مرحووم ياالشيخ ابن مغلي سعيدي
اللي لياجاه المزايد يزيدي
ماينطق إلابالكلام الاكيدي
وحليل ربعه كلهم فاقدينه

ياغافر الزلات تغفر خطاياه
الله لعل جنه الخلد مثواه
ياالله توفق له كتابه بيمناه
يالخالق اللي كلنا طالبينه

شيخ لياجات العلوم الثقايل
الاول اسمه مع شيوخ القبايل
قالوا له اقلط أنت راع الجمايل
واللي يجيبه من خبر قابلينه

شيخ ليا جات العلوم المهمه
كل الصعايب يحلها ما تهمه
العامري خاله وسرحان عمه
والجودمن ساسه ومتوارثينه

أبومغلي ظفر
من ساس ظفران
ظفرشجيع ومن ذريبين الايمان
يقرر الوزنات مع كل وزان
والظفرمنجا والله اللي يعينه

ابوسعدمعروف من وقت ماضي
رايه سديد ولاعليه اعتراضي
حكمه على الشعار محكوم قاضي
خصمه يصفق من يساره يمينه

العمرله حسبه وله يوم موعود
المسعداللي لازم الدين والجود
وابوسعد محد ذكر فيه منقود
صايم مصلي طول عده سنينه

يالله طلبتك ياإله المخاليق
يافارج الكربات في حزة الضيق
انك توفقنا على حسن توفيق
روح بيومه والعرب لاحقينه

وختـامها صلي على خيرة البشر
عداد من صلى ومايمطرالمطر
شفيع الامة حزة الضيق والحشر
والماقف اللي كلنا خايفينه