منتدى سليم - الشاعر: علي مساعد / ياجاهل مر الزمان وحلاته

منتدى سليم (http://www.solaim.com/vb/index.php)

- منتدى القصائد المنقولة (http://www.solaim.com/vb/forumdisplay.php?f=82)

- - الشاعر: علي مساعد / ياجاهل مر الزمان وحلاته (http://www.solaim.com/vb/showthread.php?t=34440)

الشاعر: علي مساعد / ياجاهل مر الزمان وحلاته

http://www.rashedalmajid.com/vb/imag...ine=1214004459

يا جاهـل ٍ مـر الزمـان وحلاتـه
خذ هاك عقلي مانفعنـي ولا بيـه

في هالزمان الطيّب اعلـن وفاتـه
الطِيب مات وكـل طيّـب يعزيـه

يرحمك ياعودن حفظ لك وصاتـه
يبيـك تتبـع ساقتـه مـا تخليـه

علمك سيئات الزمـن وإحسناتـه
يامرك بالمعروف ليتـك تماشيـه

الله وهبنا ديـن واحسـن صفاتـه
وانزل لنا التشريع واجزل معانيـه

الحـق والباطـل عرفنـا جهاتـه
وما يزرع المخلوق له يوم يجنيـه

أحدن له الدنيا على الكيـف جاتـه
الله عطاه وكـل شـيٍ بـاياديـه

ما ذاق لوعات الزمـان وشقاتـه
الفقر والتجويـع يسمـع بطاريـه

وأحد ٍ يدور فـي زمانـه نجاتـه
يبي الستر والعافيه بيـن اهاليـه

عزيـز نفـس ولا يبـدّل عباتـه
راضي ويدري عيشته مـا تكفّيـه

وأحدن أبد ماخـذ طبايـع خواتـه
ضعيف راي وكلمتـه مـا تقديـه

وأحد ٍ لبس ثوب المراجـل بذاتـه
يسعد عيون اللي من الضيق ناصيه

وأحد ٍ صميدع يرهبـك بـإلتفاتـه
حرن مطالعيه عن النـاس تغنيـه

وأحدن يضيع صيدته مـن عماتـه
لا واخسارة مـن ترجّـى يعشيـه

وأحدن زرع ما نال غيـر الحتاتـه
الحظ كنـه واقفـن لـه معاديـه

وأحدن قطف ورد الزمن وإثمراتـه
باب البخت مفتـوح دايـم يناديـه

وأحدن تساوى في حياتـه مماتـه
وأحدن يموت وطيّب الذكر يحييـه

الوقت لو يومـي عليـك بعصاتـه
ماهي غريبه منه هـذي مماشيـه

يابوي هات اللي يجي منـك هاتـه
راضين باللـي ماتكنـه وتخفيـه

للشاعر / علي المساعد