتوت على العديد من النصائح والوصايا التي يجب أن يتصف بها المسلم .
سلمت وسلم منطوقك وسلم شايبك على حرصه على هذه الوصايا .

دمت بود






اهلا و سهلا ي خال ..

شهاده اعتز بها يا خال ولا هنت على الكلام الطيب و لا يستغرب منك ، مرورك يسعدني و يشرفني طال عمرك

شكراً من الاعماق ..

رد: هذي وصاياا