راح الزعيم أبو الجميع وفقدناه = واظلم علينا الليل لجن القمر غاب
الموت حق ولو يحارب حربناه = شال الملوك ورسل الامة والاصحاب
هذا الزمن يضحك ويبكي معاناه = ويفرح ويحزن موت وفراق وحساب
مات وبقى ذكره لنا حي نلقاه = مرحوم ابن هندي يا فكاك الانشاب
اخذ حياته كلها لو خسرناه = كلاً على ماده وللميته اسباب
يا كثر من صلوا عليه ودفناه = من كل فج اشيوخ واعيان واقراب
ومن باقي الامة عزاهم سمعناه = والناس له يدعون يارب الارباب
يدعون بالجنه نزوله وسكناه = والكل منهم بعد فرقاه منصاب
في عهده الماضي على العز عشناه = علم ظهر نوره على راس محراب
ظهر كما غيثٍ من المزن منشاه= وأنبت ربيعه وأثمر بكل ما طاب
فيه الوفاء والصدق طبعه عرفناه = والحلم والطيبة له انصار واحباب
في خدمة الديرة واهلها شكرناه = صابر على شيل المهمات ما خاب
وليا طلب منا حضرنا وأجبناه = نأخذه بتوجيهه ورأيه فالأطلاب
سوى الكثير وما استطعنا ذكرناه = يلقى جزاء ما قدمه فيه ويثاب
بايع سعود الحكم كتبه بيمناه = مع ربعه السلمان يقراه بخطاب
يا بيت من ساسه جويد ورثناه = وسليم ربعي عزوتي نعم الانساب
تاريخهم شامخ موثق قريناه = في فتح مكة الف فارس وحراب
وغزوات كثر النصر فيها كسبناه = والقادسية حرب للشرك وعقاب
وعهد علينا طاعة الله وتقواه = وطاعة ملكنا وكلنا ضد الارهاب
عاش الملك فخر لنا لاعدمناه = حكامنا نرفع لهم كل ترحاب