منتدى سليم - والله غريبة تنقض الميثاق

منتدى سليم (http://www.solaim.com/vb/index.php)

- ميدان الشعر الشعبي (http://www.solaim.com/vb/forumdisplay.php?f=68)

- - والله غريبة تنقض الميثاق (http://www.solaim.com/vb/showthread.php?t=42954)

والله غريبة تنقض الميثاق

اخواني واساتذتي قصيدة سبق طرحها

أمنى أن تنال رضاكم وملاحظاتكم تهمني

أقول:

[poem=font=",5,white,normal,normal" bkcolor="black" bkimage="" border="double,4,white" type=1 line=0 align=center use=ex num="0,black""]
والله غريبة تنقض الميثاق في يومن وليل=من بعد ما غلظت ميثاقك وثبّت القسم
عاهدتني نبقى سوا نقطع ظلام المستحيل =بالنور ذاك اللي يشع امن العزايم والهمم
مهما يكون الدرب مرهق صعب مرهوب وطويل=حتى ولو نمشي حفاة وتحتنا فوح الحمم
من خاطري جالك سهم محفوف بالفعل الجميل =واليوم الاقي خاطري مطعون وبنفس السهم
يا حسرتي يومي معك جمعت لك اطيب حصيل=وانته خذيت اللي جمعته لك لحالك وبنهم
ماكنت احسْب انك كذا حسبت الشخص النبيل=اللي معه نلقى النعم واثرك من اصحاب النقم
قد كنت اناظر للقمم واقول انا قوي حيل=ارقى لها لكن بعد شوفتك خليت القمم
أغويتني عنها وانا دايم معك ماني بخيل=انا معك راعي ذمم وانته معي خاين ذمم
لكن بعد هاليوم والله ما عليّه لك سبيل=وان كنت تبتقتل عزومي خذ كلامي وبفهم
ان كنت تقوى قتل امم يمكن تخليني قتيل=وشلون تقتل همتي و مهمتي زرع الهمم
توبة معاد اعاهد الخاين ولو فعله جليل=يمكن جلال افعاله يعوّد عليّه بالتهم[/poem]