|
ما بعد الرافعة
[frame="13 80"] ما بعد الرافعة شتان بين 11 سبتمبر وبين اطهر مكان اللي بقولك عنيته من فين جبت مقارناتك ومن فين وين الأساس اللي بزعمك بنيته ودك تقول السن والعين بالعين لكن خبت ومطمعك ما لقيته هذا هدفك وذاك تفكيرك الشين وهذا قلمك اللي بيدّك لويته أخطيت ثم أخطيت مرة وثنتين وحتى تواصلنا بحقدك مليته ما به علاقة بين موت المصلين وأهل الكتاب وقصدك اللي نويته وحنا بشر والله خلقنا من الطين وآجالنا بأمره وحكمه (رضيّته ) ناسٍ قضوا في أبراجهم بعد الألفين لو كنت أعرف اللي قتلهم نهيته والله لطف واللي حصل قبل يومين مكتوب والمسلم حزنت وبكيته والفرق شاسع جِد بين المكانين واليوم ما أعجبني كلامٍ قريته مكان في أمريكا سقط فيه برجين وهذا حرم ربي وحجاج بيته من مات منهم في بلاد الحرمين ما اكرمك يا ربٍ بفضلك عطيته أعطيته المطلوب في الماقف الزيين نحمدك يا من للشهادة هديته وموتٍ مثل هذا لجمع الملبين لو ينُشرى بعت الحلال وشريته [/frame] |
رد: ما بعد الرافعة
صح لسانك يابو عادل قصيدة جميله ورااائعه تلجم افواه المتربصين والمصطادين في الماء العكر
لا هنت على هذه العذوبه والجزاله تحياتي |
رد: ما بعد الرافعة
صح لسانك مليووون
ابا عادل |
رد: ما بعد الرافعة
صح لسانك يابو عادل قصيده رائعه كاعادتك نعم شتان بين الطيب والخبيث
|
رد: ما بعد الرافعة
المدير والشاعر والخبره
صح لسانك يا عبد الله قصيده راقيه تطرقت فيها لموضوع جداً حساس وكثير من محبي هذا الدين وهذا الوطن يتطرقون له |
| الساعة الآن 02:12 AM. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
كل الآراء المنشورة ( مواضيع ومشاركات ) تمثل رأي كاتبها و لا تعبر بالضرورة عن رأي القائمين على الموقع