الشعــــر رااح فـــي يدها
 

[poem=font="times new roman,6,black,bold,italic" bkcolor="transparent" bkimage="" border="none,4," type=2 line=0 align=center use=ex num="0,black""]


يامدعـيـن الشـعـر للـشـعـر تـقـديـر=تكـفـون لاتـرّخـون عـالــي مـقـامـه
خـلـوه بيـديـن الوجـيـه المسـافـيـر=اللـي لـهـم فالشـعـر هـامـه وهـامـه
قــدام لايصـبـح مـثـل سـالـم الـزيـر=الفـارس اللـي مــات مـالـه رحـامـه
حيّـل الله اقـوا يـاصـدوف المقـاديـر=اشّهـر عليـه الوقـت سلـة حسـامـه
اصـبـح ضحـيـه للعـقـول المقافـيـر=اللـي عطاهـا الوقـت صافـي هيامـه
تجتال بـه مـن دون حشمـه وتدبيـر=كـلـن عـلـى ماقـيـل وجــه سهـامـه
من شان يصّبح من كبار المشاهيـر=ويحـطّ لـه مـن فـوق اسمـه وسامه
هــذا وانــا مـاقـول ذمّــه وتحّـقـيـر=الـقــدّر بـاقــي والقـضـيـه مـقـامــه
الليـل هـاتـو يـاهـل الــراي تفّسـيـر=حـلـو القضـيـه لايضـيـع احـتـرامـه
وشلـون عــاد تفـسّـرون المحـاذيـر=اللـي غـدت فـي كــل مبـنـاه شـامـه
والشعرمـن صنّـف الـدلال المباهيـر=تجلى عن الروس الخـوا والعسامـه
لا. والله الا ســدّحـــوه الـمـغــاويــر=من يوم وصّـل اللعـب ذروة سنامـه
الـوضّـع مايقّـبـل مـعــه أي تـبـريـر=يمّكـن بعـد نسمـع بـراغـب عـلامـه
اللي يبـي يكّتـب سوالـف واساطيـر=قــام يتـلاحـق يالـرّبـع فــي زمـامـه
يـبــي يـغـنّــي لـلـبـنـات الـغـنـاديـر=عـسـاه يكّـسـب بالقصـيـده زعـامـه
ماهـم لـو يرّميه في جمّـت البيـر=يـهـون قـــدره للـخـصـر واللـثـامـه
عـزّي لكـم يـاهـل البـكـار المغاتـيـر=يامـن شربتـو الشعـر ليـن الثمـامـه
موروثـكـم روّح عـلـيـه التحـاسـيـر=يمكـن وجـوده صـار مثـل انّعـدامـه
حطـوه فالتابـوت تـحـت المسامـيـر=يالله عليـك انـت الخلـف والسـلامـه
غـدابـه الـلــي مـايـعـرّف التعـابـيـر=مـاحـط هــذا فــي سـجـل اهتـمـامـه
الـلـي يكـسّـر فــي مبانـيـه تكّسـيـر=يـبـي يحـقـق بــس مقـصـد مـرامـه
ولاتحّسب انه بس هذا ولاغير=باقي بعد والوضع فيه احّتدامه
لا . ما انتهينا من حساب المخاسير=اللـيـل تــوه .لـــو مـطــوّل ظـلامــه
باقـي هـذاك اللـي شـراء بالدنانـيـر=شاعـر لكـن الوقـت يالرّبـع ضـامـه
وعـاد المصيبـه كلهـا نـافـخ الكـيـر=السـارق الـلـي مـثـل راس النعـامـه
يبـي تصفّـق لـه جمـوع الجماهـيـر=لـكـن بـكّـره تطـيـح عـنـه العمـامـه
الـحـال كـلـه صـايـرن فـيـه تـزّويـر=ماعـاد نــدري ويــن راع المـلامـه
هــــــذا القضيـــــه كلها دون تغّيير=دونتها ياهل الوفاء والشهامــــه
حررتها للعلّم والوقت تحّريـــــر=شاهـد على اللي فيه هذا العلامه
عـلــيــك يالله حـلّــهــا والـتـدابـيــر=قـدام لاتـطـلــع عـلـيـنـا الـقـيـامـه[/poem]

رد: الشعــــر رااح فـــي يدها
 

رد: الشعــــر رااح فـــي يدها
 

رد: الشعــــر رااح فـــي يدها
 

رد: الشعــــر رااح فـــي يدها
 

الاخ الشاعر \ خالد مبيريك


صح لسانك قصيده جزله ذات

معنا ومبنا جزل شاعر مبدع

ومتمكن وتصوير شعري

لموضوع جداً هام وعام

سلمت وسلم منطوقك

رد: الشعــــر رااح فـــي يدها
 

الشاعر خالد بن مبيريك

صح لسانك وسلم منطوقك

من يسرق الشعر ماهو الا مريض

يستاهلون

رد: الشعــــر رااح فـــي يدها
 

رد: الشعــــر رااح فـــي يدها
 

الشاعر الكبير خالد مبيريك


صح لسانك. وبيض الله وجهك عالجت مشكلة وظاهرة ليست بالجديدة

فسرقة. الشعر والأفكار الدبية موجوة في المجتمع منذ وقت ليس بالقصير


اشكر على هذه القصيدة الجزلة المعبرة

وبارك الله فيك


وتقبل مروري المتواضع

رد: الشعــــر رااح فـــي يدها
 

الغالي والمبدع دائما الشاعر خالد مبيريك

للاسف الشديد انني اكتشفت ماهو امر وادهى من ذلك

حيث قام احد الهكرز بتنصيب باتش على جهازي المحمول واختلس اكثر من ثلاث قصائد كانت في مجلد المستندات على الجهاز

للاسف الشديد ضعاف النفوس في هذا الزمن كثير ولا يملكون من الحس الرجولي ولو مثقال شعره

حزنت لهذه الحادثة كثيرا ولكن على قولهم مافي اليد حيله

والادهى من ذلك انه نفس العضو الذي قام بسرقة القصيدة الاولى حيث انني اعتقدت انه اخذ القصيدة من اجهزة الجوال ولكن اكتشفت في نهاية الامر الحقيقه المره حيث ان جهازي المحمول مخترق من قبله مما ادى الى مصادرة قصائدي

لن اقول سوى

حسبي الله ونعم الوكيل

واسال الله ان يبتليه في نفسه

وصح لسانك على القصيدة المعبرة والرائعة

وسااتناول الموضوع بحول الله وقدرته في قصيدة قادمة ان شالله


تحياتي لك بعدد الحروف

اخوك


ابراهيم السلمي

رد: الشعــــر رااح فـــي يدها
 

يعطيك العافية قصيده جزلة في موضوع يستحق


خالي العزيز ابراهيم .. لاتحزن فمن هم على شاكلته كثر ..

لكن بحول وقدرته ليندم كل الندم على فعلته الرديه ...


تحيـــــاتي

صقر النقرين ,,,